প্রধান মন্ত্রী শ্রী নরেন্দ্র মোদীনা ২০২০গী মে ১২দা ভারতকী জি.দি.পি.গী চাদা ১০গা মানবা লুপা করোর লাখ ২০গী স্পিসিয়েল ইকোনোমিক অমসুং কম্প্রেহেন্সিব পেকেজ অমা লাওথোকখি। মহাক্না আত্মনির্ভর ভারত অভিয়ান নত্রগা সেল্ফ-রেলিয়েন্ত ইন্দিয়া মুবমেন্তকীদমক ক্লেরিয়ন অমা পীখি। মহাক্না আত্মনির্ভর ভারতকী য়ুম্বী মঙাসু পনখি – ইকোনোমী, ইনফ্রাস্ত্রকচর, সিস্তেম, বাইব্রেন্ত দেমোগ্রাফী অমসুং দিমান্দ।

কেন্দ্রগী ফাইনান্স অমসুং কোর্পোরেৎ এফিয়ার্ মন্ত্রী শ্রীমতী নির্মলা সিতারমন্না ঙসি মহাক্কী প্রেস কনফরেন্সতা এগ্রিকলচর, ফিসরিজ অমসুং ফুদ প্রোসেসিং সেক্তরশিংগীদমক এগ্রিকলচর ইনফ্রাস্ত্রকচর লোজিস্তিক্স, কেপাসিতী বিলদিং, গবর্নান্স অমসুং এদমিনিস্ত্রেতিব রিফোর্মশিং মপাঙ্গল কনখৎহন্নবা খোঙথাংশিংগী ৩সুবা ত্রেন্স লাওথোকখি।

অকুপ্পা ৱারোল পীরদুনা শ্রীমতী নির্মলা সিতারমন্না হায়খি মদুদি খোঙথাং ১১ অসিগী মনুংদা খোঙথাং ৮দি এগ্রিকলচর ইনফ্রাস্ত্রকচর ফগৎহন্নবগীনি অমসুং খোঙথাং ৩না ফার্ম প্রদ্যুসকী সেল অমসুং স্তোক লিমিৎতা অথিংবা লৌথোকপা য়াওনা এদমিনিস্ত্রেতিব অমসুং গবর্নান্স রিফোর্মশিংগীদমক্তনি।

মহাক্কী হৌদোক ৱারোলদা কেন্দ্রগী ফাইনান্স মিনিস্তরনা হায়খি মদুদি লৌমীশিংবু তেংবাংনবা ঙরাং মরুওইবা এগ্রিকলচরগা মরী লৈনবা খোঙথাং অনিসু লাওথোকখ্রে, রবি লৌরোক মতুং অমসুং খারিফ চাদিংশিংগীদমক আর.আর.বি.শিং অমসুং কোওপরেতিব বেঙ্কশিংবু ফার্ম লোনশিং পীবা ঙমহন্নবা নাবার্দকী খুত্থাংদা অহেনবা ইমার্জেন্সী ৱার্কিং কেপিতেল ফেসিলিতী ওইনা লুপা করোর ৩০,০০০ অমসুং অনিশুবা অদুনা ২০২০গী দিসেম্বর ফাওবদা কিসান ক্রিদিৎ কার্দ স্কিমগী মখাদা পি.এম.-কিসান বেনেফিসরী করোর ২.৫ কভর তৌদুনা ফার্ম সেক্তরদা লুপা করোর লাখ ২গী ক্রিদিৎ হেঙ্গৎপা ঙমহন্নবা মিসন মোদ দ্রাইব অমা।

হৌখিবা থা ২দা সরকারনা করি তৌখ্রবগা হায়বদু ফোংদোক্লদুনা ফাইনান্স মিনিস্তরনা হায়খি মদুদি লোকদাউন মতম মনুংদা লুপা করোর ৭৪,৩০০ হেনবা শেনফমগী মিনিমম সপোর্ত প্রাইস (এম.এস.পি.) লৈশিনখ্রে, লুপা করোর ১৮,৭০০কী পি.এম. কিসান ফন্দ ত্রান্সফর তৌখ্রে অমসুং পি.এম. ফস বিমা য়োজনানা লুপা কোরোর ৬,৪০০ পীখিবগী ক্লেম তৌরি।

