1.70 ലക്ഷം കോടി രൂപയുടെ പ്രധാനമന്ത്രി ഗരീബ് കല്ല്യാൺ പദ്ധതിയുടെ ഭാഗമായി വനിതകൾക്കും, പാവപ്പെട്ട മുതിർന്ന പൗരന്മാർക്കും, കർഷകർക്കും സൗജന്യമായി ഭക്ഷ്യധാന്യവും, പണവും നൽകുമെന്ന് കേന്ദ്ര ഗവൺമെൻ്റ് പ്രഖ്യാപിച്ചിരുന്നു. ഇതിൻ്റെ ഭാഗമായി ഏകദേശം 42 കോടി ജനങ്ങൾക്ക് പിഎംജികെ പദ്ധതിയുടെ, 53,248 കോടി രൂപ ധനസഹായം ലഭിച്ചു. ഇതുവരെയുള്ള പുരോഗതി ചുവടെ ചേർക്കുന്നു:

* PM - KISAN പദ്ധതിയിലെ 8.19 കോടി ഗുണഭോക്താക്കൾക്ക്, 16,394 കോടി രൂപ ആദ്യ ഗഡുവായി വിതരണം ചെയ്തു.

* 20.05 കോടി (98.33%) വനിത ജൻധൻ അക്കൗണ്ട് ഉടമകൾക്ക് ആദ്യ ഗഡുവായി 10,029 കോടി രൂപ നൽകി. രണ്ടാം ഗഡുവായി 10, 315 കോടി രൂപ 20.62 കോടി (100%) വനിതാ ജൻധൻ അക്കൗണ്ടുകളിലെത്തിച്ചു.

* 2.81 കോടി വൃദ്ധ ജനങ്ങൾ, വിധവ, ദിവ്യാംഗർ എന്നിവർക്ക് രണ്ട് ഗഡുക്കളായി 2814.5 കോടി രൂപ വിതരണം ചെയ്തു.

* 2.3 കോടി കെട്ടിട നിർമ്മാണ തൊഴിലാളികൾക്ക് 4312.82 കോടി രൂപ ധന സഹായം നൽകി.

* ഇതുവരെ 101 ലക്ഷം മെട്രിക് ടൺ ഭക്ഷ്യധാന്യങ്ങൾ 36 സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കുമായി നൽകി. ഇതിൽ 36.93 ലക്ഷം മെട്രിക് ടൺ ഭക്ഷ്യധാന്യങ്ങൾ 73.86 കോടി ഗുണഭോക്താക്കൾക്കും, 32.92 ലക്ഷം മെട്രിക് ടൺ ഭക്ഷ്യധാന്യങ്ങൾ 65.85 കോടി ഉപഭോക്താക്കൾക്കുമായി മെയ് 2020 ൽ 35 സംസ്ഥാനങ്ങൾ/കേന്ദ്രഭരണ പ്രദേശങ്ങൾ നൽകി. 3.58 ലക്ഷം മെട്രിക് ടൺ ഭക്ഷ്യ ധാന്യങ്ങൾ, 7.16 കോടി ഗുണഭോക്താക്കൾക്ക് ജൂൺ 2020 ലേക്കായി 17 സംസ്ഥാനങ്ങൾ/കേന്ദ്രഭരണ പ്രദേശങ്ങൾ വിതരണം ചെയ്തു. 5.06 ലക്ഷം മെട്രിക് ടൺ പയറു വർഗങ്ങളും വിതരണത്തിനായി വിവിധ സംസ്ഥാനങ്ങൾക്ക് നൽകി. 19.4 കോടി ഗാർഹിക ഉപഭോക്താക്കളിൽ, 17.9 കോടി പേർക്ക് ഇതുവരെ 1.91 ലക്ഷം മെട്രിക് ടൺ പയറു വർഗങ്ങൾ വിതരണം ചെയ്തു.

*പ്രധാനമന്ത്രി ഉജ്ജ്വല യോജനയ്ക്കു കീഴിൽ 9.25 കോടി സിലിണ്ടറുകൾ ബുക്ക് ചെയ്തു. അതിൽ 8.58 കോടി സൗജന്യ സിലിണ്ടറുകൾ ഇതിനോടകം നൽകി കഴിഞ്ഞു.

* എംപ്ലോയ്മെൻ്റ് പ്രോവിഡന്റ് ഫണ്ട് ഓർഗനൈസേഷനിലെ 16.1 ലക്ഷം അംഗങ്ങൾക്ക് ഇപി എഫ്‌ അക്കൗണ്ടിൽ നിന്നും തിരിച്ചടയ്ക്കേണ്ടാത്ത അഡ്വാൻസ് തുക ഇനത്തിൽ 4,725 കോടി രുപയുടെ സഹായം നൽകി.

* മഹാത്മാഗാന്ധി തൊഴിലുറപ്പ് പദ്ധതി വേതന വർദ്ധന 1. 4. 2020 ൽ നിലവിൽ വന്നു. നടപ്പ് സാമ്പത്തിക വർഷം, 48.13 കോടി തൊഴിൽ ദിനങ്ങൾ സൃഷ്ടിച്ചു. ഇതു കൂടാതെ, വേതന കുടിശ്ശിക നൽകുന്നതിന് സംസ്ഥാനങ്ങൾക്ക് 28,729 കോടി രൂപ നൽകി.

* 59. 23 ലക്ഷം തൊഴിലാളികളുടെ അക്കൗണ്ടിലേക്ക് 24% ഇ പി എഫ് വിഹിതമായ് ഏകദേശം 895.09 കോടി രൂപ കൈമാറി.

പ്രധാൻ മന്ത്രി ഗരീബ് കല്യാൺ പദ്ധതി
നേരിട്ടുള്ള ധനസഹായ കൈമാറ്റം 2/6/2020 വരെ

പദ്ധതി, ഗുണഭോക്താക്കളുടെ എണ്ണം, തുക എന്നിങ്ങനെ ചുവടെ:

1) പ്രധാനമന്ത്രി ജൻധൻ യോജന വനിത അക്കൗണ്ട് ഉടമകൾക്ക് ധന സഹായം:

ആദ്യ ഗഡു - 20.05 കോടി (98.3%)
രണ്ടാം ഗഡു -   20.6 കോടി

ആദ്യ ഗഡു - 10029 കോടി
രണ്ടാം ഗഡു -   10315 കോടി

2) സാമൂഹ്യ സുരക്ഷാ പദ്ധതി വഴിയുള്ള സഹായം (പ്രായമുള്ള വിധവകൾ, ദിവ്യാംഗർ, മുതിർന്ന പൗരന്മാർ)

2.81 കോടി (100%)

ആദ്യ ഗഡു - 1407 കോടി
രണ്ടാം ഗഡു - 1407 കോടി

3) PM കിസാൻ പദ്ധതി വഴിയുള്ള കർഷകർക്കുള്ള സഹായം

8.19 കോടി

16394 കോടി

4) കെട്ടിട നിർമ്മാണ തൊഴിലാളികൾക്കുള്ള ധനസഹായം

2.3 കോടി    

4313 കോടി

5) എംപ്ലോയ്മെൻ്റ് പ്രോവിഡ് ഫണ്ടിലേക്കുള്ള 24% വിഹിതം

0.59 കോടി

895 കോടി

6) ഉജ്ജ്വല

ആദ്യ ഗഡു - 7.48
രണ്ടാം ഗഡു - 4.48  

8488 കോടി

ആകെ ഗുണഭോക്താക്കളുടെ എണ്ണം - 42 കോടി  

തുക – 53,248 കോടി