ସ୍ଵରାଷ୍ଟ୍ର ବ୍ୟାପାର ମନ୍ତ୍ରଣାଳୟ
ଉଭୟ କୋଭିଡ ଓ ଅଣ କୋଭିଡ ଜରୁରି ଚିକିତ୍ସା ବ୍ୟବସ୍ଥାକୁ ସୁନିଶ୍ଚିତ କରିବା ପାଇଁ କେନ୍ଦ୍ରର ଗୁରୁତ୍ୱ
• ସ୍ୱାସ୍ଥ୍ୟକର୍ମୀଙ୍କ ଯାତାୟାତ ସୁଗମ କରିବା ସହ ସବୁ ଘରୋଇ କ୍ଲିନିକ, ନର୍ସିଂହୋମ ଓ ଲ୍ୟାବ ଖୋଲିବାକୁ ସ୍ୱରାଷ୍ଟ୍ର ମନ୍ତ୍ରଣାଳୟର ପରାମର୍ଶ
Posted On:
11 MAY 2020 12:10PM by PIB Bhubaneshwar
କରୋନା ସଂକ୍ରମଣ ରୋକିବା ପାଇଁ ବିଭିନ୍ନ ରାଜ୍ୟ ସରକାର ଯେଉଁ ସବୁ କଟକଣା ଓ ପ୍ରତିବନ୍ଧକ ଲାଗୁ କରିଛନ୍ତି ସେଥିରେ ଚିକିତ୍ସକ, ଚିକିତ୍ସା କର୍ମଚାରୀଙ୍କ ଗମନାଗମନ ବ୍ୟାହତ ହେଉଛି । ଏହା ଫଳରେ ସେମାନେ ନିଜ ନିଜର ଗନ୍ତବ୍ୟ ସ୍ଥଳରେ ପହଞ୍ଚିବାରେ ଅସୁବିଧା ହେଉଥିବାରୁ ଅଣକୋଭିଡ ଚିକିତ୍ସା ସେବା ଯୋଗାଣ ପ୍ରଭାବିତ ହେଉଛି । କେନ୍ଦ୍ର କ୍ୟାବିନେଟ ସଚିବ ଗତକାଲି ସାମଗ୍ରିକ ସ୍ୱାସ୍ଥ୍ୟସେବା ବ୍ୟବସ୍ଥା ସମୀକ୍ଷା କରିବାବେଳେ ଏକଥା ଆଲୋଚିତ ହୋଇଥିଲା । ତେଣୁ ଡାକ୍ତର, ନର୍ସ ଓ ସ୍ୱାସ୍ଥ୍ୟ କର୍ମଚାରୀଙ୍କ ଗମନାଗମନକୁ ସୁଗମ କରିବା ସହ ଉଭୟ କୋଭିଡ ଓ ଅଣକୋଭିଡ ଚିକିତ୍ସାକୁ ସୁନିଶ୍ଚିତ କରିବାକୁ ଆବଶ୍ୟକ ପଦକ୍ଷେପ ଗ୍ରହଣ କରିବା ନିମନ୍ତେ ବୈଠକ ପରେ ସ୍ୱରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ସବୁ ରାଜ୍ୟ ସରକାର ଓ କେନ୍ଦ୍ରଶାସିତ ଅଞ୍ଚଳ କର୍ତ୍ତୃପକ୍ଷଙ୍କୁ ପରାମର୍ଶ ଦିଆଯାଇଛି ।
ସ୍ୱରାଷ୍ଟ୍ର ମନ୍ତ୍ରଣାଳୟର ନିର୍ଦ୍ଦେଶାବଳୀରେ ଆହୁରି କୁହାଯାଇଛି ଯେ ଦେଶର ସବୁ ଘରୋଇ କ୍ଲିନିକ, ନର୍ସିଂହୋମ ଓ ଲାବୋରେଟୋରୀ ଯେପରି ଖୋଲା ରହେ ଓ ସ୍ୱାଭାବିକ ରୋଗୀ ସେବା ଚାଲେ ରାଜ୍ୟମାନଙ୍କୁ ତାହା ନିଶ୍ଚିତ କରିବାକୁ ପଡିବ । କରୋନା ଚିକିତ୍ସାକୁ ଗୁରୁତ୍ୱ ଦେବାବେଳେ ଅନ୍ୟାନ୍ୟ ଚିକିତ୍ସା ସେବା ଯୋଗାଣ ବ୍ୟବସ୍ଥା ଏବଂ ଚିକିତ୍ସକ ଓ ଚିକିତ୍ସା କର୍ମଚାରୀଙ୍କ ଗମନାଗମନକୁ ବନ୍ଦ କରାଯାଇପାରିବ ନାହିଁ । ସବୁ ମଣିଷ ଜୀବନ ମୂଲ୍ୟବାନ ହୋଇଥିବାରୁ ଚିକିତ୍ସା ସେବା ଯୋଗାଣକୁ ଅବ୍ୟାହତ ରଖିବାକୁ ପଡିବ । ଡାକ୍ତର, ନର୍ସ, ସ୍ୱାସ୍ଥ୍ୟ କର୍ମଚାରୀ, ସଫେଇ କର୍ମଚାରୀ, ଆମ୍ବୁଲାନ୍ସ ଆଦିର ଗମନାଗମନକୁ ନିଶ୍ଚିତ ତଥା ବାଧାରହିତ କରିବାକୁ ରାଜ୍ୟମାନଙ୍କ ପରାମର୍ଶ ଦିଆଯାଇଛି ।
***************
(Release ID: 1623018)
Visitor Counter : 228
Read this release in:
English
,
Urdu
,
Marathi
,
Hindi
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam