PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
18 MAY 2020 6:33PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- হৌজিক ভারত্তা কোবিদ-১৯ এক্তিব কেস ৫৬,৩১৬ লৈরে, হৌজিক ফাওবদা মীওই ৩৬,৮২৪না নাবা ফখ্রেI, ফগৎলকপগী চাং ৩৮.২৯ ওইখ্রে।
- কেন্দ্রগী হকশেল মন্ত্রীনা ১৭.০৫.২০দা রাজ্যশিংদা রেদ/ওরেঞ্জ/গ্রীন জোনশিং খন্দোক্নবা অনৌবা গাইদলাইনশিং থোকখ্রে।রাজ্যশিংদা মখোয়গী ফিল্দ এসেসমেন্তকী মতুং ইন্না দিস্ত্রিক্ত/ম্যুনিসিপাল কোর্পোরেসনশিং, নত্ত্রগা ৱরেন্তেদ সবদিবিজন/ৱর্দ নত্ত্রগা অতৈ এদমিনিস্ত্রেতিব য়ুনিৎশিংবু রেদ/ওরেঞ্জ/গ্রীন জোন ওইনা খাইদোক্নবা খঙহনখ্রে।
- মে ৩১ ফাওবা লোকদাউন শাংদোক্লে; রাজ্যশিংনা তোঙান তোঙানবা জোনশিং অমসুং মফম অদুদা তৌগদবশিং লেপচগনি; লৈবাক অপুনবদা অথিংবা খরদি অদুম্মক থমখিগনি।
- MHAনা রাজ্যশিংদাঃ মসিগী গাইদলাইনশিং অসিদা য়াওরিবা অথিংবশিং অসি মহু চমহল্লোইদবনি।
- ক্সাস X অমসুং XIIকী CBSE এগজামগী তাং থোকখ্রে।
হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী অনৌবা পাউ
হৌজিক হৌজিক ভারত্তা এক্তিব কেস ৫৬,৩১৬ লৈরি। হৌজিক ফাওবদা, কোবিদ-১৯দগী মীওই ৩৬,৮২৪ ফবা ঙমখ্রে। হৌখিবা পুং ২৪দা অনাবা ২,৭১৫ ফখিবগী রিপোর্ত তৌখ্রে। হৌজিক ঐখোয়গী ফবগী চাং ৩৮.২৯% য়ৌরে। মী মশিং লাখ অমগী মনুংদা কনফর্ম তৌরবা কেসকী মতাংদা, ভারতনা হৌজিক ফাওবদা কেস মী মশিং লাখ অমদা চাউরাক্না ৭.১ ওইরি। মালেম পুম্বদা মী মশিং লাখ অমগী মনুংদা চাদা ৬০ ওইরি।
কেন্দ্রগী হকশেল মন্ত্রীনা ১৭.০৫.২০দা রাজ্যশিংদা রেদ/ওরেঞ্জ/গ্রীন জোনশিং খন্দোক্নবা অনৌবা গাইদলাইনশিং থোকখ্রে। মসিগী গাইদলাইনশিং অসিগী মতুং ইন্না রাজ্যশিংদা মখোয়গী ফিল্দ এসেসমেন্তকী মতুং ইন্না দিস্ত্রিক্ত/ম্যুনিসিপাল কোর্পোরেসনশিং, নত্ত্রগা ৱরেন্তেদ সবদিবিজন/ৱর্দ নত্ত্রগা অতৈ এদমিনিস্ত্রেতিব য়ুনিৎশিংবু রেদ/ওরেঞ্জ/গ্রীন জোন ওইনা খাইদোক্নবা খঙহনখ্রে। রাজ্যশিংদা খঙহনখ্রে মদুদি মখোয়না ক্নেন্তেনমেন্ত জোনশিংদা ক্নেন্তমেন্তকী থৌরাংশিং চেৎনা পাইখৎনবা খঙহনখ্রে। মখা তানা, অকোইবগী মফমশিংদা লাইনা শন্দোকপা ঙমদনবা ক্নেন্তমেন্ত জোন খুদিংমক্কী অকোইবদা, বফর জোন অমা লিংখৎকদবনি। হায়রিবা বফর জোনশিংদা, হকশেলগী খুদোংচাবশিংদা ILI/SARI কেসশিংগীদমক পাক শন্না য়েংশিনবগী থবক পাইখৎকদবনি।
মে ৩১, ২০২০ ফাওবা লোকদাউন শাংদোকপা; স্তেৎশিংনা মখল কয়াগী জোনশিং অমসুং জোনশিং অসিদা চৎনগদবা থবক-থৌরমশিং অদু লেপচগনি; লৈবাক শিনবা থুংনা চৎথবা থবক-থৌরম কয়াদদি অদুমক অথিংবা লৈখিগনি
মে ২৪,২০২০দগী থমলকখিবা লোকদাউনগী খোঙথাংশিংনা কোবিদ-১৯গী লাইচৎ লাকশিনবদা চাউনা মতেং পাংলি। মসিনা মরম ওইরগা লোকদাউন অসি মখা তানা মে ৩১,২০২০ ফাওবা শাংদোকনবা ৱারেপ লৌখ্রে। অনৌবা চৎনা কাঙলোনশিংগী মখাদা, হকশেল মন্ত্রলয়না পীবা পেরামীতরশিং অদু ঙাকলগা স্তেৎশিং অমসুং য়ুনিয়ন তেরিতোরীশিং(য়ু.তি.শিং)না হৌজিক রেদ, গ্রীন অমসুং ওরেঞ্জ জোনশিং লেপথোক্লগনি। স্তেৎশিং অমসুং য়ুনিয়ন তেরিতোরীশিংনা লেপ্পগী মতুং ইন্না জোনশিং অদু দিস্ত্রিক্ত অমা, নত্ত্রগা ম্যুনিসিপাল কোর্পোরেসন/ম্যুনিসিপালিতী অমা, নত্ত্রগা সব-দিবিজন্নচিংবশিংগুম্বা হেন্না পীকপা এদমিনিস্ত্রেতিব য়ুনিৎশিং ওইবা য়াই। রেদ অমদি ওরেঞ্জ জোনশিং মনুংদা মরী লৈনবা লোকেল ওথোরিতীনা হকশেল মন্ত্রলয়গী চৎনা কাঙলোনশিংগী মতুং ইন্না কন্তেনমেন্ত অমসুং বফর জোনশিং খায়দোক্কনি। কন্তেনমেন্ত জোনশিংগী মনুংদা ইসেন্সিএল এক্তিবিতীশিং খক্তমক অয়াবা পীগনি। লৈবাক শিনবা থুংনা অকক্নবা থবক থৌরমশিংদা অথিংবা অদুমক লৈখিগনি। নুমিদাংগী কর্ফ্যু অসি ৭ পি.এম.দগী ৭ এ.এম.গী মরক্তা লনাই মীওইশিংনা তঙাইফদবা থবক থৌরমশিং নত্তবগী চৎথোক চৎশিন তৌবদা মখা চৎথখিগনি।
লোকদাউন ৪.০-স্তেৎশিং/য়ু.তি.শিংনা এম.ঐচ.এ.গী চৎনা কাঙলোনশিংগী মখাদা থম্লিবা অথিংবশিং অসি শেমদোকপা য়ারোই; লোকেল লেবেল এসেসমেন্ত অমসুং হকশেলগী মন্ত্রালয়গী চৎনা কাঙলোনশিংদা য়ুম্ফম ওইরগা চৎনবখক য়াগনি: MHA
১৭.০৫.২০২০দা হোম মন্ত্রালয়না কোবিদ-১৯ লাকশিন্নবা লোকদাউনগী অথিংবশিংগী মতাংদা শেমদোক্লবা চৎনা কাঙলোনশিং থোকখ্রে। লোকদাউন অসি তাং ৩১.০৫.২০২০ ফাওবা শাংদোকখিবনা, অথিংবশিংদা পাক শন্না কোমথোক্লি। এম.ঐচ.এ..না স্তেৎশিং/য়ু.তি.শিংদা হঞ্জিন-হঞ্জিন হায়রি মদুদি শেমদোকলবা চৎনা কাঙলোনশিংগী মখাদা পীরিবা লোকদাউনগী অথিংবশিংদা পাক শন্না কোমথোকপশিং পীরবসু, স্তেৎশিং/য়ু.তি.শিংনা এম.ঐচ.এ..গী চৎনা কাঙলোনদা থম্লিবা অথিংবশিং শেমদোকপা য়ারোই। ফীফম অদু কুপনা য়েংশিল্লবা মতুংদা মথৌ তারবদি মখোয়না অতৈ অতোপ্পা থবক থৌরমশিংদা থিংজিনবা নত্ত্রগা অথিংবশিং থম্বা য়াই।
অনৌবা ইকোনোমিক রিফর্মশিং অসিনা ভারতকী শুন্দ্রং অমসুং এতোমিক্কী তৌবা ঙম্বশিংদা মখোয়গী পাঙ্গল মপুং ফানা খঙহনবদা তোপ-তোপ্পা খুদোংচাবা অমা ফংহল্লগনিঃ দা. জিতেন্দ্র সিংহ
কেন্দ্রগী মন্ত্রী দা. জিতেন্দ্র সিংহনা হায়খ্রে মদুদি প্রধান মন্ত্রী শ্রী নরেন্দ্র মোদীনা কোবিদ-১৯গী লাইচৎকা মায়োক্ননবগীদমক লাওথোকখিবা লুপা করোর লাখ ২০গীইকোনোমিক পেকেজ অসি, অতৈ লমশিংদা নত্তনা মেদিকেল আইসোতোপ শিজিন্নদুনা কেন্সর হোংনা লায়েংবদা ইনোৎ পীবা অমসুং এতোমিক ইনর্জী দিপার্তমেন্ত (DAE)গী লমজিং মখাদা PPP (পব্লিক-প্রাইবেৎ-পার্তিসিপেশন) মোদতা অখন্নবা রিয়েক্তর অমা শেম শাবদা ইনোৎ হাপ্লগনি।
কোবিদ-১৯গা মায়োক্নবদা ভারতনা লৌরিবা থৌদাংদা মতেং পাংনবগীদমক্তা TDBনা তেক্নোলোজীশিংগী অয়াবা পীখ্রে
দিপার্তমেন্ত ওফ সাইন্স এন্দ তেক্নোলোজী (DST)গী স্তেতুতরী বোদী অমা ওইরিবা তেক্নোলোজী অমসুং দিবেলপমেন্ত বোর্দ (TDB)না কোবিদ লাইচৎ অসিবু থিংনবা সাইন্তিস্তশিং, তেক্নোলোজিস্তশিং, ওন্ত্রপ্রিনরশিং অমসুং ইন্দস্ত্রিয়েলিস্তশিংনা হোৎনরিবশিং অসিবু মপুং ফানা শৌগৎলি। মসিদা নত্তনা, TDBনা হেল্থ কেয়র ইমর্জেন্সীগী থৌরাং লৌখৎপদা লৈবাক অসিনা হোৎনরিবশিং অসি শৌগৎনবগীদমক অনৌবা পাম্বৈশিংসু থিজিল্লি। হৌখিবা চয়োল খরা অসিদা TDBনা মখোয়গী ইভালুয়েসন প্রোসেসকী পাম্বৈনা, তোঙান তোঙানবা মফমশিংগা মরী লৈনবা পুখৎলকপা ৱাফমশিং খন্ন-নৈনরি। হৌজিক ফাওবদা TDBনা কমর্সিয়েলাইজেসনগীদমক্তা প্রোজেক্ত তরুক্কী অয়াবা পীখ্রে, মদুগী মনুংদা থর্মেল স্কেনর, মেদিকেল দিভাইস, মাস্ক অমসুং দাইগ্নোস্তিক কিৎশিং য়াওরি।
কোরোনাদগী পারাশিং তমহৌরগা অনৌবা খুহিং অমা হিংনবা উপ রাস্ত্রপতি শ্রী নাইদুনা ফোঙদোকখ্রে।
ভারতকী উপ রাস্ত্রপতি অমসুং রাজ্য সভাগী চিয়র্মেন শ্রী এম. ভেঙ্কায়া নাইদুনা কোরোনাগী মতমদা অনৌবা পুন্সি মহিং অমা হিংনবা লৌখৎপা মথৌ তারিবা পাম্বৈশিং অদু ফোঙদোকখ্রে অমসুং মসিগী নিউ নোর্মল অসিনা ভাইরস অসি লাকশিন্নবা, কোরোনাগী লাইচৎ অসিনা হৌজিক ফাওবদা তাক্লিবা পারাশিংদগী তমহৌবা য়াবা পোইন্ত ১২গী ফ্রেমৱর্ক অমা পুথোকখ্রে। ভাইরস অসি হান্না খন্নরম্বদগী হেন্না শাংথনা লৈরগনি হায়বা উবা ফংবগী চৈরক অসিদা মহাক্না পুন্সি অমসুং মীনুংশিগী মায়কৈদা অনৌবা মায়োলশিং লাকহনবা মথৌ তাই ফোঙদোকখ্রে।
তুরিজম মন্ত্রালয়না “দেখো অপনা দেশ”কী মখাদা “উত্তরাখন্দ সিম্পলী হেবন” হায়না মিংথোনবা ২০শুবা ৱেবিনার শিনখ্রে
পি.আই.বি. ফিল্দ ওফিসশিংদগী ফংবা পাউ
- পঞ্জাব: পঞ্জাব সরকারনা লনাইগী স্কুলশিংদা ২০১৯-২০দা লৌখিবা স্কুল ফীশিং অদুদগী ২০২০-২১না হেনগত্তনবা খঙহল্লকখ্রে। মসিগী মতাংদা রাজ্য অদুগী লনাইগী অন-এদেদ সকুলশিংগী মেনেজমেন্ত/প্রিন্সিপালশিংদা চিথি অমা ইখ্রে। হৌখিবা নুমিৎ ৪নিদা নোংমগী ওইবা কেসশিং থোরকপা হন্থরকপগী শরক অসিদা রাজ্য অসিদা মেগী ৩১ ফাওবা কর্ফ্যুগী মহুত্তা লোকদাউন ওইনা তৌনবা পঞ্জাবকী মুখ্য মন্ত্রীনা লাউথোকখ্রে, মরক অসিদা মেগী ১৮দগী নন-কন্তেনমেন্ত জোনশিংদা অকক্নবা পব্লিক ত্রান্সপোর্ৎ থবক তৌবা হৌহনবা অমসুং কোমথোকপা য়াবামখৈ খোমথোক্নবা খঙহল্লকখ্রে।
- হরিয়ানা: হরিয়ানাগী মুখ্য মন্ত্রীনা কেন্দ্রগী ফাইনান্স মন্ত্রী, শ্রীমতি নির্মলা সিতারামন্না লাউথোকখিবা কন্দ্রগী লুপা কোতি ২০গী ইকোনোমিক পেকেজকী অরোইবা শরুক অদুবু তরাম্না ওক্লদুনা প্রধান মন্ত্রী, শ্রী নরেন্দ্র মোদিবু ২০২০-২১দা রাজ্য অসিগী শেল পুবগী চাং অদু গ্রোস স্তেত দোমেস্তিক প্রোদক্তকী চাদা ৩দগী চাদা ৫দা হেনগৎপগীদমক্তা তৌবিমল খংবা উৎখ্রে, মসিনা রাজ্য সরকারদা অহেনবা রিসোর্স পীরি।
- হিমাচল প্রদেশ: মুখ্য মন্ত্রীনা কেন্দ্রগী ফাইনান্স মন্ত্রী নির্মলা সিতারামন্না আতমানির্ভর ভারত পেকেজগী ত্রাঞ্চ Vগী মখাদা লাউথোকখিবা অদুবু থমোয় শেংনা থাগৎখি।
