ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਤਕਨੀਕੀ ਖੇਤਰ ਨਾਲ ਜੁੜੇ ਲੋਕਾਂ ਨੂੰ ਆਤਮਨਿਰਭਰ ਭਾਰਤ ਐਪ ਇਨੋਵੇਸ਼ਨ ਚੈਲੰਜ ਵਿੱਚ ਹਿੱਸਾ ਲੈਣ ਦੀ ਤਾਕੀਦ ਕੀਤੀ ਹੈ।

ਇਸ ਉਦੇਸ਼ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਇਲੈਕਟ੍ਰੌਨਿਕ ਅਤੇ ਸੂਚਨਾ ਟੈਕਨੋਲੋਜੀ ਮੰਤਰਾਲੇ  ਨੇ ਅਟਲ ਇਨੋਵੇਸ਼ਨ ਮਿਸ਼ਨ ਨਾਲ ਮਿਲ ਕੇ ਆਤਮਨਿਰਭਰ ਭਾਰਤ ਐਪ ਇਨੋਵੇਸ਼ਨ ਚੈਲੰਜ ਪੇਸ਼ ਕੀਤਾ ਹੈ,  ਜੋ ਦੋ ਦਿਸ਼ਾਵਾਂ ਵਿੱਚ ਚਲੇਗਾ:  ਮੌਜੂਦਾ ਐਪਸ ਨੂੰ ਪ੍ਰੋਤਸਾਹਨ ਅਤੇ ਨਵੇਂ ਐਪਸ ਦਾ ਵਿਕਾਸ।  ਇਸ ਚੈਲੰਜ ਵਿੱਚ ਸੰਪੂਨਰਤਾ ਲਿਆਉਣ  ਦੇ ਉਦੇਸ਼ ਨਾਲ ਇਸ ਦਾ ਆਯੋਜਨ ਸਰਕਾਰ ਅਤੇ ਤਕਨੀਕੀ ਸਮੁਦਾਇ ਦੁਆਰਾ ਸੰਯੁਕਤ ਰੂਪ ਨਾਲ ਕੀਤਾ ਜਾਵੇਗਾ।

ਈ - ਲਰਨਿੰਗ,  ਵਰਕ ਫਰੋਮ ਹੋਮ,  ਗੇਮਿੰਗ,  ਕਾਰੋਬਾਰ,  ਮਨੋਰੰਜਨ,  ਦਫ਼ਤਰ ਸੇਵਾਵਾਂ ਅਤੇ ਸੋਸ਼ਲ ਨੈੱਟਵਰਕਿੰਗ ਦੀਆਂ ਸ਼੍ਰੇਣੀਆਂ ਵਿੱਚ ਮੌਜੂਦ ਐਪਸ ਅਤੇ ਪਲੈਟਫਾਰਮਾਂ ਨੂੰ ਪ੍ਰੋਤਸਾਹਨ ਦੇਣ ਲਈ ਸਰਕਾਰ ਸਲਾਹ,  ਮਾਰਗਦਰਸ਼ਨ ਅਤੇ ਸਮਰਥਨ ਉਪਲੱਬਧ ਕਰਵਾਏਗੀ।  ਟ੍ਰੈਕ-01 ਲੀਡਰ - ਬੋਰਡ ਲਈ ਚੰਗੀ ਗੁਣਵੱਤਾ ਵਾਲੀਆਂ ਐਪਸ ਦੀ ਪਹਿਚਾਣ ਦੀ ਦਿਸ਼ਾ ਵਿੱਚ ਇੱਕ ਮਿਸ਼ਨ ਦੀ ਤਰ੍ਹਾਂ ਕੰਮ ਕਰੇਗਾ ਅਤੇ ਇਸ ਨੂੰ ਲਗਭਗ ਇੱਕ ਮਹੀਨੇ ਵਿੱਚ ਪੂਰਾ ਕਰ ਲਿਆ ਜਾਵੇਗਾ।  ਨਵੀਆਂ ਐਪਸ ਅਤੇ ਪਲੈਟਫਾਰਮ ਵਿਕਸਿਤ ਕਰਨ ਲਈ,  ਟ੍ਰੈਕ-02 ਪਹਿਲ ਵਿਚਾਰ,  ਵਿਕਸਿਤ ਕਰਨ,  ਪ੍ਰੋਟੋਟਾਈਪ  (ਨਮੂਨੇ ਤਿਆਰ ਕਰਨਾ)  ਵਿੱਚ ਸਮਰਥਨ ਅਤੇ ਬਜ਼ਾਰ ਤੱਕ ਪਹੁੰਚ ਉਪਲੱਬਧ ਕਰਵਾ ਕੇ ਭਾਰਤ ਵਿੱਚ ਨਵੇਂ ਚੈਂਪੀਅਨਜ਼ ਤਿਆਰ ਕਰਨ ਵਿੱਚ ਸਹਾਇਤਾ ਕਰੇਗੀ।

ਪ੍ਰਧਾਨ ਮੰਤਰੀ ਨੇ ਲਿਖਿਆ ਕਿ ਇਸ ਚੈਲੰਜ ਦੇ ਬਾਅਦ ਮੌਜੂਦਾ ਐਪਸ ਨੂੰ ਆਪਣੇ ਟੀਚੇ ਹਾਸਲ ਕਰਨ ਲਈ ਜ਼ਿਆਦਾ ਦ੍ਰਿਸ਼ਟਤਾ ਅਤੇ ਸਪਸ਼ਟਤਾ ਮਿਲੇਗੀ।  ਇਸ ਨਾਲ ਪੂਰੇ ਜੀਵਨ ਚੱਕਰ ਦੌਰਾਨ ਸਲਾਹ-ਮਸ਼ਵਰਾ,  ਤਕਨੀਕੀ ਸਮਰਥਨ ਅਤੇ ਮਾਰਗਦਰਸ਼ਨ  ਦੇ ਰੂਪ ਵਿੱਚ ਸਹਾਇਤਾ ਨਾਲ ਤਕਨੀਕ ਨਾਲ ਜੁੜੀਆਂ ਪਹੇਲੀਆਂ  ਦੇ ਸਮਾਧਾਨ ਉਪਲੱਬਧ ਕਰਵਾਉਣ ਵਾਲੇ ਤਕਨੀਕੀ ਉਤਪਾਦ ਵਿਕਸਿਤ ਕੀਤੇ ਜਾ ਸਕਣਗੇ। 

ਪ੍ਰਧਾਨ ਮੰਤਰੀ ਨੇ ਆਪਣੇ ਵਿਚਾਰ ਸਾਂਝੇ ਕੀਤੇ ਅਤੇ ਪੁੱਛਿਆ ਕਿ ਕੀ ਤਕਨੀਕ ਪਰੰਪਰਾਗਤ ਭਾਰਤੀ ਖੇਡਾਂ ਨੂੰ ਜ਼ਿਆਦਾ ਮਕਬੂਲ ਬਣਾਉਣ ਵਿੱਚ ਸਹਾਇਤਾ ਕਰ ਸਕਦੀ ਹੈ,  ਕੀ ਪੁਨਰਵਾਸ ਅਤੇ ਸਲਾਹ-ਮਸ਼ਵਰਾ ਹਾਸਲ ਕਰਨ ਵਿੱਚ ਲੋਕਾਂ ਨੂੰ ਸਹਾਇਤਾ ਕਰਨ ਵਾਲੀਆਂ ਐਪਸ ਵਿਕਸਿਤ ਹੋ ਸਕਦੀ ਹਨ ਜਾਂ ਕੀ ਲਰਨਿੰਗ,  ਗੇਮਿੰਗ ਆਦਿ ਲਈ ਠੀਕ ਉਮਰ ਵਰਗ ਉੱਤੇ ਲਕਸ਼ਿਤ ਹੋਰ ਬਿਹਤਰ ਪਹੁੰਚ ਵਾਲੀਆਂ ਐਪਸ ਵਿਕਸਿਤ ਕੀਤੀਆਂ ਜਾ ਸਕਦੀਆਂ ਹਨ।  ਉਨ੍ਹਾਂ ਨੇ ਤਕਨੀਕੀ ਖੇਤਰ ਨਾਲ ਜੁੜੇ ਲੋਕਾਂ ਨੂੰ ਆਤਮਨਿਰਭਰ ਐਪ ਈਕੋਸਿਸਟਮ ਦੇ ਨਿਰਮਾਣ ਵਿੱਚ ਹਿੱਸਾ ਲੈਣ ਅਤੇ ਸਹਾਇਕ ਬਣਨ ਦੀ ਤਾਕੀਦ ਕੀਤੀ ਹੈ।

*****

ਵੀਆਰਆਰਕੇ/ਐੱਸਐੱਚ