ৰেল মন্ত্ৰালয়

অহা ১০ দিনত ২,৬০০তকৈ অধিক শ্ৰমিক বিশেষ ৰে’লৰ চলাচল কৰাব ভাৰতীয় ৰে’লৱেই

এই সিদ্ধান্তৰ জৰিয়তে ৩৬লাখতকৈ অধিক আৱদ্ধ প্ৰব্ৰজিত শ্ৰমিক উপকৃত হ’ব

বিগত ২৩ দিনত ২,৬০০ শ্ৰমিক বিশেষ ৰে’ল চলাচল কৰাইছে ভাৰতীয় ৰে’লৱেই

বৰ্তমানলৈকে প্ৰায় ৩৬ লাখ আৱদ্ধ প্ৰব্ৰজিত শ্ৰমিকক তেওঁলোকৰ গৃহৰাজ্যলৈ পৰিবহণ কৰা হৈছে

Posted On: 23 MAY 2020 4:35PM by PIB Guwahati

দেশে ক’ভিড-১৯ মহামাৰীৰ বিৰুদ্ধে যুঁজ দি থকাৰ সময়তে ভাৰতীয় ৰে’লৱেই এই সংকটকালত বেয়াকৈ ক্ষতিগ্ৰস্ত লোকসকলক সকাহ দিয়াৰ ক্ষেত্ৰত কোনো ত্ৰুটি ৰখা নাই৷ ৰে’লৱেই ধাৰাবাহিকভাৱে প্ৰচেষ্টা অব্যাহত ৰাখি প্ৰব্ৰজিত শ্ৰমিকসকলক তেওঁলোকৰ গৃহৰাজ্যত উপনীত হোৱাত সহায় কৰিছে৷ ইয়াৰ পৰিপ্ৰেক্ষিততে ৰে’ল মন্ত্ৰালয়ে ৰাজ্য চৰকাৰসমূহৰ প্ৰয়োজনৰ ভিত্তিত সমগ্ৰ দেশত অহা ১০ দিনত ২,৬০০ বিশেষ ৰে’ল চলাচলৰ গুৰুত্বপূৰ্ণ সিদ্ধান্ত গ্ৰহণ কৰিছে৷ এই প্ৰচেষ্টাৰ জৰিয়তে দেশৰ বিভিন্ন প্ৰান্তত আৱদ্ধ হৈ থকা ৩৬ লাখ প্ৰব্ৰজিত লোক উপকৃত হ’ব৷

 

উল্লেখ্য যে লকডাউনৰ ফলত দেশৰ বিভিন্ন প্ৰান্তত আৱদ্ধ হৈ থকা প্ৰব্ৰজিত শ্ৰমিক, তীৰ্থযাত্ৰী, পৰ্যটক, শিক্ষাৰ্থী আৰু অন্যান্য ব্যক্তিৰ বাবে ভাৰতীয় ৰে’লৱে ২০২০ৰ ১ মে’ৰ পৰা ‘শ্ৰমিক বিশেষ’ ৰে’ল চলোৱা আৰম্ভ কৰে৷ এই ৰে’লসমূহ প্ৰেৰক আৰু গ্ৰহণ কৰোতা ৰাজ্যসমূহৰ অনুৰোধৰ ভিত্তিত মানসম্পন্ন প্ৰ’ট’কল মানি চলোৱা হৈছে৷ এই ‘শ্ৰমিক বিশেষ’ ৰে’লসমূহ সুন্দৰভাৱে চলাচলৰ বাবে ৰে’লৱে আৰু ৰাজ্য চৰকাৰে একাংশ জ্যেষ্ঠ বিষয়াক সমন্বয়ৰক্ষী বিষয়া হিচাপে নিয়োগ কৰিছে৷

 

ভাৰতীয় ৰে’লৱেই বিগত ২৩ দিনত ২,৬০০ শ্ৰমিক বিশেষ ৰে’ল চলাচল কৰাইছে। বৰ্তমানলৈকে প্ৰায় ৩৬ লাখ আৱদ্ধ প্ৰব্ৰজিত শ্ৰমিকক তেওঁলোকৰ গৃহৰাজ্যলৈ পৰিবহণ কৰা হৈছে৷

 

শ্ৰমিক বিশেষ ৰে’লৰ উপৰি ৰে’ল মন্ত্ৰালয়ে ১২ মে’, ২০২০ৰ পৰা কাৰ্যকৰী হোৱাকৈ ১৫ যোৰা বিশেষ ৰে’লৰ চলাচল আৰম্ভ কৰাৰ লগতে অহা ১ জুন, ২০২০ৰ পৰা ২০০ ৰে’ল সেৱা আৰম্ভ কৰিব বুলি ঘোষণা কৰিছে৷

****

DJN/MKV/DB


(Release ID: 1626442) Visitor Counter : 357


Read this release in: Telugu , English , Urdu , Hindi , Marathi , Manipuri , Bengali , Punjabi , Gujarati , Odia , Tamil , Kannada , Malayalam