- মহারাস্ত্র: মহারাস্ত্রনা নোংম খক্তদা খ্বাইদগী য়াম্বা অনৌবা কোবিদ-১৯গী পোজিতিব ওইবগী কেস ২,৩৪৭ লৈখিবগী রিপোর্ৎ পীরকখ্রে, মসিনা রাজ্য অসিগী তেলিদা ৩৩,০৫৩ য়ৌহনখ্রে। অনৌবা রিপোর্ৎকী মতুং ইন্না রাজ্য অসিদা হৌজিক ফাওবদা এক্তিব কেস ২৪,১৬১ লৈরি, অদুগা হৌজিক ফাওবদা পেসেন্ত ৭৬৮৮ অমদি লাইনা অসিদগী নাবা ফখ্রে।
- গুজরাত: অনৌবা কোবিদ-১৯গী কেসশিং রিপোর্ৎ তৌরকখ্রে, মসিনা পোজিতিব ওইবা পেসেন্তশিংগী তেলী অদু ১১,৩৭৯ য়ৌহনখ্রে। হৌজিক ফাওবদা নাবা ফখিবা পেসেন্তশিংগী অপুনবা মশিং অদু ৪৪৯৯ শুখ্রে। রাজ্য অসিদা কোবিদ-১৯গী কেসশিং অদু লেপ্তনা হেনগৎচরবসু ফখিবগী চাংসু হেনগৎলকখ্রে অমসুং রাজ্য অসিদা ৩৯.৫৩গী চাংদা নাবা ফবা হেনগৎলকখ্রে।
- রাজস্থান: ঙসিগী নুংথিলগী পুং ২ ফাওবদা অনৌবা কোবিদ-১৯গী কেস ১৭৩ রিপোর্ৎ তৌরকখ্রে, মসিনা রাজ্য অসিদা পোজিতিব ওইবা পেসেন্তশিংগী মশিং অদু ৫৩৭৫ য়ৌহনখ্রে। দঙ্গর্পুরনা ঙসি খক্তদা অনৌবা কেস ৬৪ রিপোর্ৎ তৌরকখ্রে।
- মধ্য প্রদেশঃ কোবিদ-১৯গী অনৌবা কোস ১৮৭ লাক্তুনা রাজ্য অসিদা পুন্না পোজিতিব কেস ৪৯৭৭ শুখ্রে। হৌজিক ফাওবদা ফখ্রবা অনাবা মশিং অসি ২৪০৩নি। খ্বািদগী নৌবা পাউদা রাজ্য় অসিদা এক্তিব কেস ২৩২৬ লৈরি।
- গোৱাঃ ঙরাং কোবিদ-১৯গী অনৌবা কেস ৯ লাকখ্রে, গোৱাদা কোবিদ-১৯গী কেস পুন্না ২২ শুখ্রে। অনৌবা কোবিদ-১৯গী কেস অসিদগী ৮দি মখাগী লম্বীদা মহারাস্ত্রদগী লাকখিবনি, অমনা কর্নাতক্তগী লাকখিবনি। অনাবা লোইনমক ESI হোস্পিতালদা লায়েংলি।
- ছত্তিসগরঃ ছত্তিসগরদা অনৌবা কেস ১৯ রিপোর্ত তৌখ্রে রাজ্য অসিদা কোবিদ-১৯ কেস পুন্না ৮৬ শুরে। রাজ্য অসিদা কোবিদনা মরম ওঅদুনা মীওই অমত্তা শিদ্রি।
- কেরলাঃ লোকদাউনগী কাংলোনশিং কোমথোকখ্রেঃ রেদ জোন নত্তনা অতৈ মফমশিংদা দিস্ত্রিক্ত মনুং খক্তদা অতেনবা মফমগী বস সর্বিসশিং অমসুং ওতো রিক্ষা চেনবা হৌরগনি। দিস্ত্রিক্ত লান্না চেনবগীদি থোরিতীশিংদগী পাস মথৌ তাগনি।
- তমিল নাদুঃ সরকারনা হায়খ্রে মদুদি রাজ্য অসিদা সাইক্লোন ‘অম্ফান’গী শাফু মায়োক্নরোই, অদুম ওইনমক ইন্দিয়ন মেতিওরোলোজিকেল দিপার্তমেন্তকা লোইননা ফিভম চাং নাইনা য়েংশিল্লি।
- কর্নাতকঃ ঙসি নুমিৎয়ুংবা পুং ১২ ফাওবদা অনৌবা কেস ৮৪ লাকখ্রে। অপুনবা তেল্লী অসি ১২৩১ য়ৌখ্রে, শিবনা ৩৭, ফখিবনা ৫২১. এক্তিব কেসনা ৬৭২ শুখ্রে।
- আন্ধ্র প্রেদশঃ রাজ্যদা কেন্দ্রগী গাইদলাইনশিং ইন্দুনা মে ৩১ ফাওবা লোকদাউন শাংদোকখ্রে। MSMEশিংগী তেংবাংগীদমক লুপা করোর ৯০৪.৮৯ পেকেজগী অহানবা ইন্সতোলমেন্ত মে ২২দা থাদোক্লগনি।
- তেলঙ্গনাঃ সরকারগী হোস্পিতাল খুদিংমক্তা থবক হৌরগনি; গান্ধী হোস্পিতাল, চেস্ত হোস্পিতালশিং নোদল কোবিদ সেন্তরশিং ওইনা থবক মখা চৎথখিগনি।
- অরুনাচল প্রদেশঃ দিস্ত্রিক্ত মনুং খক্তগী ওইনা ঙসিদগী স্তেৎ ত্রান্সপোর্ত বস চেনবা হৌরে। শুপ্নগী বস চাদা য়াঙ্খৈ খক লম্বীদা চেনখি।
- অসমঃ অসমদা, মুম্বাইদগী হল্লকপা কোবিদ-১৯ কেন্সরগী অনাবা অমাশিখ্রে, গোলাঘাত্তা মীওই অনি অমগা পোজিতিব ওইরে, পুন্না কেস ১০৪, এক্তিব কেস ৫৮ অমসুং শিখিবা ৩নি।
- মনিপুরঃ মনিপুরদা, মীওই ১২০৮ সরকারগী ক্বরেন্তাইন সেন্তরশিংদা লৈরি অমসুং মীওই মশিং ৪১৬৫না কম্যুনিতী ক্বরেন্তাইন সেন্তরশিংদা লৈরি।
- মেঘালয়ঃ মেঘালয়দা অমত্তা ঙাইরবা কোবিদ-১৯ পোজিতিব কেসকী অনিশুবা তেস্ত তৌখ্রে অমসুং তেস্ত নেগতিব ওইরে। CM কোনরাদ সঙ্গমানা হায়খ্রে অনাবা অদু ফরে হায়না লাওথোকপা য়ারে।
- মিজোরমঃ হৌজিক ফাওবদা মিজোরম অপুনবদা লোকদাউন/কর্ফ্যু থুগাইবগী থৌদোক ১৩১ রিপোর্ত তৌখ্রে। FIR ১৯ তৌখ্রে অমসুং মীওই ৮৭ ফাখ্রে।
- নাগালেন্দঃ সরকারনা ওর্দর থোকখ্রে মদুদি মেগী ১৮দগী রাজ্য অসিদা চংলকপা খুদিংমক্না নুমিৎ ১৪নি ইন্সতিত্যুস্নেল ক্বরেন্তাইন তৌগদবনি অমসুং মতুংদা নুমিৎ ১৪নি হোম ক্বরেন্তাই শোইদনা তৌগদবনি।
- সিক্কিমঃ লৈবাক্কী মফম কয়াদা লৈরিবা সিক্কিমগী মীওইশিং পুথোরক্নবা থৌরাংগী খোংজেল য়েংশিনবা স্তেৎ তাস্ক ফোর্সকী মীফম অমা চীফ সেক্রেতরীনা ময়াই তাংবল লৌদুনা পাংথোকখ্রে।
- ত্রিপুরাঃ পন্দুনা লৈরম্বী মীওইশিং পুদুনা শ্রমিক স্পিসিয়েল ত্রেন চেন্নৈদগী অগরতালা থুংখ্রে। অতোপ্পা ত্রেন অমসু ঙসি বেঙ্গলোরদগী অগরতালা য়ৌরক্লগনি।
পি.আই.বি. ফেক্ত চেক
****
(Release ID: 1624966)
Visitor Counter : 213
Read this release in:
Punjabi
,
English
,
Urdu
,
Hindi
,
Marathi
,
Assamese
,
Bengali
,
Gujarati
,
Tamil
,
Telugu
,
Kannada
,
Malayalam