প্রধানমন্ত্রীগী লোইশঙ

প্রধান মন্ত্রী শ্রী নরেন্দ্র মোদী অমসুং তঞ্জানিয়াগী রাস্ত্রপতি দোক্তর জোন পোম্বে জোসেফ মেগুফুলীগী মরক্তা তেলিফোন্দা ৱারী শানখ্রে

Posted On: 12 JUN 2020 8:29PM by PIB Imphal

ঙসি প্রধান মন্ত্রী শ্রী নরেন্দ্র মোদীনা তঞ্জানিয়াগী রাস্ত্রপতি দোক্তর জোন পোম্বে জোসেফ মেগুফুলীগা তেলিফোন্দা ৱারী শানখ্রে।

মহাক্না ২০১৬কী জুলাইদা দার-ইস-সালামদা চৎলুবা খোঙচৎ অদু প্রধান মন্ত্রীনা নীংশিংখি অমসুং লৈবাক অসিনা মমাংঙৈদগী হৌনা তঞ্জানিয়াগা লৈনরকপা মরূপ-মপাং ওইবা মরীশিং অদু ভারতনা মরুওইনা লৌরি হায়না ফোংদোকখি। তঞ্জানিয়াগী সরকার অমসুং মীয়ামগী অনীংবশিং অমসুং দরকার ওইবশিং ফংহন্নবা লৈবাক অদুগী চাউখৎপগী খোঙচৎতা তঞ্জানিয়াগা চৎমিন্ননবা ভারতনা থাজবা পীরি হায়না মহাক্না অমুক হন্না ফোংদোকখি।

কোবিদ-১৯ শন্দোরকপা মতমদা তঞ্জানিয়াদগী ভারমচাশিং পুরক্নবা হোৎনবদা তঞ্জানিয়া সরকারনা মতেং পাংলকপগীদমক প্রধান মন্ত্রীনা রাস্ত্রপতি দোক্তর মেগুফুলীবু থাগৎখি।

লুচিংবশিংনা নাকল অনিগী মরীশিং অমুক হন্না য়েংশিনখি। ভারত অমসুং তঞ্জানিয়াগী মরক্তা চাউখৎ-থৌরাং, লাইরিক-লাইশু তম্বা , ললোন-ইতিক অমসুং শেন থাদবগী মতাংদা মতেং পীনবা হেনগৎলকপদা মখোয়না অপেনবা ফোংদোকখি অমসুং হায়রিবা হিরমশিং অসিদা মখা তানা মতেং পীনবা হেনগৎহন্নবা ৱাফমশিং খন্নখি।

চহি অসিগী অরোইবা শরুক্তা পাংথোক্কদৌরিবা তঞ্জানিয়াগী রাস্ত্রপতি অমসুং পর্লিয়ামেন্তগী মীখলশিংগীদমক রাস্ত্রপতি মেগুফুলী অমসুং তঞ্জানিয়াগী মীয়ামদা প্রধান মন্ত্রীনা মহাক্কী য়াইফ-পাউজেল পীখি।

***



(Release ID: 1631302) Visitor Counter : 12