PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
19 MAY 2020 6:34PM by PIB Imphal
- অনাবা ৩৯,১৭৪ কোবিদ-১৯দগী ফবা ঙমখ্রে, নাবা ফবগী চাং অসি চাদা ৩৮.৭৩ উৎলি। নাবা ফবগী চাং অসি মখাতানগৎলক্লি।
- ভত্তা হৌজিক এক্তিব কেস ৫৮,৮০২ লৈরিমালেমগী মীশিং লাখ খুদিংগী চাউরাক্না ৪.১ শিরিবা অদুগা চাংদম্নবদা ভারত্তা মলাখ খুদিংগী চাউরাক্না ০.২ শিরি।
- গৃহ মন্ত্রালয়না রাজ্যশিংদা- মইগ্রেন্ত ৱার্করশিংগী থৱায় ৱাবা হন্থহনবা- অহেনবা বশিং চেনবা, রাজ্যশিং অমসুং রাজ্যশিংগী ঙমখৈ ফাওবা মখোয়বু ফজনা চৎহনবা
-
- গৃহ মন্ত্রালয়না পন্দুনা লৈরিবা ৱার্করশিং ত্রেনশিংনা পুথোক-পুশিন তৌবদা রিভাইজ এস.ও.পি.শিং ইসু তৌখ্রে
মালেমগী মীশিং লাখ খুদিংগী চাউরাক্না ৪.১ শিরিবা অদুগা চাংদম্নবদা ভারত্তা মীশিং লাখ খুদিংগী চাউরাক্না ০.২ শিরি; হৌজিক ফাওবদা, সেম্পল লাখ ২৪ হেন্না তেস্ত তৌখ্রে
হৌখিবা পুং ২৪গী মনুংদা কোবিদ-১৯না নারবা মীওই ২,৩৫০ নাবা ফখ্রে। মতৌ অদুম্না হৌজিক ফাওবদা পুন্না মীওই ৩৯,১৭৪ কোবিদ-১৯ নাবা ফখ্রে। কোবিদ-১৯ নারবশিংগী মরক্তা নাবা ফরকপগী চাং সি চাদা ৩৮.৭৩ ওইরি। নাবা ফরকপগী চাং মখা তানা হেঙ্গৎলক্লি। ভারত্তা হৌজিক এক্তিব কেস ৫৮,৮০২ লৈরি। মখোয় পুম্নমক এক্তিব মেদিকেল সুপরভিজনগী মখাদা থম্লি। এক্তিব কেসশিংগী মনুংদা কেস চাউরাক্না চাদা ২.৯ খক্তমক আই.সি.য়ু.দা লৈরি। মীশিং লাখ খুদিংদা শিবগী চাং অসি মালেমগী মীশিং লাখ খুদিংগী চাউরাক্না ৪.১ শিরিবা অদুগা চাংদম্নবদা ভারত্তা মীশিং লাখ খুদিংগী চাউরাক্না ০.২ শিরি। লৈবাক অসিদা ঙরাং রেকোর্দ ওইনা সেম্পল ১,০৮,২৩৩ তেস্ত তৌখি। হৌজিক ফাওবদা সেম্পল পুন্না ২৪,২৫,৭৪২ তেস্ত তৌখ্রে। জনুৱারী থাদা লেবোরেতরী অমদা কোবিদ-১৯ তেস্ত তৌরম্বদগী, লৈবাক অসিদা তেস্তিংগীদমক সরকারগী লেবোরেতরী ৩৮৫ অমসুং প্রাইবেৎ লেবোরেতরী ১৫৮ হেন্না হাপচিন্দুনা ভারতকী তেস্তিং কেপাসিতী চাউনা হেঙ্গৎলে। হকশেল অমসুং য়াইফ য়ুম্বাল মন্ত্রালয়না কোবিদ-১৯গীদমক রিভাইজ তেস্তিং গাইদলাইনশিং ইসু তৌখ্রে।
শিন্মীশিং পুথোক-পুশিন তৌনবা অহেনবা ত্রেনশিং চেন্নবা রাজ্যশিং অমসুং রেলৱেজগী মরক্তা মতেং পাংনবা; দিস্ত্রিক ওথোরিতিশিংনা মখোয়গী দরকার ওইবশিং রেলৱেজদা পীশিনগদবনি
কোবিদ-১৯ লাইচৎ কিবা অমসুং হিংনবা থবক শুবা ফংলোই হায়বগী অকিবা অসিনা মরুওইবা মরমশিং ওইদুনা শিন্মীশিংনা মখোয়গী য়ুমশিংদা চৎনবা হোৎনরকপনি হায়না রাজ্যশিংদা য়ুনিয়ন হোম এফেয়ার্স মিনিস্ত্রিনা খঙহনখ্রে। কোইচৎ চৎতুনা থবক শুরিবা শিন্মীশিং অসিগী অৱাবশিং কোকহন্নবা কেন্দ্রগা খুৎশম্নদুনা রাজ্য সরকারশিংনা থবক কয়া পায়খৎলে। মসিদা য়াওরিবশিংদি রাজ্যশিং অমসুং রাজ্যশিংগী ঙমখৈশিং ফাওবা মখোয় ফজনা চৎনবা অহেনবা বসশিং চেনহলবা; মখোয় বস/রেল স্তেসন য়ৌদ্রি ফাওবা খোঙনা চৎলিবা মীওইশিংদা পোথাফমশিং অমসুং তঙাইফদবা পোৎলমশিং ফংহনবা; তোকঙাক শন্দোকহল্লোইদবনি, ত্রেন/বস থাবগী মতাংদা অচুম্বা খঙহনগদবনি: গৃহ মন্ত্রালয়না রাজ্যশিংদা
পন্দুনা লৈরিবা ৱার্করশিং ত্রেনশিংনা পুথোক-পুশিন তৌবদা স্তেন্দর্দ ওপরেতিং প্রোতোকোল(এস.ও.পি.)
২০২০গী মে ১৭তা লোকদাউনগী খোংথাংদা হেন্না চেৎশিলহল্লবা গাইদলাইনগী মখা চত্থরকপদা, পন্দুনা লৈরিবা ৱার্করশিং ত্রেনশিংনা পুথোক-পুশিন তৌবদা গৃহ মন্ত্রালয়না স্তেন্দর্দ ওপরেতিং প্রোতোকোল (এস.ও.পি.) ইসু তৌখ্রে।
অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1625069
দা. হর্শ বর্ধন্না ভি.সি.গী খুত্থাংদা ৭৩সুবা ৱর্ল্দ হেল্থ এসেমব্লীদা শরুক য়াখি
কোবিদ-১৯ লাকশিন্নবা ভারতনা মতম চানা, মচা খায়না অমসুং মতুংদা থোক্তনবা পাম্বৈশিং লৌখৎখিবা অদু মরু ওইনা পল্লদুনা হকশেল মন্ত্রীনা হায়খি মদুদি ভারতনা মথৌ তাবা খোংথাংশিং মতম চানা লৌখৎখি, এন্ত্রী পোইন্তশিংদা সর্ভীলেন্স তৌবসু য়াওরগা, মপান লমদা পন্দুনা লৈরিবশিং অদু লৌথোকপা, পাক চাউরবা দিজীজ সর্ভীলেন্স নেৎৱার্ক অসিগী খুথাংদা পাক শন্না কম্যুনিতী সর্ভীলেন্স তৌবা, হেল্থ ইনফ্রাস্ত্রকচর কনখৎহনবা, মাং থাদুনা থবক তৌরিবা হ্যুমেন রিসোর্স মিলিয়ন অনিগী মথক্তা লৈরিবশিং অসিগী কেপাসিতী শেমগৎপা, রিস্ক কম্যুনিকেসন অমসুং কম্যুনিতীসু য়াওহনবা। ঐনা খনবদদি ঐখোয়না অঙম্বা চাংদা তৌখি অমসুং মসিদা ঐখোয়না ফজনা তৌখি। ঐখোয়না তমশিল্লি অমদি লাক্কদৌরিবা থাশিংদা হেন্না ফজনা তৌগনি হায়বা ঐখোয়না থাজৈ।
অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1624956
কেন্দ্রগী ঐচ.আর.দি. মন্ত্রীনা পাউতাক পীরকখিবা অদুগী মতু ইন্না, জে.ই.ই. (মেন) ২০২০গীদমক্তা ওনলাইন এপ্লিকেশন ফোর্ম থাজিন্নবগীদমক্তা এন.তি.এ.না অরোইবা ওইনা খুদোংচাবা অমা পীরি।
মপানগী লমগী কোলেজশিংদা মহৈ মশিং তমলুনবগী মতম লেপ্লবা অদুবু কোবিদ – ১৯না মরম ওইরগা থৌরক্লিবা ফিভমদাঅহোংবা লাকপা অসিনা মরম ওইরগা হৌজিক্তি লৈবাক অসিদা লাইরিক মখা তমথনীংলিবা অমসুং মসিনা মরম ওইরগা জে.ই.ই. (মেন) ২০২০গী পরিখা ফম্নীংলিবা ভারতকী মহৈরোইশিংনা ৱাকৎলকখিবশিং অদু য়েংলগা কেন্দরগী ঐচ.আর.দি. মন্ত্রী শ্রী রামেশ পোখ্রিয়াল ‘নীশাঙ্ক’না এন.তি.এ.দা জে.ই.ই. (মেন) ২০২০গী ফোর্ম মেনবগী অরোইবা ওইনা খুদোংচাবা অমা পীনবা পাউতাক পীরকখ্রে। হায়রিবা অসি মরম অমদগী নত্রগা করিগুম্বা অমদগী এপ্লিকেশন প্রোসেস অসিবু মপুং ফানা তৌবা ঙমখিদবা নত্রগা ওনলাইন এপ্লিকেশন ফোর্ম থাজিনবা ঙমহৌদবশিংদসু চৎনগনি।
অকুপ্পা ৱারোলগীদমকঃ https://pib.gov.in/PressReleseDetail.aspx?PRID=1625132
কেন্দ্র মন্ত্রী দাঃ জিতেন্দ্র সিংহনা আর্মী মেদিকেলবু অৱাং নোংপোক অমসুং জম্মু এন্দ কশ্মীরদা কোবিদকা মরী লৈনবা মতেংগীদমক থাগৎলি
কেন্দ্র মন্ত্রী দাঃ জিতেন্দ্র সিংহনা আর্মী মেদিকেলবু অৱাং নোংপোক অমসুং জম্মু এন্দ কাশ্মিরদা কোবিদকা মরী লৈনবা তেংবাংগীদমক থাগৎখ্রে অমদি শেম শাবা হৌরকপগী মতমদা অনাবা খঙদোক্নবা অমদি লায়েংবগী লমদা অৱাৎপা মেনশিন্নবগীদমক লাইচৎ অসি হৌরকপগী ঙল্লিঙৈ মতমদা লৌখৎখিবা খোঙথাঙশিংদা শরুক য়াখিবগীদমক্তা আর্ম ফোর্সেস মেদিকেল সর্ভিসেস (এ.এফ.এম.এস.)পু থাগৎপা ফোঙদোকখ্রে।
এম.ও.ঐচ.য়ু.এ.না গারবেজ ফ্রী সিতীশিংগী স্তার রেতিং পীবগী ফল লাউথোকখ্রে
হাউসিং অমসুং অর্বান এফিয়র্সকী মন্ত্রী শ্রী হর্দীপ এস., পুরিনা চহি ২০১৯-২০গীদমক এসেসমেন্ত তৌখিবা অদুদা অপুনবা সিতী ৬ অসি ৫-স্তার সর্তিফাই তৌখ্রে (অম্বিকাপুর, রাজকোত, সুরত, মৈসুরু, ইন্দোর, অমসুং নৱি মুম্বাই), ৩-স্তার ওইনা সিতী ৬৫ অমসুং ১-স্তার ওইনা সিতী ৭০নি হায়না খঙহল্লকখ্রে। কোবিদকী চিরবা তঞ্জা অসি থোরকপনামরম ওইরগা এম.ও.ঐচ.য়ু.এ.না অখন্ননা মীয়ামগী ওইবা মফমশিং শেংদোকপা অমসুং ক্বারেন্তাইন তৌরিবা ইমুং-মনুংশিং অদুদগী বায়ো-মেদিকেলগী অরেমখাকশিং খোমগৎপা অমসুং নীংথিনা হুন্দোক্নবা রাজ্য অমসুং সিতীশিংদা অকুপ্পা গাইদলাইনশিং থোকখ্রে। এম.ও.ঐচ.য়ু.এ.না এপ্রিলগী অহানবা চয়োলদা য়াম্না মমিং চৎলবা প্রজা শিংগী ৱাকৎ য়েংশিন্নবা প্লেৎফোর্ম, স্বচছতা এপ অসি নৌহৌননা শেমদোকখ্রে মসিনা প্রজাশিংদা মখোয়না মশা-মশাগী য়ু.এল.বি.শিংনা কোবিদকা মরী লৈনবা ৱাকৎশিং অদুবু য়েংশিনহনবা য়াহনগনি।
মাদর দেয়রীনা লোকদাউন মনুংশিদা ৱিধর্বা অমসুং মরাথৱাদা রিজনদা দেয়রী সপ্লাই ৱাত্তনা পীবদা শরুক য়ারি।
লৈবাক অসিনা কোবিদ-১৯গী লাইচৎ অসিগা লান্থেংনরিঙৈ অমসুং লোকদাঊন মনুংদা, মীয়ামদা তঙাইফদনা চংবা চান-থক্নবা অমসুং হেল্থ সর্বিসশিং ফংহনবা হায়বসি য়াম্না মরু ওই। কঞ্জুমরশিংদা মখোয়গী সপ্লাইশিং অদু ৱাত্তনা ফংহনবা অসি মরু ওই তৌইগুম্বসুং লৌমীশিংগীসু মখোয়দগী হৌদোরকপা ভেল্যু চেন অসি ৱাংবা অমসুং অথিংবশিং অসিগী মনুংদা ফাওবা মখোয়গী পোত্থোক আদু মার্কেত্তা মরাং কাইনা ফংহনবা হায়বসি য়াম্না মরু ওই। মসিগী মতাংদা লৌখৎলক্লবা খোংথাং অসি মখাতানা মাদর দেয়রীনা লোকদাউন অসিগী মরকসিদা ৱিধর্বা অমসুং মরাথৱা রিজনদা দেয়রী সপ্লাই চেন অসিবু লেপহন্দনা থবক তৌহনবদা নেস্নেল দেয়রী দিবেলপমেন্ত বোর্দকী মখাদা লৈরিবা মখোয়না চলাইবা মশা অমা ওইরিবা অসিনা চাউরবা থৌদাং লৌখি।নাগপুর সিতীগী সিভিল লাইন্সকী মফম অদুদা লৈবা মাদর দেয়রিনা লৌমীশিংদা অঙম্বা মতেং পাংদুনা অমসুং ৱিধর্বা অমসুং মরাথৱা রিজনদা নোংমদা চাংচত্তা শঙ্গোম লিতর লাখ ২.৫৫ খোমগৎলি।
মিনিস্ত্রী ওফ কলচরগী দিবেলপমেন্ত ওফ ম্যুজিয়ম অমসুং কলচরেল স্পেসেসনা ইন্তর্নেস্নেল ম্যুজিয়ম দেদা ‘রিভাইতেলাইজিং ম্যুজিয়ম এন্দ কলচরেল স্পেসেস’গী মতাংদা ৱেবিনার অমা পাংথোকখ্রে।
কোবিদ-১৯গী লাইচৎ অসিনা কলচরেল অমসুং ক্রিয়েতিব ইন্দস্ত্রিশিংগীদমক্তা য়াম্না মরু ওইবা ইকোনোমিক অমসুং খুনাইগী ওইবা অহোংবা কয়া পুরক্কনি। ভরতকী অমসুং মালেমগী কলচরেল ইন্সতিত্যুসনশিংবু লমজিংনবগীদমক্তা পাংথোকখিবা ৱেবিনার অসিদা শরুক য়ারিবা এক্সপর্ৎশিং, ক্রিয়েতিব বিজনেসশিং, স্তার্ৎঅপশিং, পোলিসী মেকরশিং অমসুং মীদিয়ানা কলচরেল অমসুং ক্রিয়েতিব ইন্দস্ত্রীনা খরম্না খুমাং চাউশিনগদগে হায়বগী মতাংদা খন্নখি।
পি.আই.বি. ফিল্দ ওফিসশিংদগী ফংবা পাউ
- চান্দিগর: লোকদাউন্না মরম ওইরগা, মাইগ্রেন্ত ৱার্কর, পিলগ্রিম, তুরিস্ত, মহৈরোই অমসুং অতোপ্পা মীওই খরা চান্দিগরদা পন্দুনা লৈরি। মীওইশিং অসি নিংথিজনা চত্থোক-চৎশিনবা তৌবা ঙমহন্নবা চান্দিগর এদমিনিস্ত্রেসন্না পন্দুনা লৈরিবা মীওইশিং অসিগী চত্থোক-চৎশিন নুঙাইহন্নবা অমসুং খুদোংথিবা থোকহন্দনবা পাকচাউনা শিল-লাংলি। ২০২০গী মে ১৮দা, মখাগী পন্দুনা লৈরম্বা মীওইশিং অসি থাখ্রে: ক) উত্তর প্রদেশকী অমেথীগীদমক নুমিদাংৱাইরম পুং ৫দা মী ১২৯৬কা লোয়ননা শ্রমিক স্পিসিয়েল ত্রেন; খ) পঞ্জাবকী সরহিন্দদগী শ্রমিক স্পিসিয়েল ত্রেনগী খুত্থাংদা ৱেস্ত বেঙ্গলগী মুর্শিদাবাদ ফাওবা মী ১০। চান্দিগরদগী পঞ্জাবকী সরহিন্দ ফাওবা চৎনবা মখোয়গীদমক স্পিসিয়েল সি.তি.য়ু. বস থৌরাং তৌখি।
- পঞ্জাব: মুখ্য মন্ত্রীনা খৃস্তান মেদিকে কোলেজ লুধিয়ানা অমসুং কোবিদ-১৯ য়াওনা ভারত্তা ক্লেভেলেন্দ ক্লিনিক (য়ু.এস.এ.)গীদমক ফিজিসিয়ান-তু-ফিজিসিয়ান ভিদিও কন্সলতেসন ওফিসিয়েল ফেসিলেতর ওইরিবা আই.এম.এ.এস. হেল্থকেয়র প্রাইবেৎ লিমিতেদকী মরক্তা গ্রাউন্দব্রেকিং পার্তনরশিপকী শরুক ওইনা তেলেমেদিসিন প্রোগ্রাম অমা হৌদোকখ্রে। পঞ্জাব সরকারনা রাজ্য মনুংদা পব্লিক ত্রান্সপোর্ত চেনবদা থমলম্বা অথিবশিং কোমথোক্নবা ৱারেপ লৌরে। য়ুমশকৈশা নুমিৎতগী হৌরগা স্তেত ত্রান্সপোর্ত অন্দরতেকিং বসশিংনা মরুওইবা শহরশিং অমসুং দিস্ত্রিক্ত হেদক্বাতরশিংগী মরক্তা পোইন্ত অমদগী পোইন্ত অমা ফাওবা মসিগী ফুল কেপাসিতীগী চাদা ৫০ মী তোংহন্দুনা অখন্নবা রুত্শিংদা চেনবা য়ারগনি। মসিগী বসশিং অসি বস স্তেনশিং খক্তদগী চেনগনি, মফমদুদা পেসেঞ্জর পুম্নমকপু বসশিং তোংদ্রিঙৈ মাংওইননা স্ক্রীনিং তৌগনি। পেসেঞ্জর পুম্নমক্না পব্লিক ত্রান্সপোর্ত্তা সোসিয়েল দিস্তেন্সিং ঙাক্না চৎকদবনি, মাস্ক উপকদন অমদি দ্রাইবরশিংনা পীবা সেনিতাইজর শিজিন্নদুনা মখোয়গী মখুৎশিং সেনিতাইজ তৌগদবনি।
- হরিয়ানা: রাজ্য সরকারনা প্রাইবেৎ দোক্তরশিংদা মখোয়গী দরকারগী মতুং ইন্না খ্বাইদগী ফবা ক্বালিতীগী পি.পি.ই. কিৎশিং, N-95 মাস্কশিং অমসুং হেন্দ সেনিতাইজরশিং সরকারগী মমলদা ফংহন্নবা ৱারেপ লৌরে। মসিগী মথক্তা, করিগুম্বা প্রাইবেৎ দোক্তর অমা কোবিদ-১৯না নারকপা মতমদা মহাক্কী লায়েংমনসু সরকারনা পুথোক্কনি। কোরোনাগী মতুংদা রাজ্য অসিদা হেল্থ সর্বিস, পব্লিক হে্থ, দিজিজ রিসর্সনচিংবদা ইনবেস্তমেন্ত হেঙ্গৎলগনি। কোবিদ-১৯ থিংনবগীদমক হকশেল অমসুং য়াইফ য়ুম্বাল মন্ত্রালয়না ইসু তৌরিবা নোর্মশিং চেকশিন্না ঙাকহন্দুনা অথুবা অমসুং নাথৈদুনা থম্বা য়াদবা এদমিনিস্ত্রেতিব ফঙ্কসনশিং চত্থবা য়ানবা হরিয়ানা সরকারনা গবর্নমেন্ত স্কুলশিংবু মখোয়গী এদমিনিস্ত্রেতিব ওফিসশিং হাংবা য়াহল্লগনি। রাজ্য সরকারনা হান্ননা হরিয়ানাগী প্রাইবেৎ স্কুলশিংবু মখোয়গী এদমিনিস্ত্রেতিব ওফিসশিং হাংবদা অয়াবা পীখ্রে।
- হিমাচল প্রদেশ: মুখ্য মন্ত্রী জয় রাম থাকুরনা রাজ্যগীদমক বল্ক দ্রগ পার্ক অমা পীবিনবা কেমিকেল্স অমসুং ফর্তিলাইজর্সকী কেন্দ্র মন্ত্রী দি.ভি. সদানন্দা গৌদাদা তকশিনখ্রে। মহাক্না হায়খি মদুদি কেন্দ্র সরকারনা লৈবাক অসিদা ক্রিতিকেল কী স্তার্তিং মেতরিয়েল/দ্রগ ইন্তরমেদিয়েৎস অমসুং এক্তিব ফার্মাক্যুতিকেল ইনগ্রিদেন্তসকী দোমেস্তিক মেনুফেকচরিং প্রমোৎ তৌনবগীদমক বেনেফিসিয়েল স্কিম অমা লাউথোকখ্রে।
- কেরলা: কে.এস.আর.তি.সি.না হয়েংদগী জিলা পুম্নমক্তা সর্বিস হৌরগনি। কানুরদা পুলিসনা রেলৱে ত্রেকশিংগী থোংদা উত্তর প্রদেশতা খোংনা চৎনবা হোৎনরম্বা মাইগ্রেন্ত ১০০গী ময়া থিংখ্রে। পেরামব্রাদা প্রোতেস্ত তৌরিবা মাইগ্রেন্ত ৱার্করশিং অমসুং পুলিসকী মরক্তা ইরাং থোকখ্রে। ঙরাং নুমিদাং গল্ফতগী কেরাদা য়ৌরকখিবা মীওই তরেৎ কোবিদকী লাইওং উৎলকপদগী হোস্পিতালাইজ তৌখ্রে। গল্ফ লৈবাকশিংদা পন্দুনা লৈরিবা মীওই ৭০০ হেন্না ফ্লাইৎ মরিনা য়ুমদা পুরক্লগনি।
- তমিল নাদু: পুদুচেরীদা লিকর শোপশিং হাংবদা অয়াবা পীখ্রে; লিকর লৈবদা আধার কার্দ য়াওগদবনি। মহারাস্ত্রদগী হল্লকপা পন্দুনা লৈরম্বা তমিল নাদুগী মাইগ্রেন্ত লেবর কয়া কোবিদ পোজিতিব ওইরে। তমিল নাদুগী খুঙ্গং লমদমশিংদা লৈরিবা শম ককফমশিং ঙসিদগী অমুক হন্না হাংদোকপা য়ারে। তমিল নাদুদা ক্লাস ১০ বোর্দ এগজামশিং নৌনা মতম লেপলে, জুন ১৫দগী জুন ২৫ ফাওবা পাংথোক্লগনি। ঙরাং ফাওবদা অপুনবা কেস: এক্তিব কেস: ১১,৭৬০; শিখিবা: 81; চেন্নাইদা এক্তিব কেস: ৫৪৬০
- কর্নাতকা: কেস ১২৭ অমসুং অহুম শিখিবগা লোয়ননা কর্নাতকানা খ্বাইদগী ৱাংবা দেল্লী স্পাইক রেকোর্ত তৌরি। হৌজিক ফাওবদা অপুনবা কেস ১৩৭৩; এক্তিব: ৮০২, রিকোবর: ৫৩০, শিখিবা: ৪০।
- আন্ধ্র প্রদেশ: মুখ্য মন্ত্রীনা হায়খ্রে মদুদি কোবিদ-১৯ ঙাকথোক্নবা খোঙথাংশিং মাংহন্দনা ইকোনোমী অমুক হৌবদা মিৎয়েং থম্লগনি। রাজ্য অসিনা খ্বাইদগী ৱাংবা রিকোবরী রেৎ চাদা ৫৩.৪৪ লৈরি, মদু লৈবাক অসিগী চাদা ৩২.৯দগী হেল্লি। অনৌবা কেস ৫৭, ৬৯ দিসচার্জ তৌখিবগা লোয়ননা অনি শিখিবগী রিপোর্ত।
- তেলঙ্গনা: তেলঙ্গনাদা লোকদাউন কোমথোকপগা লোয়ননা ঙসিদগী তোঙান-তোঙানবা জিাশিংদা সেকন্দ্রবাদতগী আর.তি.সি. বসশিং চেনবা হৌরে। ঙরাং ফাওবদা অপুনবা কেস ১,৫৯২, ঙরাং হায়দ্রবাদতাঅনৌবা কেস ২৬ কনফার্ম তৌখি।
- অসম: হকশেল মন্ত্রীনা দিপুতী কমিস্নারশিং অমসুং সুপরিতেন্দেন্ত ওফ পুলিসশিংগা খন্ন-নৈনবা মীফম অমা পাংথোকখ্রে।
- মনিপুর: মনিপুরদা দিল্লীদগী হল্লকপা চহি ৬৪ শুরবী নুপী অমা অমসুং চহ্ ২৩ শুরবী মহাক্কী মচানুপী কোবিদ-১৯ পোজিতিব ওইরে। রাজ্য অসিদা অপুনবা কেস ৯গী মনুংদা ২দি রিকোবর তৌখ্রে অমদি লেমহৌরিবশিংনা লাইয়েং চত্থরি।
- মিজোরাম: আইজোল পুলিসনা মিজোরামদা এক্তিব কোবিদ-৯ কেস অমগী মতাংদা সোসিয়েল মিদীয়াদা অরানবা পাউ শন্দোকপগীদমক মীওই অমা ফাগৎখ্রে।
- নাগালেন্দ: নাগালেন্দদা মুস্লিমশিংনা মখোয়-মখোয়গী ময়ুমশিংদা রামজানগী শেংলবা থা পাংথোক্লি অমদি লোকদাউন্না মরম ওইরগা য়ুমদা ইদ পাংথোক্নবা থৌরাং তৌরি।
- সিক্কিম: কর্নাতকা সরকারগী তেংবাংগা লোয়ননা সিক্কিম সরকারনা বেঙ্গলোরদা পন্দুনা লৈরম্বা সিক্কিম মচা ১০৫৪ লৌথোক্লে।.
- মহারাস্ত্র: রাজ্য অসিদা কোবিদ-১৯গী অনৌবা কেস ২০৩৩ রিপোর্ৎ তৌরকখ্রে, মসিনা পোজিতিব ওইবগী তেলী অদু ৩৫,০৫৮ য়ৌহনখ্রে। অনৌবা রিপোর্ৎকী মতুং ইন্না রাজ্য অসিদা হৌজিক এক্তিব কেস ২৫,৩৯২ লৈরি, হৌজিক ফাওবদা পেসেন্ত ৮৪৩৭ অমসু লাইনা অসিদগী নাবা ফখ্রে। মহারাস্ত্র সরকারনা অবব পোৱর্তী লাইন ওরেঞ্জ কার্দ হোলদর কোতি ৩.০৮দা ্ৱাই-চেংৱাইশিং মে অমসুং জুনগীদমক্তা মীওই অমমমদা কিলো মঙা অতাবা মমলদা পীনবা ৱারেপ লৌখ্রে। কোবিদ-১৯গী লাইচৎ অসিগী হৌজিক ওইরিবা ফিভম অসিদা রাজ্য সরকারনা রাজ্য অসিদা লৈরিবা রেশন দুকান ৫৩,৪২২দগী হাৱাই-চেংৱাইশিং য়েন্থোকপা হৌখ্রে।
- গুজরাত: কোবিদ-১৯গী অনৌবা কেস ৩৬৬ অমসুং শিবগী মশিং ৩৫ রিপোর্ৎ তৌরকখ্রে মসিনা রাজ্য অসিদা অপুনবা কেস ১১,৭৪৬ য়ৌহনখ্রে। মিগী মরক্তা ৪,৮০৪ নাবা ফখ্রে। রাজ্য অিদা এক্তিব কেস ৬,২৪৮ লৈ, ৩৮ অমদি ভেন্তিলেতর শিজিন্নরি। নোংমা-নোংমা কান্রগা নুমিৎ য়াংখৈগী মতুংদা নন-কন্তেনমেন্ত জোনশিংদা দুকান, ওফিস, ত্রান্সপোর্ৎ অমসুং মার্কেৎশিং হাংদোকখ্রে।
- রাজস্থান: ঙসি নুংথিল পুং ২ ফাওবদা কোবিদ-১৯গী অনৌবা কেস ২৫০ রিপোর্ৎ তৌরকখ্রে, মসিনা রাজ্য অসিদা পোজিতিব ওইবগী কেস মশিং ৫৭৫৭ শুখ্রে। হৌজিক ফাওবদা নাবা ফরকখিবা পেসেন্তশিংগী মশিংনা ৩২৩২নি।
- মধ্যা প্রদেশ: খ্বাইদগী নৌবা রিপোর্ৎকী মতুং ইন্না রাজ্য অসিদা অনৌবা কেস ২৫৯ থোরক্তুনা পোজিতিব কেসকী মশিং অদু ৫,৩২৬ য়ৌহনখ্রে।
- গোৱা: কোবিদ-১৯গী অনৌবা কেস ৯ রিপোর্ৎ তৌরকখ্রে মসিনা কোরোনা ভািরসনা নারবা পেসেন্তশিংগী মশিং অদু ৩১ শুহনখ্রে।
পি.আই.বি. ফেক্ত চেক
*****
(Release ID: 1625226)
Visitor Counter : 152
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam