પ્રધાનમંત્રી શ્રી નરેન્દ્ર મોદીના અધ્યક્ષ સ્થાને આજે કોરોના વાયરસ મહામારી થી બચવા માટેની રસી જ્યારે ઉપલબ્ધ બને ત્યારે આયોજન અને તૈયારીઓની સમીક્ષા કરવા એક ઉચ્ચ સ્તરીય બેઠક મળી હતી.

પ્રધાનમંત્રીએ એ બાબતની નોંધ લીધી હતી કે ભારતની વ્યાપક અને વિવિધતા ધરાવતી વસતીને માટે આયોજન કરાય ત્યારે તેમાં મેડિકલ સપ્લાય ચેઈન, જોખમ ખેડી રહેલી વસતીને અગ્રતા, આ પ્રક્રિયામાં વિવિધ એજન્સીઓ વચ્ચે સંકલન અને તેની સાથે સાથે આ રાષ્ટ્રીય પ્રયાસમાં ખાનગી ક્ષેત્ર અને નાગરિક સમાજની ભૂમિકા અંગે ચર્ચા કરી હતી.

પ્રધાનમંત્રીએ ચાર માર્ગદર્શક સિધ્ધાંતો દર્શાવ્યા હતા કે જે આ રાષ્ટ્રીય પ્રયાસનો પાયો બની શકે તેમ છે.

પ્રથમ સિંધ્ધાંત એ છે કે કપરી સ્થિતિમાં હોય તેવાં જૂથોની ઓળખ કરવી જોઈએ અને તેમનુ વહેલુ રસીકરણ થાય તે માટે અગ્રતા આપવાની રહેશે. ઉદાહરણ તરીકે ડોકટરો, નર્સો. હેલ્થકેર વર્કર્સ, નોન-મેડિકલ ફ્રન્ટલાઈન કોરોના વૉરિયર્સ તથા સામાન્ય લોકોમાં રહેલા કપરી સ્થિતિમાં રહેતા લોકો.

બીજો સિધ્ધાંત એ રહેશે કે વ્યક્તિઓ કોઈ પણ સ્થળે હોય અને જ્યાં પણ હોય ત્યાં રસીની વ્યવસ્થા કરવાની રહેશે. તેમાં વ્યક્તિના કાયમી વસવાટ સ્થળે સંબંધી નિયંત્રણો લાદયા વગર રસી આપવી જોઈએ.

ત્રીજો સિધ્ધાંત એ રહેશે કે આ રસી પોસાય તેવી અને સાર્વત્રિક ઉપયોગમાં લઈ શકાય તેવી હોવી જોઈએ અને કોઈ વ્યક્તિ બાકી રહેવો જોઈએ નહી અને ચોથો મુદ્દો એ છે કે રસી નુ ઉત્પાદન કરવાથી માંડીને રસીકરણ કરવા સુધીની સમગ્ર પ્રક્રિયામાં ટેકનોલોજીના માધ્યમથી મોનિટરીંગ અને રીયલ ટાઈમ સહયોગ પ્રાપ્ત થવો જોઈએ.

પ્રધાનમંત્રીએ અધિકારીઓને વ્યાપકપણે એવી સૂચના આપી છે કે આ રાષ્ટ્રીય પ્રયાસમાં કરોડરજ્જુની જેમ  કામ કરી શકે તેવા રસીકરણના ઉપલબ્ધ ટેકનોલોજીકલ વિકલ્પો અત્યંત સમયબધ્ધ રીતે સમીક્ષા થવી જોઈએ તથા આ પ્રયાસો અત્યંત કાર્યક્ષમતા વડે હાથ ધરાવા જોઈએ.

પ્રધાનમંત્રીએ આદેશ આપ્યો છે કે આ પ્રકારના રસીકરણની પ્રક્રિયાનુ વિગતવાર આયોજન તાત્કાલિક ધોરણે હાથ ધરાવુ જોઈએ.

આ બેઠકમાં રસી વિકસાવવાના હાલના પ્રયાસોની સ્થિતિ અંગે પણ સમીક્ષા કરવામાં આવી હતી. પ્રધાનમંત્રીએ ભારપૂર્વક જણાવ્યુ હતું કે કોરોના વાયરસ મહામારીના રસીકરણ બાબતે ભારતની કટિબધ્ધતા અને ભૂમિકા ખૂબ જ મહત્વની બની રહેશે.

GP/DS