(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌজিক ফাওবদা কোবিদ-১৯দগী মীওই ৪৫,২৯৯ নাবা ফখ্রে, লৈবাক অসিগী ফগৎলকপগী চাং ৪০.৩২% য়ৌখ্রে।
• লোকদাউনগী মতম অসি হকশেলগী ইনফ্রাস্ত্রকচরগী খুদোংচাবা মওংদা শিজিন্নরি।
• জুন ১দগী ত্রেন সর্বিসশিং হৌনবা গাইদলাইনশিং থোকখ্রে
• দোমেস্তিক এয়র ত্রাবেল ফংহন্নবা MHAনা লোকদাউনগী গাইদলাইনশিং শেমদোকখ্রে।
• DOPTনা ওফিস কারবদগী মীরোলবী নুপী ওফিসিয়েলশিং, শোইনাইরবশিংগীদমক কোমথোকখ্রে।
• PMGKPগী মখাদা PMUYগী বেনিফিসরী  করোর ৬.৮দা লেম্না LPG সিলিন্দরশিং পীখ্রে।  

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী অনৌবা পাউ

হৌজিক ফাউবগী ওইনা অপুনবা  পেসেন্ত ৪৫,২৯৯ লাইনা অসিদগী নাবা ফখ্রে। হৌখিবা পুং ২৪দা অপুনবা কোবিদ-১৯গী  পেশেন্ত ৩,০০২ ফগৎলকপগী রিপোর্ৎ লৈখ্রে। ফগৎলকপগী চাং অসি লেপ্তনা হেনগৎলক্লি অমসুং হৌজিক্কী ওইনদি ফগৎলকপগী চাং অসি চাদা ৪০.৩২% নি। ভারত্তা হৌজিক-হৌজিক নারিবা মীগী মশিং  অসি ৬৩,৬২৪ নি। মখোয় পুম্নমক অসি এক্তিব মেদিকেল সুপর্ভিজন্দা লৈরি। হৌজিক-হৌজিক নারিবা মীশিং অদুগী মনুংদা কেসশিং অদুগী চাউরাক্না ২.৯৪% দি আই.সি.য়ু.দা লৈরি। ভারত্তা শিবগী চাং অসি ৩.০৬%নি, মসি মালেমগী শিবগী চাং ৬.৬৫% দগী য়াম্না হেন্না হন্থৈ। মসিনা, মতমচানা কেসশিং অদুবু মতম চানা খঙদোকপা ঙমহৌবা অমসুং  কেসশিং অদুগী মতিক চাবা ক্লিনিকেল মেনেজমেন্ত তৌনবা ঐখোয়না হোৎনজখিবশিং অদুবু ময়েক শেংনা উৎলি। অশিবশিং অদুগী মতাংদা নৈনবা মতমদা শিরিবশিংগী মরক্তা ৬৪%না  নুপানি অমসুং ৩৬%না  নুপিনি।.চহি মতাংগী ওইনা খায়দোকপদা, চহি ১৫দগী তাবশিংগী শিবগী চাংনা ০.৫%নি, চহি ১৫-৩০ ফাওবগী কাংলুপ্তা ২.৫%নি, চহি ৩০-৪৫ গী কাংলুপ্তা ১১.৪%নি,  চহি ৪৫-৬০ ফাওবগী কাংলুপ্তা ৩৫.১%নি অমসুং চহি ৬০দগী হেন্বাশিংগীনা ৫০.৫%নি। মখাতানা শিবগী কেসশিং অদুগী ৭৩% অমদি কো-মোরবিদিতী লৈবা কাংলুপনি।

অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1625761

কোবিদ-১৯ অপদেৎ II

লোকদাউনগী পেরদ অসিনা লৈবাক অসিদা হেল্থ ইনফ্রাস্ত্রকচর খুমাং চাওশিলহনবদা য়াম্না কানবা মওংদা য়ুতিলাইজ তৌরি। ঙসি ফাওবদা মীওই ৪৫,২৯৯ নাবা ফখিদুনা ঐখোয়গী নাবা ফবগী চাং অসি চাদা ৪০.৩২ ওইরি। ২১.০৫.২০২০ ফাওবদা সেম্পল ২৬,১৫,৯২০ তেস্ত তৌখ্রে অমদি তেস্তিং লেব ৫৫৫ (গবর্নমেন্ত সেক্তরদা ৩৯১ অমসুং প্রাইবেৎ লেব ১৬৪)গী থোংদা হৌখিবা পুং ২৪দা সেম্পল ১,০৩,৫৩২ তেস্ত তৌখ্রে। ইন্দিয়ন কাউন্সিল ওফ মেদিকেল রিসর্স, নই দিল্লীনা রাজ্যগী হকশেল বিভাগশিং অমসুং দবল্যু.ঐচ.ও., ইন্দিয়া য়াওনা মরুওইবা স্তেকহোল্দরশিংগী তেংবাংগা লোয়ননা ভারত সরকারগী হকশে অমসুং য়াইফ য়ুম্বাল বিভাগকা অমসুং নেস্নেল সেন্তর ফোর দিজিজ কন্ত্রোলগা খুৎশম্নদুনা ইন্দিয়ন পোপুলেসন্দা এস.এ.আর.এস.-কোব-২ ইনফেক্সন শন্দোকপগী চাউরাকপা মতৌ অমা হোৎনবা কম্যুনিতীদা য়ুমফম ওইবা সেরো-সর্ভে অমা পাংথোক্লি।

অকুপ্পা ৱারোলগীদমকঃ ttps://pib.gov.in/PressReleseDetail.aspx?PRID=1625819

জুন ১দগী হৌগদৌরিবা ত্রেন সর্বিসশিংগীদমক্তা গাইদলাইনশিং

ইন্দিয়ন রেলৱেনা মখাদা পীরিবা লিস্তা চনবা পেসেঞ্জর সর্বিস ২০০গী থবক হৌরগনি। ত্রেনশিং অসি জুন ১, ২০২০দগী চেনব হৌরগনি অমসুং হায়রিবা ত্রেন পুম্নমক অসিগী বুকিং ২১.০৫.২০২০গী অয়ুক্কী পুং ১০দগী তৌবা হৌগনি। অখন্নবা তের্ন সর্বিসশিং অসি লৈরিবা শ্রমিক স্পিসিএল ত্রেনশিং অমসুং মে ১২, ২০২০দগী চেল্লকপা স্পিসিয়েল এ.সি. ত্রেনশিং (ত্রেন ৩০)গী মথক্তা ওইগনি। মেল/এক্সপ্রেস, পেসেঞ্জর অমসুং সবঅর্বান সর্বিসশিং য়াওনা অতৈ রিগুলর পেসেঞ্জর সর্বিসশিং মখা তাবা ওর্দর অমা থোক্ত্রিফাওবা অথিংবা থমখিনি।

অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1625585

MHAনা ভারত্তা পন্দুনা লৈরিবা মীয়ামগীদমক্তা দোমেস্তিক এয়র ত্রাবেলগী খুদোংচাবা ওইহন্নবা লোকদাউনগী গাইদলাইনশিংদা অহোংবা পুরকখ্রে

হোম এফিয়র্স মিনিস্ত্রী (MHA)না, কোবিদ-১৯গী মায়োক্তা চৎথরিবা লানফমদা পাইখৎলিবা পাম্বৈশিংদা থাদোকখিবা গাইদলাইনশিংদা অহোংবা পুরখ্রে, মসিনা ভারত্তা পন্দুনা লৈরিবা মীয়ামগীদমক্তা দোমেস্তিক এয়র ত্রাবেলদা লাইথোকহল্লগনি।

অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1625578

পি.এম.য়ু.ৱাই. বেনেফিসরীশিংগী মরক্তা হৌজিক ফাওবদা ফ্রী এল.পি.জি. সিলিন্দর করোর ৬.৮ য়েন্থোকখ্রে

কোবিদ-১৯দা ইকোনোমিক রেস্পোন্সকী শরুক অমা ওইনা ভারত সরকারনা প্রো-পুর স্কিম “প্রধান মন্ত্রী গরীব কল্যান পেকেজ” (পি.এম.জি.কে.পি.) হৌদোকখ্রে, স্কিম অসিগী মখাদা পেত্রোলিয়ম অমসুং নেচরেল গ্যাস মন্ত্রালয়না ১.৪.২০দগী হৌরগা থা অহুমগীদমক পি.এম.য়ু.ৱাই. বেনেফিসরী করোর ৮ হেনবদা এল.পি.জি. সিলিন্দরশিং লেম্না ফংহনখ্রে। ২০২০গী এপ্রিল মনুংদা, ওইল মার্কেতিং কম্পেনীশিংনা পি.এম.জি.কে.পি.গী মখাদা পি.এম.য়ু.ৱাই. বেনেফিসরীশিংদা সিলিন্দর লাখ ৪৫৩.০২ দেলিবর তৌখি। ২০.৫.২০দা ওইল মার্কেতিং কম্পেনীশিংনা পেকেজ অসিগী মখাদা পি.এম.য়ু.ৱাই. বেনেফিসরীশিংদা সিলিন্দর লাখ ৬৭৯.৯২ দেলিবর তৌখি। বেনেফিসরীশিংবু দাইরেক্ত বেনেফিৎ ত্রান্সফর (দি.বি.তি.)গী থোংদা মখোয়গী একাউন্তশিংদা ফন্দশিং মাংজৌননা পীখ্রে, মদুনা মরম ওইরগা মসিগী ফেসিলিতী অসি ফংহনবদা খুদোংচাদবা লৈখিদে।

অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1625736

কেন্দ্র মন্ত্রী প্রকাশ জাবেদকরনা লৈবাক অসিগী কম্যুনিতী রেদিওশিংদা হয়েং ৱা ঙাংগদৌরি

তোপ-তোপ্পা মওংদা য়ৌহন্নবা পায়খৎপা থৌরাং অমা ওইনা ইনফোর্মেসন অমসুং ব্রোদকাস্তিংগী কেন্দ্র মন্ত্রীনা লৈবাক অসিগী কম্যুনিতী রেদিওদা হয়েং মে ২২, ২০২০গী নুমিদাংগী পুং ৭ তাবা মতমদা ৱা ঙাংগদৌরি। ৱা ঙাংবা অসিদা লৈবাক অসিগী কম্যুনিতী রেদিও খুদিংমক্তা মতম অমত্তদা শন্দোক্কনি।

ৱা ঙাংবা অসি হিন্দী অমসুং ইংলিশতা সেগমেন্ত অনি থোক্কনি। মন্ত্রী তানবগীদমক্তা হিন্দীদা নুমিদাংগী পুং ৭.৩০ অমসুং ইংলিসতা পুং ৯.১০দা তারিবশিংনা এফ.এম.গোল্দ(মেগাহর্জ ১০০.১)দসু ত্যুন তৌবা য়াগনি।

কোবিদকা মরি লৈনবা ই-পাওশিং লৈবাক অসিগী মীওই সেক্সন খুদিংমকপু য়ৌহনবা ঙম্নবা সরকারনা ঙমজবা থাক্তা হোৎনবা ওইনা থৌরাং অসি পায়খৎপনি। লৈবাক অসিদা চাওরাক্না পুন্না কম্যুনিতী রেদিও ২৯০ লৈ অমসুং পুন্না মখোয়শিং অদুনা কাচিন-কোয়া য়ৌনা মীয়ামশিং পুল্লপকী ওইবা প্লেতফোর্ম অমা ফংহল্লি। ৱা ঙাংবা অসি ভারতকী লাপ্লবা মফমশিংদা লৈরিবা মীশিং য়ৌহন্নবা মখোয়গী শক্তি অদু শিজিন্নবদা পান্দম থম্লি।

অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1625761

MHRDনা জৱাহরলাল লাল নেUহরু বিদ্যালয়গী পন্দুনা লৈরিবা মহৈরোইশিংবু তেক্ত-কাইদনা ময়ুমদা য়ৌহন্নবা থৌরাং তৌরি

কেন্দ্রগী হ্যুমেন রিসোর্স দিবেলপমেন্ত মন্ত্রী শ্রী রমেস পোখরিয়াল ‘নিশঙ্ক’না খঙহল্লি মদুদি নবোদয় বিদ্যালয় সমিতীনা লোকদাউন মনুং অসিদা লৈবাক্কী তোঙান তোঙানবা শরুক্তা জৱাহর নবোদয় বিদ্যালয় ১৭৩দা পন্দুনা লৈরিবা মহৈরোই ৩০০০ হেনববু মখোয়গী ময়ুমদা থাবগী থবক মে ১৫, ২০২০দা মাই পাক্না পাংথোকখ্রে। জৱাহর নবোদয় বিদ্যালয় অসি নবোদয় বিদ্যালয় সমিতীনা চলাইবা নুপা-নুপী পুন্না তম্মিন্নবা স্কুলনি।

অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1625743

দি.ও.পি.তি.না মিরোল্লিবী নুপী ওফিসিএল অমসুং স্তাফ মেম্বরশিং ওফিস কাবদগী কোমথোকখ্রে

দিপার্তমেন্ত ওফ পর্সোনেল এন্দ ত্রেনিং (দি.ও.পি.তি.)না মিরোল্লিবী নুপী ওফিসিএলশিং অমসুং স্তাফ মেম্বরশিংবু ওফিস কাবদগী কোমথোকখ্রে‍। হীরমসিগী মতাংদা সরকুরলর অমা থোকখ্রে অমদি মসি তোঙান তোঙানবা মন্ত্রালয়শিং/দিপার্তমেন্তশিং অদুগা লোয়ননা স্তেৎ/য়ুনিয়ন তেরিতরীগী লৈঙাকশিংনসু ইনগনি থাজৈ হায়না মহাক্না ফোঙদোকখি‍। মেতর্নিতী লিবতা লৈত্রিবা মিরোল্লবী নুপীশিংসু ওফিস কাবদগী কোমথোক্কনি‍। শোইনাইরবা মীওইশিংসু মসিগা চপ মান্ননা ওফিস কাবগদগী কোমথোক্কনি‍। অতোপ্পা অনাবা লৈবা অমদি অথিংবা থমদ্রিঙৈ মমাঙদা লায়নাশিং অদুবু লায়েংলুবা লৈঙাক্কী শিন্মীশিংসু সি.জি.ঐচ.এস./সি.এস. রুল্সগী মতুং ইন্না মখোয়বু লায়েংলিবা ফিজিক্সিয়ানশিংগী মেদিকেল প্রেস্কিপসন পুথোকহল্লগা হেক য়ারিমখৈ কোমথোকপিগদবনি হায়না দি.ও.পি.তি.না খ্বাইদগী কোন্না থোকখিবা সর্কুলরদুনা মখা তানা পল্লি‍।

অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1625529

য়ু.পী.এস.সি.না জুন ৫কী মীফমগী মতুংদা চাংয়েংশিংগী অনৌবা কেলেন্দর অমা লাউথোক্লগনি

কোবিদ-১৯না মরম ওইদুনা লৈবাক শিনবা থুংনা অহুমশুবা ফেজকী অথিংবশিং থম্লিবা অসিগী মতুং তারকপা ফীভমশিং য়েংশিন্নবা য়ুনিয়ন পব্লিক সর্ভিস কম্মিসননা অখন্নবা মীফম অমা ফমখ্রে। অথিংবা মখল কয়া শাংদোকপগী নোতিস অদু খন্নরদুনা হৌজিক্কী ওইনা চাংয়েংশিং অমসুং ইন্তর্ভ্যুশিং হৌবা হায়বসি ওইথোক্লোই হায়না কম্মিসননা ৱারেপ লৌখ্রে। অদুম ওইনমক কম্মিসননা কেন্দ্র সরকার অমসুং তোঙান তোঙানবা স্তেৎ সরকারনা লাউথোক্লিবা অফবা মাইকৈরোমদা লাকপগী কোমথোকপশিং অসি য়েংলগা লোকদাউনগী মরিশুবা তাঙ্কক লোইরবা মতুংদা অমুক্কা ফীভম অসি য়েংশিন্নবা ৱারেপ লৌখ্রে। হৌখিবা থা অনিদগী য়ৈথোক্তুনা লাক্লবা তোঙান তোঙানবা চায়েংশিং অমসুং ইন্তর্ভ্যুগী কেন্দিদেৎশিংদা চমম্নবা কোকহন্নবগী মীৎয়েং অমগী মখাদা কম্মিসননা জুন ৫, ২০২০দা ফমগদৌরিবা মথংগী মীফমদা চাংয়েংশিংগী শেমদোক্লবা সেদ্যুল অমা থোক্লগনি। জুন ৫, ২০২০গী কম্মিসনগী মীফমগী মতুংদা চায়েংশিংগী অনৌবা কেলেন্দরগী অকুপ্পা ৱারোল য়ু.পী.এস.সি.গী ৱেবসাইৎতা ফোংলগনি।

অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1625485

পি.আই.বি. ফিল্দ ওফিসশিংদগী ফংবা পাউ

• কেরলা: রাজ্য সরকারনা ঙসি হায় কোর্ত্তা পাউদমখ্রে মদুদি কোবিদ দেতা এনালাইজ তৌনবগীদমক য়ু.এস.দা বেজ তৌবা অচৌবা দেতা কম্পেনী স্প্রিনকলগা তৌনখিবা কন্ত্রোবর্সিয়েল দিল অদু দ্রোপ তৌরে। দেতা পুম্নমক রাজ্যনা চলাইবা সেন্তর ফোর দিবেলপমেন্ত ওফ ইমেজিং তেক্নোলোজী (সি.-দি.আই.তি.)দা ত্রান্সফর তৌখ্রে হায়না মসিনা ফোংদোকখি। কোবিদ-১৯না মরম ওইদুনা কেরলা মচা অনি গল্ফ রিজন্দা লৈখিদ্রে। গল্ফ রেস্পিরেসনশিংগা লোয়ননা নুমিৎ ১২দা কেরলাগী কোবিদ কেস ১৬তগী ১৬১দা হেঙ্গৎখ্রে।
• তমিল নাদু: মাইগ্রেন্ত ৱার্করশিংনা ময়ুমদা হনখিবনা মরম ওইদুনা এম.এস.এম.ই. সেক্তর অমসুং কন্সত্রক্সন প্রোজেক্তশিংদা শাফু পীরগনি। চেঙ্গালপাতু এদমিনিস্ত্রেসনগী মেপনা কোরোনাভাইরস অনাবশিংগী দিতেল পীরি। কলেক্তরনা হায়রি মদুদি প্রোতোকোলগী মতুং ইন্না মমিং খক্তমক ৱিথহেল্দদা থমগনি।  তমিল নাদুদা অনৌবা কেস ৭৪৩ রিপোর্ত তৌরি, তেল্লীদা ১৩,০০০ হেনখ্রে। এক্তিব কেস: ৭২১৯, শিখিবা: ৮৭, দিসচার্জ: ৫৮৮২, মে ২০দা চেন্নাইদা এক্তিব কেস ৫৩৪৫
• কর্নাতকা: ঙসি নুংথিল পুং ১২ ফাওবদা রাজ্যদা অনৌবা কেস ১১৬ অমসুং অমা শিখিবগী রিপোর্ত তৌরি। কেসকী অপুনবা মশিং ১৫৭৮ য়ৌখ্রে। ঙসি অনাবা ১৪ দিসচার্জ তৌখি অমদি হৌজিক ফাওবদা ৫৭০ রিকোবর তৌখ্রে। হৌজিক ফাওবদা ৪১ শিখ্রে। এক্তিব কেস ৯৬৬ লৈরি।
• আন্ধ্র প্রদেশ: রাজ্যনা বস সর্বিসশিং হৌদোক্লে অমদি কেন্দ্রগী গাইদলাইনশিং মতুং ইন্না অর্বান এরিয়াশিংদা দুকান অমসুং ইস্তাব্লিসমেন্তশিংগী ওপরেসনগীদমক গাইদলাইনশিং ইসু তৌখ্রে। অতোপ্পা রাজ্যগী পন্দুনা লৈরম্বা মীওই ৬১,৭৮১ মখোয়গী রাজ্যশিংদা লহনখ্রে। হৌখিবা পুং ২৪দা ৪১ দিসচার্জ তৌখিবগা লোয়ননা অনৌবা কেস ৪৫, অমা শিখিবগী রিপোর্ত লৈরি। সেম্পল ৮০৯২ তেস্ত তৌখি। অপুনবা কেস: ২৪৫২, এক্তিব: ৭১৮, রিকোবর: ১৬৮০, শিখিবা: ৫৪, অতোপ্পা রাজ্যশিংদগী নোতিস তৌখিবা পোজিতিব কেস ১৫৩দা ১২৮দি এক্তিব ওইরি।
• তেলঙ্গনা: দুকানশিং হাংদোকপগী ওদ-ইবন স্কিম হৌজিক ফাওবা পাউখোং অমা ওইরি; হায়দ্রবাদতা দুকান মপুশিংগী ভরা অচৌবা মরী লৈনবা অমা ওইরি। মে ২১ ফাওবদা তেলঙ্গনাদা অপুনবা পোজিতিব কেস ১৬৬১, ঙরাং ফাওবদা মাইগ্রেন্ত ৮৯ পোজিতিব ওইখ্রে।
• চান্দিগর: চান্দিগর এদমিনিস্ত্রেসন্না ত্রেদর্স এসোসিয়েসনশিং, মার্কেৎ এসোসিয়েসনশিং অমসুং দুকান মপুশিংদা কস্তমরশিংনা সোসিয়েল দিস্তেন্সিং অমসুং হায়জিন প্রেক্তিসশিং অকনবা মওংদা ঙাক্না চৎহন্নবা আপীল তৌখ্রে।
• পঞ্জাব: পঞ্জাব সরকারনা মপাল লমদগী অখন্নবা ফ্লাইৎশিংনা পুরক্লিবা পঞ্জাবীশিংবু মতেং পাংনবা ইন্দিরা গান্ধী ইন্তরনেস্নেল এয়ারপোর্ত, নই দিল্লীদা ফেসিলিতেসন সেন্তর অমা লিংখৎখ্রে, মফম অদুদা মখোয়বু ইন্সতিত্যুস্নেল ক্বরেন্তিন তৌগনি।
•   হরিয়ানা: হরিয়ানা সরকারনা ময়ুমদা হন্নিবা মাইগ্রেন্ত ৱার্করশিংবু মখোয়গী ময়ুমদা থানবা ৱাফম থমখ্রে। ময়ুমদা হনিংবা মাইগ্রেন্ত ৱার্করশিংবু মখোংনা হলহনখিদনবা মুখ্য মন্ত্রীনা দিপুতী কমিস্নার খুদিংমক্তা খংহনখ্রে। মাইগ্রেন্ত লেবরশিংবু ময়ুংদা হলহনবদা চংবা শেনফম পুম্নমক হরিয়ানা সরকারনা পুথোক্কনি।
•   হিমাচল প্রদেশ: লোকদাউন্দা পন্দুনা লৈরিবা মাইগ্রেন্তশিংদা ভারত সরকারগী আত্মনির্ভর ভারত স্কিমগী মখাদা ২০২০গী মে অমসুং জুন থা মনুংদা মীওই খুদিংগী চেং কিলোগ্রাম মঙা অমসুং কালা চানা কিলোগ্রাম মঙা ফংহল্লগনি।
• অরুনাচল প্রদেশঃ কর্নাতক্তা পন্দুনা লৈরম্বা অরুনাচল প্রদেশকী মহৈরোই ২০৯ গুৱাহাতীদা থুংখ্রে। মখোয় ইতনাগরগীদমক মখাগী লম্বীদা পুখ্রগনি।
• অসমঃ কোবিদ-১৯গী নেগতিব অনিরক ওইরবা মতুংদা মীওই তরুক দিসচার্জ তৌখ্রে। রাজ্যদা এক্তিব ওইবা কেস ১৩০নি।
• মনিপুরঃ মনিপুরদা, হল্লকপা পুম্নমক্কী সিস্তেমতিক সেম্পল কলেক্সন চৎথরি। উখ্রুলদা পুন্না সেম্পল ১৩৯ তেস্ত তৌনবা থাখ্রে। গোভর্নমেন্ত আইদিয়ল ব্লাইন্দ স্কুল, তকয়েলপাৎতা হাংদোকপা ত্রান্সজেন্দর ক্বরেন্তাইন সেন্তর অসি হৌজিক অতৈ রাজ্যশিংদগী লাকপা পন্দুনা লৈরক্লবা ত্রান্সজেন্দর লৌশিন্নবা শেম-শারে।
