PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
22 MAY 2020 6:49PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- হৌজিক ফাওবদা কোবিদ-১৯গী কেস্ত ১,১৮,৪৪৭কী মনুংদগী মীওই ৪৮,৫৩৩ ফবা ঙমখ্রে, ৪০.৮৮%গী রিকোভরী রেৎ উৎখ্রে।
- ঙরাংদগী, লৈবাক অসিদা কোবিদ-১৯গী কেস ৬০৮৮ হেনগৎখ্রে।
- MHAনা রাজ্য/UTশিংদা মন্ত্রালয়গী গাইদলাইনশিং চেকশিন্না ঙাক্নবা খঙহনখ্রে।
- RBIনা শেনমিৎলোনগী মপাঙ্গল কলহন্নবা অহেনবা পাম্বৈ মাপল লাওথোকখ্রে, শেন্দোইগী চাং ককথখ্রে।
- CBDTনা এপ্রিল ১,২০২০দগী মে ২১,২০২০ ফাউবদা এসেসী ১৬,৮৪,২৯৮দা লুপা কোতি ২৬,২৪২গী তেক্সকী রিফন্দশিং থাদোকখ্রে।
- ভারতকী রেলৱেনা ফেজ নাইবা মওংদা রিজর্ব তিকেৎশিং বুকিং তৌনবগীদমক রিজর্বেসন কাউন্তরশিং হাংদোক্লগনি।
- পেত্রোলিয়ম মন্ত্রীনা আত্মনির্ভর ভারতপু পাইপলাইনদা লৈরিবা প্রোজেক্তশিংগী খোঙহৌফম ওইহন্নবা ৱাফম থমখ্রে।
হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী অনৌবা পাউঃ ফগৎলকপগী চাং ৪০.৯৮%দা হেনগৎলে
ঙরাংদগী, ভারত্তা কোবিদ-১৯গী কনফার্ম তৌরবা কেস মশিং ৬০৮৮ হেনগৎখ্রে। অপুনবা কনফার্ম তৌরবা মশিং অসি হৌজিক ১,১৮,৪৪৭ শুরে। এক্তিব মেদিকেল সুপর্বিজন মখাদা লৈরিবা কেস অসি ৬৬,৩৩০নি। হৌজিক ফাওভদা, পুন্না মীওই ৪৮,৫৩৩ ফখ্রে। হৌখিবা পুং ২৪দা, অনাবা ৩২৩৪ ফখ্রে। মসিনানা ঐখোয়গী অপুনবা ফগৎলকপগী চাং ৪০.৯৮% য়ৌখ্রে।
লৈবাক অসিদা তোঙান তোঙানবা মফমশিংদা MHAগী গাইদলাইনশিং থৌওইদ্রে
কোবিদ-১৯ শন্দোকপদগী থিংননবা সরকারগী গাইদলাইনশিংদা য়াওরিবা পাম্বৈশিং চেৎনা ঙাকপা অসি তঙাইফদে। অদুমওইনমক, লৈবাক অপুনবা অসিদা তোঙান তোঙানবা মফম খরদগী MHAগী গাইদলাইনশিং থৌওইদবগী পাউ লাক্লি। মসিগী মতাংদা হোম এফিয়র্স মিনিস্ত্রী (MHA)না রাজ্য/UTশিংদা ইখ্রে অমসুং মন্ত্রালয়গী গাইদলাইনশিং ঙাক্না চৎননবা শাফু পীখি, লোইননা হায়খি মদুদি গাইদলাইনশিং থবক্তা ওন্থোকপা ঙম্ননবা রাজ্য/UT পুম্নমক্না অহকপা খোংথাং লৌখৎকদবনি।
অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1625864
এম.ঐচ.এ.না ভিজা অমসুং চত্থোক চৎশিনদা কোবিদ থেংননবা থমখিবা অথিংবা কোমথোক্তুনা, মপান্দা পন্দুনা লৈরিবা ও.সি.আই. কার্দহোল্দর কাংলুপ খরবু ভারত্তা হল্লকপদা অয়াবা পীরে
হোম এফিয়র্স মন্ত্রালয় (এম.ঐচ.এ.)না ভিজা অমসুং চত্থোক চৎশিনদা কোবিদ থেংননবা থমখিবা অথিংবা কোমথোক্তুনা, মপান্দা পন্দুনা লৈরিবা ওভরসিজ সিতিজন ওফ ইন্দিয়া (ও.সি.আই.) কার্দহোল্দর কাংলুপ খরবু ভারত্তা হল্লকপদা অয়াবা পীরে। মখাদা পীরিবা মখলগী ও.সি.আই. কার্দ পায়বা মপানদা পন্দুনা লৈরিবশিংবু ভারত্তা লাকপগী অয়াবা পীরে:-, ও.সি.আই. কার্দ পায়বা মপান্দা লৈবা ইন্দিয়া মচাগী চহী শুদ্রিবা অঙাংশিং, ও.সি.আই. কার্দ পায়বা ইমুংগী অশি-অনানচিংবা অথু-অকায় লৈবগীদমক ভারত্তা লাকপা পাম্বশিং, মতৈ-মনাও, অমনা ও.সি.আই. কার্দ পায়বা অদুগা অমনা ইন্দিয়া মচা ওইবা অমদি ভারত্তা মখোয়গী ময়ুম লৈবা, ও.সি.আই. কার্দ পায়বা (চহী শুদ্রিবা নত্তবা) য়ুনিভর্সিতীগী মহৈরোইশিং অদুবু মখোয়গী মমা মপাদি ভারত্তা লৈবা ইন্দিয়া মচা ওইগদবনি।
অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1625864
RBIনা শেনমিৎলোন মপাঙ্গল কলহন্নবা অহেনবা পাম্বৈ মাপল লাওথোকখ্রে; শেন্দোইগী চাং ককথখ্রে
RBIগী গবর্নর শক্তিকান্ত দাসনা ঙসি কোবিদ-১৯নাওইহল্লিবা চিরবা তাঞ্জা অসিদা ফাইনান্সিয়েল স্তেবিলিতীদা লাইথোকহন্নবা অমসুং পলেপফম খঙদ্রবা মতম অসিদা ফাইনান্সিয়েলগী তংদু লৈতাবা পুরক্নবা অতোপ্পা পাম্বৈ মাপল অমগা লাওথোকখ্রে।
অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1626058
ইন্দিয়ন রেলৱেনা কমন সর্বিস সেন্তরশিং (সি.এস.সি.শিং) অমসুং এজেন্তশিংগী থোংদা রিজর্বেসন কাউন্তরশিং অমসুং বুকিং অমুক হন্না হাংদোক্নবা অয়াবা পীখ্রে
ইন্দিয়ন রেলৱেনা রিজর্ব তিকেৎশিং বুক তৌনবগীদমক ফেজ নাইনা রিজর্বেসন কাউন্তরশিং হাংদোক্লগনি। জোনেল রেলৱেশিংবু মফম অদুগী মীওইশিংগী দরকার ওইবশিং অমসুং ফিভমশিংগী মতুং ইন্না রিজর্বেসন কাউন্তরগী মফম অমসুং মতমগী মতাংদা পাউ খঙহনবগা লোয়ননা হাংদোক্নবা খঙহনখ্রে। মসিগী রিজর্বেসন কাউন্তরশিং অসি লোয়ননা মফম অদুগী মীওইশিংগী দরকার ওইবশিং অমসুং ফিভমশিংগী মতুং ইন্না রিজর্বেসন কাউন্তরগী মফম অমসুং মতমগী মতাংদা পাউ খঙহনবগা হয়েংদগী ফেজ নাইনা হাংদোক্লগনি। ইন্দিয়ন রেলৱেনা ইরাই নুমিত্তগী হৌরগা কমন সর্বিস সেন্তরশিং (সি.এস.সি.শিং) অমসুং এজেন্তশিংগী থোংদা রিজর্বেসন কাউন্তরশিং অমসুং বুকিং অমুক হন্না হাংদোক্নবা অয়াবা পীখ্রে।
আর.পি.এফ.না দলালশিং মশক খঙদোক্নবা অমদি মখোয়গী মায়োক্তা খোঙথাং লৌখৎনবা লৈবাক শিনবা থুংনা থবক পায়খৎপা হৌখ্রে
ইন্দিয়ন রেলৱেনা ২০২০গী মে ১২দা এ.সি. স্পিসিয়েল ত্রেন পুংবা ১৫ হৌদোকখিবা অমদি ২০২০গী জুন ১দগী অহেনবা ত্রেন পুংবা ১০০ চেন্নবা লাউথোকখিবদগী ই-তিকেৎশিংগী দলালশিংগা মরী লৈননা ৱাকৎশিং লাকপা হৌখি মদুদা মল্তিপল পর্সোনেল আই.দি.শিং শিজিন্নরি অমদি স্পিসিয়েল ত্রেনশিং অসিদা রিজর্ব বর্থশিং কোন্সিন্দুনা থম্লি। মসিমসু চিংনবা লৈরি মদুদি অমুক্তং ত্রেন পুংবা ১০০ অসিগীদমক ২১.০৫.২০২০দা রিজার্বেসন হৌখ্রবা মতুং, দালশিং অসিনা মীচম প্রজাদা কনফর্ম ত্রেন রিজার্বেসন ফংহনবদা অয়েৎপা পীগনি। মথক্কী অসি য়েংলগা, আর.পি.এফ.না দলালশিং মশক খঙদোক্নবা অমদি মখোয়গী মথক্তা অকনবা খোঙথাং লৌখৎনবা লৈবাক শিনবা থুংনা থবক পায়খৎপা হৌখ্রে। গ্রাউন্দ ইন্তেলিজেন্সকা লোয়ননা প্রবল মোদুল ক্লববেদকী থোংদা পি.আর.এস. দেতা এনালাইজ তৌবনা মখোয়বু শক খঙদোকপা অমসুং ফাগৎনবা শিজিন্নরি।
অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1625862
শ্রী ধর্মেন্দ্র প্রধাননা আত্মনির্ভর ভারতপু পাইপলাইনদা লৈরিবা প্রোজেক্তশিংগী খোঙহৌফম ওইহন্নবা ৱাফম থমখ্রে
পেত্রোলিয়ম অমসুং নেচরেল গ্যাস অমদি স্তীল মন্ত্রী শ্রী ধর্মেন্দ্র প্রধান্না শগোলশেন নুমিত্তা থাও অমসুং গ্যাস কম্পেনীশিংনা পায়খৎলিবা তাঙ্কক কয়াদা লৈরিবা লুপা করোর ৮০০০রোমগী পাইপলাইন প্রোজেক্তশিং য়েংশিনখ্রে। আত্মনির্ভর ভারতকী ৱাফম থম্লদুনা মন্ত্রী প্রধাননা হায়রিবা প্রোজেক্তশিং অসিবু মপুং ফানা লমদমসিগী পোত্থোক ওইহন্নবা ৱাফম থমখ্রে।
অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1626031
সাইক্লোন অম্ফান্না শোকহল্লবা ফিভমগী মতাংদা প্রধান মন্ত্রীগী ৱারোল
অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1626042
ভারতনা বাইওদাইভর্সিতী য়োকখৎপদা মহাক্কী খ্বাইদগী ফবা থৌওং অমদি থেংনরকপশিং মালেম পুম্বদা য়েনথোক্কনি: কেন্দ্রগী এনভাইরনমেন্ত মন্ত্রী
