এক্সেলেন্সীবু খুরুমজরি!

খ্বাইদগী ইহান হানবদা ঐগী মায়কৈদগী অমসুং ভারত পুম্বগী মায়কৈদগী কোবিদ-১৯না চৈথেং ফংহনখ্রবা ওস্ত্রেলিয়াগী মীয়াম অমসুং ইমুং মনুংগী মফমদা থম্মোয় শোক্না নুংঙাইতবা ফোংদোকচরি। মালেমসিগী ওইনা থোক্লিবা তমথিরবা লায়চৎ অসিনা থবক-থৌরম মখল খুদিংমক্তা চৈথেং পীরি। অমসুং ঐখোয়গী সমিৎ অসিগী দিজিতেলগী মশক-মওং অসি অসিগুম্বা মখলগী চৈথেং অদুগী খুদম অমনি।

এক্সেলেন্সী, অদোমগা দিজিতেলগী থোংদগী উন্নবা অসি হরাওজৈ অদুবু খরসু নুংঙাইজদে, মরমদি ভারত্তা অদোম্বু হরাও-তয়াম্না ওকপগী তাঞ্জা অদু ফংজদ্রি। অহানবদা জনুৱারীদা অদুগা অমুক মমাংগী থাদা অদোম্না লাকপা ঙাইজখি অদুবু লাইবক থীবনা খোংচৎ অনিমক য়ৈথোকপা তাখি। ঙসি ঐখোয়না উন্নরিবা অসি অদোম্না ভারতকী খোংচৎ অদুগী মহুৎ শিনবা য়াবা নত্তে। মরুপ অমা ওইবগী ঐনা অদোমদা অরুবগী ফীভম অসিদগী ফগৎলক্লবা মতুংদা অদোমগী ইমুং-মনুংগা লোয়ননা থুনা ভারত্তা লাক্নবগী থৌরাং তৌবিয়ু অমসুং ঐখোয়না থৌগল তৌজবগী অয়াবা পীবীয়ু।

এক্সেলেন্সী, ভারত অমসুং ওস্ত্রেলিয়াগী মরী অসি ময়েক শেংবগা লোয়ন-লোয়ননা হকচিনবা অমসুনি। অমসুং মসিগী হকচিনবা অসি ঐখোয়না ভেল্যুশিং শেয়র তৌনবা, ইন্তরেস্তশিং শেয়র তৌনবা, ভুগোল অমসুং পান্দমশিং শেয়র তৌনবননি । হৌখিবা চহী খরদগী ঐখোয়না অমগা-অমগা মতেং পাংনবা অমসুং পুন্থোক-পুনশিন তৌবা অসি নিংথিজবা মওংদা চত্থদুনা লাক্লি। অদোমগুম্বা কল্লবা অমসুং ভিজনরী ওইবা মীশক অমনা ঐখোয়গী মরুপ-মপাং ওইবগী মরী অসিগী চুক্লি নাম্মা অমা অদোমগী খুত্তা লৈবা হায়বসি লাইবক ফবনি। ঐগী ওইনদি ভারত অমসুং ওস্ত্রেলিয়াগী মরী অসি হেন্না চেৎশিন্ননবগী চপ চারবা মতম, চপ চাবা তাঞ্জানি।

ঐখোয়গী মরুপ ওইবগী মরী অসি হেন্না কনখৎহন্নবা মপান নাইদ্রবা পোজিবিলিতী কয়া অমা লৈ। পোজিবিলিতী কয়াশিং অসিগা লোয়ন-লোয়ননা শিংনবসু পুদুনা লাকই। শিংনবশিং অসি মতৌ করম্না পাংথোকপা ঙমহন্দুনা অশেংবরোমদা ৱাহন্থোক লৈহন্দুনা লৈবাক অনিসিগী নাগরিকশিংনা লল্লোন-ইতীকশিংদা, একাদেমিকশিংদা, রিসর্চরশিংনচিংবগী মরক্তা লিঙ্ক তৌহন্দুনা হেন্না কনখৎহনসি। ঐখোয়গী মরী অসিদা ঐখোয়গী লৈবাক্কীদমক্তা অমসুং মালেমগীদমক্তা ‘স্তেবিলিতীগী ফেক্তর’ অমা ওইহনগদগে, পুন্না ঐখোয়না মালেমগী য়াইফনবা থবক তৌমিন্নগদগে হায়বসি খনবগী মথৌ তাই: প্রধান মন্ত্রী

এক্সেলেন্সী, হৌজিক্কী মতম অসিদা মালেমসিদা লৈরিবা লৈবাকশিংনা অমনা অমদগী তৌরক্কনি হায়বগী থাজবা অমসুং ঐখোয়গী নাগরিকশিংনা ঐখোয়দগী তৌরক্কনি হায়বগী থাজবা থম্লিবা অসি অসুম-অসুম হেনগৎলক্লি। দেমোক্রেতিক ভেল্যু অসি পীননবগীদমক ঐখোয় অনিগী ইথৌদাং অসি লৈবাক অনিসিগী তৌরক্কনি হায়বগী থাজবশিং অসি পাংথোক্নবা তৌবনি। মরম অসিনা মালেম অসিগী য়াইফনবা দেমোক্রেসী, ৱায়েল পথাপকী চৎন-কাংলোন, নীংতম্বা, অমগা-অমগা ইকাই খুম্নবা, ইন্তর্নেস্নেলগী ওইবা লুপশিং অসিবু ইকাই খুম্নবনচিংবগী ভেল্যু অমসুং মনুং-মপান ফাওনা উহনবা ঙম্বনচিংবশিং অসি চেৎনা পায়বা অমসুং ঙাকথোকপা অসিনা ঐখোয়গী শেংলবা ইথৌদাংনি। মসি ঐখোয়গী তুংলমচৎকী ওইবা ইপা-ইপুনা থম্বিরম্বা লন্নি। হৌজিক তোঙান-তোঙানবা মওংদাভেল্যুশিং অসি শিংনরক্লবা মতম অসিদা লৈনরিবা মরি অসি হেন্না ফগৎহন্দুনা মপাঙ্গল কনখৎহনবা ঙমগনি।।

এক্সেলেন্সী, ভারতনা অস্ত্রেলিয়াগা লৈনরিবা মরি অসি পাক-চাওনা অমসুং য়াংনা খুমাং চাওশিন্নবগীদমক অচেৎপা ৱাফম থম্লি। মসি ঐখোয়গী লৈবাক অনি অসিদখক্তমক মরু ওইহনবদা নত্তনা হিন্দ-পেসিফিক্কী লমশিং অমসুং মালেমগী ওইনসু মরু ওইবা অমনি। ঐখোয়গী ইন্সতিত্যুস্নেল ওইবা ৱারী শান্নবা অসিনা ঐখোয়গী মরিদা হেন্না ইনোৎ হাপ্লিবা অসিদা ঐনা অপেনবা ফাওজৈ। লৈবাক অসিগী মর্কাত অৱাংবা থাক্কী একচেঞ্জশিং তৌনরি। লল্লোন-ইতীক অমসুং ইনভেস্ত তৌবসু হেনগৎলক্লি। অদুবু মসিগী খোংজেল অসিদগী ঐনা ময়েক শেংনা পেল্লে হায়বদুদি হায়রোই। অদোমগুম্বা লীদর অমনা ঐখোয়গী মরুপ ওইরিবা লৈবাক অমা লুচিংবিরিবা অদুগুম্না ঐখোয়গী মরুপ-মপাং ওইবগী মরি অসি ফগৎহন্নবগী খোংজেল অসিসু এম্বিসিয়স ওইবা মওংদা ওইহনবা তাবনি। ঙসি নাকল অনিমক্কী ওইবা মরুপ-মপাং ওইবগী মরি অসি পুন্না থৌরাং য়াৎপা লাল্লোংশিংগী মওংগী থাক্তা কাখৎলক্লিবসিদা ঐহাক য়াম্না হরাওজৈ। মালেমসিদা তমথিরবা লায়চৎ অসি থোক্লিবা মতম অসিদা ঐখোয়গী পুন্না থৌরাং য়াৎপা লাল্লোংশিং অসিগী থৌদাং অসি হেন্না মরু ওইরগনি। মালেমসিদা থোক্লিবা তমথিরবা লায়চৎ অসিনা শেন্মীৎলোন্দা অমসুং খুন্নাইসিদা ফংলিবা চৈথেং কয়াসিদগী থুনা নান্থোরক্নবা পুন্না হোৎনমিন্নদুনা অমসুং তেংবাংনদুনা পায়খৎপা থবক-থৌরাংশিংগী মথৌ তারি।

ঐখোয়গী সরকারনা অরুবা ফীভম অসিবু খুদোংচাবা অমা ওইনা লৌনবা ৱারেপ লৌখ্রে। ভারতকী মফম অয়াম্বদা পাক চাওনা অনৌবা মওংদা থবক-থৌওং তৌবা হৌখ্রে। য়াম্না থুনা গ্রাউন্দ লেভেলদা মসিগী মহৈ অদু উবা ফংলগনি। অসিগুম্বা লুরবা মতম অসিদা অদোম্না অস্ত্রেলিয়াদা লৈরিবা ভারতকী মীওইশিংবু মরুওইনা ভারতকী মহৈরোইশিংবু নিংথিজনা য়েংশিনবীবগীদমক্তা অদোম্বু হায়নিংঙাই লৈতনা থাগৎপা ফোংদোকচরি।

At the virtual summit with PM @ScottMorrisonMP. https://t.co/6JIpZRae21

— Narendra Modi (@narendramodi) June 4, 2020

*****