য়ুমলৈ-কৈরৈ মন্ত্রালয়
লোকদাউন ৪.০-স্তেৎশিং/য়ু.তি.শিংনা এম.ঐচ.এ.গী চৎনা কাঙলোনশিংগী মখাদা থম্লিবা অথিংবশিং অসি শেমদোকপা য়ারোই; লোকেল লেবেল এসেসমেন্ত অমসুং হকশেলগী মন্ত্রালয়গী চৎনা কাঙলোনশিংদা য়ুম্ফম ওইরগা চৎনবখক য়াগনি: এম.ঐচ.এ.
Posted On:
18 MAY 2020 1:43PM by PIB Imphal
১৭.০৫.২০২০দা হোম মন্ত্রালয়না কোবিদ-১৯ লাকশিন্নবা লোকদাউনগী অথিংবশিংগী মতাংদা শেমদোক্লবা চৎনা কাঙলোনশিং থোকখ্রে। লোকদাউন অসি তাং ৩১.০৫.২০২০ ফাওবা শাংদোকখিবনা, অথিংবশিংদা পাক শন্না কোমথোক্লি।
ঙসিদগী চৎনরিবা অনৌবা চৎনা কাঙলোনশিংগী মখাদা, ১৭.০৫.২০২০দা হকশেল অমসুং য়াইফ-য়ুম্বাল মন্ত্রলয়না থোকখিবা শেমদোক্লবা চৎনা কাঙলোনশিংগী মতুং ইন্না স্তেৎশিং অমসুং য়ু.তি.শিংনা হৌজিক রেদ, ওরেঞ্জ অমসুং গ্রীন জোনশিং লেপচগনি। রেদ/ওরেঞ্জজোনশিং মনুংদা, লোকেল লেবেল তেক্নিকেল ইনপুৎশিং অমসুং হকশেল মন্ত্রালয়গী চৎনা কাঙলোনশিংদা য়ুম্ফম ওইরগা লোকেল ওথোরিতীনা কন্তেনমেন্ত অমসুং বফর জোনশিং খন্দোক্কনি।
কন্তেনমেন্ত জোনশিংগী মনুংদা, মমাংগীগুম্না অকোয়বগী অকনবা চেকশিল-থৌরাং লৌখৎকনি অমসুং ইসেন্সিএল এক্তিবিতীশিং খক্তমক অয়াবা পীগনি। লৈবাক শিনবা থুংনা অকক্নবা থবক-থৌরমশিংদা অদুমক অথিংবা থমখিগনি। এম.ঐচ.এ..গী চৎনা কাঙলোনশিংগী মখাদা অখন্ননা থিংলিবা নৎতনা অতোপ্পা থবক থৌরমশিংদা লোয়নমক অয়াবা পীরি।
মসিগী পোইন্তশিংগী মখাদা, এম.ঐচ.এ..না স্তেৎশিং/য়ু.তি.শিংদা হঞ্জিন-হঞ্জিন হায়রি মদুদি শেমদোকলবা চৎনা কাঙলোনশিংগী মখাদা পীরিবা লোকদাউনগী অথিংবশিংদা পাক শন্না কোমথোকপশিং পীরবসু, স্তেৎশিং/য়ু.তি.শিংনা এম.ঐচ.এ..গী চৎনা কাঙলোনদা থম্লিবা অথিংবশিং শেমদোকপা য়ারোই। ফীফম অদু কুপনা য়েংশিল্লবা মতুংদা মথৌ তারবদি মখোয়না অতৈ অতোপ্পা থবক থৌরমশিংদা থিংজিনবা নত্ত্রগা অথিংবশিং থম্বা য়াই।
মখা তানা, লোকেল লেবেল জোনশিং লেপথোকপা মতমদা এম.ও.ঐচ.এফ.দবল্যু.না থোকপা শে্মদোকলবা চৎনা কাঙলোনশিংদা পীরিবা বেঞ্চমার্কশিং/থ্রেস হোল্দশিং অদু স্তেৎশিং/য়ু.তি.শিংনা ইনগদবনি। মীয়ামনা খুদোং চাননবগীদমক লোকেল লেবেলদা সেন্তর অমসুং স্তেৎকী ওইবা চৎনা কাঙলোনশিং অদু পাক শন্না লাউথোকউ হায়নসু খঙহল্লি।
****
(Release ID: 1624867)
Visitor Counter : 203
Read this release in:
Hindi
,
English
,
Urdu
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam