(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• নাবা ফগৎলকপা কেস মশিংনা এক্তিব কেসকী শরুক ১.৭৫ ওইখ্রে; নাবা ফগৎলকপা অমসুং এক্তিব কেসশিংগা মরক্কী খেৎনবা লাখ ২ লানখ্রে
• লৈবাক্কী নাবা ফগৎলকপগী চাং ৬২.০৯%দা হেনগৎখ্রে
• দা. হর্শ বর্ধননা কোবিদ-১৯গী মতাংদা গ্রুপ ওফ মিনিস্তরগী ১৮শুবা মীফম পাঙথোকখ্রে
• ভারতনা মীওই মিলিয়ন খুদিংদা নাবা (৫৩৮) অমসুং মীওই মিলিয়ন খুদিংদা শিবগী চাং (১৫) মালেমগী লৈরিবা মথংশিৎনা ১৪৫৩ অমসুং ৬৮.৭সিগা য়েংনবদা ভারতনা খ্বাইদগী নেম্লি‍।
• ঙসি ফাওবগী ওইনা য়েংবদা লৈবাক অসিদা স্তেত নিপানদা অপুনবা হৌজিক নারিবা মীশিংগী চাদা ৯০ লৈরি‍ অমদি দিস্ত্রিক্ত ৪৯দা হৌজিক নারিবা মীশিংগী চাদা ৮০ লৈরি‍।
• ইন্দিয়া গ্লোবেল ৱিক হৌদোকপা থৌরমদা প্রধান মন্ত্রী ৱা ঙাংখ্রে মালেম হান্নগী ফিবমদা হঞ্জিল্লক্নবা হোৎনবদা ভারতনা অচৌবা থৌদাং অমা লৌগনি হায়খ্রে।
• ইন্দিয়ন নেভিনা “ওপরেসন সমুদ্র সেতু” মপুংফানা লোইশিনখ্রে; ভারত মচা ৩,৯৯২ মখোয়গী মরমদমদা পুরকখ্রে।

হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী পাউঃ নাবা ফগৎলকপা কেস মশিংনা এক্তিব কেসকী শরুক ১.৭৫ ওইখ্রে; নাবা ফগৎলকপা অমসুং এক্তিব কেসশিংগা মরক্কী খেৎনবা লাখ ২ লানখ্রে; লৈবাক্কী নাবা ফগৎলকপগী চাং ৬২.০৯%দা হেনগৎখ্রে

অচৌবা মাই পাকপা অমদা কোবিদ-১৯ নাবদগী ফগৎলকপা মশিংনা এক্তিব কেসশিংদগী ২,০৬,৫৮৮ হেনগৎখ্রে। ফগৎলকপা কেসশিংগী মশিংনা এক্তিব কেসশিংগী মশিংগী শরুক ১.৭২ (শরুক অনিগী ময়া) ওইরি। হৌখিবা পুং ২৪দা কোবিদ-১৯ নারিবা মীওইগী অপুনবা ১৯,৫৪৭ লায়েংদুনা ফগৎহন্দুনা কোবিদ-১৯দগী ফগৎলকখিবা মীওইগী অপুনবা মশিং ঙসি ফাওবদা ৪,৭৬,৩৭৭ শুখ্রে। য়ুম খুদিং চত্তুনা সর্ভেশিং তৌবা, ঙন্না খঙদোকপা অমসুং আইসোলেসন লোয়ননা কোবিদ-১৯ কেসশিংগী ক্লিনিকেল মেনেজমেন্ত মতম চানা অমদি মপুং ফানা তৌনবা অকনবা মীৎয়েং চংখিবগী মহৈ অমনি। হৌজিক্কী ওইনা এক্তিব কেস ২,৬৯,৭৮৯ লৈরি অমদি মখোয় পুম্নমক মেদিকেলগী মীৎয়েং মখাদা লৈরি‍। ভারতকী কোবিদ-১৯দগী ফগৎলকপগী চাং লেপ্পা লৈতনসু হেনগৎলক্লি। ঙসি কোবিদ-১৯ নারিবা মীওইশিংগী মরক্তা ফগৎলকপগী চাং ৬২.০৯%দা হেনগৎখ্রে।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637583

দা. হর্শ বর্ধননা কোবিদ-১৯গী মতাংদা গ্রুপ ওফ মিনিস্তরগী ১৮শুবা মীফম পাঙথোকখ্রে

কোবিদ-১৯গী মতাংদা অৱাংবা থাক্কী গ্রুপ ওফ মিনিস্তর (জি.ও.এম.)গী ১৮শুবা মীফম হকশেল অমদি য়াইফ-য়ুম্বালগী কেন্দ্র মন্ত্রী দা. হর্শ বর্ধননা থৌরম মপু ওইদুনা ঙসি মফমসিদা ভিদিও কন্ফরেন্সিংগী খুত্থাঙদা পাঙথোকখ্রে‍। ঙসি ফাওবদা লৈবাকসিদা আইসোলেসন ফমুং (আই.সি.য়ু. ঙাক্লৌ য়াওদবা) ৩,৭৭,৭৩৭, আই.সি.য়ু. ফমুং ৩৯,৮২০ অমসুং ভেন্তিলেতর ২০,০৪৭গা লোয়ননা ওক্সিজেনগী ঙাক্লৌ য়াওবা ফমুং ১,৪২,৪১৫ লৈবগা লোয়ননা ফেসিলিতী পুন্না ৩৯১৪ লৈরে‍। হেল্থকেয়র লোজিস্তিক্কী মতাংদনা পুন্না এন.৯৫ মায়খুম লাখ ২১৩.৫৫, পি.পি.ই. লাখ ১২০.৯৪ অমসুং ঐচ.সি.ক্যু. গুলি লাখ ৬১২.৫৭ য়েন্থোকখ্রে‍। মালেমগী ওইনা খ্বাইদগী শোকপা লৈবাক মঙা লৌখত্তুনা চাংদম্নবদা ভারতনা মীওই মিলিয়ন খুদিংদা নাবা (৫৩৮) অমসুং মীওই মিলিয়ন খুদিংদা শিবগী চাং (১৫) মালেমগী লৈরিবা মথংশিৎনা ১৪৫৩ অমসুং ৬৮.৭সিগা য়েংনবদা ভারতনা খ্বাইদগী নেম্লি‍। ঙসি ফাওবগী ওইনা য়েংবদা লৈবাক অসিদা স্তেত নিপানদা (মহারাস্ত্র, তামিল নাদু, দিল্লী, কর্নাতকা, তেলঙ্গনা, অন্ধ্র প্রদেশ, উত্তর প্রদেশ অমসুং গুজরাত) অপুনবা হৌজিক নারিবা মীশিংগী চাদা ৯০ লৈরি‍ অমদি দিস্ত্রিক্ত ৪৯দা হৌজিক নারিবা মীশিংগী চাদা ৮০ লৈরি‍।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637517

ইন্দিয়া গ্লোবেল ৱিক হৌদোকপা থৌরমদা প্রধান মন্ত্রী ৱা ঙাংখ্রে

ভিদিও-কনফরেন্সকী খুৎথাংদা ঙসি প্রধান মন্ত্রী নরেন্দ্র মোদী ইন্দিয়া গ্লোবেল ৱিক হৌদোকপা থৌরমদা ৱা ঙাংখ্রে। হৌজিক ওইরিবা অৱাবা ফিবম অসি পল্লদুনা প্রধান মন্ত্রীনা হায়খি মালেম হান্নগী ফিবমদা হঞ্জিল্লক্নবা হোৎনবদা ভারতনা অচৌবা থৌদাং অমা লৌগনি। মসি হিরম অনিগা য়াম্না নক্নবা মরী লৈনৈ। অহানবনা-ভারতকী হৈশিংবা অমসুং অনিসুবনা অহোংবা পুরকপা অমসুং অমুক হিঙ্গৎহনবা ঙম্বা ভারতকী তৌবা ঙম্বা অসিনি। মরুওইনা ভারতকী তেক ইন্দস্ত্রী অমসুং তেক্নোলোজীশিংগী শিনফম পায়রিবশিংনা পাংথোক্লিবা থবকশিং য়াওনা ভারতকী হৈশিংলবা মীওইশিং অসি মালেম শিনবা থুংনা মশক খঙলে। মহাক্না হায়খি ভারত অসি মতেং পাংনবা খৌরাংনা ঙাইদুনা লৈরিবা হৈশিংলবা মীওই কয়াগী লৈফম অমনি। মহৌশানা ভারতমচাশিং অসি অহোংবা পুরকপা মীওইশিংনি অমসুং শেন-থুম নৎত্রগা খুন্নাইগী লমদা ওইগেরা, শিংনরকপা খুদিংমক ভারতনা মায়োক্নবা ঙম্মি হায়বা পুৱারীনা উৎলে। হান্নগী ফিবমদা হঞ্জিল্লক্নবা ভারতনা ৱারী শানবদা য়াওরি: চেকশিনবগা লোয়ননা অমুক হিঙ্গৎহন্নবা, খাংবা কনবগা লোয়ননা অমুক হিঙ্গৎহন্নবা, অকোয়বগী ফিবম অমসুং শেন-থুম অনিমক তুংকোইনা চৎনগদবা মওংদা অমুক হিঙ্গৎহন্নবা।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637541

ইন্দিয়া গ্লোবেল ৱীক ২০২০ হৌদোকপগী থৌরমদা পীখিবা পি.এম.গী ৱারোল

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637540

বরানাসীদা লৈবা এন.জি.ওশিংগী মীহুৎশিংগা প্রধান মন্ত্রীগা ৱারী শানখ্রে

কোবিদ-১৯ লাইচৎ মনুংদা মীয়ামগী মতেং পাংলিবা বরানাসীদা লৈবা তোঙান-তোঙানবা এন.জি.ও.শিংগা ভিদিও কনফরেন্সকী খুৎথাংদা ঙসি প্রধান মন্ত্রী শ্রী নরেন্দ্র মোদীগা ৱারী শানখ্রে। হৌজিক কোরোনা লাইচৎ মনুংদা থৱায় য়াওনা মীয়ামগী থবক তৌবগীদমক শেংলবা অমসুং য়াইফরবা সহর বরানাসীগী মীয়াম্বু প্রধান মন্ত্রীনা থাগৎখি। প্রধান মন্ত্রীনা হায়খি থৌনা লৈনা মীয়ামগী থবক তৌনিংবা ৱাখল্লোন অমগা লোয়ননা লায়রবশিং কমদৌনা মীয়াম্না মতেং পাংলিবগে হায়বগী মতাংদা মহাক লেপ্তনা পাউ ফংলি। লায়না শন্দোরকপা ঙাকথোক্নবা পায়খৎলিবা থবকশিং, তোঙান-তোঙানবা হোস্পিতালশিংগী ফিবমশিং, ক্বারেনতাইনগী থবকশিং অমসুং শিন্মীশিংগী য়াইফনবা থবকশিংগী মতাংদা মহাক পাউ ফংলে। মহাক্না হায়খি শেংলবা সহর অসিদা লাইনিং-লাইশোনগী তোঙান-তোঙানবা থবকশিং লেপ্লবসু, কোরোনা থেংনবা, লায়রবশিংদা চানবা অমসুং মেদিকেলগী মতেং পাংবদা ঐখোয় কনাগুম্বা অমতগী মনিংদা লৈতে হায়বা বরানাসীগী মীয়াম্না উৎলে। সরকার অমসুং লোকেল এদমিনিস্ত্রেসন বোদিশিংগা খুৎশম্নদুনা থবক তৌনমিন্নবগীদমক প্রধান মন্ত্রীনা এন.জি.ওশিং থাগৎখি। প্রধান মন্ত্রীনা হায়খি অতেনবা মতমগী মনুংদা চীঞ্জাক ফংহন্নবা হেল্পলাইনশিং হাংদোকখি অমসুং মীয়ামগী চাকশঙ কয়া হাংদোকখি , দেতা সাইন্সকী মতেং লৌখি, বরানাসী স্মার্দ সিতিগী কন্ত্রোল অমসুং কমান্দ সেন্তর মপুংফানা শীজিন্নখি , লায়রবশিং মতেং পাংনবা মী খুদিংমক থৌরাং তৌদুনা লৈখি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637518

বরানাসীদা লৈবা এন.জি.ওশিংগী মীহুৎশিংগা প্রধান মন্ত্রীগা ৱারী শানখিবগী ৱারোল

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637514

ঙসি কেন্দ্রগী মন্ত্রীমন্দলনা লৌখিবা মরুওইবা ৱারেপশিং য়ুনিয়ন হোম মিনিস্তর অমিত শাহনা থাগৎখ্রে, মহাক্না প্রধান মন্ত্রী নরেন্দ্র মোদী থাগৎখ্রে

য়ুনিয়ন হোম মিনিস্তর অমিত শাহনা হায়খি কোরোনা লাইচৎ মনুংদা কনা অমতা চারা হেন্দনবা প্রধান মন্ত্রীনা লৌখিবা ফিরেপ অসি থাগৎফম থোকপনি । তুইত অমদা, লায়রবা মীওই ক্রোর কয়াদা লেম্না চীঞ্জাকশিং পীগদবা প্রধান মন্ত্রী গরিব কলয়ান অন্ন য়োজনা(পি এম জি কে এ ৱাই) নবেম্বর ফাওবা শাংদোক্নবা মন্ত্রীমন্দলগী মীফমদা ৱারেপ লৌখিবদা অমিত শাহনা প্রধান মন্ত্রী নরেন্দ্র মোদী থাগৎখি । উজৱালা য়োজনাগী মখাদা লায়রবা নুপীশিংদা থা অহুম লেম্না সিলিন্দরশিং পীনবা প্রধান মন্ত্রীনা ৱারেপ লৌখি । ইমুং কয়া সিলিন্দর অহুম ফংবা ঙমদবদগী স্কিম অসি সেপ্তেম্বর ফাওবা শাংদোক্লে । মসিনা নুপী ক্রোর ৭.৪০ কান্নবা ফংলগনি ।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637365

ভিদিও কনফরেন্সকী খুৎথাংদা লৈবাক অহুমগী এনভোয়শিংনা মখোয় মশক তাকখ্রে

ন্যু জিলেন্দ, য়ুনাইতেদ কিংদম অমসুং উজবেকিস্থানগী মিসনশিংগী লুচিংবশিংনা থমখিবা মখোয় মশক তাকপগী ৱারোলশিং ঙসি ভারতকী রাস্ত্রপতি শ্রী রাম নাথ কোবিন্দনা অয়াবা পীখ্রে। কোবিদ-১৯ লাইচৎ লাকপদগী ভিদিও কনফরেন্সকী খুৎথাদা রাস্ত্রতি ভাবন্দা মশক তাকপগী ৱারোলশিং থমখিবা অসি মসিনা অনিরকশুবনি। মখোয় ফম পুবা হৌবদা রাস্ত্রপতি কোবিন্দনা এনভোয়শিংদা য়াইফ-পাউজেলশিং পীখি। মহাক্না হায়খি লৈবাক অহুম অসিগা ভারতনা অচেৎপা মরী লৈনরি অমসুং মালেমগী মরুওইবা ৱাফমশিংদা মখোয়গা মান্নবা মিৎয়েং লৈরি। কোবিদ-১৯ লাইচৎ থেংননবা মালেমগী ওইনা মতেং পাংনবা হেনগৎহনবা অসি হৌজিক মতম অসিগী ওইনা তঙাইফদবনি। লাইচৎ অসি লাকশিন্নবা মালেমগী ওইনা পায়খৎলিবা থবকশিংদা ভারতনা মাংজিল থারি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637225

