(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• প্রধান মন্ত্রীনা কোবিদ-১৯দগী ঙাকথোক্নবা তিকা থাদোক্নবগী থৌরাং অমসুং থৌশিল য়েংশিন্নবগী মীফমদা ময়াই তাংবল লৌখ্রে।
• হৌজিক ফাওবদা, এক্তিব কেস মশীংগা রিকোবর্দ কেস মশীংনা ১,১৯,৬৯৬ হেনখ্রে।
• হৌখিবা পুং ২৪ অসিদা কোবিদ-১৯ অনাবা ১৩,০৯৯ নাবা ফখিবা থারগা মীওই ৩,৩৪,৮২১ কোবিদ-১৯দগী নাবা ফখ্রে/ দিসচার্জ তৌখ্রে, মসিনা কোবিদ-১৯ অনাবশিংগী মরক্তগী রিকোবরী রেৎনা ৫৯.০৭% য়ৌরে।
• এম.ঐচ.এ.না কন্তেন্মেন্ত জোনগী মপান্দা লৈবা মফমশিংদা থবক ইনখাং হেন্না পায়খৎ য়ানবা অনলোক-২গী অনৌবা কাংলোন পুথোকখ্রে; জুলাই ৩১, ২০২০ ফাওবদা অকনবা চেকশিন থৌরাংগা লোইননা লোকদাউন মখা চত্থখিগনি।
• প্রধান মন্ত্রীনা ঙসি লৈবাক মীয়ামদা ৱা ঙাংখ্রে অমসুং প্রধান মন্ত্রী গরীব কল্যান য়োজনা নবেম্বর ফাওবা শাংদোক্লে হায়না লাউথোকখ্রে।

প্রধান মন্ত্রীনা কোবিদ-১৯দগী ঙাকথোক্নবা তিকা থাদোক্নবগী থৌরাং অমসুং থৌশিল য়েংশিন্নবগী মীফমদা ময়াই তাংবল লৌখ্রে

প্রধান মন্ত্রী শ্রী নরেন্দ্র মোদীনা কোবিদ-১৯ ঙাকথোক্নবা তিকা থাদোকপগী থৌরাং অমসুং থৌশিল য়েংশিন্নবা অমসুং তিকা অসি করম্বা মতমদা ফংগদগে হায়বগী মতাংদা খন্ননবা ঙসি পাঙথোকখিবা অৱাংবা থাক্কী মীফম অমদা ময়াই তাংবল লৌখ্রে। ভারতকী মীশিং য়াম্লবা অমসুং তোঙান-তোঙানবা কানলুপকী লৈবাক অসিদা অসিগুম্বা লৈবাক শিনবা থুংনা তিকা থাদোকপা হায়বসি মেদিকেল সপ্লাই চেন শীন্দোকপা, খুদোংথীবা থোক্কদবগী ঙাইদুনা লৈরবশিংদা হান্না পাঙথোক্নবা হোৎনবা, থৌরাং অসিদা শরুক য়ারিবা এজেন্সীশিংগী মরক্তা মরী শম্নবা, মসিগী মথক্তা প্রাইবেৎ অমসুঙ সিবিল সোসাইতীশিংগী থৌদাংশিংদা থেংনগদবা খুদোংচাদবশিং মাঙজৌননা খঙদোকপা চঙই হায়না প্রধান মন্ত্রীনা ফোংদোকখি।

অসিগুম্বা লৈবাক পুম্বগী ওইবা থৌরাং অসিগী য়ুম্ফম শেমগদবা কাংলোন মরি প্রধান মন্ত্রীনা মরীক চুম্না থমখিঃ অহানবদা, খুদোংথীবা থোক্কদবগী ঙাইদুনা লৈরবশিং মশক খঙদোকপা অমসুং মখোয়বু হান্না তিকা থাবা, খুদম ওইনা হায়রবদা, দোক্তরশিং, নর্সশিং, হেলথ ৱার্কর, হিদাক লাংথক্কা মরী লৈনদবা কোরোনাগী লান্মীশিং অমসুং মীয়াম মরক্তা লৈরিবশিংদগী খুদোংথীবা থোকপা য়াবা মীওইশিং, অনীশুবদা, "মী অমহেক্তা, মফম অমহেক্তদা" তিকা থাদোক্কদবনি, হায়বদি মফম অদুগী মীনি নত্তবনি থিদনা, অহুমশুবদা, তিক্কা থাবা হায়বসি শেল কা হেন্না চঙহল্লোইদবনি, অমসুং য়ুনিবর্সেল ওইগদবনি- মী অমত্তা কান্থোক্লোইদবনি; অমসুং মরিশুবদা, পুথোকপদগী হৌদুনা তিকা থাবা ফাওবদা রিএল তাইম ওইনা য়েংশিনগদবনি অমসুং তেক্নোনলোজী শীজিন্নদুনা ওইথোকহনগদবনি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635319

হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী পাউঃ কোবিদ-১৯গী অপদেৎ নাবা ফগৎলকপগী চাং হেনগৎলক্তুনা চাদা ৬০ য়ৌরে এক্তিব কেস মশিংদগী হেন্দুনা হৌজিক নাবা ফরবা মীওই মশিং লাখ ১.২০ হেল্লে

কোবিদ-১৯ লাকশিন্নবা অমসুং লায়েংনবা ভারত সরকার অমসুং রাজ্যশিং/য়ুতিশিংনা পুন্না অকনবা থবকশিং পায়খৎপদগী কোবিদ-১৯ অনাবা মীওইশিংগী মরক্তা ফরকপগী চাদা হৌজিক চাদা ৬০ য়ৌরে। হৌজিক ফাওবদা কোবিদ-১৯ এক্তিব কেস মশিংগী হেন্দুনা মীওই ১,১৯,৬৯৬ অনাবা ফরে। হৌজিক এক্তিব কেস ২,১৫,১২৫ লৈরি অমসুং পুম্নমক মেদিকেলগী চেকশিন-থৌরাং মখাদা লায়েংলি অমসুং অনাবা ৩,৩৪,৮২১ দিসচার্জ তৌখ্রে। মসিনা মরম ওইদুনা কোবিদ-১৯ অনাবা মীওইশিংগী মরক্ত ফরকপগী চাং চাদা ৫৯.০৭ য়ৌরে। হৌখিবা পুং ২৪দা কোবিদ-১৯ অনাবা মীওই ১৩,০৯৯ অনাবা ফরে। হৌজিক চাংয়েং তৌনবা লেব মশিং লেপ্তনা হেনগৎলি। হৌজিক ভারত্তা কোবিদ-১৯ চাংয়েং তৌনবা লেব ১০৪৯ লৈরে। মসিগী মনুংদা সরকারগী ৭৬১ অমসুং লনাইগী লেব ২৮৮ নি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635316

হোম এফিয়র্স মন্ত্রালয় (এম.ঐচ.এ)না অনলোক ২গী অনৌবা গাইদলাইনশিং লাউথোকখ্রে

কেন্দ্রগী হোম এফিয়র্স মন্ত্রালয় (এম.ঐচ.এ)না কন্তেনমেন্ত জোনশিংগী মনুং চন্দবা মফমশিংগী থবক থৌরম কয়াদা অথিংবা কোমথোক্নবা অনলোক ২গী অনৌবা গাইদলাইনশিং লাউথোকখ্রে। অনৌবা গাইদলাইনশিং অসি জুলাই ১, ২০২০দগী চৎনবা হৌরগনি, তাঙ্কক নাইবা মওংদা থবক থৌরমশিং অমুক হন্না হাংনবগী থৌরাং মখা চৎথখ্রে। স্তেৎ অমদি য়ু.তি. পুম্নমক্তগী পীরকপা ফীদবেক নৈনরবা মতুং মরী লৈনবা কেন্দ্রগী মন্ত্রালয়শিং অমসুং বিভাগশিংগা লোয়ননা কুপ্না তান্নরগা অনৌবা গাইদলাইনশিং অসি ঙসি ফোঙখি। ৩০.০৫.২০২০দা থোকখিবা অনলোক ১গী ওর্দর অমসুং গাইদলাইনশিংদা থমখিবগী মতুং ইন্না, মখল কয়াগী থবক থৌরমশিং মদুদি লাইনিং-লাইশোনগী মফমশিং অমসুং মীয়ামগী লাইখুরুম্ফমশিং; হোতেলশিং, রেস্তোরেন্তশিং অমসুং অতোপ্পা হোস্পিতেলিতি সর্ভিসশিং; অমসুং শোপ্পিং মোলশিং; কন্তেনমেন্ত জোনশিংদা জুন ৮, ২০২০দগী হান্ননা অয়াবা পীখ্রে। স্তেন্দর্দ ওপরেতিং প্রোসিজরশিং (এস.ও.পি.শিং)গী অকুপ্পা ৱারোলসু ফোঙখ্রে। দোমেস্তিক ফ্লাইৎশিং অমসুং পেসেঞ্জর পুবা ত্রেনশিং হান্নদগী হৌনা অককনবা মওংদা চল্লাইনবা অয়াবা পীখ্রে। চান্নবা মওং অমদা চল্লাইদুনা মখা তানা হেনগৎহল্লগনি।নুমিদাংদা থম্বা কর্ফিয়ুগী মতম তেনশিন্দুনা নুমিদাং পুং ১০দগী অয়ুক পুং ৫ ফাওবা লৈরগনি। ‌মখা তানা, ইন্দস্ত্রিএল য়ুনিৎশিংগী সিফ খায়দোক্তুনা চল্লাইবা অসিদা অপনবা পীদনবা, নেস্নেল অমসুং স্তেৎকী হাইৱেজশিংদা মী অমসুং পোৎ পুবগী চৎথোক চৎশিন তৌনবা, বসশিং, ত্রেনশিং অমসুং এয়রপ্লেনশিংদগী হল্লক্লবা মতুংদা কার্গোগী লোদিং অমসুং অনলোন্দিং তৌবা অমদি মীওইশিংনা মখোয়গী লৈফমশিংদা চৎথোক চৎশিন তৌনবা অসিগীদমক নুমিদাংগী কর্ফিয়ু অসিনা অথিংবা লৈরোই। দুকানশিংনা মখোয়না লৈরিবা মফমশিংগী মতুং ইন্না, মতম অমদা মীওই ৫দগী হেন্না চংবা য়াগনি। অদুম ওইনমক, মখোয়না ফিজিকেল দিস্তেন্স থম্বদি মথৌ তাই। কেন্দ্রগী অমসুং স্তেৎ সরকারশিংগী ত্রেনিং ইন্সতিত্যুৎশিং জুলাই ১৫, ২০২০দগী মথৌ পাঙথোকপা হৌরগনি। হীরম অসিগা মরী লৈনবা এস.ও.পি. ভারত সরকারগী পর্সনেল অমসুং ত্রেনিংগী বিভাগনা ফোঙলগনি। স্তেশিং অমসুং য়ু.তি.শিংগা কুপ্না তান্নরবা মতুংদা, স্কুলশিং, কোলেজশিং অমসুং মহৈ তম্ফম লোইশঙ পুম্নমক জুলাই ৩১, ২০২০ ফাওবা থোঙ লোনখিগনি। ভন্দে ভারত মিসনগী মখাদা অকক্নবা মওং অমদা ইন্তর্নেস্নেল এয়র ত্রাবেল তৌরিবা পেসেঞ্জরশিং লাকপা য়াহনখ্রে। চান্নবা মওং অমদা মখা তানা চৎথবা হৌরগনি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635227

কোবিদকী লান্মী: আশাশিংনা উত্তর প্রদেশতা কোবিদকী লানদা মাংজিল থারি; আশা লাখ ১.৬না মাইগ্রেন্ত রিতর্নী লাখ ৩০.৪৩গী মথক্তা ত্রেক তৌখ্রে

লৈবাক অসিদা কোবিদ-১৯গী কেসশিং হেনগৎলকপা অমসুং হোৎস্পোৎ ওইরিবা মফমশিংদগী মশিং য়াম্লবা মাইগ্রেন্তশিং চংলকপা অসিগা লোয়ননা উত্তর প্রদেশ (য়ু.পী)গী খ্বাইদগী চাওবা খুদোংচাদবা অদুদি রিতর্নীশিংগী মথৌ তাবা হেল্থক্যেরশিং অমসুং মখোয়গী খুঙ্গংগী মীয়ামদা শন্দোকপা থিংবা অসিনা ওইখি। অৱাবা তানফম অসিদা স্তেৎ অসিগী কোবিদ-১৯গী মেনেজমেন্ত অসিবু মতেং পাংবদা আশংশিংনা মরু ওইবা থৌদাং অমা লৌখি। অচৌবা খোংথাং ওইনা য়ু.পি.গী আশা লাখ ১.৬না চাওরাক্না মাইগেন্ত রিতর্নী লাখ ৩০.৪৩ তাঙ্কক অনি থোক্না ত্রেক তৌখি- অহানবদা লাখ ১১.২৪ অমসুং অনিশুবা তাঙ্কক্তা লাখ ১৯.১৯।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635305

প্রধান মন্ত্রীনা মীয়ামদা ৱা ঙাংখ্রে অমসুং প্রধান মন্ত্রী গরীব কল্যান অন্ন য়োজনা মখা শাংদোক্লে হায়না লাউথোকখ্রে

ঙসি প্রধান মন্ত্রী নরেন্দ্র মোদীনা লৈবাক্কী মীয়ামদা ৱা ঙাংখি অমসুং নবেম্বর অরোইবা ফাওবা প্রধান মন্ত্রী গরীব কল্যান অন্ন য়োজনা মখা শাংদোক্লে হায়না লাউথোকখ্রে। প্রধান মন্ত্রীনা হায়খি লোকদাউন মনুংদা লায়রবশিংদা চানবা ফংহনবা অসি লৈবাক অসিনা খ্বাইদগী মরুওইনা লৌখি। লোকদাউন হেক লাউথোকপগা সরকারনা প্রধান মন্ত্রী গরীব কল্যান য়োজনা পায়খৎতুনা লায়রবশিংগী লুপা করোর লাখ ১.৭৫গী পেকেজ অমা লাউথোকখি। মহাক্না হায়খি হৌখিবা থা অহুমদা লায়রবা ইমুং করোর ২০গী জন ধন একাউন্তশিংদা লুপা করোর ৩১,০০০ হাপচিনখ্রে, লৌমী করোর ৯ হেনবগী বেঙ্ক একাউন্তশিংদা লুপা করোর ১৮,০০০ হাপচিনখ্রে অমসুং শিন্মীশিং থবক পীনবা প্রধান মন্ত্রী গরীব কল্যান রোজগর য়োজননা লুপা করোর ৫০,০০০ চাদিং তৌখ্রে।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635343

প্রধান মন্ত্রীনা লৈবাক মীয়ামদা ঙাংখিবা ৱারোল

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635346

ই.সি.এল.জি.এস.কী মখাদা লুপা কোতি লাখ ১ হেনগদবা লোন কাইথখ্রে

১০০% ইমর্জেন্সী ক্রেদিৎ লাইন গরেন্তী স্কিমগী মখাদা সরকারনা মনীংদা লৈদুনা, পব্লিক অমসুং প্রাইবেৎ সেক্তর বেঙ্কশিংনা জুন ২৬, ২০২০ ফাওবদা লুপা কোতি লাখ ১ হেনবগী লোনদগী হৌজিক ফাওবদা লুপা কোতি ৪৫,০০০ হেন্না কাইথখ্রে। মসিনা এম.এস.এম.ই.শিং অমসুং অতোপ্পা করবার লাখ ৩০ হেনবনা মখোয়গী করবারশিং লীকদাউন মতুংদা হাংদোকচবা ঙমহনলগনি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635376

এন.বি.আর.আই.না কোবিদ-১৯গী তেস্ত তৌনবা এদভান্স ওইরবা ভাইরোলোজী লেব লীংখৎখ্রে

লখনৌগী নেস্নেল বোতনিকেল রিসর্স ইন্সতিত্যুৎ (এন.বি.আর.আই.)না কোবিদ-১৯গী তেস্ত তৌনবা “এদভান্স ওইরবা ভাইরোলোজী লেব” অমা লীংখৎখ্রে। ফেসিলিতি অসি ইন্দিয়ন কাউন্সিল মেদিকেল রিসর্স (আই.সি.এম.আর.), ৱার্ল্দ হেল্থ ওর্গনাইজেসন (দবল্যু.ঐচ.ও.) অমসুং হকশেল অমসুং য়াইফ য়ুম্বাল মন্ত্রালয়না পীবা গাইদলাইনশিং অদু ঙাক্লগা লীংখৎখিবনি। মসি বাইও সেফতি লেবেল (বি.এস.এল.)গী লেবেল ৩গী ফেসিলিতি অমনি। মসিগী এদভান্স ওইবা ভর্জন অসিগী “নেগেতিব প্রেসর” অমা লৈ, মসিগী আর্থদি এরোসেল অমা হেক্তা চিংশিনবা ঙম্বা অমসুং মদু ফিল্তরশিংগী খুত্থাংদা থাদোক্নবা সক্সন ফেসিলিতি অমা য়াওই। মসিনা কলচর তৌনবা ফেসিলিতিশিংদা লায়না শন্দোকপগী ওইথোকপা অদু হন্থহল্লি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635301

স্কিল দিবেলপমেন্ত অসিনা আত্মানির্ভর ভারত অমসুং গরীব কল্যান রোজগার অভিয়ানগী মরু ওইবা ঙাক্লৌ ওইদুনা পাঙ্গল-থৌনা ওইগদৌরিবনি: দা. মহেন্দ্র নাথ পান্দে

কেন্দ্রগী স্কিল দিবেলপমেন্ত অমসুং ইন্তরপ্রিনরশিপকী মন্ত্রী, দা. মহেন্দ্র নাথ পান্দেনা ঙসি ভারতকী ৱার্কফোর্সকী স্কিল্লিং, অপ-স্কিল্লিং অমসুং রি-স্কিল্লিং তৌবনা আত্মানিরভর ভারত অমসুং ইকাইখুম্নবদা মতিক চারবা প্রধান মন্ত্রী, শ্রী নরেন্দ্র মোদিনা লাউথোকখিবা, হন্দক্তা হৌদোকখিবা গরিবকল্যানরোজগারঅভিয়ানগী সরকারনা শাগৎলিবা মঙলান অসিবু মঙফাওনহনবদা মরু ওইবা থৌদাং লৌগদৌরিবনি হায়না মহাক্না হায়খি। “মালেমগী ওইবা কোবিদ-১৯গী লাইচৎ অসিগী মরক্সিদা ঐখোয়না অনৌবা পাম্বৈশিংগা লোইননা মমাং চৎখৎপা মথৌ তাই, মরু ওইনা ইন্দস্ত্রীগী ওইবা সেক্তরশিংদা, বিজনেস তৌবগী মতাংদা লৈরিবা ৱাখল্লোন অমসুং থাংজিল্লিবা খোংথাং পুম্নমক্কী মতাংদা অচৌবা অহোংবা অমা পুরকপা মথৌ তাই মরমদি ঐখোয়না দিজিতেল তেক্নোলোজী শিজিন্নবগী মতাংদা হেন্না মরু ওইনা লৌবা মথৌ তাই, ” হায়না মন্ত্রীনা হায়খি।

অকুপ্পা ৱারোলগীদমক, https://pib.gov.in/PressReleasePage.aspx?PRID=1635180

ক্লীন ইনর্জীনা কোবিদ-১৯ মতুংদা ভারতকী শেন্মিৎলোন হিংগৎহনবদা ঙাক্লৌ ওইগনি

নীতি আয়োগ অমদি রোকী মাউন্তেন ইনস্তিত্যুৎ (আর.এম.আই.)না ঙসি অরূবা, হান্নগী ফীভমদা লায়না হঞ্জিল্লকপা ঙমবা অমদি মমল য়াম্না চঙদবা ভারতকী তুংগী ইনর্জীগী মায়কৈদা ইনোৎ হাপচিনবা অমদি অমুক হিংগৎহনবদা য়ুম্ফম ওইবা রিপোর্ত তুৱার্দ্স এ ক্লীন ইনর্জী ইকনমী: পোস্ত-কোবিদ-১৯ ওপোর্চুনিতীজ ফোর ইন্দিয়া’জ ইনর্জী এন্দ মোবিলিতী সেক্তর্স ফোঙখ্রে‍। রিপোর্ত অসিনা মতৌ করম্না কোবিদ-১৯না ভারতকী অরূবা ইনর্জীগী মায়কৈদা মায় ওনশিল্লক্নবা, মরু ওইনা চত্থোক চৎশিন অমদি পাৱর সেক্তরগী লমদা পীরিবা ইথিলগী মতাংদা তাক্লি অমদি লৈবাকসিগী লুচিংবশিংদা শেন্মিৎলোন হিংগৎহনবা অমদি অরূবা ইনর্জীগী শেন্মিৎলোন অমগী মায়কৈদা খোঙজেল কায়দনা চঙশিন্নবা ঙাকফম থোকপা চৎন-কাংলোন অমদি খুদোংচাবশিংসু পীরি‍। কোবিদ-১৯না ভারতকী চত্থোক চৎশিন অমদি পাৱর সেক্তরদা শেন মরাং কায়দবা অমদি সপ্প্লাই ৱাৎপদগী হৌরগা পোত্থোক শীজিন্নরিবশিংগী দিমান্দ অমদি অপামবা হোংলকপা ফাওবা য়াওনা দিমান্দ অমদি সপ্প্লাইদা মশক থোক্না শীংনবা পুরক্লি‍।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635298

১৫শুবা ফাইনান্স কম্মিসন্না হ্যুমেন রিসোর্স দিবেলপমেন্ত মন্ত্রালয়গা মীফম পাংথোকখ্রে

শ্রী এন.কে. সিংহনা লুচিংবা ফাইনান্স কম্মিসনগা মিনিস্ত্রী ওফ হ্যুমেন রিসোর্স দিবেলপমেন্ত (এম.ঐচ.আর.দি.)গা লোয়ননা ঐচ.আর.দি.গী মন্ত্রী শ্রী রমেশ পোখ্রিয়াল ‘নিশঙ্ক’, এম.ও.এম. (এম.ঐচ.আর.দি.) শ্রী সঞ্জয় ধোত্রে অমসুং মন্ত্রালয় অসিগী মকোক থোংবা ওফিসিএলশিং য়াওনা মরিক চুম্বা মীফম অমা পাংথোকখ্রে। ওনলাইনগী ক্লাসকা কোন্নবা মীফম অসিদগী মহৈ তম্নবগী অনৌবা পাম্বৈশিং অমসুং মহৈ তম্নবগী ওইবা তেক্নিক শিজিন্নবনা ওইহল্লকপশিংদা ৱা খন্ননবগীদমক কৌখিবনি। কম্মিসন অসিনা মীফম অসি মরু ওইনা কোবিদ-১৯গী মতমসিদা এজুকেসনগী হীরমদা ২০২০-২১ অমসুং ২০২৫-২৬ ফাওবগী মাগী রিপোর্তা রিকমেন্দেসন তৌনবগী পান্দমদা মীফম অসি কৌখিবনি।

অকুপ্পা ৱারোলগীদমক, https://pib.gov.in/PressReleasePage.aspx?PRID=1635159

পি.এম. সভানিধি পোর্তেল হাংদোক্লে (বেতা ভর্জন)

হাওজিং অমসুং অর্বান এফেয়ার্সকী সেক্রেতরি, দুর্গা সনকার মিশ্রানা ঙসি পি এম স্ত্রিৎ ভেন্তরস অত্মানির্ভর নিধি “পি এম সভানিধি” পোর্তেলগী বেতা ভর্জন হাংদোকখ্রে । থৌরম অদুদা রাজ্যশিং/য়ুতিশিংগী ওফিসিএলশিং, বেঙ্কশিং অমসুং অতোপ্পা মরী লৈনবশিং শরুক য়াখি । দিজিতেল তেক্নোলোজশিং শীজিন্নদুনা পোর্তেল অসিনা স্কিম অসিগী মখাদা বেনিফিসরিশিংদা কান্নবা ফংহনগনি ।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635176

পি.আই.বি. ফিল্দ ওফিসশিংদগী ফংবা পাউ

• মহারাস্ত্রাঃ রাজ্য অসিদা হৌজিক লৈরিবা কোবিদ-১৯ অনাবা মশীং অসি ১,৬৯,৮৮৩নি। হৌখিবা পুং ২৪ অসিদা অনৌবা মীওই ৫,২৫৭ পোজিতিব ওইরে হায়বা খঙবা ঙমখ্রে। রাজ্য অসিদা নাবা ফরবা মীগী মশীং অসি ৮৮৯৬০ য়ৌরে। অপুনবা এক্তিব ওইরিবা অনাবা মশীং ৭৩২৯৮নি। গ্রেতর মুম্বাই রিজন্দা অনৌবা পেসেন্ত ১২৪৭ পোজিতিব ওইরে হায়বা খঙবা ঙমখ্রে, নিংথৌকাবা নুমিৎ ফাওবদা ৩৯১ নাবা ফখ্রে অমসুং ২১ লৈখিদ্রে লৈখিদবা। অপুনবা অনানা মী মশীং অসি ৭৬২৯৪নি। মরক অসিদা মহারাস্ত্রা সরকারনা কেন্দ্র সরকারগী লোইশঙশিংদা/ইস্তাব্লিস্মেন্তশিংদা, হাই কোর্ততা, অমসুং পব্লিক সেক্তর বেঙ্কশিংদা থবক তৌবা ইমপ্লোয়ীশিংবু সব অর্বান লোকেল ত্রেন্দা চৎপা য়াহনবীয়ু হায়না হায়জখ্রে।
• গুজরাৎঃ হৌখিবা পুং ২৪ অসিদা গুজরাত্তা অনৌবা পোজিতিব কেস মশীং ৬২৬ লাকখিবগা লোইননা অপুনাব কেস মশীং ৩২,০২৩ য়ৌখ্রে। অমসুং ১৯না লৈখিদবগা লোইননা রাজ্য অসিদা মীওই ১৮২৮ লৈখিদ্রে। গুজরাত সরকারনা দুকানশিং জুলাই ১দগী নুমিদাং পুং ৮ ফাওবা হাংনবা খঙহনখ্রে। হোতেল অমসুং রেস্তোরেন্তশিংনা পুং ৯ ফাওবা হাংগনি। লোৱর কোর্তনা রাজ্য অসিদা হয়েংদগী হাংবা হৌরগনি, অদুবু হিয়রিংদি ভিদিও কনফরেন্সকী খুথাংদখক চত্থগনি।
• রাজস্থানঃ ঙসি অয়ুক্তা রাজ্য অসিদা অনৌবা কোবিদ-১৯ কেস ৯৪ লাকখ্রে। মসিনা রাজ্য অসিগী অপুনবা মশীংদা ১৭,৭৫৩ শুহনখ্রে। এক্তিব ওইরিবা অনাবগী অপুনবা মশীং ৩,৩৯৭নি। নাবা ফখ্রবা মশীংনা ১৩,৯৪৮নি। হৌজিক ফাওবদা লৈখিদ্রবগী অপুনবা মশীংনা ৪০৯নি। কেস অয়াম্বনা সিকার জিল্লাদগী লাকখিবনি (৩৩) অদুগা অলৱার জিল্লানা অনীশুবদা চেল্লি (২২)।
