অকোইবগী ফিভম অমসুং ঊমংগী মন্ত্রালয়

অর্বান ফোরেস্ত স্কিম্না মথংগী চহী ৫দা লৈবাক শিনবা থুংনা ‘নগর বন’ ২০০ শেমগৎকনি

অর্বান ফোরেস্তনা শহরশিংদা কুইনদগী চৎনরক্লবা খুঙ্গংগী উমংবু হিংগৎহল্লগনিঃ শ্রী প্রকাশ জবাদেকর

Posted On: 05 JUN 2020 1:27PM by PIB Imphal

ৱর্লদ এনবাইরনমেন্ত দেগী থৌরমদা সরকারনা ঙসি মীয়ামগা লোয়ননা অমসুং ফোরেস্ত দিপার্তমেন্ত, ম্যুনিসিপাল বোদীশিং, এন.জি.ও.শিং, কোর্পোরেৎশিং অমসুং লমদমগী মীয়ামশিংনা মতেং পাংনদুনা মথংগী চহী ৫দা অর্বান ফোরেস্ত ২০০ শেমগৎনবা নগর বন স্কিম থবক ওইনা পাংথোক্লগনি হায়না লাউথোকখ্রে। ৱর্লদ এনবাইরনমেন্ত দে (দবল্যু.ই.দি.) অসি চহী খুদিংগী জুন ৫দা পাংথোকই। য়ুনাইতেদ নেসন্স এনবাইরনমেন্ত প্রোগ্রাম (য়ু.এন.ই.পি.)না পীবা হীরমদা মীৎয়েং চংদুনা এনবাইরনমেন্ত, ফোরেস্ত অমসুং ক্লাইমেৎ চেঞ্জগী মন্ত্রালয়না দবল্যু.ই.দি. পাংথোকই অমসুং অতোপ্পা থৌরম কয়া অমসু শিল লাংই। হন্দক্কী চহীগী হীরম অসি ‘বাইওদাইবর্সিতী’নি। হৌজিক কোবিদ-১৯না ওইহল্লিবা ফিভম অসি য়েংলদুনা মন্ত্রালয়না ৱর্লদ এনবাইরনমেন্ত দে অসি হন্দক্কী চহীগী হীরম অসিগা লোয়ননা নগর বন (অর্বান ফোরেস্ত)দা অহেনবা মিৎয়েং পীদুনা ভর্চুএলদা ওইনা পাংথোক্লে।

অর্বান ফোরেস্ত করম্না ওইহনগদগে হায়বগী চেরোল অমা পুথোকপা অমসুং নগর বন স্কিম লাউথোক্তুনা কেন্দ্রগী এনবাইরনমেন্ত মন্ত্রী শ্রী প্রকাশ জবাদেকরনা হায়খিবদা উমং অসিনা শহরগী থবোম্বি ওইনা মথৌ তৌগনি অমসুং শহরগী মনুংদা লৈবা উমং ওইবা য়াবা মফমদা লৈগনি নত্ত্রগা মফমদুগী অর্বান লোকেল বোদীশিংনা পীবা অহাংবা মফমদা লৈরবসু য়াই। হন্দক্কী চহীগী হীরম, “মহৌশাগী মতম”,দা শন্দোক্না তাক্লদুনা অমসুং বাইওদাইবর্সিতীদা অখন্নবা মীৎয়েং থম্লদুনা শ্রী জবাদেকরনা হায়খিবদা ঐখোয়না মহৌশাবু ঙাক শেনগনি অমসুং মহৌশানা ঐখোয়বু অমুং ঙাক শেনগনি হায়বসি লেংদ্রবা কাংলোন অমনি। 

On #WorldEnvironmentDay announced the Urban Forest scheme to develop 200 ‘Nagar Van’ across the country in next 5 years.
This will help revive the age old tradition of village forest in cities.#ForNature pic.twitter.com/G18JHsebti

— Prakash Javadekar (@PrakashJavdekar) June 5, 2020

ঙসি পাংথোকখিবা এনবাইরনমেন্ত দেগী থৌরম মনুংদা ফোরেস্ত দিপার্তমেন্ত অমসুং লোকেল বোদীশিংগা লোয়ননা পাংথোকপা পুনাইকারশিংগী খোংথাংনা মতৌ করম্না অহাংবা ঐচ.এ. ১৬.৮গী লম্বু অশংবা উমং ওইনা ওন্থোকখিবগে উৎপা ফিলম অমা কাপখি। ঙসিদি উমং অসিদা পাম্বী মখল ২৩, উচেক মখল ২৯, কুরাক মখল ১৫, রেপ্তাইল মখল ১০ অমসুং খোম থোকপা শা মখল ৩ লৈদুনা বাইওদাইবর্সিতীদা য়াম্না ফবা উমং অমা ওইরে। মসিগী অর্বান ফোরেস্ত প্রোজেক্ত অসিনা ঙসিদি ইকোলোজিকেল বেলেন্সকী খল ঙাক্তুনা অকোয়বা অমসুং মীয়ামগী তঙাই ফদবশিং পীরি। ৱারজে অর্বান ফোরেস্ত অসি লৈবাক অসিগী ওইনা তমজনিংঙাই ওইবা মওং অমা ওইরে।

হন্দক্কী চহীগী মিৎয়েং ওইরিবা ভাইওদাইবর্সিতীগী মতাংদা ৱা ঙাংবদা ভারতকী লমগী শরুক অসি মালেমগী ওইবা শরুক্কী ২.৫%খক ওইরবসু মালেমগী বাইওদাইবর্সিতীগী চাদা ৮ থোকপা লৈদুনা মীওই অমসুং শা-ঙাগী মশীং ১৬% অমসুং ঈশিং থোকফম ৪%খক্কী মফম পীরি; ঐখোয়গী চাউরবা বাইওদাইবর্সিতী অসি ঐখোয়গী ভারতকী মহৌশাগা লোয়ননা চৎপা ৱাখল্লোন অসিগী মরমদগীনি হায়না এনবাইরনমেন্তকী মন্ত্রীনা হায়খি।

Despite having many constraints like only 2.5 % of the world's landmass, with 16% of human as well as cattle population, India today has nearly 8 percent of world's #biodiversity. #WorldEnvironmentDay2020 pic.twitter.com/nz3XT5ug3b

— Prakash Javadekar (@PrakashJavdekar) June 5, 2020

ভারতকী নাত্তা মরু ওইবা পীরদুনা শ্রী জবাদেকরনা ভারত অসি উ-ৱা, শা-ঙা, উচেক-ৱায়া অমসুং লিনবু খোইরম্বা অমখক্তং লৈবা লৈবাক্নি অমসুং থৌওংসিনা ভারতকী সমাজনা অকোয়ববু ইকাই খুম্নবা অসি ময়েক শেংনা উৎলি হায়না হায়খি। চহী কয়াদগী খুঙ্গংগী উমংগী মরু ওইবা চৎনবি অমা লৈদুনা লাক্লি অমসুং হৌজিক্তি অর্বান ফোরেস্তকী স্কিম অসিনা শহরগী মফমশিংদা উমংদি লৈতনা লৈকোলখক্তমক লৈবগী অহাংবা অসিসু মেনশিল্লগনি। অমসুং অর্বান ফোরেস্ত শেমগৎপগী থৌওং অসিগা লোয়ননা অহেনবা কার্বোন সিঙ্কসু শেম্লগনি হায়না কেন্দ্রগী মন্ত্রীনা হায়খি।

 

 থৌরম অসিদা শরুক য়াখিবা কেন্দ্রগী রাজ্য মন্ত্রী শ্রী বাবুল সুপ্রিয়োনা উ থাবদা অমসুং লৈহাওদা য়াওবা ঈশিংবু য়োক্তুনা থমদুনা লৈবাক অসিদা বাইওদাইবর্সিতী ঙাক্তুনা থম্নবা মরু ওইবা খোংথাংশিংগী মরমদা কন্না পনখি। লৈহাও মাংথরকপা, সিলতেসন তৌবা অমসুং তুরেলদা ঈশিং চেনবা হন্থরকপগী খুদোংচাদবশিং অসি থেংনগে হায়রবদি মীয়াম পুন্না হোৎনমিন্নগদবনি হায়না মখা তানা হায়খি।

থৌরম অসিদা একজেক্যুতিব দাইরেক্তর, য়ুনাইতেদ নেসন্স কনবেন্সন তু কম্বেৎ দেজরতিফিকেসন (য়ু.এন.সি.সি.দি.), শ্রী ইব্রাহিম থ্যাউ অমসুং একজেক্যুতিব দাইরেক্তর, য়ুনাইতেদ নেসন্স এনবাইরনমেন্ত প্রোগ্রাম (য়ু.এন.ই.পি.), শ্রী ইঙ্গর এন্দরসনসু ভর্চুৱেল ওইনা শরুক য়াখি।

