হৌজিক ওইরিবা ফিভম:

ভারত সরকারনা কোবিদ-১৯ ঙাকথোক্নবা, থিংনবা অমসুং মেনেজমেন্তকীদমক মসিগী প্রি-এম্পতিব অমসুং প্রো-এক্তিব এপ্রোচতা হোৎনরি। কোবিদ-১৯ মেনেজমেন্তকী হোৎনরিবশিং চাং নাইনা অৱাংবা থাক্তা য়েংশিল্লি।

ভারত্তা হৌজিক্কী ওইনা এক্তিব কেস ৫৬,৩১৬ লৈরি। হৌজিক ফাওবদা মীওই ৩৬,৮২৪ কোবিদ-১৯ নাবা ফখ্রে। হৌখিবা পুং ২৪দা অনাবা মীওই ২,৭১৫ নাবা ফখ্রে। হৌজিক ঐখোয়গী রিকোবরী রেৎ অসি চাদা ৩৮.২৯নি।

মীশিং লাখ খুদিংদা কনফার্ম ওইবগী চাং য়েংবদা, ভারত্তা হৌজিক ফাওবদা মীশিং লাখ খুদিংগী চাউরাক্না কেস ৭.১ ওইরি, মদু মালেমগী ওইনা য়েংবদা মীশিং লাখ খুদিংগী চাউরাক্না কেস ৬০ ওইরি। দবল্যু.ঐচ.ও.না কনফার্ম কেসকী মশিং খ্বাইদগী ৱাংনা লৈবা লৈবাকশিংগী মীশিং লাখ খুদিংদা কেসকী স্তেত রিপোর্ত ১১৮, মখাদা পীরি:  

* ২০২০গী মে ১৮গীদমক অপদেৎ তৌরবা খ্বাইদগী নৌবা ফিগর

এগ্রেসিব অমসুং অঙনবা খোঙথাংনা হৌজিক ফাওবদা পুক্নিং থৌগৎনিঙাই ওিরবা রিজল্তশিং উৎলি।

হকশেল অমসুং য়াইফ য়ুম্বাল মন্ত্রালয়গী অনৌবা গাইদলাইনশিং

কেন্দ্রগী হকশেল মন্ত্রালয়না রাজ্যশিংবু রেদ/ওরেঞ্জ/গ্রীন জোনশিং খায়দোক্নবগীদমক ২০২০গী মে ১৭তা অনৌবা গাইদলাইন অমা থোকখি। গাইদলাইন অসিগী মতুং ইন্না রাজ্যশিংবু দিস্ত্রিক্তশিং/ম্যুনিসিপাল কোর্পোরেসনশিংদা, নত্রগা মখোয়গী ফিল্দ এসেসমেন্তকী মতুং ইন্না সবদিবিজন/ৱার্দ নত্রগা রেদ/ওরেঞ্জ/গ্রীন জোনগুম্না অতোপ্পা এদমিনিস্ত্রেতিব অমা হেক্তদা খায়দোক্নবা খংহনখি। মসি হকশেল অমসুং য়াইফ য়ুম্বাল মন্ত্রালয়না শেয়ার তৌরিবা পেরামীতরশিং পুন্সিনবগা লোয়ননা মল্তিফেক্তোরেল এনালাইসিসতা য়ুমফম ওইরগা পাংথোক্কদবনি, মদুদা তুতেল এক্তিব কেস, মীশিং লাখ খুদিংদা এক্তিব কেস, দবলিং রেৎ (নুমিৎ ৭কী পেরিওদতা হোৎপা), কেস ফেতেলিতী রেৎ, তেস্তিং রেসিও অমসুং তেস্ত কনফার্ম ওইবগী চাং য়াওরি। ফিল্দ এক্সনগা মরী লৈননা, রাজ্যশিংদা কন্তেনমেন্ত অমসুং বফর জোনশিং চেকশিন্না য়েকথোক্নবা হায়খি। রাজ্যশিংদা হায়খি মদুদি মখোয়না মসিগী কন্তেনমেন্ত জোনশিংদা থিংনবা থৌরাংশিং অকনবা মওংদা ইমপ্লিমেন্ত তৌবা শোইহল্লোইদবনি। কন্তেনমেন্ত জোনশিংদা অখন্নবা তিমশিংনা য়ুমথোং খুদিং চংদুনা কেসশিং থিদোকপা, গাইদলাইনগী মতুং ইন্না কেস খুদিংমক তেস্ত তৌবা, কন্তেক্ত ত্রেসিং, কনফার্ম কেস পুম্নমক্কী ক্লিনিকেল মেনেজমেন্ত অসি মরুওইবা থবকশিংনি। মসিগা মরী লৈননা কম্যুনিতীশিংনা এক্তিব ওইনা শরুক য়ানবা হায়গদবনি। বফর জোনশিংদা, হেল্থ ফেসিলিতীশিংদা আই.এল.আই/এস.এ.আর.আই. কেসশিং য়েংশিনবগী থোংদা কেসশিংগীদমক এক্সতেন্সিব সর্ভিলেন্সকীদমক কোওর্দিনেৎ তৌগদবনি। পর্সোনেল হাইজিন, হেন্দ হাইজিন অমসুং লোক-তিন শিৎতবা, আই.ই.সি. এক্তিবিতীশিং হেঙ্গৎনবগী থোংদা ফেস কভর শিজিন্নবা অমসুং ফিজিকেল দিস্তেন্সিং পুক্নিং থৌগৎপা অসিগুম্বা ঙাকথোক্নবা খোঙথাংশিংদা ইফেক্তিব কম্যুনিতী এৱারনেস পীবা মরু ওই।

****