• মধ্য প্রদেশঃ অনৌবা পোজিতিব কেস মশীং ১৮৪ লাকখিবগা লোইননা রাজ্য অসিগী কোবিদ মশীং ১৩,৩৭০ শুখ্রে। মরকসিদা এক্তিব কেস ২৬০৭ লৈবগা লোইননা হৌজিকফাওবদা ১০,১৯৯ নাবা ফখ্রে। মোরেনা জিল্লাদা অনৌবা কেস ২৪ লাকখি অমসুং সাগর জিল্লাদা নিংথৌকাবা নুমিত্তা অনৌবা কেস ১৯ লাকখি।
• ছতিশগরঃ অনৌবা কোবিদ-১৯ কেস ১১ লাকখিবগা লোইননা রাজ্য অসিদা লৈরিবা অপুনবা কোবিদ-১৯ কেস মশীং অসি ২৭৯৫নি, মসিগী মনুংদগী এক্তিব কেসনা ৬৩২নি। দুর্গনা খ্বাইদগী ৱাংনা রিপোর্ত তৌরকখি – নিংথৌকাবা নুমিৎ ফাওবদা ৩০, মসিগী মতুংদা জশপুরনা অনৌবা কেস ২৫ রিপোর্ত তৌরকখি, অমসুং রাইপুরদা কেস ১০ রিপোর্ত তৌরকখি।
• গোৱাঃ অনৌবা কোবিদ পোজিতিব কেস ৫৩ লাকখিবগা লোইননা রাজ্য অসিগী অপুনবা কোরোনাভাইরস কেস মশীং ১,২১৫ শুহনখ্রে। এক্তিব কেস মশীং ৭২৪ ওইরি। নিংথৌকাবা নুমিত্তা অনাবা মীওই ৪৬ নাবা ফখিবগা লোইননা, অপুনবা নাবা ফখিবগী মশীং ৫২৪ শুখ্রে।
• কেরলাঃ কেরলাদা মীওই অমগা কোবিদ-১৯না মরম ওইদুনা লৈখিদ্রে; মহাক কেপিতেল থিরুবনন্থপুরমদগীনি, লৈখিদবনা থাংজ নুমিত্তা মেদিকেল কোলেজ হোস্পিতালদনি। মহাক্কী তেস্ত রিজল অদু ঙসি পোজিতিব ওইরে হায়না থোক্লকখিবনি। কোনুং অসিদা লৈখিদবা মশীং অসি ঙসিগীসিগা থারগা মরিশুবনি অমসুং রাজ্য অসিদনা ২৪ শুবনি। হয়েংদগী হৌদুনা সরকার অসিনা লরনর্স দ্রাইবিং লাইসেন্স পীবা হৌরগনি। লোকদাউন লৈবনা মরম ওইদুনা লেপতুনা লৈরুবনি। তেস্তনা ওনলাইন্দা পাঙথোক্কনি। । রাজ্য অসিদা ঙরাং কোবিদ অনাবা ১২১ লাকখ্রে অমসুং অনাবা ২,০৫৭ অমনা লাইয়েংদুনা লৈরি। তোঙান-তোঙানবা জিল্লাশিংদা মীওই ১,৮০,৬১৭বু চেকশিন্না মীকুপ নাহুম শিংনা শেন্নদুনা লৈরি।
• তমিল নাদুঃ চেন্নই অমসুং মদুরাইদা জুলাই ৫ ফাওবা লোকদাউন কন্না তৌখিগনি অমসুং হৌজিক লৈরিবা কোম্থোকপা অসি জুলাই ৩১ ফাওবা তমিল নাদু পুম্বদা লৈখিগনি হায়না সরকারনা থোকপা ওর্দর অমগী মতুং ইন্না ফোংদোরক্লি। রাজ্য অসিনা আই.সি.এম.আর.না পাউতাক পীবা কোবিদ-১৯গী রেপিদ-এন্তিজেন তেস্তিং কিৎ অদু সেন্সিতিবিতী রেৎ তপ্পনা শীজিন্নরোইদৌরি অমসুং আর.তি.পি.সি.আর. তেস্তিং মখা তানা শীজিন্নখিনি। অনৌবা কেস ৩৯৪৯, রিকোবর্দ ২২১২, অমসুং মীওই ৬২ ঙরাং লৈখিদ্রে। অপুনবা কেসঃ ৮৬২২৪, এক্তিব কেসঃ ৩৭৩৩১, লৈখিদ্রবাঃ ১১৪১, দিসচার্জঃ ৪৫৫৩৭ চেন্নইদা লৈবা এক্তিব কেসঃ ২১৬৮১।
• করনাতাকাঃ রাজ্য সরকারনা থবক থিরিবশিংগীদমক 'স্কিল কন্নেক্ত' ওনলাইন পোর্তেল অমা হাংদোকখ্রে; সরকারনা জুলাই ৭দা ওনলাইন জোব ফেয়র অমসু লাইচৎ অসিনা থবক থাদোকহল্লবা মীওইশিংদা মতেং পাংনবগীদমক পাঙথোক্কদৌরি। প্রাইবেৎ হোস্পিতালশিংগী মকোকশিংগা ৱারী শান্নরবা মতুংদা, মুখ্য মন্ত্রীনা মীদিয়া পাউদম্লদুনা হায়খ্রে, কোবিদ অনাবা লাইয়েংনবগীদমক বেঙ্গলুরুদা লৈবা প্রাইবেৎ হোস্পিতালশিংনা ফমুংশিংদগী ৫০% (ফমুং ৪৫০০) খাকপদা অয়াবা পীরকখ্রে। অনীরকশুবা ওইনা রাজ্য অসিদা অনৌবা কেস ১০০০ লানখ্রে। অনৌবা কেস ১১০৫, দিসচার্জ ১৭৬, অমসুং ১৯ লৈখিদ্রে হায়না ঙরাং রিপোর্ত তৌখ্রে। অপুনবা পোজিতিব কেসঃ ১৪২৯৫, এক্তিব কেসঃ ৬৩৮২, লৈখিদ্রবাঃ ২২৬, দিসচার্জঃ ৭৬৮৪।
• অন্ধ্র প্রদেশঃ কোবিদ-১৯না মরম ওইদুনা থমখিবা লোকদাউনগী মনুংদা বস সর্বিস লেপখিবনা তেক্স পীবা ঙমদবদগী ইন্সুরেন্স প্রেমিয়ম পীথোকপীনবা অমসুং করনাতাকা, গুজরাত অমসুং উত্তর প্রদেশকী লাইনগী তেক্স কোকপীনবা প্রাইবেৎ বস ওপরেতরশিংনা সরকারদা হায়জখ্রে। হৌখিবা পুং ২৪ অসিদা সেম্পল ১৮,১১৪ চাংয়েং তৌরবা মতুংদা অনৌবা কেস ৭০৪ লাকখ্রে, ২৫৮ দিসচার্জ তৌখ্রে অমসুং ৭ লৈখিদ্রে। কেস ৭০৪ অসিগী মনুংদা, ৫১দি ইন্তর স্তেৎ কেসনি অদুগা ৫ অমনা মপান্দগীনি। অপুনবা কেসঃ ১৪,৫৯৫, এক্তিব কেসঃ ৭৮৯৭, দিসচার্জঃ ৬৫১১, লৈখিদ্রবাঃ ১৮৭।
• তেলঙ্গানাঃ ইশানা থমজবা লোকদাউন অসি মীয়ামদগী তোঙান-তোঙানবা পাউখুম লাকখ্রে। ভাইরস অসিবু লাকপনা লৈখিনবা হোৎনবা য়াবা কয়া হোৎনরি। কেস মশীং য়ামখৎলকপদগী দুকান্দারশিংনা মখোয়গী কারবার লেপচখ্রে অমসুং য়ুমদগী মপান থোক্তনবা হায়খ্রে। ঙরাং ফাওবদা লাকখিবা অপুনবা কেসঃ ১৫৩৯৪, এক্তিব কেসঃ ৯৫৫৯, লৈখিদ্রবাঃ ২৫৩, দিসচার্জঃ ৫৫৮২
• মনিপুরঃ হৌফিক ফাওবদা মনিপুরদা কোবিদ তেস্ত ৪৯৮৮২ তৌখ্রে, পোজিতিব কেস ১২২৭ লাকখ্রে। কোএলিজন অগেন্সত দ্রগ এন্দ অল্কোহোল (কাদা)না কোবিদ-১৯ লাইচৎকী মতাংদা মীয়াম ভাপ তাহন্নবা থৌরম অমা হিয়াংলম ৱাবগাই তেরাপিশক কৈথেল মনিপুরদা পাঙথোকখ্রে।
• মেঘালয়ঃ মেঘালয়গী খলিয়রিয়াত্তা অসম (গৌহাতী)দগী লাকপা মীওই অমা কোবিদ-১৯ পোইতিব ওইরে। মসিগা লোইননা অপুনবা কেস ৫২ শুখ্রে, এক্তিব কেস ৯নি।
• মিজোরমঃ মিজোরমগী কোবিদ-১৯ অনাবশিংগী মরক্তগী ৮০%দি নাবা ফখ্রে হৌজিক লৈরিবা এক্তিব কেস মশীং ২৯নি। মীওই ৬১না ঙসি দিসচার্জ তৌখ্রে।
• নাগালেন্দঃ নাগালেন্দদা কোবিদ-১৯ পোজিতিব ৮ অমগা লাকখ্রে, মসিগা লোইননা পোজিতিব কেস ৪৫৯ শুরে, অমসুং এক্তিব কেস ২৯১নি, রিকোবর্দ কেস ১৬৮নি। নাগালেন্দগী মোকোকচুং জিল্লাদা অহানবা ওইনা কোবিদ-১৯ পোজিতিব কেস ১৯ লাকখ্রে।

ফেক্ত চেক

*****************