ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଓ କାମ୍ବୋଡିଆ ପ୍ରଧାନମନ୍ତ୍ରୀ ସମଦେକ ଅକ୍କା ମୋହା ସେନା ପଡୀ ଟେକୋ ହୁଣ ସେନଙ୍କ ମଧ୍ୟରେ ଟେଲିଫୋନ ବାର୍ତ୍ତାଳାପ
ପୋଷ୍ଟ କରାଯିବା ଦିନାଙ୍କ:
10 JUN 2020 8:01PM by PIB Bhubaneswar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଓ କାମ୍ବୋଡିଆ ପ୍ରଧାନମନ୍ତ୍ରୀ ସମଦେକ ଅକ୍କା ମୋହା ସେନା ପଡୀ ଟେକୋ ହୁଣ ସେନଙ୍କ ମଧ୍ୟରେ ବୁଧବାର ଟେଲିଫୋନ ଯୋଗେ ବାର୍ତ୍ତାଳାପ ହୋଇଛି । କୋଭିଡ-19 ମହାମାରୀ ସମ୍ପର୍କରେ ଦୁଇ ନେତା ଆଲୋଚନା କରିଥିଲେ । ଉଭୟ ଦେଶର ପ୍ରବାସୀଙ୍କୁ ଫେରାଇ ଆଣିବାରେ ମିଳିତ ସହଯୋଗ ଜାରି ରଖିବାକୁ ସେମାନେ ସହମତ ହୋଇଥିଲେ ।
ଭାରତ ସହ ସଭ୍ୟତାଗତ ଓ ସାଂସ୍କୃତିକ ସହଭାଗୀ ସମ୍ପର୍କ ଥିବା ତଥା ଆସିଆନର ଗୁରୁତ୍ୱପୂର୍ଣ୍ଣ ସଦସ୍ୟ କାମ୍ବୋଡିଆ ସହିତ ସମ୍ପର୍କ ଦୃଢ କରିବାକୁ ଭାରତ ବଦ୍ଧପରିକର ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୂଚାଇ ଥିଲେ । ଦୁଇ ନେତା ଆଇଟିଇସି ଯୋଜନା ଅନ୍ତର୍ଗତ ଦକ୍ଷତା ବିକାଶ କାର୍ଯ୍ୟକ୍ରମ ଓ ମେକଙ୍ଗ-ଗଙ୍ଗା ସହଯୋଗ ବ୍ୟବସ୍ଥାରେ ଚାଲିଥିବା ତ୍ଵରିତ ପ୍ରଭାବ ପ୍ରକଳ୍ପ ଆଦି କ୍ଷେତ୍ରରେ ଦୁଇ ଦେଶର ସୁଦୃଢ ବିକାଶ ଭାଗିଦାରୀର ସମୀକ୍ଷା କରିଥିଲେ ।
ଭାରତ ସହ ସମ୍ପର୍କ ବୃଦ୍ଧିକୁ କାମ୍ବୋଡିଆ ଗୁରୁତ୍ୱ ପ୍ରଦାନ କରୁଛି ବୋଲି କାମ୍ବୋଡିଆ ପ୍ରଧାନମନ୍ତ୍ରୀ ଦର୍ଶାଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ଭାବନାକୁ ପ୍ରଶଂସା କରିବା ସହ ଭାରତର ଆକ୍ଟ ଇଷ୍ଟ ନୀତିରେ କାମ୍ବୋଡିଆ ତୁଲାଇଥିବା ଗୁରୁତ୍ୱପୂର୍ଣ୍ଣ ଭୂମିକାକୁ ମନେ ପକାଇଥିଲେ ।
**********
(ରିଲିଜ ଆଡି: 1631000)
ପରିଦର୍ଶକ କାଉଣ୍ଟର : 344
ଏହି ରିଲିଜ ପଢନ୍ତୁ :
English
,
Urdu
,
Marathi
,
हिन्दी
,
Bengali
,
Manipuri
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam