ভারত সরকারনা লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা য়েংশিল্লি।

ঙসি, হকশেল অমসুং য়াইফ-য়ুম্বালগী কেন্দ্রগী মন্ত্রী দা. হর্শ বর্ধন্না ভিদিও কনফরেন্সকী থোংদা তমিল নাদু, কর্নাতকা অমসুং তেলঙ্গনাগী রাজ্য হকশেল মন্ত্রীশিংগা লোয়ননা ৱারী শানখ্রে। মদুদা মহাক্না কোবিদ-১৯গা মরী লৈননা শেম-শাদুনা হোৎনরিবশিং অমসুং থিংনবা লৌখৎলিবা খোংথাংশিং য়েঙশিংনশি। অতোপ্পা রাজ্যশিংদগী হলকপা মাইগ্রেন্ত ৱার্করশিংগী মতিক চাবা ক্বরেন্তাইন তৌনবা শিল-লাংবা য়াওনা এস.এ.আর.আই/ আই.এল.আই.গী সেম্পলিং অমসুং তেস্তিং হেঙ্গৎপগী মথৌ তাবা অদু মহাক্না মখা তাখি। আই.সি.এম.আর.না প্লেসিদ ত্রায়েল কৌবা মল্তি-সেন্তর ক্লিনিকেল ত্রায়েল অমা হৌদোক্লে। স্তদী অসি এপ্রিল ২৯দা কোবিদ-১৯ নেস্নেল ইথিক্স কম্মিতী (সি.ও.এন.ই.সি.)দগী অয়াবা ফংলে। প্লেসিদ ত্রায়েলগীদমক আই.সি.এম.আর.না ইন্সতিত্যুৎ ২১ খনগৎলে। মসিদা মহারাস্ত্রদা হোস্পিতা ৫, গুজরাত্তা ৪, রাজস্থান, তমিল নাদু, মধ্য প্রদেশ অমসুং উত্তর প্রদেশতা অনি-অনি, অমদি পঞ্জাব, কর্নাতকা, তেলঙ্গনা অমসুং চান্দিগরদা অমমম য়াওরি।

ঙসি ফাওবদা কেস অমত্তা রিপোর্ত তৌরক্তবা জিলা ২১৬ লৈরি। হৌখিবা নুমিৎ ২৮দা জিলা ৪২দা অনৌবা কেস উবা ফংদ্রে। অদুগা হৌখিবা নুমিৎ ২১দা জিলা ২৯দা অনৌবা কেস উদ্রে। হৌখিবা নুমিৎ ১৪দা অপুনবা জিলা ৩৬তা অনৌবা কেস উবা ফংদ্রে অমদি হৌখিবা নুমিৎ ৭তা জিলা ৪৬তা অনৌবা কেস উবা ফংদ্রে।

হকশেল মন্ত্রালয়না মীরমদগী হলকপশিং/কন্তেক্তশিং/চিংনবা নত্রগা কনফার্ম কেসশিংগী আইসোলেসনগীদমক হোতেলশিং, সর্বিস এপার্তমেন্তশিং, লোদজশিং অসিনচিংবদা স্তেত ফেসিলিতী ক্বরেন্তাইন/ফেসিলিতী আইসোলেসনগীদমক অহেনবা গাইদলাইনশিং ইশু তৌরে। মখাতানা কুপথনা খংনবগীদমক গাইদলাইনশিং মখাগী অসিদগী উবা ফংগনি:   https://www.mohfw.gov.in/pdf/Additionalguidelinesforquarantineofreturneesfromabroadcontactsisolationofsuspectorconfirmedcaseinprivatefacilities.pdf

হৌজিক ফাওবদা মীওই ১৬,৫৪০ নাব ফখ্রে। হৌখিবা পুং ২৪দা অনাবা মীওই ১২৭৩ নাব ফখ্রে। মসিনা ঐখোয়গী অপুনবা নাব ফবগী চাং অসি ২৯.৩৬ ওইরে। মসিগী নাব ফবগী চাং অসি লেপ্পা লৈতনা হেঙ্গৎলক্লি মদুনা হোস্পিতালাইজ তৌরবা অনাবা ৩ খুদিংগী মনুংদা অমদি নাব ফগৎলক্লি। হৌজিক অপুনবা কনফার্ম ওইরবা কেস অসি ৫৬,৩৪২নি। ঙরাংদগী ভারত্তা কোবিদ-১৯ কনফার্ম তৌরবা কেস মশিং ৩৩৯০ হেঙ্গৎলক্লি। চাংচৎ অমদা অনাবা চাদা ৩.২দি ওক্সিজেন সপোর্ত্তা লৈরি, অনাবা চাদা ৪.৭তি আই.সি.য়ু.দা লৈরি, অদুগা অনাবা চাদা ১.১না বেন্তিলেতর সপোর্ত্তা লৈরি।

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ঔথেন্তিক অমসুং অপদেৎ ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .

****