PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 24 JUN 2020 6:27PM by PIB Imphal

Coat of arms of India PNG images free download  

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • লৈবাকসিদা নোংমদা তৌবা কোবিদ-১৯গী তেস্ত মশিং লাখ ২ হেল্লে; লেব ১০০০না তেস্ত তৌরি
  • হৌখিবা পুং ২৪দা কোবিদ-১৯গী অনাবা মীওই ১০,৪৯৫ নাবা ফদুনা অপুনবা মশিং ২,৫৮,৬৮৪ য়ৌরে অমসুং রিকোবরী রেৎ ৫৬.৭১%তা হেনগৎখ্রে
  • কেস ১,৮৩,০২২ অসি কন্না লায়েংলি
  • কেন্দ্রগী কেবিনেৎনা মশক নায়রবা ৱারেপ কয়া অমা লৌখ্রে অমসুং লায়চৎ অসিগী লুরবা মতমসিদা সেক্তর শিনবা থুংবগী ইনফ্রাস্ত্রকচর ফগৎহনবগী তঙাই ফদববু নিংথিনা তেংবাংগনি
  • অৱাবা তারবা এম.এস.এম.ই. সেক্তরবু তেংবাংনবা মাইক্রো, স্মোল অমসুং মীদিয়ম ইন্তর্প্রাইস মন্ত্রালয়না শেল থাদবগী স্কিম অমসু হৌদোকখ্রে

হকশেল অমসুং য়াইফ য়ুম্বাল মন্ত্রালয়গী কোবিদ-১৯গী অপদেৎ; কোবিদ-১৯গী তেস্ত তৌবগী চাং অসি নোংমদা লাক্ষ ২ লানখ্রে; কোবিদ-১৯ লেব কেপাসিতী ১০০০ য়ৌরে

লৈবাক অসিদা তেস্তিং তৌবগী খুদোংচাবা অসি অখন্নবা মওংদা হেনগৎহন্দুনা পুং ২৪দা সেম্পল লাক্ষ ২ হেন্না তেস্ত তৌদুনা হৌজিকফাওবগী ওইনা ৱাংখ্রে। ঙরাং সেম্পল ২,১৫,১৯৫ তেস্ত তৌদুনা হৌজিকফাওবদা তেস্ত পাংথোকখিবা সেম্পলগী মশিং অসি পুন্না ৭৩,৫২,৯১১ য়ৌখ্রে। সরকারগী হোসপিতালদা সেম্পল ১,৭১,৫৮৭ তেস্ত তৌখি, লন্নাইগী হোসপিতালদা ৪৩,৬০৮ তেস্ত তৌখি। লন্নাইগী হোসপিতালশিংদসু সেম্পলগী মশিং অসি চাং অসিগা মান্ননা য়ৌখৎখ্রে। লেবশিংদা কোবিদ-১৯ তেস্ত তৌবগী দাইগ্নোস্তিক লেবশিংগী মশিং অসি হেনগৎলকক্লিবা নেৎৱর্ক অসিনা খুদম অমা ওইনা লৈবাক অসিদা মনুংদা হৌজিক ভারত্তা লেব ১০০০ লৈরে। মসিদা সরকারগী সেক্তরদা ৭৩০ অমসুং লন্নাইগী লেব ২৭০ য়াওরি। কোবিদ-১৯না নাবদগী ফগৎলকপগী মশিং অসিসু অসুম হেনগৎলক্লি। হৌখিবা পুং ২৪সিদা কোবিদ-১৯না নাবা মীওই পুন্না ১০,৪৯৫ ফগৎপা ঙমখ্রে। অপুনবা ওইনা পুন্না মীওই ২,৫৮,৬৮৪ ফগৎখ্রে। কোবিদ-১৯না নাবদগী ফগৎখিবগী চাং অসি চাদা ৫৬.৭১ ওইরে। হৌজিকক্কী ওইনা, এক্তিব ওইবা কেস মশিং অসি ১,৮৩,০২২নি অদুগা নিংথিজনা লায়েং চত্থরি।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1633884

সেক্তর শিনবা থুংবগী ইনফ্রাস্ত্রকচর চাউখৎহন্নবা কেবিনেৎনা পুৱারী ওইবা ৱারেপ লৌখ্রে

প্রধান মন্ত্রী শ্রী নরেন্দ্র মোদীনা লুচিংবা মন্ত্রী মন্দলনা ঙসি উন্নদুনা মশক নায়রবা ৱারেপ কয়া অমা লৌখ্রে অমসুং লায়চৎ অসিগী মনুংসিদা ওইরিবা লুরবা মতমসিদা মসিনা সেক্তর শিনবা থুংবগী ইনফ্রাস্ত্রকচর ফগৎহনবগী তঙাই ফদববু নিংথিনা তেংবাংগনি। মসিগী মনুংদা য়াওরিবশিং অদুদিঃ এনিমেল হসবেন্দরী ইনফ্রাস্ত্রকচর দিবেলপমেন্ত ফন্দ সেৎ-অপ; য়ু.পি.গী কুশিনগর এয়রপোর্তপু ইন্তর্নেস্নেল এয়রপোর্ত ওইরে লাউথোকপা; ম্যানমারদা লৈবা শ্বে ওইল এন্দ গ্যাস প্রোজেক্তপু হেন্না চাউখৎহন্নবা ও.ভি.এল.না শেল থাদবগী অয়াবা পীবা।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1633893

এনিমেল হসবেন্দরী ইনফ্রাস্ত্রকচর দিবলপমেন্ত ফন্দ লিংখৎপা মন্ত্রীমন্দলনা অয়াবা পীরে

তোঙান-তোঙানবা হিরম কয়া চাউখৎহন্নবা হন্দক লাউথোকখিবা অত্মা নির্ভর ভারত অভিয়ান পেকেজগী মতুংইন্না, লুপা ক্রোর ১৫০০০গী এনিমেল হসবেন্দরি ইনফ্রাস্ত্রকচর দিবলপমেন্ত ফন্দ(এ ঐচ আই দি এফ) লিংখৎপা প্রধান মন্ত্রীনা লুচিংবা কেবিনেৎ কমিতি ওন ইকনোমিক এফেয়ার্সনা অয়াবা পীরে। ভারত সরকারনা বেনিফিসরিশিংদা চাদা ৩গী ইন্তরেস্ত সবভেন্সন পীগনি। প্রিন্সিপাল তার্ম লোনগী শেনফম চহি ২ লোন শিংলোই অমসুং মতুং তারকপদা চহি ৬ চংনা লোন শিংগনি।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1633918

প্রধান মন্ত্রী মুদ্রা য়োজনাগী মখাদা থা ১২গী ওইনা শিশু লোনশিং শিংগৎপদা শেন্দোই ২%দা হন্থবদা অয়াবা পীখ্রে

প্রধান মন্ত্রী শ্রী নরেন্দ্রনা মোদীনা ময়াই তাংবল লৌখিবা কেন্দ্রগী মন্ত্রী মন্দলগী মীফম্না ঙসি শিশু লোন একাউন্ত খুদিংমক্তা থা ১২গী ওইনা চৎনবা য়ারবা শেল পুরিবশিংদা প্রধান মন্ত্রী মুদ্রা য়োজনা (পি.এম.এম.ৱাই.)গী মখাদা শেন্দোই ২% হন্থবগী থৌশিল অমা হৌদোকপদা অয়াবা পীখ্রে। মসিগী থৌশিল অসি আত্মনির্ভর ভারত অভিয়ানগী মখাদা লাউথোকখিবা এম.এস.এম.ই.শিংগা মরী লৈনবা খোংথাংশিংগী মনুংদা অমা থবক ওইনা পায়খৎনবগীদমক্তনি। থৌশিল অসি শেল পুরিবা মীওইশিংদা মখোয়দা তোল্লিবা শেল অদু হন্থবীদুনা 'পিরামিদকী মখোংদগী' হৌদুনা হৌজিক ওইরিবা খুদোংচাদবা ফিবম অসিদা মখোয়গী অৱাবদা মতেং পাংদুনা অমসুং মখোয়দা তারিবা শেলগী দশা অসিদগী কোকপীনবগীদমক হৌদোকখিবনি। অপীকপা করবারশিংবু শৌগৎপীদুনা হৌজিক ওইরিবা খুদোংচাদ্রবা ফিবম অসিদা মখোয়গী থবক থৌরমশিং মহা চত্থবা য়াহন্দুনা থৌশিল অসিনা শেন্মিৎলোন্দা অমসুং তুংদা মীয়ামদা থবক পীবদা তঙাইফদবা অমা ওইরিবা মখোয়গী লম্বাশিং শৌগত্তুনা অফবা শাফু অমা পীবা ঙমগদ্রা হায়বগী আশা তৌরি।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1633895

অৱাবা তারবা এম.এস.এম.ই. সেক্তরবু তেংবাংনবা মাইক্রো, স্মোল অমসুং মীদিয়ম ইন্তর্প্রাইস মন্ত্রালয়না শেল থাদবগী স্কিম অমসু হৌদোকখ্রে

এম.এস.এম.ই.গী মন্ত্রী শ্রী নিতিন গদকরিনা ঙসি “দিস্ত্রেসদ এসেৎ ফন্দ-সব-ওর্দিনেৎ দেৎ ফোর এম.এস.এম.ই.” হায়নসু কৌবা ক্রেদিৎ গেরেন্তী স্কিম ফোর সব-ওর্দিনেৎ দেৎ (সি.জি.এস.এস.দি.) কৌবা অমা লাউথোকখ্রে। স্কিম অসিগী মতুং ইন্না, ইক্বিতী ওইনা অৱাবা তারবা এম.এম.এম.শিংদা মখা তানা শেল থাদদুনা বেঙ্কতগী শেল পুবা ঙম্বা প্রোমোতরদা স্কিম অসিনা লুপা কোতি ২০০০০গী গেরেন্তী কবর পীগনি। স্কিম অসিনা এম.এস.এম.ই. লাখ ২মুক্তা তঙাই ফদ্রবা তেংবাং পীবা ঙমগনি অমসুং সেক্তর অসিগী অমসুং সেক্তর অসিগী খুত্থাংদা শেন্মিৎলোন্সু ফগৎহনবদা তেংবাংগনি হায়না থাজনরি। সেক্তর অসিদা তাংজদুনা লৈবা মীওই কয়াগী থবক অমসুং পুন্সি মহিংসু স্কিম অসিনা ঙাক শেনবদা তেংবাংগনি।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1633907

কেন্দ্রগী গৃহ মন্ত্রী শ্রী অমিৎ শাহনা মথংগী চয়োল ফাওবগী মনুংদা লৈবাকসিগী কোনুংদা কোবিদ-১৯গী অনাবশিংগীদমক আই.সি.য়ু. বেদ ২৫০ য়াওনা অহেনবা ফমুং ২০০০০ হাপ্লগনি হায়খ্রে

কেন্দ্রগী গৃহ মন্ত্রী শ্রী অমিৎ শাহনা দিল্লীগী রধা স্বামি ব্যাস্তা লৈরিবা ফমুং ১০০০০ লৈবা কোবিদ কেয়র সেন্তর অসি জুন ২৬ ফাওবগী মনুংদা থবক তৌবা হৌরগনি হায়খ্রে। মসিগী থবক কন্না পাংথোকলি অমসুং ফেসিলিতী অসিগী অয়াম্বা শরুক্তি ইরাই নুমিৎ ফাওবগী মনুংদা থবক তৌবা হৌরগনি হায়খি। শ্রী অমিৎ শাহনা ত্বীত অমদা ঙরাং হায়খিবদা দিল্লীগী মুখ্য মন্ত্রী শ্রী অর্বিন্দ কেজ্রিৱালনা ছতরপুরদা লৈরিবা রধা স্বামি সতসং ব্যাসকী কেম্পস্তা লৈরিবা কোবিদ কেয়র সেন্তর অসিবু য়েংশিনবিনবা চিথি ইরকখি হায়খি। দিল্লীগী সি.এম.না আই.তি.বি.পি. উমসুং আর্মীদগী দাক্তর অমসুং নর্সশিং থাবিরক্নবা কেন্দ্রদা হায়জখ্রে। মসিগী পাউখুম ওইনা শ্রী অমিৎ শাহনা হায়খিবদা নুমিৎ হুম্নিগী মমাংদা ফমখিবা মীফমদা য়ানখিবা মতুং ইন্না গৃহ মন্ত্রালয়না আই.তি.বি.পি.দা রধা স্বামি ব্যাস্তা কোবিদ কেয়র সেন্তর চলায়বগী থবক পীখ্রে অমসুং মথংগী চয়োল ফাওবগী মনুংদা কোবিদকী অনাবশিংগী আই.সি.য়ু. বেদ ২৫০ য়াওনা মতিক চাবা ফমুং ১০০০ শেম শাবা লোয়রগনি হায়খি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1633751

রেলৱেজনা লাক্কদৌরিবা ওক্তবর ৩১, ২০২০ফাওবদা লৈরিবা নুমিৎ ১২৫নিগী মনুংদা লুপা কোতি ১৮০০গী শেনফমগী ইনফ্রাস্ত্রকচর প্রোজেক্তশিংদা মাইগ্রেন্ত অমসুং অতোপ্পা মীওইশিংগী নোংমগী থবক লাখ ৮গী খকুদোংচাবা পীগদৌরি

রেলৱেজ মন্ত্রালয়না ‘গরীব কলয়ান রোজগার অভিয়ান’গী থবক অসি রাজ্য ৬কী জিলা ১১৬তা পাংথোক্লিবা থবকশিংবু য়েংশিনখ্রে। রেলৱে জোন অমসুং রেল পি.এস.য়ু.শিংনা অভিয়ান অসিগী থবক য়েংশিনবগী মীফমদা শরুক য়াখি। রেলৱেজনা রাজ্যগী অমসুং জিলা ১১৬কী থাক্তা নোদেল ওফিসারশিং খল্লগনি। মসিগী নুমিৎ ১২৫নিগী অভিয়ান অসি মিসন মোদতা থবক তৌগনি অমসুং রাজ্য ৬, বিহার, উত্তর প্রদেশ, মধ্য প্রদেশ, রাজস্থান, ঝারখন্দ অমসুং ওরিশা,কী জিলা ১১৬তা মশিং য়াম্লবা য়ুমদা হল্লকপা মাইগ্রেন্ত শিন্মীশিং লৈরিবা মফমশিংদা মিৎয়েং চংবা মখল কয়াগী থবক কয়া পাংথোক্কনি। হৌজিক ফাওবগী থবক ওইনা পাংথোক্কদবা চাউরাকপা ইনফ্রাস্ত্রকচর প্রোজেক্ত ১৬০ মশক খংদোক্লে।

অকুপ্পা মরোলগীদমকঃ https://pib.gov.in/PressReleasePage.aspx?PRID=1633963

ঙাকশেল মন্ত্রীনা রসিয়াগী উপ প্রধান মন্ত্রীগা লোয়ননা ভারত-রসিয়া ঙাক শেলগী খুৎশম্নবা অসি য়েংশিনখ্রে

ঙাকশেল মন্ত্রী শ্রী রাজনাথ সিংহনা রসিয়াগী উপ প্রধান মন্ত্রী শ্রী য়ুরী বোরিসোভকা লোয়ননা ভারত-রসিয়া ঙাক শেলগী খুৎশম্নবা অসি ঙরাং মোস্কোদা য়েংশিনখ্রে। শ্রী বোরিসোভ অসি ইন্তর-গবর্নমেন্তেল কম্মিসন ৱিথ ইন্দিয়া ওন ত্রেদ এন্দ ইকোনোমিক এন্দ সাইন্তিফিক কো-ওপরেসনগী লুচিংবা অমনি। মখোয়না লৈবাক অনিগী খুৎশম্নননা থবক থৌমিন্নদুনা মফমসিগী হীরমশিংগী মতাংদা খন্নখিবা অদু মায় পাকপা অমসুং মহৈ য়ানবা ওইখি। ঙাকশেল মন্ত্রীনা হায়খিবগী মতুং ইন্না লায়চৎ অমা লৈজরবসু ভারত-রসিয়াগী মরী অসি থাক খুদিংমক্তা অফবা ওইরি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1633801

কম্মর্স অমসুং ইন্দস্ত্রী মন্ত্রী শ্রী পিয়ুশ গোয়ালনা সর্বিস এক্সপোর্তরশিংদা চাংদম্নবগী কান্নবা লৌবা, ক্বালিতীদা মিৎয়েং চংবা অমসুং অতোপ্পা পন্থুংফম অমসুং সর্বিস থীবরোমদা থবক তৌনবা হায়খ্রে

কম্মর্স অমসুং ইন্দস্ত্রীগী কেন্দ্রগী মন্ত্রী শ্রী পিয়ুশ গোয়ালনা সর্বিস এক্সপোর্ত প্রমোসন কাউন্সিল (এস.ই.পি.সি.)গী ওফিস পায়বশিং অমসুং তোঙানবা সর্বিস সেক্তরগী স্তেকহোলদর্শিংগা ঙরাং মীফম অমা ফমখ্রে। হায়জরকপা কয়াগী পাউখুম পীবা ওইনা শ্রী পিয়ুশ গোয়ালনা হায়খিবদা সর্বিস সেক্তরশিং অসিদা তৌবা ঙম্বগী মতিক লৈ অদুবু মসি নিংথিনা শিজিন্নবদি ওইদ্রি হায়খি। সর্বিস্তা খ্বাইদগী মায় পাকপা কাংলুপ অসি আই.তি. অমসুং মসিগা মরী লৈনবা সর্বিসনা ওইরি অমসুং মসিগী মরমদি মখোয়গী তৌবা ঙম্ববু মপুং ফানা শিজিন্নবা অমসুং ব্যুরোক্রেতিকশিংগী ইথিল অমসুং লাকশিনবগী থৌওংশিংগী ইথিল মতাং মতাংদা লাক্লবসু সরকারগী তেংবাং কয়া লৌদনা থবক তৌবগিনি হায়খি। মহাক্না ইন্দস্ত্রীশিংনসু চাংদম্নবগী কান্নবা লৌবা, ক্বালিতীদা মিৎয়েং চংবা অমসুং অতোপ্পা পন্থুংফম অমসুং সর্বিস থীবরোমদা থবক তৌনবা হায়খ্রে।

অকুপ্পা মরোলগীদমকঃ https://pib.gov.in/PressReleasePage.aspx?PRID=1633729

লৈবাক্কী মফম কয়াদা লৈরিবা ভারতকী অয়ুসকী অখঙ-অহৈশিং ভর্চুএল মীফম অমদা য়ুনিয়ন মিনিস্তর দোক্তর জিতেন্দ্র সিংহনা ৱা ঙাংখ্রে

ঙসি য়ুনিয়ন মিনিস্তর দোক্তর জিতেন্দ্র সিংহনা হায়খ্রে মদুদি কোবিদ লাইচৎনা অপুনবা লায়েং কাংলোনশিংগী কান্নবশিং অমুক হন্না নিংশিংহল্লে অমসুং অসিগুম্বা অৱাবা লাকপা মতমদা অনা-লায়েংগী লমদা অসিগুম্বা থবকশিং অসি পায়খৎনবা খন্নবা মতম ওইরে। দোক্তর জিতেন্দ্রনা হায়খি দাইবেতিসগুম্বা লৌনগন্দবা লায়নাশিং ফাওবদা অপুনবা লায়েং কাংলোনশিং চৎরে অমসুং মসিগী মতাংদা থিজিনবা দরকার ওইরি। দাইবেতিস অনাবা মীওই অমা ইন্সুলিন ওরেল এন্তিদাইবেতিক হিদাক চারিঙৈদা য়োগা অমসুং নেচরোপেথি য়াওনা অতৈ লায়েংশিং চৎথবা মতমদা সুগর লাকশিনবা অমসুং হিদাক্কী দোজ হন্থহনবা ঙম্মি হায়বা রিছর্স পেপরশিংনা উৎলে। কোবিদকী মতাংদা দোক্তর জিতেন্দ্রনা হায়খি মসি ভাইরসনা থোকহনবা লায়না অমা ওইবনা মসি ঙাকথোকপা অসি অনাবা অমগী লায়না ঙাকথোকপা ঙম্বগী মখা য়াম্না পোল্লি মরম অদুনা লায়না ঙাকথোকপা ঙম্বগী শক্তি হেনগৎহনবা য়াম্না মরুওই। হকচাংগী লায়না ঙাকথোকপা ঙম্বগী শক্তি হেনগৎহন্নবা পাকশন্না হোমিওপেথি অমসুং অতোপ্পা হিদাক-লাংথকশিং শীজিন্নগদবনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1633749

নই দিল্লীদা অৱাংবা থাক্কী মহৈলোয়শংশিংগী ওইনা ঐচ.আর.দি.গী কেন্দ্রগী মন্ত্রীনা ভর্চুএল ওইবা মওংদা ‘য়ুক্তি ২.০’ হৌদোকখ্রে

হ্যুমেন রিসোর্স দিভেলপমেন্তকী কেন্দ্র মন্ত্রী শ্রী রমেশ পোখ্রিয়াল ‘নিশঙ্ক’না মহৈগী অৱাংবা থাক্কী মহৈলোয়শংশিংদা লল্লোন-ইতিক্কা মরি লৈনবা থবক পাংথোকপগী মঙম অমসুং ইনক্যুবেতেদ স্তার্তএপকা মরি লৈনবা ই-পাওশিংগীদমক্তা নিংথিজনা লৈহন্নবদা তেংবাং ফংহন্নবগীদমক ঙসি ‘য়ুক্তি ২.০’গী থৌরাং হৌদোকখ্রে। শ্রী পোখ্রিয়ালনা মহাক্কী ৱাফম অদু ফোংদোকপা মতমদা য়ুক্তি ২.০ অসি এম.ঐচ.আর.দি.গী থৌরাং ‘য়ুক্তি’ অসি কোবিদকী লায়চৎ অসিগা মরি লৈনবা ৱাখল্লোনশিংবু মশক খংদোক্নবা হান্নগী ভর্জন অসি শন্দোরকপা মওংনি। হান্নগী ‘য়ুক্তি’গী ভর্জনগী আওতকম পুম্নমক অসি অথুবা মতমদা ফোংলগনি। মন্ত্রীনা থবক অসিবু থাগৎখি অমসুং ঐখোয়গী প্রধান মন্ত্রীনা ভারত অসিবু ‘আত্মনির্ভর’ ওইনবা মিশন অসি পীরিরে অমসুং য়ুক্তি ২.০ অসি মায়কৈ অসিগীদা য়াম্না মরু ওইবা খোংথাং অমনি হায়না ফোদোকখি।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1633700

ওপরেসন সমুদ্র সেতু আই.এন.এস. এরাবৎনা মালদিবতগী ভারত মচা ১৯৮ পুরকখ্রে

"ওপরেসন সমুদ্র সেতু"গীদমক্তা ইন্দিয়ন নেভীনা থাখিবা, আই.এন.এস. এরাবৎনা ঙসি জুন ২৩, ২০২০গী অঙনবা অয়ুক্তা তুতিকোরিন হিথাংফমদা মালদিবকী মালেদগী পুদুনা লাকপা ভারত মচা ১৯৮গা লোইননা থুংলখ্রে। অশুম্না হৌজিক ফাওবদা ইন্দিয়ন নেভীনা ভারত মচা ২৩৮৬ মালদিবতগী ভারত্তা পুরকখ্রে।হায়রিবা মী হোন্দোকপগী থবক অসিগা লোইননা ইন্দিয়ন নেভীনা হৌজিক ফাওবদা ভারত মচা ৩৩০৫ মালদিব, শ্রী লঙ্কা অমসুং ইরান্দগী হৌজিক লৈরিবা লাইচৎ অসিগী মনুংদা হোন্দোরকখ্রে।

অকুপ্পা মরোলগীদমকঃ https://pib.gov.in/PressReleasePage.aspx?PRID=1633742

নোবেল কোরোনাভাইরস (কোবিদ-১৯)গী য়েংলগা জি.পি.আর.এ (জেনরেল পুল রেসিদেন্সিএল একোমোদেসন ) ফংলবশিং কোমথোক্লে

হাউজিং অমসুং অর্বান এফিয়ার্স মিনিস্ত্রীনা জি.পি.আর.এ. ফংলবশিংনা সরকারগী লৈফমশিংদা মখা তানা নুমিৎ ১৫ শাংথনা লৈনবা অয়াবা হায়বদি ২০২০গী জুলাই ১৫ ফাওবা পীরে। ২০২০গী মে ৫দা থোকখিবা ওর্দর অমগী মতুংইন্না মিনিস্ত্রীনা মখা তানা লৈনবা মতম ২০২০গী জুন ৩০ ফাওবা শাংদোকখিবনি। কোবিদ-১৯ কেস মশিং হেনগৎলকপদগী এল্লোতিশিংনা অতোপ্পা লৈফম থিনবা হোৎনবা অমসুং য়ুম হোংনবা হোৎনবদা শিন্মী নেকপদা মায়োক্নরিবা অৱাবশিং য়েংলগা মিনিস্ত্রীনা শাংদোকখিবনি। ২০২০গী জুন ২২দা মিনিস্ত্রীনা থোকখিবা ও.এম নম্বর ১২০৩৫/২/২০২০-পোল.২গী মতুংইন্না, এল্লোতিশিংনা ২০২০গী জুলাই ১৫ ফাওবগী মমাংদা থাদোক্নবা অমসুং মদু নত্ত্রবদি অমাং-অতা থোকহনবা অমসুং মার্কেত রেন্তগী চার্জ লৌগনি হায়রি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1633693

সি.এস.আই.আর.-এন.ই.ই.আর.আই.দা কোবিদ-১৯গী সেম্পল ৩০০০গী মথক্তা তেস্ত তৌখ্রে

এপ্রিল ২০২০দগী সি.এস.আই.আর.- নেসনল এনবাইরনমেন্ত ইঞ্জিনীয়রিং রিসর্স ইন্সতিত্যুৎ (সি.এস.আই.আর.-এন.ই.ই.আর.আই.)দা কোবিদ-১৯গী তেস্ত তৌনবা ফেসিলিতী চল্লাইবা হৌখ্রে। হৌজিক ফাওবদা সেম্পল ৩,০০০ কোবিদ-১৯গী তেস্ত তৌখ্রে। নোংমদা সেম্পল ৫০ তেস্ত তৌবা ঙম্বগা লোয়ননা সি.এস.আই.আর.-এন.ই.ই.আর.আই.দা কোবিদ-১৯ সেমপ্লশিং তেস্ত তৌনবা মথৌ তাবা ইনফ্রাস্ত্রচর লৈ অমসুং তেস্ত তৌদ্রিঙৈ মমাংদা মথৌ তাবা বাইও-সেফতী অমসুং বাইও-সেক্ব্যুরিতীগী চেকশিন থৌরাং পুম্নমক লৌখৎলি। “ফেসিলিতী অসি নাগপুর অমসুং বিদরভাগী অকোয়বদা লৈবা মফমশিংগী কোবিদ-১৯ সেম্পলশিং তেস্ত তৌনবা হাংখি।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1633846

জে.এন.সি.এ.এস.আর.না কোবিদ-১৯দা য়ুম্ফম ওইরগা শন্দোক্কনবা লায়নাশিংগী মোলিকুলর দাইগ্নোসিসকী ক্রাশ কোর্স হৌখ্রে

ভারত সরকারগী সাইন্স অমসুং তেক্নোলোজী বিভাগকী মখাদা লৈবা ওতোনোমস রিসর্চ ইন্সতিত্যুৎ অমা ওইরিবা জৱাহর্লাল নেহরু সেন্তর ফোর এদভান্স সাইন্তিফিক রেসর্চ (জে.এন.সি.এ.এস.আর.)গী জাক্কুর কেম্পসতা লৈবাক অসিনা কোবিদ-১৯ লায়চৎ লান্থেংনবা ঙম্নবা মতেং পাংবা ওইনা হীরম অসিদা খ্বাইদগী অনৌবা কোবিদ দাইগ্নোসিস ত্রেনিং সেন্তর অমা লীংখৎখ্রে। রিএল-তাইম পি.সি.আর.গুম্বা মোলিকুলর দাইগনোসিস তেক্নিকশিং অসিনা কোবিদ-১৯ য়াওনা লায়চৎশিং খঙদোকপা অমসুং থীদোকপদা মরু ওইবা থৌদাং অমা লৌরি। প্রোগ্রাম অসিগী মরু ওইবা পান্দমদি রিএল-তাইম পি.সি.আর.দা বেচ অমদা ত্রেনী ৬-১০ য়াওহন্দুনা বেচ মশিং কয়া ত্রেনিং পীবনি।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1633847

পি.আই.বি. ফিল্দ ওফিসতগী ফংবা ইনপুৎশিং

  • কেরলাঃ রাজ্য সরকারনা মপান লমদগী হল্লকপা মীওইশিংনা কোবিদ সর্তিফিকেৎ পায়গদবনি হায়বদু কোমথোকখ্রে। কোবিদ তেস্ত তৌবা য়াদবা মফমদগী লাকপা মীওইশিংনা পি.পি.ই. উপ্লগা লাক্লবদি চংহনগনি অমসুং এয়রলাইনশিংদসু মখোয়দা পি.পি.ই. পীনবা হায়খ্রে। সরকারনা মতম খরা অমুক শাংদোক্তুনা কোবিদ নেগেতিব সর্তিফিকেৎ চৎনহনবা য়ানবা হোৎনরি। তাল্লকসিদা অঙাং ৪০দা তিকা কাপ্পিবা নর্স অমা কোবিদ পোজিতিব ওইবদগী অঙাংশিং অদুসু কোচিগী ক্বারেন্তাইন সেন্তর অমদা থমখ্রে। রাজ্যসিগী মপান্দা লৈবা কারলাইৎ ৮ অমসু লৈখিদ্রে। ঙরাং রাজ্যসিদা অনৌবা কোরোনাভাইরস্কী অনাবা ১৪১ অমসুং মীওই ১ লৈখিদবগী রিপোর্ত লাকখি। রাজ্য শিনবা থুংনা মীওই ১৬২০ হৌজিক লায়েংদুনা লৈরি।
  • তমিল নাদুঃ হৌহিবা পুং ২৪দা পুদুচেরীদা খ্বাইদগী য়াম্বা কোবিদ-১৯গী অনাবা লাকখি; অপুনবা মশিং ৪৬১ শুখ্রে। চহী ২২শুরবা এম্বুলেন্স থৌবা মীওই অসি তিরুপুরগী খ্বাইদগী অহানবা কোবিদ-১৯গী অনাবা ওইরে। রাজ্যগী কেস মশিং ২৫১৬ হেনগৎখ্রে অমসুং মীওই ৩৯ অমসু লৈখিদ্রে। চেন্নইদগী ঙরাং কেস ১৩৮০ লাকখি। অপুনবা কেস-৬৪৬০৩, এক্তিব কেস-২৮৪২৮, লৈখিদবা-৮৩৩, দিসচার্জ তৌখ্রবা-৩৫৩৩৯ অমসুং চেন্নইগী অপুনবা কেস-১৮৮৮৯নি।
  • করনাতকাঃ কোবিদ-১৯ লাকশিনবগী থৌওং অমা ওইনা হকশেল অমসুং য়াইফ য়ুম্বালগী দাইরেক্তোরেৎনা লন্নাইগী হোস্পিতালশিং অমসুং মেদিকেল কোলেজশিংদা ফীবর ক্লিনিক অমসুং স্বাব কলেক্সন তৌফম হাংদোক্নবা হায়খ্রে। হকশেল মন্ত্রীনা অখঙ অহৈশিংগা তান্নরবা তুংদা রাজ্যসিদা লোকদাউন অমুক থম্নবা ৱারেপ লৈরগনি হায়খ্রে। চেকশিন তৌরাং কয়াগী মরক্তা হয়েংদগী হৌগদবা এস.এস.এল.সি. (১০শুবা স্তেন্দর্দ)গী একজামদা মহৈরোয় লাখ ৮.৫না শরুক য়াগদৌরি। তালকসিদা কে.এস.আর.তি.সি.না তাঙ্কক নায়বা মওংদা জুন ২৫দগী এ.সি. বসশিং চেনবা হৌরগনি। ঙরাং অনৌবা কেস ৩২২, দিসচার্জ তৌখিবা ২৭৪ অমসুং মীওই ৮ লৈখিদবগী রিপোর্ত লাকখি। হৌজিক ফাওবগী অপুনবা কেস মশিং ৯৭২১, এক্তিব কেস ৩৫৬৩ অমসুং লৈখিদবা ১৫০ শুরে।
  • আন্ধ্র প্রদেশঃ বিজয়াৱাদাদা লোকদাউন থমগনি লাউথোকপগী পুং ১গী মতুংদা ওর্দর অসি রাজ্য সরকারনা অমুক হন্দোকখিবদগী মীয়ামদা চমম্নবা থোকহনখ্রে। লৈবাকপোকপা নুমিৎকী নুমিদাংদা কৃষ্ণ জিলাগী কল্লেক্তরনা কোরোনাভাইরসকী কেস মশিং হেনগৎলকপনা মরম ওইদুনা জুন ২৬তগী নুমিৎ ৭নিগী লোকদাউন লৈগনি হায়না লাউথোকখি। অপুনবগী ওইনা কুর্নুল জিলানা কেস ১৪৮৩ লৈদুনা খ্বাইদগী মকোক্তা লৈরে; মথংদা কৃষ্ণ জিলা (১১৩২) অমসুং অনন্তপুর (১০২৮) লৈরি। হৌখিবা পুং ২৪গী মনুংদা সেম্পল ৩৬০৪৭ তেস্ত তৌবদা অনৌবা কেস ৪৯৭, দিসচার্জ ১৪৬ অমসুং মীওই ১০ লৈখিদবগী রিপোর্ত লাকখি। অনৌবা কেস ৪৯৭কী মনুংদা ৩৭তি রাজ্য মনুংগী ওইবা কেসনি অমসুং ১২না মপান লমদগী লাকপা কেসনি। অপুনবা কেস- ১০৩৩১, এক্তিব কেস-৫৪২৩, দিসচার্জ-৪৭৭৯ অমসুং লৈখিদবা-১২৯নি।
  • তেলঙ্গানাঃ লন্নাই হোস্পিতালশিংনা এসিম্পতোমেতিক ওইবা সিম্পতম য়াম্না কা হেন্না উত্তবা কোবিদ-১৯গী অনাবশিংদি ফমুং ৱাৎপগী মরম পীরদুনা য়ুমদা লৈনবা হায়খ্রে। নোংমদা কোরোনাভাইরস্কী কেস খ্বাইদগী য়াম্বা ওইনা রাজ্যসিনা মীওই ৩ লৈখিদবগা লোয়ননা অনৌবা কেস ৮৭৯ লাকপগী রিপোর্ত লাকখি। অপুনবা কেস-৯৫৫৩, এক্তিব কেস-৫১০৯, লৈখিদবা-২২০, দিসচার্জ তৌখ্রবা-৪২২৪ অমসুং সেম্পল তেস্ত তৌখিবা মশিং-৬৩২৪৯নি।
  • মহারাস্ত্রাঃ য়ুমশকৈশা নুমিত্তা মহারাস্ত্রাদা কেস মশিং য়াম্না হন্থখি। হৌখিবা পুং ২৪দা অনৌবা কেস ৩২১৪ লাক্তুনা অপুনবা কেস মশিং ১৩৯০১০ য়ৌখ্রে। লৈবাকপোকপা নুমিত্তা মীওই ৭৫ লৈখিদবদগী মোর্তেলিতী রেৎ অসি ৪.৭০দা হেনগৎখ্রে। চয়োল য়াম্লবগী তুংদা মুম্বাইদা কেস মশিং ১০০০দগী তাবা ওইনা ৮২৪ লাকখি। শহর অসিগী কোবিদনা নাবা অপুনবা মশিং অসি ৬৮৪৮১দা লৈরি। ব্রিহনমুম্বাই ম্যুনিসিপাল কোরপোরেসন্না মিনিৎ ১৫-৩০গী মনুংদা রিজল্ত পীবা ঙম্বা আই.সি.এম.আর.না অয়াবা পীরবা এন্তিজেন তেস্তিং কিত শিজিন্নদুনা তেস্ত তৌগদবা মিসন য়ুনিবর্সেল তেস্তিংগী থবক পায়খৎপা হৌখ্রে। বি.এম.সি.না কোবিদ-১৯গী চিংনবা অনাবশিংবু অথুবা মতমদা তেস্ত তৌনবা এন্তিজেন তেস্তিং কিৎ লাখ ১ লৈগদৌরি। মসি মীয়ামগী ওইবা, রাজ্যনা চলায়বা হোস্পিতালশিং অমসুং কোবিদ-১৯ লায়েংফমশিংদা চিংনবা মীওইশিং তেস্ত তৌদুনা মতম চানা লায়েংনবা শিজিন্নগনি।
  • গুজরাতঃ লৈবাকপোকপা নুমিত্তা অনৌবা কেস ৫৪৯ লাক্তুনা রাজ্যসিগী অপুনবা এস মশিং ২৮৪২৯ য়ৌখ্রে। অমসুং নুমিৎসিদা মীওই ২৬ লৈখিদবদগী অপুনবা মশিং ১৭১১ য়োউখ্রে। তাল্লকসিদা অনাবা ৬০৪ হোস্পিতাল কয়াদগী দিসচার্জ তৌখিবদগী অপুনবা মশিং ২০৫২১ য়োউখ্রে। খ্বাইদগী য়াম্বা অনৌবা কেস অসি অহমেদবাদতগী (২৩০) লাকখি। মসিগী মতক্তা সুরৎ (১৫২) অমসুং বদোদরা (৩৮)তগীসু অনৌবা কেস লাকখি। রাজ্যসিদা হৌজিক ফাওবগী ওইনা কোবিদ-১৯গী তেস্ত লাখ ৩ অমসুং লিশিং ৩৪দগী হেন্না তৌখ্রে।
  • রাজস্থানঃ ঙসি অয়ুক্তা অনৌবা পোজিতিব কেস ১৮২ অমসুং মীওই ৭ লৈখিদবগী রিপোর্ত লাকখি অমসুং অপুনবা কেস মশিং ১৫৮০৯ য়ৌখ্রে। মীওই ১২৪২৪ নাবা ফখিবগী মথক্তা মীওই ৩৭২ লৈখিদ্রে। হৌজিক হৌজিক রাজ্যসিদা এক্তিব কেস ৩০১৩ লৈরি। খ্বাইদগী য়াম্বা অনৌবা পোজিতিব কেস অসি ধোল্পুরদগী (৬৩) লাকখি অমসুং জয়পুর (৫৩) অমসুং ভারতপুর (২৩)না মতুং ইনখি। রাজ্যসিদা হোতেল অমসুং রেস্তুরেন্তশিং অমসুং য়ু য়োনবা হৌগদবা অসিগা মরী লৈননা রাজ্যসিগী এক্সাইস কম্মিস্নরনা মীয়াম্না ইনগদবা গাইদলাইন ফোংখ্রে।
  • মধ্য প্রদেশঃ অনৌবা কেস ১৮৩ লাক্তুনা অপুনবা কেস মশিং ১২২৬১ য়ৌখ্রে। অপুনবা অসিগী মনুংদা এক্তিব কেস ২৪০১ ওই; মীওই ৯৩৩৫ নাবা ফখ্রে অমসুং মীওই ৫২৫না লৈখিদ্রে। রাজ্যসিদা সরকারনা কোলেজগী মহৈরোয় খুদিংমক প্রমোসন পীখ্রে। হোৎস্পোৎ ওইরিবা ইন্দোরদা অনৌবা কেস ৫৪ লাক্তুনা শহরসিগী অপুনবা কেস মশিং ৪৪২৭ য়ৌখ্রে। লৈবাকপোকপা নুমিত্তা ভোপালদা অনৌবা কেস ২৯ অমসুং মোরেনা জিলাদা অনৌবা কেস ২৩ লাকখি। ঙসি ফাওবদা ভোপালদা পোজিতিব কেস ২৫৫৬ লৈরি।
  • ছতিসগরঃ লৈবাকপোকপা নুমিত্তা অনৌবা কেস ৮৩ লাক্তুনা অপুনবা কেস মশিং ২৩৮৫ য়ৌখ্রে। মসিগী মনুংদা এক্তিব কেস ৮৪৬ লৈরি। মসিগা লোয়ননা লৈবাকপোকপা নুমিত্তা তোঙান তোঙানবা হোস্পিতালশিংদগী মীওই ৪০ দিসচার্জ তৌখিবগা লোয়ননা অপুনবা নাবা ফবা মশিং ১৫২৭ য়ৌখ্রে। রাজ্যসিদা কোরবা জিলানা কোবিদকী কেস খ্বাইদগী য়াম্বা ওইরি অমসুং রাইপুর, মথংদা বালোদবাজার অমসুং জঞ্জগির-চম্পা জিলানা মতুং ইন্দুনা চৎলি।
  • গোৱা: লৈবাকপোকপা নুমিত্তা অনৌবা কেস ৪৫ লাক্তুনা অপুনবা কেস মশিং ৯০৯ য়ৌখ্রে। মসিগী মনুংদা এক্তিব কেস ৭০২ লৈরি। অমসুং নুমিৎসিদা মীওই ৫৩ নাবা ফখিদুনা অপুনবা মশিং ২০৫ শুখ্রে।
  • চান্দিগরঃ চান্দিগর য়ু.তি.গী লৈঙাক্লোইনা কম্মিস্নর, ম্যুনিসিপাল কোরপোরেসন অমসুং দীপুতী কম্মিস্নরদা ক্বারেন্তাইন সেন্তরদা লৈরিবা মীয়ামশিংবু নিংথিনা অমসুং চেকশিন্না থম্মু হায়খ্রে। পীদবা য়াদবা অফবা চিঞ্জাক, ঈশিং অমসুং লু-নান্না থম্বা অমাংশং নিংথিনা য়েংশিন্দুনা পীয়ু হায়খ্রে।
  • পঞ্জাবঃ অখন্নবা মফম খরদা কোরোনা ভাইরস শন্দোরকপা থিংবা হায়দুনা রাজ্য সরকারনা অকনবা কন্তেনমেন্ত তৌবগী পথাপ অমা শেমখ্রে অমসুং মসিগী মনুংদা মীওই ২৫০০০ লৈবা জিলা ৮দা কন্তেনমেন্ত জোন ১৯ শেমগনি।
  • হরয়ানাঃ কোবিদ-১৯গী লায়চৎ অসি য়েংলদুনা রাজ্যসিদা লৈরিবা হেলথকেয়র ফেসিলিতীশিং অসি ফগৎহন্নবা লৌখৎপা খোংথাং অমা ওইনা মুখ্য মন্ত্রীনা রাজ্যসিগী দিস্ত্রিক্ত হোস্পিতাল ২২দা ফারমাসিস্তকী তেক্নিকেল এপ্রেন্তিস ১১০ লৌবগী অয়াবা পীখ্রে। নেস্নেল এপ্রেন্তিসশিপ ত্রেনিং প্রোগ্রামদগী এপ্রেন্তিস এক্ত ১৯৬১গী মখাদা দিস্ত্রিক্ত হোস্পিতাল অমদা এপ্রেন্তিস ৫ থমগনি।
  • হিমাচল প্রদেশঃ মুখ্য মন্ত্রীনা আশাগী থৌমীশিংদা ৱা ঙাংবদা রাজ্যসিগী আশাগী থৌমী খুদিংদা জুন অমসুং জুলাইগী ওইনা থাদা লুপা ২০০০ পীগনি হায়খ্রে। কোরোনাগী লায়চৎ অসিনা মালেম পুম্ববু ঙকহল্লে অমসুং মেদিকেলগী মীওইশিংবু অৱাবা পীরে হায়খি। রাজ্য অসিনা ভাইরস অসি মায় পাক্না লান্থেংনরি অমসুং মসিদা আশাগী থৌমীশিংনা মরু ওইবা শকফম অমা লৌরি হায়নসু মহাক্না হায়খি। আশাগী থৌমীশিংনা আই.এল.আই.গী সিম্পতম লৈবা মীওইশিং মশক খংদোকপদা নত্তনা মীওইশিংনা ক্বারেন্তাইনগী কাংলোনশিং ইলহনবদসু মীয়ামদা ইথিল পীদুনা তেংবাংখি হায়না হায়খি।

ফেক্তচেক

*****



(Release ID: 1634131) Visitor Counter : 9