মালেমগী বাইওলোজিকেল দাইভর্সিতী নুমিৎ ২০২০গী থৌরমদা কেন্দ্রগী এনভাইরনমেন্ত, ফোরেস্ত অমসুং ক্লাইমেত চেঞ্জকী মন্ত্রী প্রকাশ জাবরেকরনা বাইওদাইভর্সিতী কন্নববগী লমদা পায়খৎকদবা থৌরাং মঙা হৌদোকখ্রে। চহী অসিগী নুংগী ৱাখল্লোনগী মতাংদা ৱাফম ফোঙদোক্লদুনা শ্রী জাবরেকরনা “ঐখোয়গী পাউখুম মহৌশাদা য়াওজদুনা লৈরে” হায়রদুনা শা-ঙাদগী শন্দোরকপা লায়নাশিংনা থোকহনবা অমাঙ-অতাশিংদগী মহৌশানা ঐখোয়বু ঙাকথোক্তুনা থমবা মরম্না ঐখোয়না মরুওইনা হৌজিক ওইরিবা কোবিদ ১৯গী ফীভমসিদা য়েংলগা ঐখোয়গী মহৌশাগী ফীভমবু ঙাকথোকপা হায়বসি য়াম্নমক মরুওইবা অমনি হায়না ফোঙদোকখি।
অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1626054
দা. হর্শ বর্ধন WHOগী এগজিক্যুতিব বোদীগী চেয়র ওইনা খনখ্রে
কেন্দ্রগী হকশেল অমসুং য়াইফ-য়ুম্বাল মন্ত্রী দা. হর্শ বর্ধন ৱর্ল্দ হেল্থ ওর্গনাইজেসনগী ২০২০-২১গী এগজিক্যুতিব বোদীগী চেয়র ওইনা খনখ্রে। এগজিক্যুতিব বোদীগী চেয়র ওইনা থৌ ফম পাইবগী অয়াবা ফোংদোক্লদুনা অহানবদা দা. হর্শ বর্ধন্না মালেমদা কোবিদ-১৯ লাইচৎনা মরম ওইদুনা থৱাই থাখ্রবশিং মীওই লাখ কয়াগী মফমদা শ্রদ্ধাঞ্জলি কৎখি। মহাক্না থৌরম অদুদা শরুক য়াখিবা ইকাই খুম্নরবা অখঙ-অহৈ পুম্নমক্তা হায়খি মদুদি মমাং থংবা পরেংদা লেপ্লিবা হকশেলগী থৌমী পুম্নমক অমসুং অতৈ কোবিদ ৱরিয়রশিংগী কৎথোকপা, থৌনা অমদি অচেৎপা পুকচেল অদুগীদমক মখোয়দা সেলুৎ তৌবীয়ু।
অৱাংবা থাক্কী মহৈ লোয়শঙশিংনা শেন-থুম ফজনা শিজিন্নবা য়াম্না মরু ওই – নীতিন গরকরী
শ্রী নীতিন গরকরীনা হায়খ্রে মদুদি অৱাংবা থাক্কী মহৈ লোয়শঙশিংনা শেন-থুম ফজনা শিজিন্নবা য়াম্না মরুওই । হায়রিবা মহৈ লোয়শঙশিং অসিনা মগুন হন্থহন্দনা মখোয়গী চাদিং হন্থহনবা দরকার ওই । তুংদা ওইরক্কদবা অৱাংবা থাক্কী মহৈ-মশিং তম্বগী মতাংদা ভিদিও কনফরেন্সকী খুৎথাংদা এম.আই.তি এ.দি.তি. য়ুনিভর্সিতীগী মীহুৎশিংগা উনবা অমদা মহাক্না ৱা ঙাংখি । মিনিস্তরনা হায়খি, য়ুনিভর্সিতীশিং ফগৎহনবা দরকার ওই অমসুং খুন্নাইদা মগুন লৈবা লাইরিক-লাইসু তম্বগী থবক ফগৎহনগদবনি । ঐখোয়গী নহারোলশিংনা মখোয়গী থৌনাশিং অমসুং অশোনবশিং খঙগদবনি অমসুং মখোয়না থেংনরিবা অৱাবশিং অদু খুদোংচাবশিং ওন্থোকপা ঙমগদবনি । তাঞ্জা অসিদা লৈবাক অসিগী ওইনা নহারোলশিংগী তৌবা ঙম্বা হেনগৎহনবা অসি য়াম্না মরুওই ।
