কোবিদ-১৯ ঙাকথোক্নবা, লাকশিন্নবা অমসুং লায়েংনবা রাজ্যশিং/য়ুতিশিংগা লোয়ননা ভারত সরকারনা অকনবা অমসুং মতিক চাবা থবক কয়া পায়খৎলি । হায়রিবা থবকশিং অসি খ্বাইদগী ৱাংবা থাক্ত অমুক হন্না য়েংশিল্লি অমসুং শেন্নরি ।

লায়না অসি শন্দোরকপা থিংনবা থবকশিংদা লৈঙাক্না মিৎয়েং চংলি । লায়না অসি লৌনবদগী ঙাকথোক্নবা খুৎ হাম্বা, শ্বর হোনবদা মহিক চংদনবা হোৎনবা অমসুং য়াম্না তোইনা পায়গনবা মফমশিং লু-নান্না থম্বা দরকার ওই । মসিগী অৱাবা অসি কোক্নবা কোবিদকা চুনবা লমচৎ-শাজৎ অমা শেমগৎপা দরকার ওই । মসিদা চাং নাইনা মাক্স শীজিন্নবা অমসুং অহলশিং অমসুং খুদোংথিনিংঙাই ওইবা মীওইশিং ঙাকথোকপা য়াওরি । নোভেল কোরোনাভাইরসতগী ঙাকথোক্নবা হৌজিক মালেমগী ওইনা লৈরিবা তিকা অসি মীওই অমনা অতোপ্পা মীওইশিংদগী থাপ্না লৈবা অসিনি ।

ভারতনা চাংয়েং তৌবা ঙম্বগী চাং য়াংনা হেনগৎলক্লি অমসুং দরকার ওইবশিং চাংয়েং তৌবা ঙম্বগী ফিবমদা লৈরে । হৌজিক ভারতনা নোংমদা সেম্পল লাখ ১.১ চাংয়েং তৌবা ঙম্লি । লেব, সিফ, আর তি-পি সি আর মেছিনশিং অমসুং মী মশিং হেনগৎহনবগী চাংয়েং তৌবা হেনগৎলকপনি । হৌজিক ভারত্তা কোবিদ-১৯ চাংয়েং তৌনবা অপুনবা লেব ৬১২ লৈরি, মসিগী মনুংদা লেব ৪৩০না আই সি এম আরগী অমসুং লেব ১৮২না লনাইগীনি । লাইওং উৎপা শিন্মীশিং খুদক্তা চাংয়েং তৌনবা অমসুং লাইওং উৎতবা শিন্মীশিংনা ময়ুমদা ক্বারেনতাইন তৌহন্নবা রাজ্যশিং/য়ুতিশিংদা চৎন-পথাপশিং পীরে । কোবিদ-১৯ চাংয়েং তৌনবা ত্রুনেত মেছিনশিং শীজিন্ননবা রাজ্যশিং/য়ুতিশিংনা নেসনেল তুবরকুলোসিস ইলিমিনেসন প্রোগ্রামগা থবক তৌমিন্নরি । লৈবাক অসিনা শাজবা আরতি-পি সি আর কিতশিং, ভি তি এম, শ্বাব অমসুং আর এন এ এক্সত্রেক্সন কিতশিং মশক খঙলে অমসুং হৌখিবা থা খর অসিদা মখোয় পুথোকপা হৌরে ।

লৈবাক অসিগী অনাবা ফবগী চাং ফিবম ফগৎলক্লি অমসুং হৌজিক চাদা ৪১.৬১দা লৈরি । হৌজিক ফাওবদা মীওই ৬০,৪৯০ কোবিদ-১৯দগী অনাবা ফরে । লৈবাক অসিদা শিবগী চাদা চাদা ৩.৩০(এপ্রিল ১৭ ফাওবদা) লৈরম্বদগী হৌজিক চাদা ২.৮৭দা হন্থরক্তুনা মালেমদা খ্বাইদগী নেম্বা লৈবাকশিংগী মরক্তা য়াওরে । হৌজিক মালেমগী ওইনা শিবগী চাং অসি চাদা ৬.৪৫নি ।

মীওই লাখ ১দা শিবগী চাং নৈনবদা মালেমগী ওইনা মীওই লাখ ১দা মীওই ৪.৪ শিবদা ভারতকী ওইনা মীওই লাখ ১দা মীওই ০.৩ শিদুনা খ্বাইদগী নেম্বা লৈবাকশিংগী মরক্তা য়াওরে । অপুনবা মীওই লাখ ১দা শিবগী চাং অমসুং কেস ফেতালিতি রেত অনিমক য়েংনবদা ভারত য়াম্না নেম্লি ।

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in দা চংবীয়ু ।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি ।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু । কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি ।

***