রেলৱে মন্ত্রালয়
ইন্দিয়ন রেলৱেনা মথংগী নুমিৎ ১০দা শ্রমিক স্পিসিয়েল ত্রেন ২৬০০ অমগা মথৌ তৌরগনি
ৱারেপ অসিনা পন্দুনা লৈরিবা মাইগ্রেন্ত চাউরাক্ন লাখ ৩৬তা কানহল্লগনি
ইন্দিয়ন রেলৱেনা হৌখিবা নুমিৎ ২৩দা শ্রমিক স্পিসিয়েল ত্রেন ২৬০০ চেল্লি
হৌজিক ফাওবদা পন্দুনা লৈরিবা মাইগ্রেন্ত চাউরাক্না লাখ ৩৬ মখোয়গী হোম স্তেৎশিংদা পুদুনা চৎখ্রে
Posted On:
23 MAY 2020 4:35PM by PIB Imphal
লৈবাক অসিনা কোবিদ-১৯ লাইচৎকা লান্থেংনরিবা মতম অসিদা, ইন্দিয়ন রেলৱেনা শাথিনা শোকহল্লবা মীওইশিংবু মতেং পাংনবা হোৎনবা য়াবা পুম্নক হোৎনরি। মাইগ্রেন্তশিংবু মখোয়গী ময়ুমদা য়ৌহন্নবা হোৎনবা অমগী মনুং চন্না অচৌবা ৱারেপ অমদা রেলৱে মন্ত্রালয়না রাজ্য সরকারশিংগী দরকার ওইবগী মতুং ইন্না মথংগী নুমিৎ তরাদা লৈবাক পুম্বদা শ্রমিক স্পিসিয়েল ত্রেন ২৬০০ অমগা মথৌ তৌহন্নবা ৱারেপ লৌরে। অনৌবা খোংথাং অসিনা লৈবাক পুম্বদা লৈরিবা পন্দুনা লৈরিবা পেসেঞ্জর লাখ ৩৬তা কানহল্লবা য়াই।
লোকদাউন্না মরম ওইদুনা তোঙান-তোঙানবা মফমশিংদা পন্দুনা লৈরিবা মাইগ্রেন্ত ৱার্করশিং, পিলগ্রিমশিং, তুরিস্তশিং, মহৈরোইশিং অমসুং অতোপ্পা মীওইশিংবু হোন্দোক্নবা ইন্দিয়ন রেলৱেনা ২০২০গী মে ১দগী শ্রমিক স্পিসিয়েল ত্রেনশিং চেনবা হৌখি। ত্রেনশিং অসি রেলৱেনা পেসেঞ্জরশিংবু থাদোক্কদৌরিবা রাজ্য অমসুং মখোয়বু লৌশিনগদৌরিবা রাজ্য অনিমক্না অয়াবা পীরবা মতুংদা চেল্লি। রেলৱে অমসুং রাজ্য সরকারশিংনা মসিগী শ্রমিক স্পিসিয়েল ত্রেনশিং অসি অপনবা য়াওদনা মথৌ তৌহন্নবগীদমক সেনিয়র ওফিসিয়েলশিংবু নোদেল ওফিসরশিং ওইনা হাপলি।
ইন্দিয়ন রেলৱেনা হৌখিবা নুমিৎ ২৩দা শ্রমিক স্পিসিয়েল ত্রেন ২৬০০ চেল্লি।
হৌজিক ফাওবদা পন্দুনা লৈরিবা মাইগ্রেন্ত চাউরাক্না লাখ ৩৬ মখোয়গী হোম স্তেতশিংদা পুদুনা চৎখ্রে।
শ্রমিক স্পিসিয়েল ত্রেনশিং অসিগী মথক্তা রেলৱে মন্ত্রালয়না ১২.০৬.২০২০দগী স্পিসিয়েল ত্রেন পুংবা ১৫ চেনবা হৌখ্রে অমদি ২০২০গী জুন ১দগী ত্রেন সর্বিস ২০০ হৌরগনি হায়না লৌউথোকখ্রে।
****
(Release ID: 1626436)
Visitor Counter : 217
Read this release in:
Telugu
,
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Kannada
,
Malayalam