হকশেল অমসুং য়াইফ-য়ুম্বাল মন্ত্রালয়

কোবিদ-১৯গী অপদেৎ

নাবা ফগৎলকপগী কেসশিংনা এক্তিব কেসশিংদগী য়াম্না হেনগৎখ্রে

নাবা ফগৎলক পগী কেস অমদি এক্তিব কেস অনীগী খেৎনবা লাখ ১ লানখ্রে

নাবা ফগৎলকপগী চাং চাদা ৫৮.৫৬তা হেনগৎলে

নোংমগী তেস্ত তৌবগা চাং সেম্পল লাখ ২.৩ লাল্লে

Posted On: 28 JUN 2020 12:27PM by PIB Imphal

ভারত লৈঙাক্না স্তেত/য়ু.তি.শিংগা লোয়ননা কোবিদ-১৯ থিংননবা, লাকশিন্নবা অমদি মেনেজ তৌনবগীদমক লৌখৎখিবা থাক নাইবা, মাঙজৌনবা অমদি ইচঙ থৌবা খোঙথাংশিং অসিনা অফবা মহৈ উৎলি‍।

ফগৎখ্রবা অমদি হৌজিক লৈরিবা অনাবশিংগী খেৎনবা ১,০০,০০০ লানখ্রে‍। ঙসি ফাওবগী ওইনা ফগৎখ্রবা কেসশিংনা হৌজিক লৈরিবা কেসশিংদগী ১০৬,৬৬১ হেল্লে‍। মরম অসিনা হৌজিক ফাওবগী ওইনা অনাবা মীওই ৩,০৯,৭১২ কোবিদ-১৯দগী ফখ্রে‍। কোবিদ-১৯ নারবশিংগী মরক্তগী ফগৎখিবগী চাং অসি চাদা ৫৮.৫৬নি‍। হৌখিবা পুং ২৪গী মনুংদা কোবিদ-১৯ নাবা মীওই ১৩,৮৩২ ফখ্রে‍।

হৌজিক্কী ওইনা অনাবা মীওই ২,০৩,০৫১ লৈ অমদি মখোয় পুম্নমক মেদিকেলগী মীৎয়েং মখাদা লৈরি‍।

ভারত্তা হৌজিক কোবিদ-১৯গীদমক্তা তোঙায়না লৈবা দাইগ্নোস্তিক লেব ১০৩৬ লৈ‍। মসিদা লৈঙাক্কী লেব ৭৪৯ অমদি লন্নাইগী লেব ২৮৭ য়াওরি‍।

তোঙান্না খায়দোকপা মশিংদি:

  • রিএল-তাইম আর.তি. পি.সি.আর. বেজ ওইবা তেস্তিং লেব: ৫৬৭ (লৈঙাক্কী: ৩৬২ + লন্নাইগী: ২০৫)
  • ত্রুনেত বেজ তেস্তিং লেব: ৩৮২ (লৈঙাক্কী: ৩৫৫ + লন্নাইগী ২৭)
  • সি.বি.এন.এ.এ.তি. বেজ তেস্তিং লেব: ৮৭ (লৈঙাক্কী ৩২ + লন্নাইগী ৫৫)

নুংতিগী ওইনা সেম্পল ২,০০,০০০ হেনবা তেস্ত তৌরি‍। হৌখিবা পুং ২৪ অসিদা তৌখিবা তেস্ত মশিং অসি ২,৩১,০৯৫তা হেনগৎলে‍। ঙসি ফাওবদা তেস্ত তৌখ্রবা অপুনবা মশীং ৮২,২৭,৮০২ য়ৌরে‍।

জুন ২৮, ২০২০ ফাওবদা কোবিদ হোস্পিতাল ১০৫৫দা আইসোলেসন ফমুং ১,৭৭,৫২৯, আই.সি.য়ু. ফমুং ২৩,১৬৮ অমদি ওক্সিজেন সপ্পোর্ত তৌবা ফমুং ৭৮,০৬০ লৈদুনা; কোবিদ হেল্থ সেন্তর ২,৪০০দা আইসোলেসন ফমুং ১,৪০,০৯৯, আই.সি.য়ু. ফমুং ১১,৫০৮ অমদি ওক্সিজেন সপ্পোর্ত তৌবা ফমুং ৫১,৩৭১ লৈদুনা কোবিদকা মরী লৈনবা হকশেলগী মচাক মথুমশিং হেনগৎলে‍।

মসিগী মথক্তা লৈবাকসিদা কোবিদ-১৯ থেংননবা কোবিদ কেয়র সেন্তর ৯৫১৯দা ফমুং ৮,৩৪,১২৮সু লৈরে‍। কেন্দ্রনা স্তেত/ য়ু.তি./ সেন্ত্রেল ইনস্তিত্যুসনশিংদা এন.৯৫ মাস্ক লাখ ১৮৭.৪৩ অমদি পর্সোনেল প্রোতেক্তিব ইকুইপমেন্ত (পি.পি.ই.) লাখ১১৬.৯৯ পীখ্রে‍।

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবাকোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA .

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19@gov.in দা অমদি অতোপ্পা ৱাহংশিংনা ncov2019@gov.in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf .

****



(Release ID: 1634941) Visitor Counter : 20