ইন্দিয়ন নেভিনা “ওপরেসন সমুদ্র সেতু” মপুংফানা লোইশিনখ্রে

কোবিদ-১৯গী লাইচৎকী মনুংদা ভারত মচা মীরৈবাক্তগী পুরক্নবা লৈবাক্কী খোংথাংগী শরুক অমা ওইনা মে ০৫, ২০২০দা হৌদোকখিবা তৌখিবা ওপরেসন সমুদ্র সেতুনা সমুদ্রগী লম্বেলদা ভারত মচা ৩,৯৯২ মখোয়গী ময়ুম লমদমদা পুরকখ্রে। ইন্দিয়ন নেভিগী জহাজ জলশৱা (লেন্দিং প্লেৎফোর্ম দোক) অমসুং ঐরাভৎ, শার্দুল অমসুং মগর (লেন্দিং শিপ তেঙ্কশিং) অসিনা নুমিৎ ৫৫নি চাংবা অমসুং সমুদ্রদা কিলোমিতর ২৩,০০০ হেন্না থৌদুনা পাঙথোকখি। লৈবাক অসিগী মফম কয়াদা দোক্তরশিং অমসুং কোবিদ-১৯গা মরী লৈনবা মচাক মথুমশিং হোন্দোক হোঞ্জিন তৌবদা ইন্দিয়ন নেভিগী আই.এল.-৩৮ অমসুং দোর্নিয়র এয়রক্রাফ শীজিন্নখি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637314

পি.আই.বি. ফিল্দ ওফিসশিংদগী ফংবা পাউ

• কেরলাঃ থিরুবনন্থপুরম শহরদা চত্থরক্লিবা ত্রিপল লোকদাউন নুমিৎ মরিনি শুজিল্লক্লে। ওথোরিতীশিংনা পুনথুরাগী ঙামীশিংগী খুঙ্গংদা লাইচৎ শন্দোকপা লাকশিন্নবা অখন্নবা থবকশিং লৌখৎলদুনা অকনবা চেকশিন থৌরাংশিং পায়খৎলি। ৱার্দ অহুম ক্রিতিকেল কন্তেন্মেন্ত জোন অমসুং মরিনা বফর জোন্নি হায়না লাউথোকখ্রে; ঙা ফাবগী থবকশিং থিংজিনখ্রে অমসুং তেস্ত তৌবগী থবক খোংজেল য়াঙখৎখ্রে। পথানাম্থিত্তাগী ফিবমসু হৌরকফম খঙদনা মীওই মরি নারকপদগী শোকচিল্লক্লি। শোক্ন-শম্নবগী কেস হেনগৎলকপনা মরম ওইদুনা সরকারনা ত্রিৎমেন্ত ফেসিলিতীশিং অমসুং রিভর্স ক্বারেন্তিনদা অহেনবা মীৎয়েং চঙনবা খঙহনখ্রে। ঙরাং কেরলাদা কোবিদ-১৯গী অনৌবা কেস ৩০১ লাকখি, মসিনা নোংমদা লাকপা কেস খ্বাইদগী য়াম্বা ওইগদৌরি। কেসশিং অসিগী মনুংদগী ৯০দি লোকেল ত্রান্সমিসননি।
• তমিল নাদুঃ মুখ্য মন্ত্রী পলানিস্বামীনা কেরলাগী মুখ্য মন্ত্রীদা তমিল নাদুগী ঙামীশিং কেরলাদা ওগস্ত ১দগী ঙা ফাবা য়াহনবীনবা হংগৎখ্রে; তমিল নাদুগী মেচিন্না থৌবা ঙা ফানবা হি ৩৫০ অমসুং মহৌশাগী হি ৭৫০ রোম কেরলাগী তোঙান-তোঙানবা ঙামীশিংগী হিথাংফমশিংদা পন্দুনা লৈরি। মদ্রাস হাই কোর্তনা তমিল নাদুদা লোকদাউন মনুংদা মৈগী বিল ৱাংখৎলকপগী মথক্তা প্লিগী ওরদর অমা রিজর্ব তৌখ্রে। য়ুমশকৈশা নুমিত্তা রাজ্য অসিদা অনৌবা কেস ৩,৭৫৬ লাকখি মসিগী মনুংদগী ১২৬১দি চেন্নইদগীনি – মমাংগী থাদা ২,০০০ লাকখিবদুগা হায়রুরবদি মশীং হন্থরে। ঙরাং রিকোবরী ৩০৫১ অমসুং মীওই ৬৪ লৈখিদ্রে। অপুনবা কেসঃ ১,২২,৩৫০, এক্তিব কেসঃ ৪৬,৪৮০, লৈখিদ্রবাঃ ১৭০০, চেন্নইদা লৈবা এক্তিব কেসঃ ২১,৭৬৬।
• করনাতাকাঃ রাজ্য সরকারদা অনৌবা কেস হেনগৎলক্লিবসি য়েংলদুনা, রাজ্যগী মন্ত্রী মন্দলনা জিল্লা খুদিংমক্কী অমসুং তলুক হোস্পিতালশিংদা হায় ফ্লো ওক্সিজেন সিস্তেম লিংখৎনবা অমসুং ফমুং হেনগৎনবা লুপা কোতি ২০৭ কাইথোকপদা অয়াবা পীখ্রে। রাজ্য সরকারনা পি.ঐচ.সি.শিংনা মেদিকেল ইক্বিপমেন্ত অমসুং ফর্নিচরশিং লৈননবগীদমক লুপা কোতি ৮৬ কাইথোকখ্রে। প্রাইবেৎ হোস্পিতালশিংদা হোতেলশিংগা খুৎশম্নদুনা লাইওং লাক্ত্রিবা অনাবশিং অমসুং লাইওং খজিক লৈবা অনাবশিং লাইয়েংনবগীদমক কোবিদ-কেয়র সেন্তর হাংলগনি। হোস্পিতালগী ফমুং অমসুং কোবিদ কেয়র সেন্তরশিং অসিগা পুন্না প্রাইবেৎ হোস্পিতালশিংদা লাক্কদৌরিবা নুমিৎশিং অসিদা ফমুং ৬০০০তগীনা ৭০০০ ফাওবা লৈরগনি। ঙরাং অনৌবা কেস ২০৬২ লাক্লে অমসুং ৭৭৮ দিসচার্জ অমসুং মীওই ৫৪ লৈখিদবগী রিপোর্ত তৌরকখ্রে। অপুনবা পোজিতিব কেসঃ ২৮৮৭৭, এক্তিব কেসঃ ১৬৫২৭, লৈখিদ্রবাঃ ৪৭০।
• অন্ধ্র প্রদেশঃ রাজ্য সরকারনা হোস্পিতালশিংদা কোবিদ-১৯ লাইয়েংবগী মমল লেপখ্রে। আরোগ্যাসি স্কিমগী মখাদা কোবিদ-১৯ প্রোসিজর ১৫ হাপচিন্নবা চেরোল থোকখ্রে। প্রাইবেৎ হোস্পিতালশিংবু কাংলুপ অহুম থোক্না খায়দোকখ্রেঃ কেতিগোরী ক – কোবিদ-১৯ লাইয়েংনবগী খক্তা; কেতিগোরী খ – কোবিদ-১৯ অমসুং অতোপ্পা কেসশিংগীদমক অমসুং ; কেতিগোরী গ – কোবিদ-১৯ নত্তবা অনাবশিংগীদমক। কুরনুল জিল্লাদা কেস মশীং হেনগৎলকপনা ওফিসিএলশিংনা কুরনুলগী সরকারগী মেদিকেল সেন্তরবু কোবিদ-১৯ হোস্পিতাল ওন্থোক্নবা খঙহনখ্রে। রাজ্য সরকারনা ক্লাস ১-১০গী পরাশিং লাইব ওইনা দুরদর্শন্দা জুলাই ১৩দগী ৩১ ফাওবা থানবা করিক্যুলম সেদ্যুল থোকখ্রে। হৌখিবা পুং ২৪ অসিদা অনৌবা কেস ১৫৫৫, দিসচার্জ তৌখিবা ৯০৪, অমসুং লৈখিদ্রবা ১৩ রিপোর্ত তৌরকখ্রে। অপুনবা কেসঃ ২৩,৮১৪, এক্তিব কেসঃ ১১৩৮৩, দিসচার্জঃ ১২১৫৪, লৈখিদ্রবাঃ ২৭৭।
• তেলঙ্গানাঃ ম্যুনিসিপাল এদমিনিস্ত্রেসন মন্ত্রী কে.তি. রামা রাওনা হায়খ্রে মদুদি লৈবাক অসিগী মীয়ামদদি মতম শাংনা লোকদাউন তৌবা হায়বসি চুনদে। শগোলশেল নুমিত্তগী হায়দেরবাদ, মেদচাল অমসুং রঙ্গরেদ্দীদা জিল্লাদা এন্তিজেন শীজিন্নদুনা কোবিদ-১৯ তেস্ত তৌবা হৌখ্রবসু, সরকারনা হৌজিকফাওবদা চিংনবা লৈবনা আর.তি.-পি.সি.আর. তেস্ত মশীং হেন্না তৌনবা হায়রি। ঙরাং ফাওবদা লৈখিবা অপুনবা কেসঃ ২৯,৫৩৬, এক্তিব কেসঃ ১১,৯৩৩, লৈখিদ্রবাঃ ৩২৪ দিসচার্জঃ ১৭২৭৯।
• চন্দিগরঃ য়ু.তি. চন্দিগরগী এদমিনিস্ত্রেতরনা হকশেলগী প্রিন্সিপাল সেক্রেতরীদা বাইও মেদিকেল ৱেস্ত খুদিংমক মরুওইনা পি.পি.ই.শিংবু সাইন্তিফিক ওইবা মওংদা মাংহনখিনবা হায়খ্রে। মহাক্না মখা তানা হকশেলগী ওফিসিএলশিংদা স্ক্রীনিং তৌনবগীদমক চৎলিবা কাংবুনা ওক্সিজেনগী চাংবু খুদক্তা য়েংবা য়ানবগীদমক ওক্সিমিতর পুদুনা চৎনবসু খঙহনখি। করিগুম্বদা তঙাইফদ্রবদি, মসিনা ইনফেক্সন অদু কদাইফাওবা ফিবম শোকচিল্লিবগে হায়বা খঙবদা মতেং পাংগনি হায়রি।
• পঞ্জাবঃ কোবিদ-১৯না ওইহল্লক্লিবা খুদোংথীনিঙাই ওইবা ফিবম অসি য়েংলদুনা পঞ্জাব সরকারনা ইসঞ্জিবানি ও.পি.দি.গী মতম গাইনেকোলোজী ও.পি.দি. অমসুং জেনরেল ও.পি.দি. সর্বিসশিংগীদমক অয়ুক পুং ৮দগী নুংথিল পুং ২ (নিংথৌকাবদগী থাংজ) ফাওবা শাংদোকখ্রে। মসিগী খোংথাং অসি স্পেসিএলিস্ত দোক্তরশিংবু রিএল তাইমদা অনাবশিংদা তেলি কন্সলতেসন ওনলাইনগী খুথাংদা ফংহন্নবা অমসুং রাজ্য অসিগী মফম খুদিংমক্তা লৈরিবা মীয়ামদা অশোই অঙাম থোক্তনবগীদমক লৌখৎলকখিবনি।
• হরিয়ানাঃ হরিয়ানাগী চীফ সেক্রেতরীনা হায়খ্রে মদুদি রাজ্য অসিদা নোভেল কোরোনা ভাইরস শন্দোকপা লাকশিন্নবগীদমক খুদক্কী ওইবা থৌরাং কয়া অমা পায়খৎলি হায়না ফোংদোকখ্রে। মহাক্না দিপ্যুতী কম্মিসনরশিংদা কা হেন্না ফরবা সর্বিলিএন্স, লাকশিন্নবগী থৌরাং হেন্না হকচিন্না লৌখত্তুনা, কন্তেক্ত ত্রেসিং থুনা তৌহৌদুনা, ক্লিনিকেল মেনেজমেন্ততা ইনফোর্মেসন এদ্যুকেসন অমসুং কম্ম্যুনিকেসনগী থবকশিংগা লোইননা কোবিদ-১৯ মেনেজমেন্তকী থবক খোংজেল য়াঙখৎহন্নবা য়াথং পীখি। পুলিসনা কন্তেন্মেন্ত জোনশিংদা চঙবা অমসুং থোকপদা মীৎকুপ নাহুমশিংনা য়েংশিল্লি হায়নসু ফোংদোকখি।
• হিমাচল প্রদেশঃ কোবিদ-১৯ লাইচৎ অসিনা ঐখোয় পুম্নমকপু তোপ-তোপ্পা মওংদা খন্দুনা চান্নবা মওংদা থবক পায়খৎনবা পরা অমা তম্বীরে হায়না মুখ্য মন্ত্রীনা ফোংদোকখ্রে। অঙ্গনৱারি ৱারকরশিংনসু কম্ম্যুনিতীগী থাক্তা শন্দোক্তনবা হোৎনরি হায়না মহাক্না ফোংদোকখি। মখোয়না মীয়ামদা সোসিএল দিস্তেন্সিংগী মতাংদা পাউজেল পীবদা নত্তনা মাস্ক শীজিন্নবসু তম্বীরি অমসুং হোম ক্বারেন্তিনগী কাঙলোনশিং মতীক চানা ইলহন্নবা হোৎনবদা মতেং পাংলি।
• মহারাস্ত্রাঃ মহারাস্ত্রদা মীওই ৬,৬০৩ পোজিতিব ওইরকপগা লোইননা রাজ্য অসিগী অপুনবা মশীং ২,২৩,৭২৪ লৈরি। কোবিদ অনাবা ১,২৩,১৯২ ফখ্রে অমসুং এক্তিব কেস ৯১০৬৫ লৈহৌরি। লৈবাকপোকপা নুমিত্তা মুম্বাইদা অনৌবা কেস ১,৩৮১ লাকখ্রে।
• গুজরাৎঃ হৌখিবা পুং ২৪ অসিদা অনৌবা কেস ৭৮৩ লাকপগা লোইননা হৌজিক ফাওবদা রাজ্য অসিদা অপুনবা কেস ৩৮,৪১৯ য়ৌরে। মসিগা লোইননা মীওই ১৬ লৈখিদ্রে, মসিনা রাজ্য অসিদা কোবিদ-১৯না মরম ওইদুনা লৈখিদবা মীওই ১৯৯৫ শুখ্রে। খ্বাইদগী য়াম্বা কেস মশীং ওইনা সুরত্তগী ২১৫, অহেমদবাদতগী ১৪৯ লাকখি। রাজ্য অসিদা হৌজিক ফাওবদা লাখ ৪গা লীশিং ৩৩ তেস্ত তৌখ্রে।
• রাজস্থানঃ রাজ্য অসিগী অপুনবা মশীং ২২,০০০ লানখ্রে। ঙসি অয়ুক্তা অনৌবা কেস ১৪৯ লাকপা য়ুমশকৈশদা ৬৫৯ লাকপগা লোইননা রাজ্য অসিগী অপুনবা মশীং ২২,২১২ য়ৌখ্রে। অয়াম্বা কেস মশীংনা নাগপুরদগী ২৯ লাকখি, মসিগী মতুংদা জয়পুরদগী ২৫ অমসুং অলৱরদগী ২১ লাকখি।
• মধ্য প্রদেশঃ রাজ্য অসিদা অনৌবা পোজিতিব কেস ৪০৯ লাকখ্রে, মসিনা অপুনবা কেস মশীংদা ১৬,০৩৬ য়ৌহনখ্রে। রাজ্য অসিদা এক্তিব কেস মশীং ৩৪২০ লৈরি, অদুগা অপুনবা রিকোবরী মশীংনা ১১,৯৮৭ য়ৌখ্রে। রাজ্য অসিদা কোবিদ-১৯না মরম ওইদুনা মীওই ৬২৯ লৈখিদ্রে। মোরেনা জিল্লাদগী রেকোর্দ ওইনা অনৌবা কেস ১১৫ লাকখি, মসিগী মতুংদা বোপালদগী ৭০ লাকখি, গ্বালিয়রদগী ৬৮ অমসুং ইন্দোরদগী ৪৪ লাকখি।
• ছতিশগরঃ অনৌবা কেস ১০০ লাকখ্রে, মসিনা কোবিদ-১৯গী অপুনবা মশীংদা ৩,৫২৬ য়ৌহনখ্রে। রাজ্য অসিদা হৌজিক্কী ওইনা এক্তিব কেস ৬৭৭ লৈরি।
• গোৱাঃ য়ুমশকৈশা নুমিত্তা অনৌবা পোজিতিব সেম্পল ১৩৬ লাকখ্রে। রাজ্য অসিগী অপুনবা কোবিদ-১৯ মশীং ২০৩৯ য়ৌখ্রে অমসুং এক্তিব কেস মশীং ৮২৪ লৈরি।

*****