(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ঙরাং অহেনবা মীওই ৫১৩৭ কোবিদ-১৯দগী ফগৎলদুনা ফগৎখিবা অপুনবা অনাবা মশিং ১২৪,৪৩০ শুখ্রে অমসুং ফগৎপগী চাং ৪৮.৪৯% শুখ্রে।
• হৌজিক অপুনবা এক্তিব কেস মশিং অসি ১,২৪,৯৮১নি।
• হেল্থ সেক্রেতরীনা কোবিদ-১৯ কেস মশিং য়াম্না উবা ফংলিবা খনগৎলবা জিলাশিংগী এদমিনিস্ত্রেতিবশিং অমসুং মেদিকেল ওফিসরশিংগা লোয়ননা ৱারী শানখ্রে।
• ইন্দিয়ন নেভীনা ইরান্দগী ভারত মচাশিং হোন্দোকপগী থবক পায়খৎখ্রে।
• দি এস.তি.না কোবিদ-১৯দা মীয়েং থম্লগা হেল্থ এন্দ রিস্ক কম্ম্যুনিকেসন য়াশতা ইনফোর্মেসন ব্রোচর রিজিস তৌখ্রে।

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী খ্বাইদগী নৌবা পাও; হেল্থ সেক্রেতরীনা কোবিদ-১৯ কেস মশিং য়াম্না উবা ফংলিবা খনগৎলবা জিলাশিংগী দি.এম.শিং, ম্যুনিসিপাল কমিস্নারশিং, চিফ মেদিকেল ওফিসরশিংগা লোয়ননা ৱারী শানখ্রে

হকশেল অমসুং য়াইফ য়ুম্বাল মন্ত্রালয়গী হেল্থ সেক্রেতরী শ্রীমতী প্রীতি সুদন অমসুং ও.এস.দি. শ্রী রাজেশ ভুশন্না হকশেল মন্ত্রালয়গী সেনিয়র ওফিসরশিংগা লোয়ননা কোবিদ-১৯ কেস মশিং য়াম্না উবা ফংলিবা রাজ্য তরাগী জিলা ৩৮গী দিস্ত্রিক্ত কলেক্তরশিং, ম্যুনিসিপাল কমিস্নারশিং, চিফ মেদিকেল ওফিসরশিং, দিস্ত্রিক্ত হোস্পিতালগী সুপরিতেন্দেন্তশিং অমসুং ম্যুনিসিপালিতী/ম্যুনিসিপাল কোর্পোরেসন ৪৫দগী মেদিকেল কোলেজশিংগী প্রিন্সিপালশিংগা লোয়ননা অৱাবা থাক্কী য়েংশিনবগী মীফম অমা (ভিদিও কনফরেন্সকী থোংদা) পাংথোকখ্রে। জিলাশিং অসি মখাগী রাজ্য/য়ু.তি.শিং অসিদগীনি: মহারাস্ত্র, তেলঙ্গনা, তমিল নাদু, রাজস্থান, হরিয়ানা, গুজরাত, জম্মু অমসুং কশ্মীর, কর্নাতকা, উত্তরাখন্দ অমসুং মধ্য প্রদেশ। মরুওইনা খন্ন-নৈনখিবা হিরমদি মী য়াম্না তাবা শহরগী লমদমশিংদা ইনফেক্সন পাক শন্না শন্দোরকপা, য়ুমথোং খুদিং সর্ভে তৌবগী মরুওইবা, প্রোম্পত আইসোলেসন্না তুংইন্দুনা প্রোম্পত তেস্তিং অমদি কেসশিংগী ক্লিনিকেল মেনেজমেন্ত অমসুং থিংনবগী লালোং ইমপ্লিমেন্ত তৌবনি।

কোবিদ-১৯ থিংনবগীদমক ইনফ্রাস্ত্রকচর অমসুং হ্যুমেন রিসোর্স মেনেজমেন্তকা মরী লৈননা মসি পাউতাক পীখি মদুদি হেল্থ ইনফ্রাস্ত্রকচরগীদমক মতিক চাবা প্লানিং পায়খৎকদবনি, সর্ভিলেন্স তিম মতিক চানা ফংহনগদবনি, বেদ এবাইলেবিলিতী মেনেজমেন্তকীদমক সিস্তেম অমা থমগদবনি। ফিল্দ গবর্নান্সতা ৱা ঙাংলদুনা, ম্যুনিসিপাল ওথোরিতীশিংবু লীদরশিপ লৌনবা অমদি ‘গবর্নমেন্ত এপ্রোচ পুম্বা’ শিজিন্নদুনা থিংনবা খোংথাংগীদমক ম্যুনিসিপাল ইনফ্রাস্ত্রকচর পুম্ননমক থম্নবা পাউতাক পীখি। কোবিদ-১৯ মায়োক্ননবা হোৎনরিবশিংগা লোয়ননা রেগুলর অমসুং ইসেন্সিয়েল হেল্থ সর্বিসশিং পীনবসু খংহনখি। হৌজিক ফাওবদা, পুন্না মীওই ১,২৪,৪৩০ নাবা ফখ্রে। হৌখিবা পুং ২৪দা অনৌবা ৫.১৩৭ নাবা ফখি। মসিনা অপুনবা নাবা ফবগী চাং অসি চাদা ৪৮.৪৯ ওইরে। হৌজিক পুন্না এক্তিব কেস ১,২৪,৯৮১ লৈরি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1630201

লোকদাউন মনুংদা রেল রেক ৩৯৬৫গী থোংদা চিঞ্জাক মহৈ-মরোং চাউরাক্না লাখ মেত্রিক তন ১১১.০২ হোন্দোকখ্রে

২০২০গী মার্চ ২৪দা লোকদাউন লাউথোকখিবা মতমদগী চিঞ্জাক মহৈ-মরোং চাউরাক্না লাখ মেত্রিক তন ১১১.০২ হোন্দোকখ্রে অমদি রেল রেক ৩৯৬৫গী থোংদা ত্রান্সপোর্ত তৌখ্রে। রেল রুৎকী মথক্তা কংফাল লম্বী অমসুং ঈশিংগী লম্বীদসু ত্রান্সপোর্ত তৌখি। পুন্না লাখ মেত্রিক তন ২৩৪.৫১ ত্রান্সপোর্ত তৌখি। জহাজ ১৩গী থোংদা মহৈ-মরোং মেত্রিক তন ১৫,৫০০ ত্রান্সপোর্ত তৌখি। অৱাং নোংপোক রাজ্যশিংদা পুন্না চিঞ্জাক মহৈ-মরোং লাখ মেত্রিক তন ১১.৩০ ত্রান্সপোর্ত তৌখি। নফসা অমসুং পি.এম.জি.কে.এ.ৱাই.গী মখাদা মথংগী থা ৩গীদমক অৱাং নোংপোক রাজ্যশিংনা চিঞ্জাক মহৈ-মরোং পুন্না লাখ মেত্রিক তন ১১.৫ মথৌ তারি।

আত্মনির্ভর ভারত পেকেজকী মখাদা, ভারত সরকারনা নফসা নত্ত্রগা স্তেত স্কিম পি.দি.এস. কার্দশিংগী মখাদা কভর তৌদবা মাইগ্রেন্ত লেবর, পন্দুনা লৈরিবা অমদি দরকার ওইবা ইমুং মনুং চাউরাক্না ক্রোর ৮দা চিঞ্জাক মহৈ-মরোং লাখ মেত্রিক তন ৮ ফংহন্নবা ৱারেপ লৌরে। মাইগ্রেন্ত খুদিংদা মে অমসুং জুন থাগীদমক মীওই অমমমদা চিঞ্জাক মহৈ-মরোং কিলোগ্রাম ৫ লেম্না য়েন্থোক্লি। রাজ্যশিং অমসুং য়ুনিয়ন তেরিতোরীশিংনা চিঞ্জাক মহৈ-মরোং লাখ মেত্রিক তন ৪.৪২ হোন্দোকখ্রে অমদি বেনেফিসরী লাখ ২০.২৬তা চিঞ্জাক মহৈ-মরোং মেত্রিক তন ১০.১৩১ য়েন্থোকখ্রে। ভারত সরকারনা মাইগ্রেন্ত ইমুং ক্রোর ১.৯৬কীদমক হৱাই মেত্রিক তন ৩৯,০০০সু অয়াবা পীখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1630075

ইন্দিয়ন নেভীনা ইস্লামিক রিপ্লবিক ওব ইরান্দগী ভারত মচাশিং হোন্দোকপগী থবক পায়খৎখ্রে - "সমুদ্র সেতু"

ইন্দিয়ন নেভীনা মে ৮, ২০২০দগী হৌদুনা ভারত মচাশিং ময়ুমদা পুরক্নবগীদমক ওপরেসন সমুদ্র সেতু হৌদোকখ্রে। ইন্দিয়ন .নেভেল জহাজ জলশ্বা অমসুং মগরনা মালদিব অমসুং শ্রী লঙ্কাদগী কোচি অমসুং তুতিকোরিনগী হিথাংফমশিংদা মীওই ২৮৭৪ পুরকখ্রে। সমুদ্র সেতুগী মথংগী তাংকক্কী ওইনা, ইন্দিয়ন .নেভেল শিপ শরদুলনা জুন ৮, ২০২০দা ইস্লামিক রিপব্লিক ওব ইরানগী বান্দর অব্বাস হিথাংফমদগী ভারত মচাশিং গুজরাৎকী পোর্বন্দর তম্না পুরক্কদৌরি। ইস্লামিক রিপব্লিক ওব ইরান্দা লৈবা ইন্দিয়ন মিসন্না ভারত মচাশিংগী মিংগী লিস্ত অমা শেম্লি অমসুং তঙাইফদনা মেদিকেল স্ক্রীনিং তৌরবা মতুংদা মখোয়বু পুরক্নবগী থবকশিং লৌখৎকনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1630162

মিসন সাগর - আই.এন.এস. কেসরী পোর্ত ভিক্তোরিয়া সেশেল্স থুংখ্রে

মিসন সাগরগী শরুক অমা ওইনা, ইন্দিয়ন নেভেলগী জহাজ কেসরীনা সিশেল্সকী পোর্ত ভিক্তোরিয়াদা জুন ৭, ২০২০দা চঙখ্রে। ভারত সরকারনা অসিগুম্বা খুদোংচাদ্রবা মতম অসিদা মরুপ ওইমিন্নরিবা মপান লৈবাকশিংগা কোবিদে-১৯ লাইচৎ লাকশিন্নবা হোৎনবদা মতেং পাংলি অমসুং মসিগী পান্দম অমা ওইনা আই.এন.এস. কেসরীনা কোবিদ-১৯গা মরী লৈনবা তঙাইফদবা হিদাক লাংথকশিং সিশেল্সকী মীয়ামগীদমক পুদুনা চৎলি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1630101

ওপরেসন সমুদ্র সেতু- আই.এন.এস. জলশ্ব মালদিবতগী ভারত মচা ৭০০কা লোইননা তুতিকোরিন্দা থুংখ্রে

আই.এন.এস.জলশ্ব, ইন্দিয়ন নেভীগী “ওপরেসন সমুদ্র সেতুগী মখাদা জুনগী ৭, ২০২০দা মালে, মালদিবতগী পুথোরকখিবা ভারত মচা ৭০০কা লোইননা তুতিকোরিন হিথাংফমদা থুংখ্রে৷ অসুম্না বন্দে ভারত মিসনগী শরুক অমা ওইনা আই.এন.এস. জলশ্বনা মালদিব অমসুং শ্রীলঙ্কাদগী ইন্দিয়াদা ভারত মচা ২৬৭২রোম পুথোরকখ্রে৷ অকুপ্পা ৱারোলগীদমক: https://pib.gov.in/PressReleseDetail.aspx?PRID=1630084

দি এস.তি.না কোবিদ-১৯দা মীয়েং থম্লগা হেল্থ এন্দ রিস্ক কম্ম্যুনিকেসন প্রোগ্রামদা ইনফোর্মেসন ব্রোচর রিজিস তৌখ্রে

দিপার্তমেন্ত ওফ সাইন্স এন্দ তেক্নোলোজিগী নেস্নল কাউন্সিল ফোর সাইন্স এন্দ তেক্নোলোজি কম্ম্যিুনিকেসন (এন.সি.এস.তি.সি.)না ‘ইয়র ওফ এৱেয়র্নেস ওন সাইন্স এন্দ হেল্থ (য়াশ) ৱিথ ফোকস ওন কোবিদ-১৯” কৌবা হেল্থ অমসুং রিস্ক কম্ম্যুনিকেসন্দা হন্দক্তা প্রোগ্রাম অমা হৌদোকখ্রে। ব্রোচর অসিনা জেনেসিসকী অমসুং কোবিদ-১৯না অখন্ননা থোকহনবা খুদোংথীবশিং, অৱাবশিং, মাং-তাকপশিং অমসুং খুদোংথীবশিংগী থৌদোক্তা খন্ননবা লৈবাক অসিদা অসিগুম্বা অচৌবা প্রোগ্রাম অমা মথৌ তাবা ইনফোর্মসেন য়াওরি। প্রোগ্রাম অসিনা পব্লিক অন্দর্সতেন্দিং অমসুং হৌজিক অমসুং তুংদা ওইরক্কদবা শিংনবশিংগা মায়োক য়ানবা ফজনা শেম-শাবনবগী সিআন্স অমসুং হকশেলগী এৱেয়র্নেসতা মীৎয়েং থম্মি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1630192

ইন্দিয়ন এয়র ফোর্সনা এয়রবোর্ন রেস্ক্যু পোদ ফোর আইসোলেতেদ ত্রান্সপোর্তেসন (এ.আর.পি.আই.তি.) শেম শাখ্রে

ইন্দিয়ন এয়র ফোর্সনা শেম শাদুনা এয়রবোর্ন রেস্ক্যু পোদ ফোর আইসোলেতেদ ত্রান্সপোর্তেসন (এ.আর.পি.আই.তি.) পুথোকখ্রে। মসিগী পোদ অসিনা অৱাংবা, তোঙান্নবা লৈবা অমসুং অরাপ্পা মফমশিংদগী কোবিদ-১৯গুম্বা য়াম্না লৌনগনবা লায়নানা নাবা মীওইশিং পুথোকপদা শিজিন্নগনি। কোবিদ-১৯ অসি লায়চৎ ওইরে লাউথোক্লকপা মতমদা আই.এ.এফ.না কোবিদ-১৯না নারবা মীওই অমবু নোংথক্তা পুবা মতমদা মঙোন্দগী লৌননিংঙাই ওইরবা এরোসোল শন্দোক্লকপা থিংনবা পথাপ অমগী তঙাইফদবা লৈ হায়বসি খংখ্রবনি। অহানবা প্রোতোতাইপ অসি এ.এফ.কী বি.আর.দি. ৩দা শাখি অমসুং মতুংদা শেমদোক শেমজিন কয়া তৌখ্রে। প্রধান মন্ত্রীনা হায়রিবা “আত্মানির্ভর ভারত”পু শৌগৎলদুনা পোদ অসি শাবা মতমদা লমদমশিগী পোত্থোক খক্তমক শিজিন্নখি। লমদম অসিদা শাজরিবা পোদ অসি অমা শাবদা লুপা লিশিং হুম্ফু খক চংই অমসুং মপান লমদগী পুশিল্লকপা অমদা লুপা লাখ হুম্ফু পীবা অদুগা চাংদম্নবদদি য়াম্না হোংলে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1630227

এন.আই.পি.ই.আর.-গুৱাহাতি অমসুং হিন্দুসতান এন্তিবাইওতিক লিমিতেদকী মরক্তা য়াম্বা পাক চাউনা ইন্দস্ত্রিএল গ্রেদকী শানবগীদমক অমসুং মখোয়গী ৩না এন্তিমাইক্রোবিএল ফেস-শিলদশিং ললোন-ইতিক্কী ওন্থোক্নবা এম.ও.য়ু. শহি তৌনখ্রে

ফার্মাকোতিকেলস বোভাগকী মখাদা লৈরিবা নেসনল ইন্সতিত্যূৎ ওফ ফার্মাকোতিকেলস এদুকেসন এন্দ রিসর্চ (এন.আই.পি.ই.আর.)-গুৱাহাতি অসিনা তমথিরবা কোবিদ-১৯ শন্দোকপা অসি থিংনবা পর্সনেল প্রোতেক্তিব ইক্বিপমেন্তশিং (পি.পি.ই.শিং)শেম্বদা কন্নবা মতেং অমসুং ফমশিং পুরক্নবা পুক্নিং চংলি। পুনেগী পিমপ্রিদা লৈবা হিন্দুসতান এনতিবাইওতিক লিমিতেদ (ঐচ.এ.এল., ফার্মাকোতিকেলস বিভাগকী মখাদা লৈবা পি.এস.য়ু. অমা) অসিগা লোয়ননা য়াম্বা পাক চাউনা ইন্দস্ত্রিএল-গ্রেদকী শানবগীদমক অমসুং মখোয়গী ৩দি প্রিনত এন্তিমাইক্রোবিএল ফেস-শিলদশিং ললোন-ইতিক্কী ওন্থোক্নবা এম.ও.য়ু. শহি তৌনখ্রে। এন.আই.পি.ই.আর.-গুৱাহাতিনা মখোয়গী ৩দি প্রিনত এন্তিমাইক্রোবিএল ফেস-শিলদশিং অসিগী ভারতকী দিজাইন পেতেন্ত অমসুং প্রোভিজনেল পেতেন্ত অনি অসি ইন্দিয়ন পেতেন্ত ওফিস, ন্যু দিল্লিদা ফাইল তৌখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1630215

দেখো অপনা দেশ সিরিজকী মখাদা ২৯শুবা ৱেবিনারগী খুত্থাংদা মধ্য প্রদেশকী লমলক্কী ওইবা অঙকপশিংগী ভর্চ্যুল সাফারি অমা তুরিজম মন্ত্রালয়না উৎখ্রে

মলেমগী খ্বাইদগী য়াম্না শা উচেকশিংগী হৌরকফম অমা ওইরিবা অসিগী মনুং হঞ্জনবা মফমগী ভর্চ্যুল সফারিগী এক্সপিরিয়েন্স অদু ৱেবিনারনা ফংহনখি। মেধ্য প্রদেশ অসি ইনক্রেদিবল ইন্দিয়গী থম্মোইনি হায়নসু খঙনরিবা স্তেৎ অমনি। তুরিজমদা কোবিদ-১৯না পীবা চৈথে অসি খন্থরগা, মধ্য প্রদেশ তুরিজমনা কারাভনগী গারীশিং ৱাইবা য়াহনবগী ৱাখল্লোন অমা পুথোকখ্রে, মীয়াম্না সোসিএল দিস্তেন্সিং ঙাকনবা অমসুং গারী অসি ৱাইদুনা মখোয়গী খোঙচৎ অসিগীদমক হোতেলশিংদা লৈবগী মথৌ তাহন্দনবা মসিদা ফমুং, রিফ্রিজিরেতর অমসুং অতৈ অতোপ্পা তঙাই ফদবা পুম্নমক্কী খুদোংচাবা য়াওরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1630243

পি.আই.বি. ফিল্দ ওফিসশিংদগী ফংবা পাউ

• কেরেলা: ত্রিসুর মেদিকেল কলেজতা লাইয়েংলিবা চহী ৪৩ শুরবি নুপী অমা ঙসি নুংথিল লৈখিদবগা লোয়ননা কেরেলাগী ওইনা কোবিদনা শীহনখিবা মশিং ১৭শুবগী রিপোর্ত তৌরকখ্রে। চৈরক অসিদা সরকারগী মরু ওইবা পান্দমদি কোবিদ-১৯গী কম্ম্যুনিতী স্প্রেদ থিংবনি হায়না স্তেৎ হেলথ মন্ত্রী কে.কে.শাইলজানা ফোংদোকখ্রে।মসি হোৎনবদা মথৌ তারিবা অসি মীয়ামনা মতেং পাংবা অমসুং সরকারনা পীবা গাইদলাইনশিং অসি চেকশিন্না ঙাকনা চৎপা অসিনি। স্তেৎ অসিদা লাইনা অসি শোকনা শম্নবদগী শন্দোকপা অসি হৌজিক চাদা ১০দগী ১৫গী মনুংদা লৈ হায়না মহাক্না হায়খি। কোচিকোদ অমসুং পথনামতিত্তাদা ক্বরন্তিন তৌদুনা লৈরিবা মীওই অনি লৈখিদ্রে। মখোয়গী সেম্পলশিং অদু কোবিদকী তেস্ত তৌনবা লৌখৎখ্রে। দুবাই য়ৌখ্রবা কেরেলা মচা অমা ঙসি য়ু.এ.ই.দা ভাইরস অসিনা মরম ওইদুনা শীখ্রে। স্তেৎ অসিদা ঙরাং কোবিদনা শীখিবা অমা অমসুং অনৌবা পোজিতিব কেস ১০৭ রিপোর্ত তৌরকখি। অনাবা মীওই ১,০৯৫ লাইয়েং চৎথরি।
• তামিল নাদু: ‘তামিল নাদু অসি ভারতকী ওইনা অনাবা ফগৎপগী চাং খ্বাইদগী ৱাংবা অমসুং মলেমগী ওইনা শীখিবা মশিং খ্বাইদগী নেম্বা ওইরি’ হায়না সি.এম.না ফোঙদোকখি। তামিল নাদুগী লাইশঙশিং অসি কোবিদ-১৯গী কেস মশিং হেনগৎলকপনা মখা তানা লোনখিগনি। লনাই সেক্তরদা তৌবা তেস্তকী মমল অসি স্তেৎনা কেপ তৌদুনা লুপা ৩০০০ ওইরগনি; হোম ভিজিতকী ওইনা অহেনবা লুপা ৫০০ লৌগনি; লেবোরেতরীশিংগী ক্বালিতী অদুসু য়েংশিল্লগনি।চেনাইগী অকোয়ভদা লৈবা দিস্ত্রিক্ত অহুমগী অনৌবা কন্তেনমেন্তগী থৌরাং; পোরম অসিদা সহর অমসুং খুঙ্গংগী মফমশিংগী কেসকীদমক মাইক্রো-মেনেজমেন্ত তৌবা য়াওরি। তামিল নাদুদা রিপোর্ত তৌরকখিবা কেসশিং অসি ৭০%দি চেনাইদগী ওইরি। অনৌবা কেস ১৫১৫, ফগৎখিবা ৬০৪ অমসুং শীখিবা ১৮ ঙরাং রিপোর্ত তৌরকখি। চেনাইফগী কেস ১১৫৫ ওইখি। অপুনবা কেস মশিং: ৩১৬৬৭, এক্তিব কেস। ১৪৩৯৬, শীখিবা: ২৬৯, দিসচার্জ তৌখিবা: ১৬৯৯৯। চেনাইগী এক্তিব কেস ১০৯৮২ শুখ্রে।
• কর্নাতক: ঙসিদগী লাইশঙশিং, মসজিৎশিং অমসুং চর্চশিং লাই খোইরম্নবগী হাংদোকখ্রে অদুম ওইনমক সরকারনা লাইনিং লাইশোনগী ওইবা মী মশিং য়াম্না পুনবা থিংনবা অকনবা গাইদলাইনশিং থমখি। বাজারশিং, মোলশিং, হোতেলশিংসু হাংনখ্রে। চৈরক অসিদা হোম ক্বারন্তিন তৌরিবশিংগী ওইনা বি.বি.এম.পি.না এস.ও.পি.শিং থোকখ্রে, হোম ক্বারন্তিন তৌনবা খঙহনখ্রবশিংবু য়েংশিন্নবা তিম ৪৬০ শেমখ্রে। অনৌবা কেস ২৩৯. দিসচার্জ তৌখিবা ১৪৩ অমসুং শীখিবা অনি ঙরাং রিপোর্ত তৌরকখ্রে। অপুনবা পোজিতিব কেস: ৫৪৫২, একতিব কেস: ৩২৫৭, শীখিবা: ৬১, ফগৎখিবা: ২১৩২
