نئی دہلی، 15جون  2020  /  مرکزی وزیر داخلہ جناب امت شاہ نے کہا ہے کہ حکومت ہند دلی میں کووڈ – 19 کو پھیلنے سے روکنے کے لیے سبھی ضروری اقدامات کرے گی۔ قومی راجدھانی میں کووڈ – 19 صورتحال پر دلی میں سبھی سیاسی پارٹیوں کی ایک میٹنگ کی صدارت کرتے ہوئے جناب امت شاہ نے کہا کہ ہم سبھی کو اس وبا سے نمٹنے میں وزیراعظم جناب نریندر مودی کی قیادت میں متحد رہنا ہوگا۔

مرکزی وزیر داخلہ جناب امت شاہ نے کل ان  کی طرف سے منعقد کی گئی میٹنگ میں کیے گیے فیصلوں کے بارے میں کل جماعتی میٹنگ کو واقف کرایا اور سبھی سیاسی پارٹیوں سے اپیل کی کہ وہ یقین دہانی کرائیں کہ نچلی سطح پر ان فیصلوں پر عمل درآمد جلد از جلد کیا گیا ہے۔ جناب امت شاہ نے پارٹیوں سے کہا کہ وہ دلی کے عوام کی بہبود کے لیے مرکزی حکومت کی طرف سے کیے گیے فیصلوں پر عمل درآمد میں مدد حاصل کرنے کے لیے اپنے پارٹی ورکروں کو کام پر لگائیں۔  جناب امت شاہ نے سبھی پارٹیوں سے اپیل کی کہ وہ عوام کے مفاد میں سیاسی اختلافات سے اوپر اٹھیں۔ سیاسی اتحاد سے عوام کے مابین اعتماد پیدا ہوگا اور راجدھانی میں وبا کی صورتحال میں بہتری آئے گی۔ وزیر داخلہ نے کہا کہ ہمیں نئی تکنیک استعمال کر کے کووڈ – 19 کی جانچ کی صلاحیت میں بہتری لانا ہوگی۔  جناب شاہ نے زور دے کر کہا کہ ہم اس وبا پر قابو پا لیں گے اور متحد ہو کر اس مقابلے کو جیت لیں گے۔

اس میٹنگ میں عام آدمی پارٹی کے جناب سنجے سنگھ، بی جے پی کے دلی ریاستی صدر جناب آدیش گپتا، کانگریس کے ریاستی صدر جناب انل چودھری اور بی ایس پی کے نمائندوں نے شرکت کی۔

مرکزی وزیر داخلہ جناب امت شاہ کی قیادت میں  اس  میٹنگ  میں دلی کے وزیراعلیٰ اروند کجریوال اور سینئر افسران  نے کل بہت سے اہم فیصلے کیے۔ جن کا مقصد وبا کی روک تھام کے لیے دلی کے شہریوں کی حفاظت کو یقینی بنانا تھا۔ ان فیصلوں میں دلی حکومت کو 500 ریل ڈبے فوری طور پر فراہم کرانا ، جن میں کووڈ مریضوں کا علاج کیا جائے گا بھی شامل تھا۔  اس طرح کووڈ – 19 کے مریضوں کے لیے مزید 8 ہزار بستر فراہم ہو گئے ہیں۔ ان فیصلوں میں کنٹین مینٹ زون میں جا کر کانٹیکٹ میپنگ کے لیے گھر گھر جا کر سروے کرنا بھی شامل ہے۔

 ۔۔۔۔۔۔۔۔۔۔۔۔۔۔۔۔۔۔

م ن ۔ اس۔ ت ح ۔

2020۔06۔15

U – 3290