য়ু.এন.সি.সি.দি.গী একজিক্যুতিব দাইরেক্তর শ্রী থ্যাউনা হায়খি, “হৌজিকসি মহৌশানা ঐখোয়গী তঙাইফদবা লৈবদগী ঐখোয়না মহৌশাগী তঙাইফদবা লৈবনা হেল্লা হায়বসি ঐখোয়না খংবগী মতম নত্তব্রা? হৌজিকসি ঐখোয়না থমোয় শেংনা খন্থদুনা মহৌশাগা ঐখোয়গা লৈনরিবা মরী অসি নৌনা অমুক ফগৎহনবগী মতম নত্তবরা? তশেংবদি হৌজিক অসি ঐখোয়না মহৌশাগা অনৌবা মরী অমা শেম্বগী মতম্নি”।

 

হন্দক্কী চহীগী হীরম অসিদা কুপ্না চংলদুনা শ্রী এন্দরসন্না মহৌশাগীদমক্তা থবক তৌবনা তুংদা লায়চৎ থোকপগী চাং হন্থহনবনি, সস্তেনেবল দিবেলপমেন্তকী পান্দম ফংবনি, ক্লাইমেৎ চেঞ্জ তপথহনবনি, হেন্না হকচাং ফবা পুন্সি হিংবনি, অফবা শেন্মিৎলোন ওইহনবনি, অশেংবা নুংশিৎ নিংশা হোনবনি অমসুং পুন্সিবু ঙাক শেন্দুনা থম্বনি হায়না হায়খি। কোবিদকী মতুংদা ওইগদৌরিবা মালেম অসিদা ঐখোয়না মহৌশাবু হেন্না ফজনা শেমগৎপা তঙাই ফদে অমসুং গ্রহ অসিবু ঙাক শেন্দুনা ঐখোয় ইশাবু ঙাক শেন্দুনা থম্বগী তঙাই ফদ্রে হায়না মখা তানা হায়খি।

মহারস্ত্রা সরকারগী ফোরেস্ত মন্ত্রী শ্রী সঞ্জয় রাথোর, এনবাইরনমেন্ত, ফোরেস্ত অমসুং ক্লাইমেৎ চেঞ্জ মন্ত্রালয়গী নৌনা খনবা সেক্রেতরী শ্রী আর.পি. গুপ্তা, দি.জি. ফোরেস্ত অমসুং স্পিসিএল সেক্রেতরী শ্রী সঞ্জয় কুমার, পরসিস্তেন্ত সীস্তেমগী অনন্দ দেশপান্দে অমসুং পুনেগী তি.ই.আর.আর.ই.গী দাইরেক্তর দাক্তর বিনিতা অপ্তেসু থৌরম অসিদা শরুক য়াদুনা মখোয়গী অখংবশিং হায়নখি।

 

ভারত্তা মখল কয়াগী পাম্বী অমসুং শা-ঙা কয়া লৈদুনা অমসুং ইন্দেমিক স্পিসিস কয়া লৈবা মালেমগী বাইওদাইবর্সিতী ৩৫গী মনুংদা ৪ লৈবা অফবা বাইওদাইবর্সিতী অমা লৈ। তৌবতবু মীশিং হেনগৎলকপা, উমং য়ান্থৎপা, শহর মশীং হেনগৎলকপা অমসুং ইন্দস্ত্রী মশীং হেনগৎলকপসিনা ঐখোয়গী মহৌশাগী পোত্থোকশিং অসিদা খুদোংথিংঙাই ওইরক্তুনা বাইওদাইবর্সিতী মাংলকপগী নুংনাংবা লৈরে। গ্রহ অসিদা পুন্সি মখা তানা লৈহন্নবা অমসুং তোঙান তোঙানবা ইকোলোজিকেল সর্বিসশিং পীবদা বাইওদাইবর্সিতী অসি য়াম্না মরু ওই। বাইওদাইবর্সিতী ঙাক শেন্দুনা থম্বা অসি মনুং চংশিন্না লৈবা উমংগী শরুকশিংদা থমগদবনি হায়না কুইনদগী চৎনরক্লিবা অসি শহর মশীং হেনগৎলকপদগীদি মসিবু শহরশিংদসু ঙাক শেন্দুনা থম্বগী তঙাই ফদবা অমা ওইরে। মরম অসিনা অর্বান ফোরেস্ত অসিনা হীরম অসিগী পাউখুম ওইগনি। এনবাইরনমেন্ত, ফোরেস্ত অমসুং ক্লাইমেৎ চেঞ্জগী মন্ত্রালয়না শহরগী মফমশিংদা বাইওদাইবর্সিতী খুমাং চাউশিলহন্নবা অমসুং ঙাক শেন্দুনা থম্নবগীদমক ২০২০গী দবল্যু.ই.দি.গী থৌরমসিদা নগর বনবু মরু ওইবা হীরম অমা ওইহল্লে।

*****

 



(Release ID: 1629604) Visitor Counter : 51