প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং কনাদাগী প্রধান মন্ত্রী জস্তিন ত্রুদো অনিগী মরক্তা তেলিফোন্দা ৱারী শানখ্রে
प्रविष्टि तिथि:
16 JUN 2020 10:27PM by PIB Imphal
ঙসি প্রধান মন্ত্রীনা কনাদাগী প্রধান মন্ত্রী জস্তিন ত্রুদোগা তেলিফোন্দা ৱারী শানখ্রে।
লুচিংবা অনিমক্না কোবিদ-১৯ লাইচৎনা মখোয়গী লৈবাকশিংদা ওইরক্লিবা ফিবমগী মতাংদা ৱারী শানখি অমসুং হকশেল অমসুং শেল-থুমগী অৱাবশিং কোকহন্নবা মালেমগী ওইনা মতেং পাংনবা য়াবশিংগী মতাংদা খন্নখি।
মালেমগী ওইনা মীওইবা খুন্নাইগী অফবা মগুনশিং চাউখৎহনবা য়াওনা কোবিদ মতুংগী মাংলেমদা ভারত-কনাদাগী মরুপ-মপাং ওইবা মরী অসি তুংকোইনা ফোর্স অমা ওইহনবা হায়না মখোয়না য়ানখি।
ৱাল্দ হেল্থ ওর্গনাইজেসন য়াওনা মালেমগী লুপশিং মপাঙ্গল কনখৎহনবগী দরকার ওইবা অদু লুচিংবশিংনা তকশিনখি অমসুং হকশেল, খুন্নাই, শেন-থুম অমসুং রাজনীতিগী ওইবা ৱাফমশিংদা মালেমগী তোঙান-তোঙানবা ফম্বাকশিংদা পুন্না থবক তৌমিন্নবা হায়না য়ানখি।
কনাদা লৈরিবা ভারতমচাশিংদা হন্দক কনাদা সরকারনা মতেং পাংখিবা অমসুং মখোয় ভারত্তা অমুক হল্লক্নবা খুদোংচাবা পীখিববু প্রধান মন্ত্রী মোদীনা তরাম্না ওক্লি। ভারত্তগী কনাদাগী মীওইশিং হল্লক্নবা হোৎনবদা মতেং পাংলকপগীদমক প্রধান মন্ত্রী ত্রুদোনা মহাক্কী হরাওবা ফোংদোকখি।
তুংদা মখোয়গী ৱারী শানবা মখা চৎথবা হায়না লুচিংবা অনিনা য়ানখি। গনতন্ত্রগী মগুনশিংদা থাজবা থম্লিবা অনৌবা ইকোনোমিশিং ওইনা, ভারত অমসুং কনাদানা মালেমগী ওইবা ৱাফম কয়াদা মান্নবা মিৎয়েং লৈরি হায়না মখোয়না য়ানখি।
*****
(रिलीज़ आईडी: 1632022)
आगंतुक पटल : 243
इस विज्ञप्ति को इन भाषाओं में पढ़ें:
Bengali
,
English
,
Urdu
,
Marathi
,
हिन्दी
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam