(মসিদা হৌখিবা পুং ২৪ দা থোকখিবা কোবিদ-১৯গা মরী লৈনবা চেফোংশিং, ফিল্দ ওফিসশিংদগী ফংবা  পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

•  লৈবাক অসিদা কনফার্ম কেস ৪৯,৩৯১ লৈবগী মনুংদা মীওই ১৪,৩৯১ নাবা ফখিবগা লোইননা কোবিদ-১৯দগী ফগৎলকপগী চাং ২৮.৫২% য়ৌরে।
• ঙরাংদগী অনৌবা কোবিদ কেস ২৯৫৮ রিপোর্ত তৌরকখ্রে।
• প্রধান মন্ত্রীনা ভারতনা তিকা পুথোক্নবা হোৎনরিবা, হিদাক শাবা, লাইওং খঙদোকপা অমসুং তেস্ত তৌবগী থবকশিং য়েংশিনখ্রে।
• প্রধান মন্ত্রী গরীব কল্যান য়োজনাগী মখাদা লৈবাক অসিগী লাইরবা মীওই করোর ৩৯দা শেলগী মতেং লুপা করোর ৩৪,৮০০ ফংহনখ্রে।
• এফ.সি.আই.না লোকদাউনগী মনুংদা অহেনবা পান্দম কয়া ফংহনখ্রবসু মরাং কাইনা পৈশিন্দুনা লৈরি।
• অতোপ্পা লৈবাক্তা পন্দুনা লৈরিবা ভারত মচাশিং অমসুং মপান্দা চৎপা পাম্বশিংগী এস.ও.পি. অমা এম.ঐচ.এ.না থোকখ্রে; ইন্দিয়ন নেভীনা মপান্দা লৈবা ভারতকী প্রজাশিং ময়ুমদা হল্লকপা য়ানবা ওপরেসন "সমুদ্র সেতু" হৌদোকখ্রে।
• ফিচর ফোন নত্ত্রগা লেন্দলাইন লৈবা মীওইশিংগী আরোগ্য সেতু আই.ভি.আর.এস. সর্বিস হৌদোকখ্রে।  

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী ওইবা অনৌবা পাউ

হৌজিক ফাওবদা, মীওই ১৪,১৮৩ নাবা ফখ্রে। হৌখিবা পুং ২৪ অসিদা মীওই ১৪৫৭ নাবা ফখ্রে। মসিনা ঐখোয়গী নাবা ফবগী চাং ২৮.৭২% য়ৌবা ঙম্লে। হৌজিক লৈরিবা কনফার্ম তৌরবা কেস মশীং অসি ৪৯,৩৯১নি। ঙরাংদগী, ভারত্তা কোবিদ-১৯ কনফার্ম তৌরবা কেস ২৯৫৮ হেনগৎলকখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621216

দা. হর্শ বর্ধন্না গুজরাত অমসুং মহারাস্ত্রাদা কোবিদ-১৯ থেংননবা লৌখৎলিবা থবকশিং অমসুং লাকশিন্নবা থৌরাংশিং য়েংশিনখ্রে

হকশেল অমসুং য়াইফ-য়ুম্বাল মন্ত্রালয়গী মন্ত্রী দা. হর্স বর্ধন্না ঙসি গুজরাত অমসুং মহারাস্ত্রাগী হকশেল মন্ত্রীগা অৱাংবা থাক্কী মীফম অমা পাংথোক্তুনা রাজ্য অনীসিদা কোবিদ-১৯গী ফিবম, পায়খৎলিবা থবকশিং অমসুং শেম শারিবশিং য়েংশিনখ্রে। রাজ্যশিং অসিগী জিল্লা খরদা কোবিদ-১৯না মরম ওইদুনা শিবগী চাং কা হেন্না ৱাংলিবসিদা নুংনাংবা ফোংদোক্লদুনা হর্স বর্ধন্না হায়, "রাজ্যশিংনা কান্নবা ফংগদবা সর্বিলিএন্স, কন্তেক্ত ত্রেসিং অমসুং ঙন্না লাইওং খঙদোক্তুনা শিবগী চাং ৱাংলিবসি হন্থনবা হোৎনগদবনি।"

অকুপ্পা ৱারোলগীদমক,  https://pib.gov.in/PressReleseDetail.aspx?PRID=1621455

কোরোনাগী তিকা পুথোক্নবা, হিদাক পুথোক্নবা, লাইওং খঙদোকপা অমসুং চাংয়েং তৌবগী তাক্স ফোর্সকী মীফম অমা প্রধান মন্ত্রীনা লুচিংদুনা পাংথোকখ্রে

তিকা পুথোক্নবা, হিদাক পুথোক্নবা, লাইওং খঙদোকপা অমসুং চাংয়েং তৌবগী মতাংদা ভারতনা পায়খৎলিবা থবকশিংগী হৌজিক ওইরিবা ফিবম প্রধান মন্ত্রীনা কুপ্না অমুক হন্না য়েংশিনখ্রে । কোরোনা তিকা পুথোক্নবা ভারতকী তিকা ৩০ হেন্না তোঙান-তোঙানবা তাঙ্ককশিংদা লৈরি লোয়ননা তিকা খরদি চাংয়েং তৌবগী থাক য়ৌরে । মতিক চাবা নিয়মশিংগা লোয়ননা য়াম্না য়াংনা ইন্সতিতুৎশিং,ইন্দস্ত্রী অমসুং সরকার পুন্না চৎমিন্নবা অসি প্রধান মন্ত্রীনা খঙজিনখি । অসিগুম্বা মতেং পীনবা অমসুং খোঙজেল অসি স্তেন্দার্দ ওপেরেতিং প্রোসিজর অমগী মখাদা থম্নিংবগী অপাম্বা প্রধান মন্ত্রীনা ফোংদোকখি । অসিগুম্বা অৱাবা মতম অসিদা ঐখোয়গী থবকশিং সাইন্তিফিক ওইবা মওংদা পাংথোক্নবা মহাক্না তকশিনখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621317

প্রধান মন্ত্রী গরীব কল্যান পেকেজ : হৌজিক ফাওবদা পায়খৎখ্রবা থবকশিং

প্রধান মন্ত্রী গরীব কল্যান পেকেজ (পি.এম.জি.কে.পি.)গী মখাদা ২০২০গী মে ৫ ফাওবদা দিজিতেল পেমেন্তগী মচাক-মথুমশিং শিজিন্নদুনা চাউরাক্না লায়রবা মীওই করোর ৩৯ লুপা করোর ৩৪,৮০০গী শেন্থং ফংলে। হৌজিক ফাওবদা পায়খৎখ্রবা থবকশিং মখাদা পীরি :

• লৌমী করোর ৮.১৯দা পিএম-কিশানগী অহানবা ইন্সতোলমেন্তগী লুপা করোর ১৬,৩৯৪ ফংহনখ্রে।
• অহানবা ইন্সতোলমেন্ত ওইনা জন ধন একাউন্ত হাংবা নুপী করোর ২০.০৫ (চাদা ৯৮.৩৩)দা লুপা করোর ১০,০২৫ ফংহনখ্রে। পি.এম.জে.দি.ৱাই. একাউন্ত হাংবা নুপী করোর ৮.৭২ (চাদা ৪৪)না মখোয়গী একাউন্তশিংদগী শেন লৌথোকখি। অনিশুবা ইন্সতোলমেন্ত ওইনা মে ৫দা জন ধন একাউন্ত হাংবা নুপী করোর ৫.৫ দা লুপা করোর ২,৭৮৫ ফংহনখ্রে।
• অহল, লুখ্রাবী অমসুং হকচাংগী ফিবম চাদ্রবা মীওই করোর ২.৮২দা লুপা করোর ১৪০৫ য়েন্থোকখ্রে। বেনিফিসরী করোর ২.৮১২দা কান্নবশিং ফংহনখি।
• য়ুম-কৈ শাবা শিন্মী করোর ২.২০দা লুপা করোর ৩৪৯২.৫৭গী শেন্থং ফংহনখ্রে।
• প্রধান মন্ত্রী উজ্জ্বালা য়োজনা (পি.এম.য়ু.ৱাই.) সিলিন্দর করোর ৫.০৯ বুক তৌখি অমসুং কান্নবা ফংগদবা মীওইশিংদা লেম্না পি.এম.য়ু.ৱাই. সিলিন্দর করোর ৪.৮২ ফংহনখ্রে।

• ইমপ্লোয়িজ প্রোবিদেন্ত ফন্দ ওর্গনাইজেসন (ই.পি.এফ.ও.) মেম্বর লাখ ৯.৬না ই পি এফ ও একাউন্তদগী লুপা করোর ২৯৮৫ ওনলাইন্দা নন-রিফন্দদেবল এদভান্স লৌথোকপগী খুদোংচাবা ফংলে।

• ই.পি.এফ. কন্ত্রিবুসনগী চাদা ২৪গী লুপা করোর ৬৯৮ শেনফম ইমপ্লোয়িজ লাখ ৪৪.৯৭গী একাউন্তদা হাপচিনখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621319

লৈবাক অসিগী মপান্দা পন্দুনা লৈরিবা ভারত মচাশিং অমসুং ভারত্তা পন্দুনা লৈরিবা ময়ূমদা হন্নিংবা মীওইশিংগী চত্থোক-চৎশিন তৌবগী এস.ও.পি. থোকখ্রে

লোকদাউনগী মমাংদা তোঙান-তোঙানবা লৈবাকশিংদা থবক্কী, লাইরিক লাইশু তম্বগী/ইন্তর্নসিপ, লম কোইনবগী, করবারনচিংবগী চৎলুরগা মপান্দা ভারত মচা কয়া পন্দুনা লৈরি। মখোয়না মপান্দা কুইনা লৈশিল্লকপনা, অৱাবা কয়া মাইয়োক্নরকপদগী অথুবদা ভারত্তা হল্লক্নিংলি। মথক্তা পল্লিবা কেস অসিগী মথক্তা, অনা লাইয়েংগীদমক ভারত্তা লাক্তবা য়াদবা ভারত মচা কয়া লৈরি অমসুং ইমুং মনুং মীওই লৈতবদগী হল্লক্তবা য়াদবগী কেস লৈরি। অসিগীসু মথক্তা ভারত মীওই কয়া অতোপ্পা মফমদা চত্তবা য়াদবা ফিবমগা লোইননা পন্দুনা লৈরি। হায়রিবশিং অসি য়ানবগীদমক, এম.ঐচ.এ.না স্তেন্দার্দ ওপরেতিং প্রোতোকোল অমা ফোংখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621290

ইন্দিয়ন নেভীনা ওপরেসন "সমুদ্র সেতু" হৌদোকখ্রে

ইন্দিয়ন নেভীনা মপান লমদা পন্দুনা লৈরিবা ভারত মচাশিং লৌথোক্নবগীদমক ওপরেসন "সমুদ্র সেতু", ৱাহন্থোক্না "সমুদ্রগী থোং" হায়বা ওপরেসন অমা হৌদোকখ্রে। ইন্দিয়ন নেভেল সিপ জলাস্বা অমসুং মগরনা মালে, রিপব্লিক ওব মালদিবকী হিথাংফমদা চত্তুনা ওপরেসন অসি অহানবা তাংকক্কী ওইনা মে ৮, ২০২০দগী হৌরগনি।

অকুপ্পা ৱারোলগীদমক,  https://pib.gov.in/PressReleseDetail.aspx?PRID=1621256

ভারত্তা কোবিদ-১৯না মরম ওইদুনা পন্দুনা লৈরিবা মপান লৈবাক্কী মীওইশিংদা ভারত্তগী তোংগদবা ইন্তর্নেসনেল এয়র ত্রাবেলগী অথিংবা লৌথোকখিবা নুমিত্তগী নুমিৎ ৩০নি ফাওবা কন্সুলার সর্বিস খরা পীগদৌরি

ভিজা লোইরবা নত্ত্রগা ০১.১২.২০২০দগী হৌদুনা মপান লৈবাক্তা নোংথক্তা ইন্তর্নেসনেল ত্রাবেলদা অথিংবা থম্লিবসি ভারত সরকারনা কোম্থোক্ত্রিবফাওবদা ভারত্তগী চৎকদবা মীওইশিংগী লোইগদবগী ঙাইদুনা লৈরবা  মহৌশাগী ভিজা, ই-ভিজা, নত্ত্রগা স্তে স্তিপুলেসন অসি "গ্রেতিস"তা য়ুম্ফম ওইরগা, ফোরেন্নরশিং অসিনা ওনলাইন এপ্লিকেসন অমা পীরকপগী মতুং ইন্না শাংদোক্কদৌরি। হায়রিবা শাংদোক্লিবা অসি ইন্তর্নেসনেল এয়র ত্রাবেলদা অথিংবা লৈরিবসি লৌথোকপা নুমিত্তগী নুমিৎ ৩০ ফাওবা অহেনবা তেক্স অমত্তা লৌদনা শাংদোক্কদৌরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621287

অকক্নবা কাংবুদা পীবা নত্তনা লেমহৌরিবা ভিজা পুম্নমক ইন্দিয়াদগী নত্ত্রগা ইন্দিয়াদা চৎখিবা নত্ত্রগা লাক্কদবা  ইন্তর্নেসনেল ইয়র ত্রাবেলদা থম্লিবা অথিংবা অসি কোম্থোক্ত্রিবা ফাওবা অথিংবা থম্লগনি

এম.ঐচ.এ.না দিপ্লোমেতিক, ওফিসিএল, য়ু.এন./ইন্তর্নেসনেল ওর্গনাইজেসনশিং, ইমপ্লোইমেন্ত অমসুং প্রোজেক্তকী কাংলুপ নত্তবা লেমহৌরিবা ভিজা পুম্নমক ইন্দিয়াদগী নত্ত্রগা ইন্দিয়াদা চৎখিবা নত্ত্রগা লাক্কদবা  ইন্তর্নেসনেল ইয়র ত্রাবেলদা থম্লিবা অথিংবা অসি ভারত সরকারনা কোম্থোক্ত্রিবা ফাওবা অথিংবা থম্লগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621285

ও.সি.আই. কার্দ পায়বশিংগী মলতিপল এন্ত্রী লাইফ লোং ভিজাগী খুদোংচাবা খুদিংমক ইন্দিয়াদগী নত্ত্রগা ইন্দিয়াদা চৎখিবা নত্ত্রগা লাক্কদবা  ইন্তর্নেসনেল ইয়র ত্রাবেলদা থম্লিবা অথিংবা অসি কোম্থোক্ত্রিবা ফাওবা মতম খরগী ওইনা লেপখিগনি

য়ুমলৈ-কৈরৈ মন্ত্রালয়না ওভরসিজ সিতিজেন ওব ইন্দিয়া কার্দ পায়রবা ভারত্তা লাকপদা অথিংবা লৈত্রবশিংগী মলতিপল এন্ত্রী লাইফ লোং ভিজাগী খুদোংচাবশিং মতম খরগী ওইনা ইন্দিয়াদগী নত্ত্রগা ইন্দিয়াদা চৎখিবা নত্ত্রগা লাক্কদবা  ইন্তর্নেসনেল ইয়র ত্রাবেলদা থম্লিবা অথিংবা অসি কোম্থোক্ত্রিবা ফাওবা মতম খরগী ওইনা লেপখিগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621283

এফ.সি.আই.না লোকদাউনগী মনুংদা অহেনবা পান্দম কয়া ফংহনখ্রবসু মরাং কাইনা পৈশিন্দুনা লৈরিঃ রাম বিলাস পাস্বান

তাং ০৪.০৫.২০২০দা ফংখিবা রিপোর্ত অমগী মতুং ইন্না, এফ.সি.আই.দা হৌজিক হৌজিক, মেত্রিক তন লাখ ২৭৬.৬১গী চেঙ অমসুং মেত্রিক তন লাখ ৩৫৩.৪৯গী গেহু লৈরি হায়না মন্ত্রীনা ফোংদোকখ্রে। নফদা অমসুং অতোপ্পা য়াইফ-থৌরাংশিংগীদমক হৱাই-চেঙৱাই মেত্রিক তন লাখ ৬০ মথৌ তারি। মন্ত্রীনা লোকদাউন লৈখিবদগী, হৱাই-চেঙৱাই মেত্রিক তন লাখ ৬৯.৫২দি রেল রেক ২৪৮৩দা পুরকখ্রে। রেল রুত অসিগী মথক্তা, কংফাল লম্বী অমসুং ঈশিংগী লম্বীদা পুরকখি। অপুনবা মেত্রিক তন লাখ ১৩৭.৬২ পুথোক-পুশিন তৌখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621259

রবি কুম ২০২০-২১গী হৱাই চেঙৱাই, থাও শুংবা য়াবা মরু অমসুং গেহু লৈশিনবগী থবক ফজনা চত্থরি

রবি কুম ২০২০-২১গী ওইনা ০২.০৫.২০২০ ফাওবদা লুপা করোর ২,৬৮২গী ওইগদবা হৱাই চেঙৱাই মেত্রিক তন ২,৬১,৫৬৫ অমসুং থাও শুংবা য়াবা মরু মেত্রিক তন ৩,১৭,৪৭৩ এম.এস.পি.দা লৈশিন্দুনা লৌমী ৩,২৫,৫৬৫দা কান্নবা ফংহনখ্রে। মসিগী মনুংদগী, হৱাই চেঙৱাই মেত্রিক তন ১৪,৮৫৯ অমসুং থাও পুথোকপা য়াবা মরু মেত্রিক তন ৬৭০৬না মে  ১ অমসুং ২, ২০২০দা রাজ্য তরুক্তা, মমিং ওইনা পল্লবদা, মধ্য প্রদেশ, মহারাস্ত্রা, করনাতকা, রাজস্থান, উত্তর প্রদেশ অমসুং হরিয়ানাদা লৈশিনখি।

মসিগী মথক্তা, রবিগী মার্কেতিং কুম ২০২০-২১দা, অপুনবা গেহু মেত্রিক তন ১,৮৭,৯৭,৭৬৭ এফ.সি.আই.দা য়ৌরখ্রে, মসিগী মনুংদগী মেত্রিক তন ১,৮১,৩৬,১৮০ লৈখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621222

ফিচর ফোন নত্ত্রগা লেন্দলাইন পাইবা মীওইশিংদা শিজিন্নবা য়ানবা আরোগ্য সেতু আই.বি.আর.এস. সর্বিস হাপখ্রে

ফিচর ফোন নত্ত্রগা লেন্দলাইন শিজিন্নবা মীয়াম্বুসু আরোগ্য সেতুগী মখাদা কোনশিনবা য়ানবগীদমক, "আরোগ্য সেতু ইন্তরেক্তিব ভোইস রেস্পোন্স সিস্তেম (আই.ভি.আর.এস.)" হাপখ্রে। লৈবাক শীনবা থুংনা ফংলিবা তোল ফ্রী সর্বিস অসিনা মীয়ামদা ১৯২১ হায়বা নম্বর অসিদা মিস কোল অমা পীননবা খঙহল্লি অমসুং মখোয়গী হকশেলগী মরমদা করিগুম্বা খরা নম্নবা খঙহন্দুনা হন্না কোল তৌরক্কনি। হায়রিবা ৱাহংশিং অসি আরোগ্য সেতু এপকা মরী লৈনগনি অমসুং মখোয়না খুম্লকপা পাউখুমগী মতুং ইন্না মখোয়গী হকশেলগী ফিবমগী অতাংদা এস.এম.এস. অমা ফংগনি অমসুং মখা তানা মখোয়গী হকশেলগী মতাংদা এলর্তশিং লাক্কনি। হায়রিবা সর্বিস মোবাইল এপ্লিকেসনগা মান্নবা মওংদা লম ১১গী লোলদা হাপ্লে।

অকুপ্পা ৱারোলগীদমক,  https://pib.gov.in/PressReleseDetail.aspx?PRID=1621368

প্রধান মন্ত্রী শ্রী নরেন্দ্র মোদী অমসুং পোর্তুগলগী প্রধান মন্ত্রী হিজ এক্সিলেন্সী এন্তোনিয়ো কোস্তাগী মরক্তা ফোন্দা ৱারী শানখ্রে

প্রধান মন্ত্রী শ্রী নরেন্দ্র মোদীনা ঙসি পোর্তুগলগী প্রধান মন্ত্রী হিজ এক্সিলেন্সী এন্তোনিয়ো কোস্তাগা লোয়ননা তেলিফোন্দা ৱারী শানখ্রে। লুচিংবা অনিনা কোবিদ-১৯ লাইচৎকী ফিভম অমসুং মসিগী হকশেল অমসুং ইকোনোমিক ইম্পেক্ত কন্ত্রোল তৌনবা লৈবাক অনিমক্না লৌখৎলিবা খোঙথাংশিং খন্ন-নৈনখি। প্রধান মন্ত্রীনা ক্রাইসি অসি এফেক্তিব ওইনা হেন্দ তৌবগীদমক প্রধান মন্ত্রী কোস্তাবু থাগৎখি। লুচিংশিংনা ফোংদোকখি মদুদি ভাইরস অসি শন্দোকপা থিংবদা প্রোএক্তিব নেস্নেল খোংথাংশিং মতেং ওইরি। মখোয়না ফিভম অসি লাকশিংনবদা অমনা অমদা পীবা য়াবা তেঙবাং পুম্নমক ওফর তৌখি অমদি কোবিদ-১৯ থেংননবা পান্দমদা রিসর্স অমসুং ইনোবেসনদা পুন্না থবক তৌমিন্নবদসু য়ানখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621248