• অন্ধ্র প্রদেশ: হান্নগী মতৌগুম্না হাংদ্রিঙৈ মমাংদা নুমিৎ ৮০রোম লেপলুরবগী মতুংদা চাংয়েং ওইনা তিরুমলা তেম্পলদা ভাক্তশিংনা দর্শন তৌবা হৌখ্রে। খারিফ পন্থাগী ওইনা মহৈ-মরোং পুম্নমক্কী উনবা পান্দম অসি মহৌশাগী ওইবা হেক্তর লাখ ৩৭.৫৪গী মহৈ মরোংগী লমগী পাকচাউবগী মাই্য়োক্তা হেক্তর লাখ ৩৯.৫৯দা থমখ্রে। অহৈবা মাইগ্রেন্তশিং পাক্তকননা মশিং য়াম্না চৎখিবা ইন্দস্ত্রীগী মথৌ তাবশিং অমসুং মথৌ তাবা স্কিল সেৎশিং য়াওবা মেনপাৱর থিবা অদু খঙদোক্নবা দিস্ত্রিক্ত-ৱাইসকী ওইবা ‘স্কিল গেপ’কী মাংজৌন্না তৌবা সর্ভেগী থৌরাং তৌখ্রে, জুনগী ময়াই চল্লকোপদগী হৌবা য়ানা লৈ। সেম্পল ১৪,২৪৬ তেস্ত তৌরবা মতুংদা হৌখিবা পুং ২৪দা অনৌবা কেস ১২৫, দিসচার্জ তৌখিবা ৩৪ থেংনখি অমসুং শীখিবগী ওইনদি রিপোর্ত লৈতে। অপুনবা কেস: ৩৮৪৩, এক্তিব: ১৩৮১, ফগৎপা: ২৩৮৭, শীখিবা: ৭৫।
• তেলঙ্গনা: ভাক্তশিংগীদমক লাইশঙশিং ঙসি থোং হাংনখ্রে। স্তেৎ শীনবা থুংনা লাইশঙশিংদা গাইদলাইনশিং ঙাকনা চৎলি। তেলঙ্গনাগী গভর্নর তামিলিসাই সাউনদরারঞ্জননা নিংথৌকাবা নুমিৎতা নিজামস ইন্সতিত্যুৎ ওফ মেদিকেল সাইন্সেস (নিমস)তা চৎতুনা মথৌ পাংথোক্লিঙৈদা কোবিদ-১৯না শোকহল্লবা হেলথকিয়র ৱার্করশিংদা মহাক্না শৌগৎলি উৎখ্রে। জুন ৭ ফাওবদা অপুনবা কেস ৩৬৫০ শুখ্রে। তাং অসিদা মাইগ্রেন্ত, মপালদগী হল্লকপা ৪৪৮ কোবিদ-১৯ পোজিতিব ওইখ্রে।
• মহারাস্ত্র: অনৌনা কোবিদ-১৯ কেস ৩,০০৭ রিপোর্ত তৌদুনা স্তেৎ অসিগী অপুনবা পোজিতিব কেস ৮৫,৯৭৫ শুখ্রে, মসিগী মনুংদা ৪৩,৫৯১না এক্তিব কেস ওইরি। হোৎস্পোৎ ওইরিবা মুম্বাইদা নোংমাইজিং নুমিৎতা অনৌবা অনবা ১,৪২১ রিপোর্ত তৌদুনা স্র অসিগী অপুনবা কেসকী মশিং ৪৮,৫৪৯ য়ৌখ্রে। মহারাস্ত্রগী লনাইগী ওফিসশিং অসি মথৌ তাবা মীশীং ১০% ফাওবদং কাদুনা লেমহৌরিবা মীওইশিংনা য়ুমদগী থবক শুংরি। লোকদউন ৫.০ অসিদা কন্তেনমেন্ত অমসুং নন-কন্তেনমেন্ত জোনশিংনা চেকশিন্না খাইদোক্লগা স্তেৎ সরকারনা তাঙ্কক নাইনা লোকদাউন অসি কোমথোক্নবা লাউথোকখ্রে।
• গুজরাত: অনৌনা কোবিদ-১৯ কেস ৪৮০ রিপোর্ত তৌদুনা স্তেৎ অসিগী অপুনবা কোরোনাভাইরস পোজিতিব ওইবা কেস ২০,০৭০ শুখ্রে, মসিগী মনুংদা ৫১৮৬না এক্তিব কেস ওইরি। হৌখিবা পুং ২৪ অসিদা মীওই ৩০ শীখিদুনা অপুনবা শীখিবগী মশিং ১২৪৯ শুখ্রে। গুজরাৎকী লোর্দ দ্বারিকাধীশ অমসুং শ্রী সোমনাথকী লাইওশঙঅসি দর্শন তৌনবা ঙসিদগী হাংখ্রে।অদুম ওইনমক সোমনাথ লাইশঙ অসিদা ভক্তশিংনা জুন ১২গী মতুংদা ওনলাইন বুকিং তৌরবা মতুংদা লাকপা য়াবা মতমগী মতুং ইন্না লাকনবা খঙহনখ্রে। ওপরেসন সমুদ্র সেতুগী শরুক অমা ওইনা, আই.এন.এস. শারদুলনা ভারত মচাশিং ঙসি ইরানগী বান্দর এবাসকী পোর্ততগী গুজরাৎকী পোর্বন্দরদা পুরক্লগনি। ভারতকী মিসন অসিদা ইরানদা লৈবা ভারত মচাশিংগী লিস্ত অমা শেমদুনা মখোয়বু মথৌ তাবা মেদিকেল স্ক্রীনিং তৌরবা মতুংদা তোংনবা খুদোংচাবা পীরগনি।
• রাজস্থান: হৌজিক ফাওবদা অনৌবা কোবিদ-১৯ কেস ৯৭ রিপোর্ত তৌরদুনা স্তেৎ অসিদা পোজিতিব ওইবা অপুনবা মশিং ১০,৬৯৬ শুখ্রে, মসিগী মনুংদা অনাবা ৭৮১৪না নাবা ফখ্রে। হোতেলশিং, রেস্তোরেন্তশিং, ক্লবশিং, শোপ্পিং মোলশিং অমসুং ৱাইল্দলাইফ সেঙ্কচুরি খুদিংমক ঙসিদগী রাজস্থান্দা হাঙদোকখ্রে। এ.এস.আই.গী মখাদা লৈবা হিস্তোরিকল মোনুমেন্ত খুদিংমক ঙসিদগী হাংদোকখ্রে।
• মধ্য প্রদেশ: অনৌবা কোবিদ-১৯ কেস ১৭৩ রিপোর্ত তৌরদুনা স্তেৎকী অপুনবা কোরোনাভাইরস পোজিতিব ওইবা মশিং ৯,৪০১ শুখ্রে মসিগী মনুংদা ২৬৫৮না এক্তিব কেসশিংনি। অনৌবা কেসশিং অসি ইন্দোরনা মতুং ইন্দুনা ভোপালদগী রিপোর্ত তৌখি।
• ছত্তিশগর: নোংমাইজিং নুমিৎতা অনৌবা কোবিদ-১৯ কেস ৭৬ রিপোর্ত তৌখ্রে অমসুং অহেনবা ৩১না ঙসি অয়ুক ফাওবদা রিপোর্ত তৌরদুনা স্তেৎ অসিদা অপুনবা কোরোনাভাইরস পোজিতিব কেস ১,০৭৩ শুখ্রে, অদুগা এক্তিব কেসকী অপুনবা মশিংনা ৮৩৪নি। ঙসিদগী লাইনিং লাইশোনগী মফমশিং হাংখ্রে।
• গোৱা: নোংমাইজিং নুমিৎতা অনৌবা কোবিদ-১৯ কেস ৩৩ রিপোর্ত তৌরদুনা স্তেৎ অসিদা পোজিতিব ওইবা কেস ৩০০ শুখ্রে অদুগা মসিগী মনুংদা পোজিতিব কেস ২৩৫না ্কে্তিব ওইরি। কেস মশিং হেনগৎলকপা থেংননবা স্তেৎ অসিনা কেন্দ্রদগী ভেন্তিলেতর ২০০ নিখ্রে অমসুং মসিগী মনুংদা ১০০না হয়েং থুংলবা য়াই হায়না স্তেৎ হকশেল মন্ত্রালয়না হায়খ্রে।
• মনিপুর: মনিপুরদা অহেনবা মীওই ৩৭ কোবিদ-১৯ পোজিতিব ওইখ্রে। মখোয় ইম্ফালদা লৈবা কোবিদ কেয়র সেন্তরদা পুখ্রে। এক্তিব কেস ১৫৭গা লোয়ননা অপুনবা কেস ২০৯নি।
• মিজোরাম: সি.এমনা কোবিদ ১৯দা মেম্বর ওফ লেজিসলেচর্সগী মীহুৎশিং, সরকারগী ওফিসিএলশিং, সরকারগী নত্তবা হোস্পিতাল এসোসিএসন, চর্চ লুচিংবশিং, খুঙ্গং অমসুং লৈকাইগী কাউন্সিল মেম্বরশিং, তাস্ক ফোর্স অমসুং এন.জি.ও.শিংগা স্তেৎনা মায় পাক্নবা অপুনবা মীফম অমা ফমখ্রে। মিজোরামদা ঙসি অহিং নোংয়াইদগী হৌরগা নুমিৎ ২১ শাংদোকখ্রে। হোম ক্বারিন্তিন ওপ্সন অসি নান্থোকপা য়াদ্রবা মতাংদা অকক্নবা ওইগনি হায়না সি.এম. জোরামথাঙানা হায়খ্রে।
• নাগলেন্দ: স্তেৎ সর্কারনা হৌজিক ফাওবদা অতোপ্পা স্তেৎতা পন্দুনা লৈরিবা প্রজাশিংগী শেলগী তেঙবাং ওইনা লুপা কোতি ২৪ য়েন্থোকখ্রে। নাগালেন্দদা ফমুং লিশিং ১৩গী কেপাসিতিগা লোয়ননা ক্বারিন্তিন সেন্তর ২৩৮ থম্মি। লৈবাক অসিদা খ্বাইদগী চেকশিনবা ক্বারিন্তিনগী নোর্মশিংদা স্তেৎ অসিনা ৫শুবদা লৈ।