কেন্দ্রগী গৃহ মন্ত্রালয়না দিজাস্তর মেনেজমেন্ত এক্ত, ২০০৫গী মখাদা লোকদাউন মতম মতুংদা মেন্যুফেকচরিং ইন্দস্ত্রীশিং অমুক হন্না থবক হৌবদা চৎনগদবা গাইদলাইনশিং ইসু তৌখ্রে।

কোবিদ-১৯গী অঙনবা পাউখুমদা মার্চকী ২৫দগী হৌরগা লৈবাক পুম্বদা লোকদাউন তৌনবা খঙহনখি। জোন খরদা লোকদাউন খরা কোমথোকপনা মরম ওইদুনা এন.দি.এম.এ.গী ওর্দরশিং নম্বর.১-২৯/২০২০-পি.পি. তাং ২০২০গী মে ১ অমসুং এম.ঐচ.এ. ওর্দর নম্বর. ৪০-৩/২০২০-দি.এম.-I (এ) তাং ২০২০গী মে ১গী মতুং ইন্না অকক্নবা ইকোনোমিক এক্তিবিতী খরা অয়াবা পীখি।

চয়োল কয়াগী লোকদাউন অমদি লোকদাউন মতম মনুংদা ইন্দস্ত্রীয়েল য়ুনিৎশিং থিংদুনা থম্বনা মরম ওইদুনা ওপরেতর খরদি ইস্তাব্লিস এস.ও.পি. ইন্দবা য়াওরম্বা য়াই। মদুগী মহয় অমা ওইনা মেন্যুফেকচরিং ফেসিলিতী, পাইপ্লাইন, ভাল্ব খরদি কেমিকেলশিং লেমদুনা লৈরম্বা য়াই, মদুনা রিস্ক থোকহনবা য়াই। মসি হকচাং শোক্নীংঙাই ওইবা কেমিকেশিং অমসুং মৈ চাক্কনবা পোৎলমশিং য়াওবা স্তোরেজ ফেসিলিতীশিংগীদমকসু মসি অচুম্বনি।

নেস্নেল দিজাস্তর মেনেজমেন্ত ওথোরিতীনা ইসু তৌরি:-   

১. কেমিকেল দিজাস্তর, ২০০৭কী গাইদলাইনশিং

২. মেনেজমেন্ত ওফ কেমিকেল (তেরোরিজম) দিজাস্তর, ২০০৯গী গাইদলাইনশিং অমসুং

৩. ত্রান্সপোর্তেসন ওফ পি.ও.এল. তেঙ্কর্স, ২০১০গীদমক সেফতী অমসুং সেক্যুরিতী হেঙ্গৎহনবা, মখোয় অসি কেমিকেল ইন্দস্ত্রীশিংগীদমক মরী লৈনরি। এনভাইরনমেন্ত প্রোতেক্সন এক্ত, ১৯৮৬কী মখাদা মেন্যুফেকচর, স্তোরেজ অমসুং ইমপোর্ত ওফ হাজার্দস  কেমিকেল রুল্স, ১৯৮৯না মসিগী ইন্দস্ত্রীশিং অসিগীদমক অরেংবা আইন্দা কায়দ্রবা দরকার ওইবশিং ফংহল্লি।

লোকআউৎ/তেগআউৎ প্রোসিজরশিং মফম চানা লৈতবা মতমদা ইলেক্ত্রিকেল, মেকানিকেল নত্ত্রগা কেমিকেল ইক্বুইপমেন্ত সর্বিস নত্ত্রগা মেন্তেন তৌরিবা ওপরেতরশিং/সুপরবাইজরশিংদা ইনর্জী সোর্স কয়ানা মাংহন তাকহনবা য়াই। হেভী মেছিনরী অমসুং ইক্বুইপমেন্তশিং অসি পেরোদিকেল্লী মেন্তেন তৌদ্রবদি ওপরেতরশিং/ ইঞ্জিনীয়রশিংগীদমক খুদোংথিবা ওইরকপা য়াই।

কোম্বস্তিবল লিক্বুইদশিং, কন্তেন গ্যাসিয়স সবস্তেন্সশিং, ওপন ৱায়রশিং, কনভেয়র বেল্তশিং অমসুং ওতোমেতেদ ভেহিকলশিংনা মেন্যুফেকচরিং ফেসিলিতীশিংবু রিস্ক ৱাংবা এনভাইরনমেন্ত অমা ওইহল্লি।

থাজদবা থৌদোক অমা থোকলকপা মতমদা, রেপিদ রেস্পোন্স মেনেজ তৌবদা শিংনবা অমা ওইরকই। রিস্ক হন্থহন্নবা অমসুং ইন্দস্ত্রীয়েল য়ুনিৎশিং মায় পাক্না অমুক মথৌ তৌবদা পুক্নিং থৌগৎনা মখাগী গাইদলাইনশিং অসি ইসু তৌরে।

রাজ্য সরকারশিংনসু মসি শোইহল্লোয়দবনি মদুদি মরী লৈনবা মেজর এক্সিদেন্তেল হাজার্দ (এম.এ.ঐচ.) য়ুনিৎশিংগী ওফ-সাইৎ দিজাস্তর মেনেজমেন্ত প্লান অপ তু দেৎ ওইহনগদবনি অমদি মখোয়বু ইম্প্লিমেন্ত তৌনবা শেম-শাবা হেঙ্গৎনগদবনি। মসিমসু পাউতাক পীরি মদুদি জিলাগী থৌদাং লৌরিবা ওফিসরশিংনা ইন্দস্ত্রীয়েল ওন-সাইৎ দিজাস্তর মেনেজমেন্ত প্লানশিংসু শোইদনা থমগদবনি অমদি কোবিদ-১৯ লোকদাউন মনুং অমসুং মতুংদা ইন্দস্ত্রীশিংগী সেফ রি-স্তারতিংগীদমক স্তেনদর্দ ওপরেতিং প্রোসিজরশিং কভর তৌগদবনি।   

 মচা খায়বা গাইদলাইনশিং য়েংনবা মফম অসিদা ক্লিক তৌবীয়ু

****