• মেঘালয়ঃ হৌজিক ফাওভদা কোবিদ-১৯কী তেংবাং পীবদা লুপা করোর ৬৯গী শেনফম  চাদিং তৌখ্রে অমসুং হৌখিবা থা অনিদা হেল্থ ইনফ্রাস্ত্রকচর অমসুং ফেসিলিতীশিং ফগৎহনবদা লুপা করোর ৪৬ চাদিং তৌখ্রেঃ মেঘালয় সি.এম.
• মিজোরমঃ মিজোরমগী সিয়াহা দিস্ত্রিক্তকী খুঞ্জাশিংনা মখোয়গী ময়ুমদা হৌবা মনা-মশিং তাংনা ফংবা উমংগী পোৎতোক কয়া সিয়াহা তাউন্দা লৈবা ক্বরেন্তাইন ফেসিলিতীগী কিচন মেনেজমেন্ত সেন্তরশিংদা মতেং পাংখ্রে।
• নাগালেন্দঃ ৱেস্তর্ন সুমী ওর্গনাইজেসন্না থাবেকু ভিলেজদা হল্লকপা ২০০গী ক্বরেন্তাইন সেন্তর শানবা স্পোন্সর তৌনবা ৱারেপ লৌখ্রে।  
• মহারাস্ত্রঃ অনৌবা কেস ২২৫০ রিপোর্ত তৌদুনা রাজ্য অসিদা কোবিদ-১৯গী পোজিতিব কেস ৩৯,২৯৭ শুখ্রে। অদুম ওইনমক, অনৌবা রিপোর্তকী মতুং ইন্না রাজ্য অসিদা এক্তিব ওইরিবা কেস অসি ২৭,৫৮১দা লৈরি।
• গুজরাতঃ অনৌবা কেস ৩৯৮ অমদি শিখিবা মশিং ৩০ রিপোর্ত তৌদুনা রাজ্য অসিদা হৌজিক লৈরিবা কবিদ-১৯গী কেস অসি ১২,৫৩৯দা হেনগৎখ্রে। হৌজিক্কী ওইনা রাজ্য অসিগী হোস্পিতাল কয়া মরুমদা অনাবা ৬,৫৭১ কোবিদ-১৯গীদমক লায়েং চৎথরি, মসিগী মনুংদা অনাবা ৪৭ অরুবা ফিভমদা লৈরি।
• রাজস্থানঃ ঙসি রাজ্য অসিদা মীওই ৮৩ কোবিদ-১৯গী পোজিতিব তেস্ত তৌখ্রে, পুন্না নাহল্লবা মীওই ৬০৯৮ শুরে। হৌজিক ফাওভদা অনাবা ৩৪২১ ফবা ঙমখ্রে। লায়েং চৎথরিবা মী মশিংনা ২৫২৭নি।  
• মধ্য প্রদেশঃ অনৌবা কেস ২২৭ রিপোর্ত তৌখ্রে, কোবিদ-১৯গী অনাবা মশিং পুন্না ৫৮৭৫ শুখ্রে। খ্বাইদগী য়াম্বা মশিং ২৭৭৪ ওইদুনা ইন্দোরদগী রিপোর্ত তৌখ্রে।
• ছত্তিসগরঃ রাজ্যগী তোঙান তোঙানবা দিস্ত্রিক্তশিংদগী অনৌবা কেস ১৪গী রিপোর্তৌদুনা পুন্না ১১৫ শুখ্রে।
• গোৱাঃ অনৌবা কোবিদ-১৯গী কেস ৪ রিপোর্ত তৌখ্রে, মসিনা পুন্না পোজিতিব ওইরবা অনাবা ৫০ শুখ্রে।  মখোয়গী মনুংদা অমনা নোংমাইজিং নুমিত্তা রাজধনী এক্সপ্রেস্তা লাকখিবনি, অমনা পুনেদগী বস্তা লাকখিবনি অমসুং মরিশুবা অদুনা জহাজদা লাকখিবা কোস্তগার্দকী মীওইনি।

****