কেন্দ্রগী মন্ত্রী দা. জিতেন্দ্র সিংহনা জম্মু অমসুং কশ্মীরদা কোরোনা সেম্পল তেস্তিং প্রোসিজরদা কোংজেল য়াংশিন্নবা খন্নখ্রে
কেন্দ্রগী মন্ত্রী দা. জিতেন্দ্র সিংহনা জম্মু অমসুং কশ্মীরদা কোরোনা সেম্পল তেস্তিং প্রোসিজরদা খোংজেল য়াংশিন্নবা থাংজিল্লিবা খোংথাংশিংগী মরমদা খন্নখ্রে। জম্মু অমসুং কশ্মীরগী হকশেল বিভাগকী সেনিয়র ওফিসরশিংদা নত্তনা সরকারগী মেদিকেল কোলেজ অমসুং SKIMSগী হেদ দিপার্তমেন্তশিংগা লোইননা পুং অমা মখাই চংনা পাংথোকখিবা মীফম অদুদা দা. জিতেন্দ্র সিংহনা অকক্নবা মতমগী মনুংদা তেস্ত তৌবগী অপাম্বা অদু মপুং ফাহনবগী তঙাইফদবদা শাফু পীখি। মসিগা লোইননা মহাক্না মখোয়গী সেম্পল পীরকপা মীওইশিংদা থেংথবা তৌহল্লোইদবনি। মহাক্না মীচমদগী ফোর্ম মেনবা মতমদা মিং, মোবাইল নম্বর অসিনচিংবা অচুম্বা ৱারোল লৌননবা অপীল তৌখি।
পি.আই.বি. ফিল্দ ওফিসশিংদগী ফংবা পাউ
- মহারাস্ত্র: মহারাস্ত্রদা অনৌবা কেস ২,৩৪৫ রিপোর্ত তৌরক্লি, মদুনা মরম ওইরগা রাজ্যদা কোবিদ-১৯ পোজিতিব কেস ৪১,৬৪২ শুরে। রাজ্য অসিদা এক্তিব কেস ২৮,৪৫৪ লৈরি, ১১,৭২৬ নাবা ফখ্রে। হোৎস্পোৎ মুম্বাইদগী অনৌবা কেস ১৩৮২ রিপোর্ত তৌরক্তুনা শহর অসিদা পুন্না ২৫,৫০০ শুরে।
- গুজরাত: অনৌবা ইনফেক্সন রিপোর্ত ৩৭১ রিপোর্ত তৌরকপগা লোয়ননা কোবিদ-১৯গী অপুনবা মশিং ১২,৯১০ য়ৌরে। রাজ্য অসিদা শিখিবা ৭৭৩ য়ৌখ্রে। অহমেদাবাদতা কোবিদ-১৯ কেস হেঙ্গৎলক্লি। হৌজিক ফাওবদা শহর অসিদা কোরোনা ভাইরস কেস ৯,৪৪৯ রিপোর্ত তৌরকখ্রে।
- রাজস্থান: ঙসি নুংথিল পুং ২ ফাওবদা কোবিদ-১৯ ইনফেক্সনগী অনৌবা কেস ১৫০ রিপোর্ত তৌরক্তুনা অপুনবা পোজিতিব কেস ৬,৩৭৭ য়ৌখ্রে। অনাবা ৩৫৬২ নাবা ফখ্রে, মখোয়গী মনুংদা ৩১৮৭ তোঙান-তোঙানবা হোস্পিতালশিংদগী দিসচার্জ তৌখ্রে। থা ২গী মতুংদা রজস্থান রোদৱেজ বসশিংনা খনগৎলবা রুৎ ৫৫দা হয়েংদগী চেনবা হৌরগনি।
- মধ্য প্রদেশ: কোবিদ-১৯গী অনৌবা কেস ২৪৮ রিপোর্ত তৌরক্তুনা রাজ্যগী অপুনবা মশিং ৫,৯৮১ শুখ্রে। অনৌবা ইনফেক্সন কেসশিং অসিগী মনুংদা ৫৯না হোৎস্পোৎ ইন্দোরদগীনি, কেস ৬১না উজেনদগী রিপোর্ত তৌরক্লি। এপ্রিল ১দগী কোরোনা ক্রাইসিস মনুংদা MGNREGSকী মখাদা লেবর লাখ ৩৫.৪৫ হেনবদা ইমপ্লোইমেন্ত ফংহনখ্রে। মখোয়গী মনুংদা চাদা ৪২.২দি নুপীশিংনি।
- ছতিসগর: অনৌবা কেস ১৭ রিপোর্ত তৌরকপগা লোয়ননা পোজিতিব কেসকী অপুনবা মশিং ১৩২ য়ৌখ্রে। লোকদাউন্না মরম ওইদুনা অতোপ্পা রাজ্যশিংদা পন্দুনা লৈরম্বা মাইগ্রেন্ত ৱার্করশিং হৌজিক ছতিসগরদা হলক্লে।
- চন্দীগর: চান্দিগরগী দিপুতী কমিস্নারনা খংহল্লি মদুদি কন্তেনমেন্ত জোনশিংদা কনফাইন্দ তৌদুনা লৈরিবা মীওইশিংদা মরুওইবা পোৎলমশিং ফংহল্লি। মহাক্না মখা তানা ফোংদোকখি মদুদি শহরগী তোঙান-তোঙানবা শরুকশিংদা লৈরিবা দরকার ওইবশিংদা থোং-থাক্লবা চিঞ্জাক পেকেৎ ৬৯,০৮৮ য়েন্থোকখ্রে অমদি চান্দিগরদা মীওই ২,৯৪,৫৯২না আরোগ্য সেতু এপ্লিকেসন দাউনলোদ তৌখ্রে।
- পঞ্জাব: কোরোনা ভাইরসকী মায়োক্তা শোক্নরিবা লান্দা মথংগী স্তেজকীদমক পঞ্জাব সরকারনা এমপ্লোই চাউরাক্না ২২০০০ তোঙান-তোঙানবা রোল-স্পেসিফিক ত্রেনিং মোদুলশিংগা লোয়ননা ইক্বিইপ তৌরি।
- হরিয়ানা: ৱুমেন অমসুং চাইল্দ দিবেলপমেন্ত বিভাগনা কোবিদ-১৯ লাইচৎকা মরী লৈননা চাইল্দ প্রোতেক্সন ইন্সতিত্যুৎ ৮২দা লৈরিবা অঙাং ২৩৭৫গী মরক্তা এৱারনেস শাগৎনবা পান্দম থম্লি।
- তমিল নাদু অমসুং পুদুচেরী: পুদুচেরীদা নুপী অনি অমগা পোজিতিব ওইরবা মতুং কোবিদ কেস ১৯ য়ৌখ্রে। রাজ্যনা চেন্নাই অমদি কন্তেনমেন্ত জোনশিং নত্তনা মে ২৩দগী তামিল নাদু পুম্বদা ওতো-রিক্সোশিং চেনবদা অয়াবা পীখ্রে। ঙরাং অনৌবা পোজিতিব কেস ৭৭৬কা লোয়ননা তমিলনাদুদা অপুনবা মশিং ১৩,৯৬৭ য়ৌখ্রে। এক্তিব কেস: ৭৫৮৮, শিখিবা : ৯৪, দিসচার্জ: ৬২৮২, চেন্নাইদা এক্তিব কেস ৫৬৮১
- •কর্নাতকা; ঙসি নুংথিল পুং ১২ ফাওবদা রাজ্যদা অনৌবা কেস ১০৫ অমদি দিসচার্জ তৌখিবা ১৭, মসিগা লোয়ননা অপুনবা কেস ১৭১০ য়ৌরে। হৌজিক ফাওবদা রাজ্য অসিদা এক্তিব কেস ১০৮০ অমদি ৫৮৮ নাবা ফখ্রে। শিখিবা মশিং ৪১ শুরে।
- আন্ধ্র প্রদেশ: বন্দে ভারত মিসনগী মখাদা ঙসি কুৱেৎতগী তিরুপতি ইন্তরনেস্নেল এয়ারপোর্ত্তা পেসেঞ্জর ১৪৭কা লোয়ননা অঙাং অমা থুংলখি। সাউথ সেন্ত্রেল রেলৱেনা জুন ১দগী চেনবা হৌগদৌরিবা ত্রেন সর্বিসকীদমক আন্ধ্র প্রদেশতা তিকেৎ ইসু তৌনবা ওনলাইন রিজার্বেসন সেন্তর ৪৪ লিংখৎলে। রিস্তার্ত পেকেজকী শরুক ওইনা রাজ্যনা এম.এস.এম.ই.শিংদী লুপা করোর ১১১০ কায়থোকখ্রে। হৌখিবা পুং ২দা অনৌবা কেস ৬২, অমা শিখিবা অমসুং ৫১ দিসচার্জ তৌখিবগী রিপোর্ত তৌরি। অপুনবা কেস ২৫১৪, এক্তিব ৭২৮, নাবা ফখিবা ১৭৩১, শিখিবা ৫৫, অতোপ্পা রাজ্যশিংদগী হলকখিবশিংগী মরক্তা পোজিতিব কেস ১৫৩গী মনুংদা ১২৮ এক্তিব ওইরি।
- তেলঙ্গনা: ইরাই নুমিৎতা তেলঙ্গনাগী ৱারেঙ্গল তাউন্দগী মনাক্তা লৈবা গুহা অমদা মাইগ্রেন্ত নিপাল য়াওনা হকচাং মাপ ফংখি। মে ২২দা তেলঙ্গনাদা অপনবা পোজিতিব কেস ১৬৯৯ শুরে। ঙরাং ফাওবদা পোজিতিব ওইখিবা মাইগ্রেন্ত ৯৯ শুখ্রে।
- অরুনাচ প্রদেশ: অরুনাচ প্রদেশতা ২০২০গী এপ্রিলদগী ইন্দিয়ন ওইল কোর্পোরেসন লিমিতেদনা রাজ্য অসিদা ফ্রী এল.পি.জি. সিলিন্দর ৪৪২০৯ রিলিজ তৌখ্রে।
- অসম: অসমদা, তেজপুর ক্বরেন্তিন সেন্তরদগী মীওই তরুক কোবিদ-১৯ পোজিতিব ওইরে। অপুনবা পোজিতিব কেস হৌজিক ২২২ শুরে হায়না রাজ্যগী হকশেল মন্ত্রীনা হায়রি।
- মনিপুরদা: মনিপুরদা, দিল্লীদগী মখাগী লম্বীদা হলকখিবা মীওই অমগা পোজিতিব ওইরে। হৌজিক রাজ্যদা অপুনবা এক্তিব কেস ২৪ শুরে। মনিপুর স্তেত হেল্থ দিপার্তমেন্তনা প্রোসেস থুগৎহন্নবা ক্বরেন্তিন সেন্তরশিংদগী সেম্পলশিংগী ওপন স্পেস কলেক্সন হৌখ্রে।
- মিজোরম: ঙসি আইজোলগী লেংপুই এয়ারপোর্ত্তা কোবিদ-১৯গী মায়োক্তা থেংননবা সপ্লাইশিং অমদি ইক্বুইপমেন্তশিং য়ৌরকখ্রে।
- নাগালেন্দ: নাগালেন্দদা, মপান্দা পন্দুনা লৈরুবা মীওই ১০০ রাজ্যদা য়ৌরকখ্রে। মখোয় পুম্নমক ক্বরেন্তিন সেন্তরশিংদা থাখ্রে। নাগালেন্দ প্লানিং মিনিস্তরনা হলকপশংবু তরাম্না ওক্নবা অপীল তৌখ্রে।
- সিক্কিম: মথংগী নুমিৎ ৩-৪ অসিদা মপান্দা পন্দুনা লৈরুবা সিক্কিম মচা ৩০০০গী ময়া থুংলবা য়াবনা সিক্কিম স্তেত ওথোরিতীনা ক্বরেন্তিন সেন্তরশিং অমসুং স্ক্রীনিং ফেসিলিতীশিং হেঙ্গৎহনখ্রে।
পি.আই.বি. ফেক্ত চেক
****
(Release ID: 1626248)
Visitor Counter : 204
Read this release in:
English
,
Urdu
,
Hindi
,
Marathi
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam