প্রধানমন্ত্রীগী লোইশঙ
প্রধান মন্ত্রী অমসুং শ্রীলঙ্কাগী প্রধান মন্ত্রী হিজ এক্সিলেন্সী মহিন্দ্র রাজাপক্সাগী মরক্তা তেলিফোন্দা ৱারী শানখ্রে
प्रविष्टि तिथि:
27 MAY 2020 8:25PM by PIB Imphal
শ্রীলঙ্কাগী প্রধান মন্ত্রী, হিস এক্সিলেন্সী মহিন্দ্র রাজাপক্সাদা মহাক্না শ্রীলঙ্কাগী পার্লিয়ামেন্ততা অহানবা ওইনা চংলবা মতুংদা চহি ৫০ মপুং ফাবগী হরাওবা ফোংদোকপা ওইনা প্রধান মন্ত্রীনা ঙসি ৱারী শাখ্রে।
হিস এক্সিলেন্সী রাজাপক্সানা মহাক্কী শাংলবা পোলিতিকেল করীয়র অসিদা শ্রীলঙ্কাগী চাউখৎপদা লৌখিবা থৌদাংশিং অদুবু প্রধান মন্ত্রিনা নীংশিংখি অমসুং মহাক্কী তুংগী পুন্সিদা য়াইফবা ওইরসনু হায়না য়াইফ-পাউজেল পীখি।
প্রধান মন্ত্রীনা, শ্রীলঙ্কাদা লৈবা ইন্দিয়ন-ওরিজিন তামিলশিংগী য়াম্না মমিং-চৎপা লুচিংবা, শ্রী অরুমুগন থোন্দামন্না খঙহৌদনা অমদি মনুং-মতম চাদনা লৈখিদবদা নুংঙাইতবসু ফোংদোকখি। ভারত অমসুং শ্রীলঙ্কাগী মরক্তা চাউখৎ-থৌরাংগী পার্তনরশিপ অসিবু খুমাং চাউশিলহনবদা শ্রী থোন্দামন্না লৌখিবা মরু ওইবা থৌদাং অদুবুশু নীংশিংখি।
লুচিংবশিং অসিনা লৈরিবা কোবিদ-১৯গী লাইচৎ অসিনা হকশে অমসুং শেনমিৎলোন্দা কয়ামুক শোকহনবগে হায়বগী মতাংদা অমসুং মখোয়শিং অসিবু মায়োক্ননবগীদমক্তা লৈবাক অনি অসিনা লৌখৎলিবা পাম্বৈশিং অদুগী মতাংদা খন্নখ্রে। প্রধান মন্ত্রীনা চিরবা মতম অসিগী মনুং অসিদা শ্রীলঙ্কাদা অঙম্বা মতেং পাংনবগীদমক্তা ভারতনা শেম-শাদুনা লেপ্লি হায়না হিস এক্সিলেন্সী রাজাপক্সাদা থজবা পীখ্রে।
*******
(रिलीज़ आईडी: 1627322)
आगंतुक पटल : 256
इस विज्ञप्ति को इन भाषाओं में पढ़ें:
Urdu
,
English
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam