নাকন অমদা মালেম অসিনা কোরোনা ভাইরসতগী পুন্সি কন্নবা লান্থেংনরি। হায়রিবা অৱাবগী পুংফম অসিদা কেন্দ্র সরকারনা স্তেৎ সরকারশিংগী বিভাগ পুম্নমক অমসুং মীয়াম পুম্নমক হৌখিবা থা অনি মখায় অসিদা কোরোনা ভাইরসকী মায়োক্তা লান্থেংনবদা শরুক য়ারি। 

হায়রিবা পুংফম অসিদা সাইক্লোনগী মওং অমদা য়াম্না চাউবা অৱাবা অমা কাহেন্না শাথিবা সাক্লোন অমা মিৎয়েং চংগদবা ৱাফম অমা ওইরি।  মসিনা বঙ্গালদগী হুমজিন্দ্রিঙৈদা অমাং অতা কয়াম থোকহনখ্রবগে হায়বা অসিসু মিৎয়েং চংগদবা ৱাফম অমা ওইরি। ওরিশা অসি ইন্সতিত্যুসনেলাইজ তৌরবা শিল-লাংবশিংগী মতেংনা অমসুং খুঙ্গংশিংদা মীয়াম্না করি তৌগদগে হায়বা ৱাখল লোনগী মতেংনা থৱাই কয়ামরুম কনবদা চাউনা মায় পাকখ্রে। ওরিশাগী মীয়াম, এদমিনিস্ত্রেসন অমসুং ওরিশাগী মুখ্যমন্ত্রী শ্রী নবিন বাবু অমসুং মহাক্কী তীম্বু হন্না হন্না থাগৎপা ফোংদোক্লি। 

অদুম ওইনমক অসিগুম্বা মহৌশাগী ওইবা অচৌবা অমাং অতা অমা লাকপদা লন্থুম কয়ামরুম মাংই। ওরিশাগী অমাং অতা অসি নোংচুপ বঙ্গালগা চাংদম্নবদা কাহেনবা অমদি ওইদ্রে অদুবু মসিনা স্তেৎ লান্থোকখিবদা অকায় অতোই কয়া থম্লম্মি। মসি অৱাবা অমনি। অদুগা য়ুম-কৈ, লৌউ শিংউ, পাৱর, কম্ম্যুনিকেসন অমসুং ইনফ্রাস্ত্রকচরদা মাংহন তাকহনবা অদু ঐনা মপুংফানা ঙসি য়েংশিল্লি। স্তেৎ সরকারনসু ঐগী মমাংদা হান্না ফংবা অকুপ্পা ৱারোল পুম্বা পুখৎলকখ্রে।

এসেসমেন্তকী মতুংদা কেন্দ্র সরকারনা অথুবদা স্তেৎ সরকারদগী রিপোর্ত ফংলগনি। কেন্দ্র সরকারকী তীম অমসুং মফম অসিদা থুনা য়ৌরক্লগনি অমসুং ফিভম পুম্বা য়েংশিল্লবা মতুংদা থবক অমসুং মতম কুইনা চৎকদবা তেংবাংগা মরী লৈনবা মতেংশিং, রেস্তোরেসন অমসুং রিহেবিলিতেসন পীরগনি। হায়রিবশিং অসিদা অহানবা মিৎয়েং চংলগা থবক পাইখৎপা হৌরগনি।

খুদক্কী ওইবা মতেংশিং লৈ হায়বা পুক্নিংদা থম্লগা ভারত সরকারগী মায়কৈদগী এদভান্স ওইনা লুপা করোর ৫০০ পীনবা ঐখোয়না ৱারেপ লৌরে।  অদুগা লেমহৌরিবা মথৌ তাবশিং অসি লোইশিল্লবা মতুংদা রিহেবিলিতেসনগী মপুংফাবা থৌরাং পাইখৎলগনি, ভারত সরকারনা স্তেৎ সরকারগা খুৎশম্নরগা ওরিশাগী চাউখৎ খোংথাংগী লম্বীদা অমসুং স্তেৎ অসিনা অৱাবা অসিদগী কোক্নবা হোৎনবদা মতেং পাংগনি।

****