১. কোয়লাগী লমদা অত্মানির্ভর ভারত ফংবা ঙম্নবা মিৎয়েং অমগা লোয়ননা, কোয়লা মন্ত্রলয়না এফ.আই.সি.সি.আইগা লোয়ননা সি.এম. (এস.পি.) এক্ত অমসুং এম.এম.দি.আর. এক্তকী প্রোবিজনশিংগী মখাদা কোয়লা খনি ৪১ নিলাম লাউনবা থবক পায়খৎলে। মসিগী নিলাম লাউনবগী থবকশিং অসি কম্মর্সিয়েল মাইনিংগীদমক ভারতকী কোয়লাগী সেক্তর হাংদোকপা হৌবনি। মসিনা লৈবাক অসিনা মসিগী দরকার ওইবা ইনর্জি ওক্নবা পুথোকপা ঙমহল্লগনি অমসুং ইন্দস্ত্রি চাউখৎপা হেনগৎহল্লগনি। কোয়লা য়োন্নবা কোয়লা খনিশিং নিলাম লাউনবগী থৌরাং অসি অত্মানির্ভর ভারত অভিয়ানগী মখাদা ভারত সরকারনা পরিং নাইনা লাউথোকখিবশিং অদুগী শরুক অমনি। থৌরম অসি ভর্চুএল ওইনা ২০২০গী জুন ১৮গী অয়ুক পুং ১১দা পাংথোক্কনি। এন.আই.সি., এন.ই.জি.দি. অমসুং এফ.সি.আই.আই.গী তোঙান-তোঙানবা নেতৱার্কশিংগী খুৎথাংদা ভর্চুএল ওইনা থৌরম অসি খুদিংমক্না শরুক য়াবা য়াগনি।

নিলাম লাউবগী থবক হৌদোকপা

২. পৱার, স্তিল, এলুমিনিয়ম, স্পোঞ্জ আইরন অসিনচিংবা মরুওইবা ইন্দস্ত্রিশিংগী মরুওইবা মচাকশিং পীরিবা মাইনিং সেক্তরদা অত্মানির্ভর ভারত ফংবা ঙম্নবা লৈবাক অসিগীদমক মহাক্কী পান্দম অদুগা লোয়ননা নিলাম লাউবা হৌদোকপা থৌরমদা প্রধান মন্ত্রী ৱা ঙাংগনি। থৌরম অদুদা কোয়লা, মাইন্স অমসুং পর্লিয়ামেন্তরি এফেয়ার্সকী য়ুনিয়ন মিনিস্তর প্রালহাদ জোসি শরুক য়াগনি।

৩. মসিগী শিংথানিংঙাই ওইরবা থবক অসিনা লনাই কম্পেনি শরুক য়াবা হেনগৎহন্দুনা পোৎথোক পুথোকপা হেনগৎহনগনি, চাংদম্নবা লৈরগনি, শেন য়াম্না থাদদুনা খ্বাইদগী নৌবা তেক্নোলোজি অমসুং খুৎলায় শীজিন্নদুনা পোৎথোক হেনগৎহনগনি, তুংকোইনা চৎনগদবা কোয়লা পেক্নবগী লম্বী শেম্লগনি অমসুং লৈবাক অসিগী চাউখৎত্রিবা মফমশিংদা থবক হেন্না ফংহন্নবগী খুদোংচাবশিং পীরগনি। কমর্সিয়েল মাইনিংগী থবক হৌদোকপদগী, মাইনিং, পাৱর অমসুং মৈখু চেন্দবা কোয়লাগা মরী লৈনবা লমশিংদা ইনবেস্তরশিংনা খুদোংচাবশিং লৌনবা ভারতনা কোয়লাগী সেক্তর হাংদোক্লে।

৪. থৌরম অদুদা এফ.সি.আই.আই.গী প্রসিদেন্ত, দোক্তর সঙ্গিতা রেদ্দি, বেদান্তা গ্রুপকী চেয়রমেন অনি অগরৱাল অমসুং তাতা সন্সসকী চেয়রমেন এন.চন্দ্রসেখারন ৱা ঙাংগনি।

৫. থৌরম অদু লাইভ তেলিকাস্ত তৌগনি অমসুং মশক নাইবা ইন্দস্ত্রিশিংগী লুচিংবশিং, ললোনবশিং, বেঙ্কগী মীওইশিং, মাইনিং ইন্দস্ত্রিগী ওন্ত্রেপ্রেনিয়রশিং, দিপ্লোমেতশিং, মপান লৈবাকশিংগী মীহুৎশিং শরুক য়াগনি হায়না থাজরি।

নিলাম লাউবগী মরুওইবা তার্মশিং

6. কোয়লাগী খনিশিং পীনবা তাঙ্কক অনি লৈবা ইলেকত্রোনিক ওইনা নিলাম লাউনবা থৌরাং অমা পায়খৎলে। নিলাম লাউবগী অকুপ্পা মরোলশিং এম.এস.তি.সি লিমিতেৎনা য়ুম্বু ওইবা http://cma.mstcauction.com/auctionhome/coalblock/index.jsp দগী খঙবা য়াগনি।

৭. লৈবাক অসিনা ফংগদবা কান্নবশিং :

• খ্বাইদগী য়াম্না পুথোকপা ঙম্বগী চাং য়ৌদুনা এম.তি ২২৫ পুথোকপা মতমদা, হায়রিবা মাইনশিং অসিনা ২০২৫-২৬দা লৈবাক অসিনা পুথোক্নবা পান্দম থম্লিবা কোয়লাগী পোৎথোক্কী চাদা ১৫ পুথোক্কনি।
• মীওই লাখ ২.৮ হেন্না থবক ফংহগনি : চাউরাক্না মীওই ৭০,০০০ হকথেংননা থবক পীগনি অমসুং চাউরাক্না মীওই ২১০,০০০ নাকোইননা থবক পীগনি।
• মথং চহি ৫-৭দা লৈবাক অসিদা চাউরাক্না লুপা ক্রোর ৩৩,০০০ রোম থাদরক্কনি হায়না পানরি।
• হায়রিবা মাইনশিং অসিনা রাজ্য সরকারশিংদা চহি অমদা লুপা ক্রোর ২০,০০০ ফংহনগনি।
• এফ.দি.আই. চাদা ১০০ য়াবদগী মাইনিংগী থবকশিংদা মালেমগী খ্বাইদগী ফবা থবকশিং, খ্বাইদগী নৌবা তেক্নোলোজিশিং অমসুং মেছিনশিং পুরক্লবা য়ারি।
• লৈবাক অসিগী ওক্নবা পুথোকপদগী মপান্দগী পুশিল্লকপা তোক্তুনা ইন্দিপেন্দেন্ত থর্মেল পৱার প্লান্তশিং অমসুং কেপতিব পৱার প্লান্তশিং ফোরেন করেন্সি কনবা ঙম্লগনি।
• ইন্দিস্ত্রিশিংগী কোয়লাগী পোৎথোকশিং মরাংকাইনা থম্বদগী রিগুলেতেৎ অমসুং নন-রিগুলেতেৎ সেক্তরশিং ফগৎহল্লগনি।
• নেস্নেল কোল ইন্দেক্স চৎনবদগী মনিংতম্বা কৈথেল অমা শেমগৎলগনি।
• কোল গ্যাসতিফিকেসন অমসুং লিকুইফেক্সনগী থবকশিং হেনগৎহন্দুনা অকোয়বগী ফিবম মোৎপা হন্থরগনি অমসুং মৈখু চেন্দবা ইনর্জী শীজিন্নবা হেনগৎহল্লগনি।

*****