কেবিনেৎ সেক্রেতরী শ্রী রজীব গৌবানা ঙসি সভাপতি ওইদুনা পাংথোখিবা নেস্নেল খ্রাইসিস মেনেজমেন্ত কমিতী (এন.সি.এম.সি.)গী মীফম অদুনা সাইক্লোন অম্ফানগী মতুংদা লৈহৌরিবা ফিভম অদুগী মতাংদা খল্লিবা রাজ্য অমসুং কেন্দ্র সরকার/এজেন্সীশিংগা লোইননাওরিশা অমসুং ৱেস্ত বেঙ্গালগী সাইক্লোন্না শোকহল্লবা মফমশিংদা লৈরিবা ফিভম অদুবু য়েংশিনখ্রে।

ওরিশা অমসুং ৱেস্ত বেঙ্গালগী চীফ সক্রেতরীশিংনা খঙহল্লকখ্রে মদুদি আই.এম.দি.না মতম চানা অমসুং য়াম্না চুম্না মাংজৌননা খঙহল্লকপদগী অমসুং এন.দি.আর.এফ. মাংজৌননা থাদোরকপনা মরম ওইরগা ৱেস্ত বেঙ্গালদা চাউরাক্না মীশিং লাখ ৫ অমসুং ওরিশাদা চাউরাক্না লাখ ২ লৌথোকপদা মতেং পাংখি। মসিনা মরম ওইরগা মীওই কয়াগী পুন্সি মাংবগী চাং অদু য়াম্না নেমখি, অম্ফানগী কনবগী চাং য়েংলুরগদি মসি ১৯৯৯দা ওরিশাদা য়াম্না চাউনা অমাং অতা থোকহনখিবা সুপর সাইক্লোনগী হেক মথংদা লৈরিবনি।

এন.দি.আর.এফ.না ৱেস্ত বেঙ্গালদা, মরু ওইনা কোলকাতাদাশেমজিন শাজিনবগী থবক থিজিন্নবা অহেনবা তীমশিং থাজিনখ্রে। এফ.সি.আই.না ৱেস্ত বেঙ্গালদা চেং-চাক মরাং কায়না ফংহল্লগনি, মরু ওইনা চেং, মসিনা ককঙাওনরবা মীওইশিংদা খুদক্কী ওইবা হিংনবগী পাম্বৈ আমা ওইহল্লি।

পাৱরগী মন্ত্রলয় অমসুং তেলিকম্যুনুকেশনশিংগী দিপার্ৎমেন্তনাসু রাজ্য অনিমক্তা সর্বিসশিং অদু য়াম্না থুনা শেমজিনবদা মতেং পাংগনি। মশাগী ইনফ্রাস্ত্রকচরদা খ্বাইদগী হেন্না চাউনা অমাং-অতা থোকখিবা রেলৱেজনা অথুবা মতমদা মখোয়গী থবক-থরমশিং অদু অমুক হৌননবা থৌরাং তৌরি।

ৱেস্ত বেঙ্গালনা ফোংদোরকখ্রে মদুদি সাইক্লোন্না শোকহল্লবা মফমশিং অদুগী লৌউ-শিংউ, পাৱর অমসুং তেলিকম্যুনিকেশনগী ফেসিলিতীশিংদা য়াম্লবা অমাং-অতা কয়ামরুম অমা থৌকখি। ওরিশানা ফোংদোরকখি মদুদি মরু ওইনা লৌউ-শিংউ খক্তমক অমাং-অতা থোকখি।

কনবগী অমসুং শেমজিন-শাজিন্নবগী হোৎনরিবশিং অদুবু নীংথিনা য়েংশিল্লবা মতুংদা, কেবিনেৎ সেক্রেতরীনা কেন্দ্রগী মন্ত্রালয়শিং/এজেনজসীশিংনা ওরিশা অমসুং ৱেস্ত বেঙ্গালগী রাজ্য সরকারশিংগা য়াম্না  তোইনা ফাওননবা তাক্লকখ্রে অমসুং  মথৌ তাবা মতেং পুম্নমক অথুবা মতম পীনবা খঙহল্লকখ্রে। য়ুমলৈ-কৈরৈ মন্ত্রালয়না অমাং-অতাশিং অদুগী অথুবা মতমদা য়েংশিন্নবা  অমসুং মদুগী রিপোর্ৎ অমা পীখৎলক্নবা তীম অমা থারগনি।

ৱেস্ত বেঙ্গাল অমসুং ওরিশাগী চীফ সেক্রেতরীশিংনা ভিদিও কনফরেন্সকী খুত্থাংদা এন.সি.এম.সি.গী মীফম অসিদা শরুক য়াখি। য়ুম্লৈ-কৈরৈ মন্ত্রালয়, দিফেন্স, শিপ্পিং, সিভিল এভিয়েশন, রেলৱেজ, পেত্রোলিয়ম অমসুং নেচরেল গ্যাস, পাৱর, তেলিকম্যুনিকেশনশিং, স্তীল, থক্নবা ঈশিং অমসুং সেনিতেশন, হকশেল, আই.এম.দি., এন.দি.এম.এ. অমসুং এন.দি.আর.এফ.তগী সেনিয়র ওফিসিয়েলশিংনসু মীফম অসিদা শরুক য়াখি।

****