প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং ইথিয়োপিয়া ফেদরেল দেমোক্রেতিক রিপব্লিক্কী প্রধান মন্ত্রী হিজ এক্সিলেন্সী দা. অবী অহেমদ অলীগী মরক্তা ফোন তৌনখ্রে
Posted On:
06 MAY 2020 7:05PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ওফ ইথিয়োপিয়া ফেদরেল দেমোক্রেতিক রিপব্লিক্কী প্রধান মন্ত্রী হিজ এক্সিলেন্সী দা. অবী অহেমদ অলীগা লোয়ননা তেলিফোন্দা ৱারী শানখ্রে।
প্রধান মন্ত্রীনা ভারত অমসুং ইথিয়োপিয়াগী মরক্তা লৈরিবা অচেৎপা মরী অমসুং লৈবাক অনিগী মরক্তা লৈরিবা থোইদোক হেল্দোক্লবা চাউখৎ-থৌরাংগীদমক মপাং ওইনখিবা অদুবু নৌহৌনা নীংশিংখি।
লুচিংবা অনিনা কোবিদ-১৯ লাইচৎনা ওইহল্লিবা লৈবাক মনুংগী, লমদম অসোমগী অমসুং মালেমগী ওইবা শিংনরিবশিংগী মরমদা খন্ন-নৈনখি অমদি হকশেলগী চিরবা তাঞ্জা অসিদা অমনা অমগা পুন্না থবক তৌমিন্ননবা ফোংদোক্নখি।
প্রধান মন্ত্রীনা দা. অবী অহেমদ অলীগী মফমদা মরুওইবা হিদাক-লাংথকশিং সপ্লাই তৌনবগীদমক অমদি লাইচৎ অসিগী ইকোনোমিক ইম্পেক্ত থেংননবগীদমক ইথিয়োপিয়াদা ভারতনা তেঙবাং পীগনি হায়বা থাজবা পীখি।
প্রধান মন্ত্রীনা ভারতকী মীয়ামগী মায়কৈদগী অমদি মহাক মশামক্কী মায়কৈদগী ইথিয়োপিয়াগী মীয়ামদা কোবিদ-১৯গী মায়োক্তা চত্থরিবা লান্দা মায় পাক্নবা য়াইফ-পাউজেল পীখি।
****
(Release ID: 1621668)
Visitor Counter : 167
Read this release in:
Punjabi
,
English
,
Urdu
,
Marathi
,
Hindi
,
Bengali
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam