প্রধান মন্ত্রী শ্রী নরেন্দ্র মোদীনা ঙসি ধর্ম চক্র নুমিৎ হৌদোকপগী থৌরমদা ভিদিও ৱারোল অমা থমখ্রে‍। ইন্তরনেস্নেল বুদ্ধিস্ত কনফিদরেসননা ভারত লৈঙাক্কী কলচর মন্ত্রালয়গী মীৎয়েং মখাদা অসধ পুর্নিমাবু জুলাই ২, ২০২০দা ধর্ম চক্র নুমিৎ হায়না পাঙথোক্লি‍। থৌরম অসি হৌজিক্না য়ু.পি.গী বরানসি মনাক্তা লৈবা সর্নাথ হায়রিবা দিয়র পার্কতা মহাক্কী অহানবা মশাগী ওইজবা থাদোক্লবা তুংইল্লোয় মঙাদা গৌতম বুদ্ধনা পীখিবা অহানবা পাউতাক ৱারোল নীংশিংদুনা পাঙথোকপনি‍। নুমিৎ অসিবু মালেম পুমবদা লৈরিবা বুদ্ধিস্তশিংনা ধর্ম চক্র পর্বত্তন নৎত্রগা “ধর্মগী কাংখোং উংলকপা” নুমিৎ হায়না পাংথোক্নরি‍।

প্রধান মন্ত্রীনা গুরু পুর্নিমা হায়নসু খঙনবা অসধ পুর্নিমাগী য়াইফ পাউজেল পীখি অমদি লোর্দ বুদ্ধদা শ্রদ্ধাঞ্জলি কৎখি‍। মোঙ্গোলিয়া লৈঙাক্তা মোঙ্গোলিয়ন কঞ্জুরগী কোপীশিং খুদোল তমখিবগীদমক্তসু মহাক্না নুংঙাইবা ফোঙদোকখি‍।

প্রধান মন্ত্রীনা লোর্দ বুদ্ধনা তাক্লমবা ৱাফমশিং অমদি খুন্নাই অমদি লৈবাক কয়া নুংঙাই য়াইফনা লৈনবগী পাম্বৈ তাকপা লম্বী নীপানগী মতাংদা ৱাফমশিং থমখি‍। বুদ্ধিজম্না মীওইবা, নুপী, লায়রববু ইকায়খুম্ননবা, ইং চীকপা অমদি অহিংসাগী মতাংদা তাক্লমবা ৱাফমশিং অমদি তাক্লম্লিবা ৱাফমশিংসিনা তুং কোইনা লৈগদবা মালেমগী মতাংদা করি হায়রিবনো হায়বগী মতাংদসু ৱাফম কয়া থমখি‍।

প্রধান মন্ত্রীনা হায়খিবদা লোর্দ বুদ্ধনা নীংজবা অমদি পান্দমগী মতাংদা ৱাফম কয়া হায়রম্মী অমদি অনি অসিগী মরক্তা লৈনবা মরীবু উরম্মী‍। মহাক্না ২১শুবা চহীচা অসিগীদমক্তা নীংজবশিং অমদি নীংজরিবশিং অসি নহা ওইবগী ইফুত্তগী হৌরকপনি হায়বা ৱাফম থমখি‍। হৈ শিংলবা নহাশিংনা মালেমগী সমস্যাশিংগী পাম্বৈ থিরিবা খ্বাইদগী চাউবা স্তার্ত-অপ ইকোসিস্তেম ভারত্তা লৈ হায়না মহাক্না হায়খি‍।

প্রধান মন্ত্রীনা হায়খিবদা মালেম অসিনা ঙসি অচৌবা শীংনবা অমা মায়োক্নরি, মসিগী তুং কোইবা পাম্বৈদি লোর্দ বুদ্ধগী ৱাখল্লোনদগী লাকপা ঙমগনি‍। মহাক্না বুদ্ধিস্ত নাৎকী মফমশিংগা মীয়ামগা হেন্না নকশিন্নহনবা অমদি হায়রিবা মফমশিংসিদা চত্থোক চৎশিনগী পাম্বৈ ফগৎহনবা মথৌ তাবগী মতাংদা ৱাফমশিং ফোঙদোকখি‍। লাইনীংবশিং অমদি লমকোয়বশিং চত্থোক চৎশিনগী ফীভম ফগৎহনগদবদা অমদি মফমদুগী শেন্মিৎলোন ফগৎহনগদবা মওংদা য়ু.পি.গী কুশিনগর এয়রপোর্তপু মালেমগী এয়রপোর্ত ওইনা লাউথোকখিবা কুইদ্রিবা কেবিনেতকী ৱারেপকী মতাংদসু মহাক্না পনখি‍।

***