য়ুমলৈ-কৈরৈ মন্ত্রালয়
মেদিকেল প্রোফেস্নেলশিং অমসুং পেরা-মেদিকেল স্তাফশিংগী চত্থোক-চৎশিন্দা অকাইবা পীরোইদবনি অমসুং প্রাইবেৎ ক্লিনিক, নর্সিং হোম অমসুং লেবশিং হাংদোকহনগদবনি; কোবিদ অমসুং কোবিদ নত্তবা খুদক্কী ওইবা অনাবশিং য়েংশিনবা তঙাইফদেঃ য়ুমলৈ-কৈরৈ মত্রালয়না রাজ্যশিংদা
Posted On:
11 MAY 2020 12:10PM by PIB Imphal
কেবিনেৎ সেক্রেতরীনা ময়াই তাংবল লৌদুনা মে ১০, ২০২০দা ভিদিও কনফরেন্সিংগী খুথাংদা রাজ্য/য়ু.তি. খরদা মেদিকেল প্রোফেস্নেল অমসুং পেরা-মেদিকেল পার্সনেলশিংগী চত্থোক-চৎশিন্দা অথিংবা থম্বগী মতাংদা মীফম অমা ফমদুনা খন্নখি।
মীফম অসিগী মতুং তাবা ওইনা, য়ুমলৈ-কৈরৈ মন্ত্রালয়না রাজ্য/য়ু.তি. খুদিংমক্না মীওইবগী তাংলবা পুন্সি কন্নবা অমসুং মীয়ামগী হকশেলগী ওইবা তঙাইফদবশিং পাংথোক্নবগীদমক মেদিকেল প্রোফেস্নেলশিংগী চত্থোক চৎশিন্দা অথিংবা থমদবসি তঙাইফদে হায়বা অইবা চেরোল থাখি। মখোয়গী চত্থোক-চৎশিন্দা অথিংবা থম্বনা মরম ওইদুনা কোবিদ অমসুং কোবিদ নত্তবা অনাবশিংদা অনা লাইয়েংগী ওইবা খুদোংচাদবা কয়া মাইয়োক্নরকপা য়াই হায়না মখা তাখি।
মথক্কী ৱাফমশিং অসি য়েংদুনা, চেরোল অদুদা রাজ্য/য়ু.তি. খুদিংমক্না মেদিকেল প্রোফেস্নেল, নর্স, পেরা-মেদিকেল, সেনিতেসন পার্সনেলশিং অমসুং এম্বুলেন্সশিংগী চত্থোক-চৎশিন্দা অথিংবা থমদনবা খঙহনখি। মসিনা কোবিদ অমসুং কোবিদ নত্তবা অনাবশিংদা অয়েৎপা অমত্তা য়াওদনা অনা লাইয়েংগী থবক পায়খৎপা য়াহনগনি। মখা তানা, হায়রিবা প্রোফেস্নেলশিং অসিনা রাজ্য/য়ু.তি. অমদগী অমদা চত্থোক-চৎশিন তৌবদসু রাজ্যশিংনা মতেং পাংগদবনি হায়রি।
মখা তানা পুক্নিং চিংশিল্লদুনা, প্রাইবেৎ ক্লিনিকশিং, নর্সিং হোমশিং অমসুং লেব খুদিংমকসু, মখোয়গী মেদিকেল প্রোফেস্নেলশিং অমসুং স্তাফশিংগা লোইননা হাংদোকহনগদবনি। মসিনা কোবিদ অমসুং কোবিদ নত্তবা অনাবা খুদিংদা অয়েৎপা অমত্তা য়াওদনা খুদোংচাবা ফংগনি অমসুং হোস্পিতালশিংদা লৈরিবা পোৎলুমশিং অসিসু হন্থগনি হায়খি।
মেদিকেল প্রোফেস্নেলশিংগী চত্থোক-চৎশিনগা মরী লৈননা থোকপা ওফিসিএল ওইবা চেরোলগীদমক মফম অসিদা নম্বীয়ু
****
(Release ID: 1622882)
Visitor Counter : 198
Read this release in:
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam