ঙসি ফাওবগী ওইনা লৈবাক অসিগী কোনিদ-১৯গী এক্তিব কেস মশিং অসি ৩,৪২,৭৫৬ ওইরে। মীওই লাখ ৬.৩৫ হেনবনা (৬৩.৩৩%)না নাবা ফখ্রে।

মীওই বিলিয়ন ১.৩৫ লৈদুনা মালেমগী অনিশুবা মীশিং খ্বাইদগী য়াম্বা ওইরিবা ভারৎকী কেস পর মিলিয়ন অসি ৭২৭.৪নি। মালেমগী থাক্তা য়েংবদা ভারতকী কেস পর মিলিয়ন মীশিং অসি অতোপ্পা য়ুরোপিয়ন লৈবাকশিংদগী শরুক ৪দ্গী ৮ ফাওবা তাথনা লৈ।

লৈবাক অসিগী মী শিবগী চাং অসি মিলিয়ন অমদা ১৮.৬ ওইদুনা মালেমগী খ্বাইদগী য়ামদবশিংগী মনুংদা লৈরি। রাজ্য/য়ু.তি.শিংনা পুন্না হোৎনমিন্নদুনা য়ুম্থোঙ খুদিং চত্তুনা সর্বে তৌবা, কন্তেক্ত ত্রেসিং তৌবা, কন্তেনমেন্ত অমসুং বফর জোনশিংবু য়েংশিনবা, মসিগী অকোয়বা মফমশিংবু ঙাক শেন্দুনা লৈবা, পাক্তক্ননা তেস্ত তৌবা অমসুং মতম চানা লাইওং খংদোকপা অসিনা অঙনবা মতমদা অনাবা মীওইশিংবু মশক খংদোকপা ঙমহনখি। মসিনা ঙন্না লায়েংবদশু য়াম্না তেংবাংখি।

ভারতনা কোবিদ-১৯ অনাবশিংবু হকশেল অমসুং য়াইফ য়ুম্বাল মন্ত্রালয় (এম.ও.ঐচ.এফ.দবল্যু.)গী ক্লিনিকেল মেনেজমেন্ত প্রোতোকোলগী মতুং ইন্না কন্না নাদবা, ময়ায় ওইরপ্না নাবা অমসুং শাথিনা নাবগী থাক খায়দোক্তুনা য়েংশিনবগী কাংলোন অমগী তুং ইন্দুনা চৎলি। ক্লিনিকেল মেনেজমেন্তকী নিংথিনা য়াৎলবা থৌরাংশিং অসিনা ওইহন্নিংবা মায় পাকপা পুরকপা ঙম্লি। সিম্পতম উত্তবা অমসুং কন্না নাদবা মীওই চাউরাক্না ৮০%দি মেদিকেল সুপর্বিজন তৌদুনা য়ুমদা আইসোলেসন তৌহল্লি।  ময়ায় ওইরপ্না অমসুং শাথিনা নাবা মীওইশিংনা দেদিকেতেদ কোবিদ হোস্পিতালশিং নত্ত্রগা দেদিকেতেদ কোবিদ হেলথ সেন্তরশিংদা লায়েংলি। সিম্পতম উত্তবা অমসুং কন্না নাদবা মীওইশিংবু য়ুমদা আইসোলেসন তৌবা থৌওংগী পান্দমদি হোস্পিতালশিংদা মী চিলহন্দনা থম্নবনি অমসুং মসিগী মতুং ইন্না হোস্পিতালশিংদা শাথিনা নাবা মীওইশিংবু লায়েংদুনা শিবগী চাং হন্থহনবদা অহেনবা মিৎয়েং চংবা য়ানবনি। কেস মশিং ১.৯৪%দগী তাবনা আই.সি.য়ু.শিংদা, কেস মশিং ০.৩৫%না বেন্তিলেতরদা অমসুং কেস মশিং ২.৮১%না ওক্সিজেন ফমুংদা লৈরিবা অসি পনবা য়াবা ৱাফম্নি।

হোস্পিতালশিংদা লায়েংনবা পুরক্লিবা অনাবশিংবু নিংথিনা লায়েংবা ঙম্নবা মেদিকেল ইনফ্রাস্ত্রকচরশিং অসি লৈবাক শিনবা থুংবগী ওইনা হেন্না ফগৎহল্লি। অসিগুম্লবা পুন্না পাংথোকমিন্নবা থবকশিং অসিনা ঙসিদি কোবিদ-১৯ লায়েংনবা ইনফ্রাস্ত্রকচরশিং অসি মপাঙ্গল য়াম্না লৈরে। হৌজিক্তি অপুনবা ওইনা কোবিদ-১৯ দেদিকেতেদ হোস্পিতাল ১৩৮৩, দেদিকেতেদ কোবিদ হেলথকেয়র সেন্তর ৩১০৭ অমসুং কোবিদ কেয়র সেন্তর ১০,৩৮২ লৈরে। মখোয়শিংগী ওইনা অপুনবা আই.সি.য়ু.গী  ফমুং ৪৬,৬৭৩ লৈরে। রাজ্য/য়ু.তি. পুম্নমক্কী হোস্পিতালশিংদা বেন্তিলেতর ২১,৮৪৮ লৈহনখ্রে। হৌজিক এন.৯৫ মাস্ক অমসুং পি.পি.ই. কিৎকী অৱাৎপা লৈত্রে। কেন্দ্র সরকারনা রাজ্যশিং/য়ু.তি.শিং/কেন্দ্রগী ইন্সতিত্যুসনশিংদা এন.৯৫ মাস্ক লাখ ২৩৫.৫৮ অমসুং পি.পি.ই. কিৎস লাখ ১২৪.২৬ পীখ্রে।

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid১৯[at]gov[dot]in দা থাবীয়ু অমসুং অতোপ্পশিংগী ওইনা ncov২০১৯[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী) দা কোল তৌবীয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবীগনি।

***