মখা তারকপদা, লোকদাউন মনুংদা শঙ্গোমগী দিমান্দ চাদা ২০-২৫ হন্থখি। মদুংগী মতুং ইন্না নুমিৎ খুদিংগী য়োনবা লাখ লিতর পর দে (এল.এল.পি.দি.) ৩৬০গা য়েংনবদা কোওপরেতিবশিংনা এল.এল.পি.দি. ৫৬০ পুথোকখি। অপুনবা শঙ্গোম লিতর করোর ১১১ লৈশিন্দুনা লুপা করোর ৪,১০০ পেমেন্ত তৌখি।

মখা তারকপদা, ২০২০-২১গীদমক দেরী কোওপরেতিবশিংদা চহিগী ওইনা চাদা ২গী চাংদা শেন্দোয় কোমথোক্নবা অনৌবা স্কিম অমা হৌদোকখ্রে, প্রোম্পত পেমেন্ত/ইন্তরেস্ত সর্বিসিংদা চহিগী ওইনা চাদা ২গী শেন্দোয়সু কোমথোক্লি। স্কিম অসিনা লুপা করো ৫,০০০গী অহেনবা লিক্বুইদিতী অনোক তৌদুনা লৌমী করোর ২দা কানহল্লি।

ফিসরিজ সেক্তরগীদমক, মার্চ ২৪দা ফিসরিজকীদমক কোবিদকা মরী লৈননা লাথোখিবা ৪মক ইমপ্লিমেন্ত তৌরে। মখা তারকপদা, ৩১.০৩.২০২০দা মতম লোইরবা রিজিস্তার তৌরবা শ্রিম্প হেতচরিজ অমসুং নৌপলিরিয়ারিং হেতচরিজ ২৪২গী রেজিস্ত্রেসন থা ৩গীদম শাংদোক্লে অমসুং ইনলেন্দ ফিরিজ কভর তৌনবা মেরিন কেপচর ফিসরিজ অমসুং এক্বাকলচরগী ওপরেসন কোমথোক্লে।

শ্রীমতী সিতারমন্না হায়খি মদুদি ঙসি লাওথোক্লিবা অসিনা লৌমীশিং, ঙামীশিং, ফুদ প্রোসেসিং মাইক্রো ইন্তরপ্রাইজশিংগী পুন্সিদা লোং-তর্ম অমসুং সস্তেন্দ ইম্পেক্ত ফংহল্লগনি।

ফাইনান্স মিনিস্তরনা এগ্রিকলচর, ফিসরিজ অমসুং ফুদ প্রোসেসিং সেক্তরশিংগীদমক ইনফ্রাস্ত্রকচর লোজিস্তিক্স অমসুং কেপাসিতী বিলদিং কনখৎহন্নবা মখাগী খোঙথাংশিং অসি লাওথোকখ্রে:-

১. লৌমীশিংগী ফার্ম-গেৎ ইনফ্রাস্ত্রকচরগীদমক লুপা করোর লাখ ১গী এগ্রি ইনফ্রাস্ত্রকচর ফন্দ

ফার্ম-গেৎ অমসুং এগ্রিগেসন পোইন্তশিং (প্রাইমারী এগ্রিকলচরেল কোওপরেতিব সোসাইতিজ, ফার্মর্স প্রোদ্যুসর ওর্গনাইজেসন্স, এগ্রিকলচর ইন্তরপ্রিনর্স, স্তার্ত-অপস, অসিনচিংবা)দা এগ্রিকলচর ইনফ্রাস্ত্রকচর প্রোজেক্তশিংদা ফন্দিংগীদমক লুপা করোর ১,০০,০০০গী ফাইনান্সিং ফেসিলিতী ফংহল্লগনি।

২. মাইক্রো ফুদ ইন্তরপ্রাইজেস (এম.এফ.ই.)কী ফোর্মেলাইজেসনগীদমক লুপা করোর ১০,০০০গী স্কিম

ফসাই ফুদ স্তেন্দর্দ ফংনবা, ব্রান্দশিং শেমগৎনবা অমসুং মার্কেতিংদা তেক্নিকেল অপগ্রেদেসন দরকার ওইবা মাইক্রো ফুদ ইন্তরপ্রাইজেস লাখ ২দা মতেং পাংনবা প্রধান মন্ত্রী শ্রী নরেন্দ্র মোদীগী মিৎয়েং ‘ভোকেল ফোর লোকল ৱিথ গ্লোবেল আউৎরিচ’ প্রমোৎ তৌবা স্কিম অমা হৌদোক্লগনি। সেল্ফ হেল্প গ্রুপশিং অমসুং কোওপরেতিবশিংদা মতেং পাংগনি।

৩. প্রধান মন্ত্রী মতস্য সম্পাদা য়োজনা (পি.এম.এম.এস.ৱাই.)গী থোংদা ঙামীশিংগীদমক লুপা করোর ২০,০০০

সরকারনা মেরিন অমসুং ইনলেন্দ ফিসরিজকী ইন্তিগ্রেতেদ, সস্তেনেবল, ইনক্লুসিব দিবেলপমেন্তকীদমক পি.এম.এম.এস.ৱাই. হৌদোক্লগনি। মেরিন, ইনলেন্দ ফিসরিজ অমসুং এক্বাকলচরদা এক্তিবিতীশিংগীদমক লুপা করোর ১১,০০০ অমসুং ফিসিং হার্বর, কোল্দ চেন, মার্কৎনচিংবা ইনফ্রাস্ত্রকচরগীদমক লুপা করোর ৯,০০০ পীথরগনি। কেজ কলচর, সীৱীদ ফার্মিং, ওর্নামেন্তেল ফিসরিজ লোয়ননা অনৌবা ফিসিং ভেসেল্স, ত্রেসিয়েবিলিতী, লেবোরেতরী নেৎৱার্কনচিংবশিং অসি মরুওিবা এক্তিবিতীশিং ওইগনি। মসিনা চহী ৫দা তন লাখ ৭০গী অহেনবা ঙাগী পোত্থোক ফংহল্লগনি, মীওই লাখ ৫৫দা থবক ফংহল্লগনি অমসুং এক্সপোর্ত শরুক অনি ওইহন্দুনা লুপা করোর ১,০০,০০০ ওইহল্লগনি। ইথৎ লমদমশিং, হিমালায়ান স্তেতশিং, অৱাং-নোংপোক অমসুং শোত্থরিবা জিলাশিংগী মিৎয়েং থমগনি।

৪. নেস্নেল এনিমেল দিজিজ কন্ত্রোল প্রোগ্রাম

ফুত এন্দ মাউথ দিজিজ (এফ.এম.দি.) অমসুং ব্রুসেলোসিসকীদমক শন, ইরোই, য়াও, হমেং, অমসুং ওক (অপুনবা শা করোর ৫৩)শিংবু চাদা ১০০ তিকা থাবা ঙমহন্নবা লুপা করোর ১৩,৩৪৩গী শেঞ্জংগা লোযননা ফুত এন্দ মাউথ দিজিজ (এফ.এম.দি.) অমসুং ব্রুসেলোসিসকীদমক নেস্নেল এনিমেল দিজিজ কন্ত্রোল প্রোগ্রাম হৌদোকখি। ঙসি ফাওবদা শন অমসুং ইরোই করোর ১.৫ তেগ তৌখ্রে অমসুং তিবা থাখ্রে।

৫. এনিমেল হজবেন্দরী ইনফ্রাস্ত্রকচর দিবেলপমেন্ত ফন্দ – লুপা করোর ১৫,০০০

দেরী প্রোসোসিং, ভেল্যু এদিসন অমসুং কেতল ফীদ ইনফ্রাস্ত্রকচরদা প্রাইবেৎ ইনবেস্তমেন্ত সপোর্ত তৌনবা পান্দম অমগা লোয়ননা লুপা কোতি 15,000গী এনিমেল হজবেন্দরী ইনফ্রাস্ত্রকচর দিবেলপমেন্ত ফন্দ অমা লিংখৎলগনি।

৬. হর্বল কল্তিবেসনগী প্রমোসন : লুপা করোর ৪,০০০গী শেঞ্জং

মেদিকেল প্লান্তশিংগী কল্তিবেসনগী মখাদা নেস্নেল মেদিসিনেল প্লান্তস বোর্দ (এন.এম.পি.বি.)না হেক্তর লাখ ২.২৫গী এরিয়া সপোর্ত তৌরি। লুপা করোর ৪,০০০গী শেঞ্জংগা লোয়ননা মথংগী চহি অনিদা হর্বল কল্তিবেসনগী মখাদা হেক্তর ১০,০০,০০০ কোন্সিল্লগনি। মসিনা ফার্মরশিংগীদমক লুপা করোর ৫,০০০গী ইনকম জেনরেৎ তৌহল্গনি। মেদিস্নেল প্লান্তশিংগীদমক রিজনেল মন্দিশিংগী নেৎৱার্ক লৈরগনি। এন.এম.পি.বি.না গঙ্গা তোর্বান্দা হেক্তর ৮০০গী ওইবা মেদিসিনেল প্লান্তশিংগীকোরিদোর অমা দিবেলপ তৌরগনি।

৭. বীকীপিং ইনিসিয়েতিব – লুপা করোর ৫০০

সরকারনা স্কিম অমা হৌদোক্লগনি:

 ১.

1. ইন্তিগ্রেতেদ বীকীপিং দিবেলপমেন্ত সেন্তর্স, কলেক্সন, মার্কেতিং অমসুং স্তোরেজ সেন্তর্স, পোস্ত হার্বেস্ত অমসুং ভেল্যু এদিসন ফেসিলিতীগা মরী লৈনবা ইনফ্রাস্কচর দিবেলপমেন্ত;
2. স্তেন্দর্দ অমসুং দিবেলপিং ত্রেসিয়েবিলিতী সিস্তেমগী ইমপ্লিমেন্তেসন
3. নুপীদা শাফুগা লোয়ননা কেপাসিতী বিলদিং
4. ক্বালিতী ন্যুক্লিয়স স্তোক অমসুং বী ব্রীদর্সকী দিবেলপমেন্ত

মসিনা বীকীপর লাখ ২গী ইনকম হেঙ্গৎহল্লগনি অমসুং কঞ্জুমরশিংদা অফবা খোইহি ফংহল্লগনি।

৮. ‘তোপ’তগী তুতেল ফাওবা – লুপা করোর ৫০০

ফুদ প্রোসেসিং ইন্দস্ত্রী মন্ত্রালয়না চলায়বা “ওপরেসন গ্রীন্স” খামেন অশিনবা, তিলহৌ অমসুং আলুদগী উহৈ-ৱাহৈ অমসুং মনা-মশিং পুম্নমক্তা চৎনরগনি। স্কিম অসিনা সরপ্লসতগী দিফিসিয়েন্ত মার্কেৎশিং ফাওবদা ত্রান্সপোর্তেসন্দা চাদা ৫০, স্তোরেজদা চাদা ৫০ সবসিদী পীগনি।

প্রেস কনফরেন্স মনুংদা কেন্দ্রগী ফাইনান্স মিনিস্তরনা এগ্রিকলচর সেক্তরগীদমক গবর্নান্স অমসুং এদমিনিস্ত্রেতিব রিফোর্মসকীদমক মখাগী খোঙথাংশিং অসিসু লাওথোকখি:-

১.  লৌমীশিংগীদমক হেন্না ফবা মমল ফংবা ঙমহন্নবা ইসেন্সিয়েল কমোদিতীজ এক্ত এমেন্দ তৌবা

সরকারনা ইসেন্সিয়েল কমোদিতীজ এক্ত এমেন্দ তৌরগনি। চেং-চাক, অচাথাউ, থাউ থোকপা মরু-মরাং, হৱাই, তিলহৌ অমসুং আলু য়াওনা এগ্রিকলচর ফুদ স্তফশিং দিরেগুলেৎ তৌরগনি।

২. লৌমীশিংদা মার্কেতিং চোইস ফংহন্নবা এগ্রিকলচর মার্কেতিং রিফোর্মস

মখাগী অসি ফংহন্নবা সেন্ত্রেল লো অমা ফোর্মুলেৎ তৌরগনি:-

• মতিকচাবা মমলদা মখোয়গী পোত্থোকশিং য়োন্নবা লৌমীদা চপচাবা অপাম্বশিং;
• ইন্তর স্তেত ত্রেদতা অথিংবা লৈতবা;
• এগ্রিকলচর পোত্থোকশিংগী ই-ত্রেদিংগীদমক ফ্রেমৱার্ক অমা

৩. এগ্রিকলচর প্রোসিজর প্রাইসিং অমসুং ক্বালিতী এসুরেন্স:

লৌমীশিংবু অচুম্বা অমসুং মনুং-মপান ফাওনা উবা মওংদা প্রোসেসর, এগ্রিগেতর, অচৌবা রিতেলরশিং, এক্সপোর্তরশিং অসিনচিংবশিংগা লোয়ননা শম্নহনবা ঙমহন্নবগীদমক ফেসিলেতিব লেগেল ফ্রেমৱার্ক শেম্লগনি। লৌমীশিংগীদমক রিস্ক হন্থহনবা, রিতর্নস শোইহন্দবা অমসুং ক্বালিতী স্তেন্দরদাইজেসন অসি ফ্রেমৱার্ক্কী মরুওইবা শরুক ওইগনি।

****