হাউজিং অমসুং অর্বান এফিয়ার্স মন্ত্রালয়না রাজ্যশিং, য়ু.তি.শিং, শহরশিং অমসুং মেত্রো রেল কম্পেনীশিংদা মশা অহুম লোংবা পথাপ অমা মথং-মথং [অতেনবা (থা ৬কী মনুংদা), ময়ায় ওইরপ্পা মতম (চহী ১গী মনুংদা) উমসুং অশাংবা মতমগী (চহী ১-৩)] ওইনা পায়খৎনবা এদবাইজরী অমা ফোংখ্রে। হাউশিং অমসুং অর্বান এফিয়ার্সকী মন্ত্রী শ্রী দুর্গা শঙ্কর মিশ্রানা ফোংখিবা এদাবাইজরীদা য়াওবশিংদুদিঃ

১) নন-মোতোরাইজ ত্রান্সপোর্ত (এন.এম.তি.) হৌবা অমসুং পুক্নিং থৌগৎপাঃ অর্বানগী মফমশিংদা চৎপশিং অসি কিলোমীতর ৫গী মনুংদা লৈবনা এন.এম.তি. অসি শেল য়াম্না চংদবা, মীওই য়াম্না চংদবা, থবক ওইনা পাংথোকপদা লায়বা অমসুং অথুবা ওইবা অমসুং অকোয়বগী ওইনা য়াম্না চান্নবা ওইবনা কোবিদ-১৯গী মনুংদা হৌবগী খুদোংচাবা কয়া অমা পীগনি।

২) মীয়াম্না য়াম্না থাজবগী মতুং ইন্না অনেম্বা/ময়ায় ওইবা শেন্থোক লৈবা মীওইশিংগী নোংমগী তঙাই ফদনা চত্থোক চৎশিনগী তঙাইফদবদা মতেং পাংলিবা মীয়ামগী ওইবা চত্থোক চৎশিন তৌনবা পাম্বৈ অমুক হৌদোকপা অসিনা অর্বান মফমশিংগী বেকবোন ওইগনি। তৌবতবু তাঙ্কক অসিদা সেনিতাইজেসন নিংথিনা তৌদুনা অমসুং সোসিএল দিস্তেন্সিংগী কাংলোনশিং পাংথোকপনা মীয়ামগী চত্থোক চৎশিন তৌবগী পাম্বৈদগী লায়না শন্দোরকপা থিংনবা হোৎনবা অসিসু য়াম্না মরু ওই।

৩) তেক্নোলোজী নিংথিনা শিজিন্নদুনা ভাইরস শন্দোকপা থিংবাঃ ইন্তেল্লিজেন্ত ত্রান্সপোর্ত সীস্তেম (আই.তি.এস.), ভিম, ফোনপে, গুগল পে, পে তি.এম.নচিংবা ইন্দিজিনিয়স কেশলেস অমসুং তচ লেস সর্বিসশিং অমসুং নেস্নেল কম্মন মোবিলিতী কার্দ (এন.সি.এম.সি.) শিজিন্নবনা পব্লিক ত্রান্সপোর্ত সীস্তেমদা অমগা অমগা শোক্ন-শম্নবগী চাং হন্থহনগনি।

এদবাইজরী অসি ঐখোয়গী পুন্সি মহিং অমসুং ঐখোয়গী মনাক নকপা মফমশিং অমসিং মালেমগী ত্রান্সপোর্তকী পথাপ্তা অথুবা মতমদা অয়েৎপা পীরক্লিবা কোবিদ-১৯গী লায়চৎ অসি য়েংদুনা শেম্বনি।

১. মীয়ামগী ত্রান্সপোর্ত সীস্তেম শিজিন্নবদা ৯০%গী অচৌবা হন্থবা লৈ হায়বসি ঐখোয়না উবা ফংলে। মখা তানা মসিনা এয়র পোল্যুসন্দা ৬০%গী চাংদসু হন্থহল্লে। মীয়াম্না হান্না শিজিন্নরম্বা পব্লিক ত্রান্সপোর্তকী পথাপশিং অসি নৌনা অমুক হৌদোকপদা শহরশিংদদি খুদোংচাদবা অমা ওইগনি মরমদি লোকদাউনগী মতুংদদি মীওই কয়া অমনা তেক্ত কায়দনা চত্থোক চৎশিন তৌবা য়াবা মশাগী ওইবা পাম্বৈ কয়া অমা ওইনা য়েংলক্লগনি।

২. কার অমসুং লন্নাইগী গারিশিং অমুক শিজিন্নবা হৌরকপা থিংনবা মালেমগী শহর কয়া অমদি ই.-তিকেতিং, দিজিতেল পেমেন্ত সমুং লম্বী কয়া থিংদুনা সাইকল থৌবা য়াবা অমসুং চত্থোক চৎশিন তৌবা য়াবা মফম শেমদুনা, গাড়ী খামফম অমসুং চার্জিং তৌনবা খুৎলায় পীদুনা নন-মোতোরাইজদ ত্রান্সপোর্ত (এন.এম.তি.) প্রাইওরিতী জোন, পোপ-অপ বাইক লেন অমসুং সাইদৱাল্ক শেম্বা অমসুং সাইকল থৌবা হেনগৎহন্নবা শেল থুমগী খুদোংচাবা পীবাগী থবকশিংদা পুক্নিং থৌগৎলি। শহরশিং অসিনা কোবিদ-১৯গী মওং য়েংদুনা এন.এম.তি. খুমাং চাউশিলহন্নবা হন্দক্তা পায়খৎখিবা থবকশিং মখাদা পীরিঃ

• ন্যু য়োর্ক্না সাইকল থৌবশিংগী এন.এম.তি.গী অনৌবা মেইল ৪০ হেনগৎখ্রে;

• ওকলেন্দ, য়ু.এস.এ.না মোতো গারী চেনবা লম্বী ১০% থিংজিনখ্রে;

• বোগোতা, কোলুম্বিয়ানা থাখায়গী মনুংদা সাইকলগী লম্বী কিলোমীতর ৭৬ হেনগৎখ্রে;

• মিলান, ইতালীদা লম্বী মাইল ২২ অসি সাইকল থৌফম ওন্থোকখ্রে;

• ওকলেন্দ, ন্যু জিলেন্দনা লম্বীদা লৈবা কার খামফম লৌথোক্তুনা বাইক অমসুং ফুত-পাথ লাউথোকহন্দুনা মতম খরগী ওইনা বাইক থৌবা য়াবা কিলোমীতর ১৭কী লম্বী শেমখ্রে। মসিগী মথক্তা শহরসিনা পোপ-অপ বাইক লেন শেম্নবা শেল থাদবগী প্রোগ্রাম অমসু পুথোকখ্রে।

• চাইনাদা বাইক ৱায়নবগী পথাপ হৌদোকখিবদগী লোকদাউন মনুংদা লৈবাক শিনবা থুংনা চত্থোক চৎশিন তৌবদা ১৫০%গী চাংদা হেনগৎখি; অমসুং

• য়ু.কে.দা মফমসিগী ললোন ইতিক তৌবা মীওইশিংনা দুকান মমাংদা মফমসিগী মীওইশিংনা ক্যু লেপ্পদা সোসিএল দিস্তেন্সিং তৌবা য়ানবা হায়দুনা শরক্কী শরুক খরা চত্থোক চৎশিন তৌবা য়াহন্নবা নৌনা শিনখ্রে।

৩. এম.ও.ঐচ.য়ু.এ.না পাংথোকখিবা স্তদী কয়ানা অর্বান মফমশিংদা মীওই ১৬-১৭%তি মখোংনা চৎলি অমসুং শহরগী পাক চাউবা মফমগী মতুং ইন্না চাউরাকপা মীওই ৩০-৪০%না সাইকল থৌই হায়বা উৎলি। ৱাফম অসিবু খুদোংচাবা অমা ওইনা লৌদুনা মসিগী চৎনবি অসিনা হৌজিক্কী ওইরবা লুরবা তাঞ্জাসিদা অতোপ্পা চত্থোক চৎশিন তৌনবা পাম্বৈগী মহুৎ শিনবা য়ারে অমসুং মসিনা মীয়াম্না শেল চংদনা শিজিন্নবা য়াবতা নত্তনা অশেংবা, তেক্ত কায়দবা অমসুং অফবা পাম্বৈ অমা ওইগনি। মসিগী হীরম অসি নেস্নেল অর্বান ত্রান্সপোর্ত পোলিসী – ২০০৬ (এন.য়ু.তি.পি.-২০০৬)কী মিৎয়েং চংবা মফম অমা ওইরিবনি। মসিনা এন.এম.তি. ইন্দস্ত্রীদা থবক ফংবগী খুদোংচাবা অমসু পীগনি।

৪. ভারত্তা মরু ওইবা শহর ১৮দা কিলোমীতর ৭০০কী থবক তৌরিবা মেত্রো রেল অমসুং লৈবাক অসিগী শহর ১১ শিনবা থুংনা নোংমদা পেসেঞ্জর মিলিয়ন ১০ পুথোক পুশিন তৌবা কিলোমীতর ৪৫০গী বি.আর.তি. নেৎৱর্ক্কী চাওরবা মওং অমা লৈ। অদুবু সোসিএল দিস্তেন্সিংগী কাংলোন ইনবগী মতুং ইন্না কোরোনা ভাইরস্কী মতুংদদি মখোয়না তৌবা ঙম্বগী ২৫-৫০% খক শিজিন্নগনি। অসিগুম্বা অচৌবা অহোঙবা অমা লাকপা অসিগীদমক্তা তোঙাবা ত্রান্সপোর্তকী মওং অমা শিনবা তঙাই ফরোই।

৫. এম.ও.ঐচ.য়ু.এ.না লৈবাক অসিগী অমসুং মালেমগী অতোপ্পা মফমশিংগী অখং অহৈশিং, ওপরেতরশিং, ৱর্ল্দ বেঙ্ক অমসুং অতোপ্পা অর্বান ত্রান্সপোর্ত এক্সপর্তশিংগা তাঙ্কক কয়াদা ৱা খন্নখ্রে অমসুং কোবিদ-১৯গী মতুংদদি অর্বান মফমশিংদা চত্থোক চৎশিন তৌবদা অচৌবা অহোঙবা অমা লাক্লগনি হায়বসি পুম্নমক্না য়ানখি। মীয়ামগী ওইবা ত্রান্সপোর্ত সীস্তেম অসিদা চৎপা কিনবদগী লন্নাইগী গারী কয়া অমা লম্বীদা থোরক্কনি অমসুং মসিনা লম্বী চিলহনবা অমসুং এয়র পোল্যুসন্নচিংবা অতোপ্পা খুদোংচাদবা কয়া অমা থোকহনগনি।

৬. তৌবতবু ভারত্তদি মশাগী ওইবা চত্থোক চৎশিনগী পাম্বৈ লৈজবা অসি য়াম্না নেম্মি অমসুং অয়াম্বা মীয়ামদি অতোপ্পা পাম্বৈ লৈতবনা পব্লিক ত্রান্সপোর্ত শিজিন্নৈ অমসুং সোসিএল দিস্তেন্সিং তৌবগী মরম্না মী য়াম্না পুথোক পুশিন তৌবা ঙম্লোইদবগী খুদোংচাদবশিং অসি য়েংলুরগা মখোয়গী ওইনা নিংথিনা চত্থোক চৎশিন তৌনবা মহুৎ অমা শিনবসি শহরশিংগী মরু ওইনা মিৎয়েং চংগদবা থবক অমা ওইগদৌরি। পব্লিক ত্রান্সপোর্তকী বস অমসুং মেত্রো অনিসিনা শহর কয়াগী বেকবোন ওইরি অমসুং মখোয়না পুবা ঙম্বা মীওই তংখায় খক্তমক পুগদবা অসিনা শহরশিংনা শেন্মিৎলোন হাংদোকরকপা মতমদা চাউখৎপদা থিন্থদনবা চত্থোক চৎশিন তৌবগী অতোপ্পা পাম্বৈ অমা থিবা য়াম্না তঙাই ফদরে।

৭. কোবিদ-১৯না অতোপ্পা পব্লিক ত্রান্সপোর্তকী মখল কয়া অমা থিবগী খুদোংচাবা পীদুনা অকোয়বগা চান্নবা, পোল্যুসন থোক্লোইদবা, শিজিন্নবা নুংঙাইবা অমসুং তুং কোইনা চৎকদবা পাম্বৈ কয়া ফংবা ঙম্লে। মসিনা নন-মোতোরাইজদ ত্রান্সপোর্ত অমসুং তেক্নোলোজী চাউনা শিজিন্নবা পব্লিক ত্রান্সপোর্তনা চৎলিঙৈ অমসুং চত্ত্রিঙৈগী মমাংদা পেমেন্ত তৌবা য়াহনবা অমসুং চৎলিবা মীওইশিংদা ই-পাউ পীবগী পথাপ লৈবা থৌওংসিং অসিদা মিৎয়েং চংফম থোকই। পোৎ লৈফম শিংসু মীওইশিংনা চত্থোক চৎশিন তৌবা য়াবা লম্বী শেমদুনা মী চিনদবা অমসুং পোৎ লৈবদা নুংঙাইবা এক্সপেরিএন্স ফংনবা শিনফম থোকই।

*****