କୋଭିଡ-19ର ପ୍ରତିରୋଧ, ଧାରଣ ଏବଂ ପରିଚାଳନା ପାଇଁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳମାନଙ୍କ ସମନ୍ଵୟରେ ଭାରତ ସରକାର ନେଇଥିବା ସକ୍ରିୟ ପଦକ୍ଷେପଗୁଡିକ ଦ୍ଵାରା ଉତ୍ସାହଜନକ ଫଳାଫଳ ମିଳିଛି ।

ସୁସ୍ଥ ଏବଂ ସକ୍ରିୟ ମାମଲା ମଧ୍ୟରେ ବ୍ୟବଧାନ 1,00,000 ଅତିକ୍ରମ କରିଛି  । ଆଜିସୁଦ୍ଧା ଆରୋଗ୍ୟ ମାମଲା ସକ୍ରିୟ ମାମଲା ଠାରୁ 106,661 ଅଧିକ ହୋଇଛି । ଏହିପରି, ଏପର୍ଯ୍ୟନ୍ତ ସମୁଦାୟ 3,09,712 ରୋଗୀ କୋଭିଡ-19 ସଂକ୍ରମଣରୁ ଆରୋଗ୍ୟ ଲାଭ କରିଛନ୍ତି । କୋଭିଡ-19 ରୋଗୀଙ୍କ ମଧ୍ୟରେ ସୁସ୍ଥ ରୋଗୀଙ୍କ ହାର 58.56 ପ୍ରତିଶତ । ଗତ 24 ଘଣ୍ଟା ମଧ୍ୟରେ ସମୁଦାୟ 13,832 ରୋଗୀ ଆରୋଗ୍ୟ ହୋଇଛନ୍ତି ।

ବର୍ତ୍ତମାନ ଦେଶରେ ମୋଟ 2,03,051 ସକ୍ରିୟ ରୋଗୀ ଚିକିତ୍ସାଧୀନ ଅଛନ୍ତି ।

ଦେଶରେ କରୋନା ଚିହ୍ନଟ ପାଇଁ 1,036 ଉତ୍ସର୍ଗୀକୃତ ପରୀକ୍ଷାଗାର ରହିଛି । ସେଥିମଧ୍ୟରୁ 749ଟି ସରକାରୀ ଥିବା ବେଳେ 287ଟି ବେସରକାରୀ ପରୀକ୍ଷାଗାର ।

• Real-Time RT PCR based testing labs: 567 (Govt: 362 + Private: 205)
• TrueNat based testing labs : 382 (Govt: 355 + Private: 27)
• CBNAAT based testing labs : 87 (Govt: 32 + Private: 55)

ବର୍ତ୍ତମାନ ଦୈନିକ 2 ଲକ୍ଷରୁ ଅଧିକ ନମୁନା ପରୀକ୍ଷା କରାଯାଉଛି । ଗତ 24 ଘଣ୍ଟା ମଧ୍ୟରେ ପରୀକ୍ଷିତ ନମୁନାଗୁଡିକର ସଂଖ୍ୟା 2,31,095କୁ ବୃଦ୍ଧି ପାଇଛି । ଆଜିସୁଦ୍ଧା ପରୀକ୍ଷା କରାଯାଇଥିବା ମୋଟ ନମୁନା ସଂଖ୍ୟା 82,27,802ରେ ପହଞ୍ଚିଛି ।

28 ଜୁନ 2020 ସୁଦ୍ଧା 1,77,529 ଏକାନ୍ତବାସ ଶଯ୍ୟା, 23,168 ଆଇସିୟୁ ଶଯ୍ୟା ଏବଂ 78,060 ଅମ୍ଳଜାନ ସହାୟକ ଶଯ୍ୟା ସହିତ 1,055 ଉତ୍ସର୍ଗୀକୃତ କୋଭିଡ-19 ହସ୍ପିଟାଲର ଉପଲବ୍ଧତାକୁ ନେଇ ସ୍ୱାସ୍ଥ୍ୟ ଭିତ୍ତିଭୂମି ସୁଦୃଢ ହୋଇଛି । ଏହାସହିତ 1,40,099 ଏକାନ୍ତବାସ  ଶଯ୍ୟା, 11,508 ଆଇସିୟୁ ଶଯ୍ୟା ଏବଂ 51,371 ଅମ୍ଳଜାନ ସହାୟକ ଶଯ୍ୟା ସହିତ 2,400 ଉତ୍ସର୍ଗୀକୃତ କୋଭିଡ ସ୍ୱାସ୍ଥ୍ୟ କେନ୍ଦ୍ର କାର୍ଯ୍ୟକ୍ଷମ ହେଉଛି ।

ଅଧିକନ୍ତୁ, ଦେଶରେ କୋଭିଡ-19କୁ ମୁକାବିଲା କରିବା ପାଇଁ 8,34,128 ଶଯ୍ୟା ବିଶିଷ୍ଟ 9,519 କୋଭିଡ କେୟାର ସେଣ୍ଟର ଉପଲବ୍ଧ ଅଛି । କେନ୍ଦ୍ର ସରକାର 187.43 ଲକ୍ଷ N95 ମାସ୍କ ଏବଂ 116.99 ଲକ୍ଷ ବ୍ୟକ୍ତିଗତ ସଂରକ୍ଷଣ ଉପକରଣ (ପିପିଇ) ରାଜ୍ୟ, କେନ୍ଦ୍ର ଶାସିତ ଅଞ୍ଚଳ ଏବଂ କେନ୍ଦ୍ରୀୟ ଅନୁଷ୍ଠାନଗୁଡିକୁ ପ୍ରଦାନ କରିଛନ୍ତି ।

କୋଭିଡ-19 ସମ୍ବନ୍ଧୀୟ ବୈଷୟିକ ତଥ୍ୟ, ମାର୍ଗଦର୍ଶିକା ଓ ନିୟମାବଳୀର ସୂଚନା ପାଇଁ ନିୟମିତ ପରିଦର୍ଶନ କରନ୍ତୁ: https://www.mohfw.gov.in/ ଏବଂ @MoHFW_INDIA ।

ଏ ସମ୍ପର୍କିତ ବୈଷୟିକ ପ୍ରଶ୍ନାବଳୀ technicalquery.covid19[at]gov[dot]in ଏବଂ ncov2019[at]gov[dot]in ଏବଂ @CovidIndiaSeva କୁ ପଠାଇ ପାରିବେ ।

କୋଭିଡ-19 ଜନିତ କୌଣସି ଜିଜ୍ଞାସା ପାଇଁ ଦୟାକରି ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ହେଲ୍ପଲାଇନ ନଂ : + 91-11-23978046 କିମ୍ବା 1075 (ଦେୟ ମୁକ୍ତ)ରେ ସମ୍ପର୍କ କରିପାରନ୍ତି । ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର କୋଭିଡ-19 ହେଲ୍ପଲାଇନ ନମ୍ବରଗୁଡ଼ିକର ତାଲିକା ନିମ୍ନ ୱେବସାଇଟ ରେ ଉପଲବ୍ଧ ।

https://www.mohfw.gov.in/pdf/coronvavirushelplinenumber.pdf

**********