গরুর পোর্তেলগী মখাদা কোবিদ-১৯গা মরী লৈনবা সরকারনা মশক খঙলবা দ্রোন/আর.পি.এ.এস. শিজিন্নবদা অখন্নবা একজেমসন থম্লে

সিবিল এবিএসন অমসুং দি.জি.সি.এ. মন্ত্রালয়না গরুর পোর্তেল হাংদোক্তুনা সরকারগী এজেন্সীশিংদা কোবিদ-১৯গা মরী লৈননা আর.পি.এ.এস. (রিমোতলি পাইলোতেদ এয়রক্রাফত সিস্তেম)/দ্রোন শিজিন্নবদা অথুবগী ওইনা অখন্নবা একজেমসনশিং পীখ্রে। গরুর হায়বসি 'গবর্নমেন্ত ওথোরাইজেসন ফোর রিলিফ য়ুজিং দ্রোন' হায়বনি।  

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621250

শ্রী গদকারীনা বস অমসুং কার ওপরেতরশিংদা শেন্মিৎলোন তপথরক্কদবসিদা মপুং ফানা শৌগৎকনি হায়না থাজবা পীখ্রে

ভারতকী বস অমসুং কার ওপরেতর্স কনফিদরেসনগা ৱারী শান্নবদা শ্রী গদকারীনা হায়খি, ত্রান্সপোর্ত অমস্নগ হাইৱে অমুক নৌনা হাংদোকপা হায়বসি মীয়ামদা থাজবা অমা পোকহন্নবা হোৎনবদা মতম কুইনা চংগনি। মহাক্না হায়, পব্লিক ত্রান্সপোর্ত অসি কাংলোন খরগী মখাদা অথুবদা হাংদোক্লবা য়ারি। মহাক্কী মন্ত্রালয়না পব্লিক ত্রান্সপোর্তপু সরকারগী শেন্থংনা য়ামহন্দনা প্রাইবেতকী শেন্থংনা হেনগৎহন্দনা লন্দন মোদেলগী মওংদা চলাইরগনি হায়না মহাক্না ফোংদোকখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621376

কোবিদ-১৯ লোকদাউন মতম মনুংদা মরুওইবা হিদাক লাংথকশিং পুথোক- পুশিন তৌনবা লাইফলাইন উরানগী মখাদা ফ্লাইৎ ৪৬৫ ওপরেৎ তৌরি

লাইফলাইন উরানগী মখাদা এয়র ইন্দিয়া, এলাইন্স এয়র, আই.এ.এফ. অমসুং প্রাইভেৎ কেরীয়রশিংনা ফ্লাইৎ ৪৬৫ ওপরেৎ তৌরি। হৌজিক ফাওবদা পুথোক-পুশিন তৌখ্রবা কার্গো অসি তন ৮৩৫.৯৪নি। ঙসি ফাওবদা লাইফলাইন উরান ফ্লাইৎশিংনা পাইখিবা নোংথক্কী অরাপ্পা অসি কিলোমীতর ৪,৫১,০৩৮নি। মরুওইবা মেদিকেল কার্গো অমসুং অনাবশিং ত্রান্সপোর্ত তৌনবগীদমক পৱন হন্স লিমিতেদ য়াওনা হেলিকোপ্তর সর্বিসশিংনা জম্মু অমসুং কাশ্মীর, লাদাখ, অৱাং-নোংপোক অমসুং অতোপ্পা ইথৎ লমদমশিংদা ওপরেৎ তৌরি। ২০২০গী মে ৫ ফাওবদা পৱন হন্সনা কার্গো তন ২.২৭ পুদুনা কিলোমীতর ৭,৭২৯গী অরাপ্পা পাইখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=16213409

ই.পি.এফ.ও.না ই.পি.এফ.কী কমপ্লাইয়েন্সশিং লোকদাউন মনুংদা ইমপ্লোয়রশিংনা দিজিতেল নত্ত্রগা আধারদা য়ুম্ফম ওইবা ই-সাইন শিজিন্নবদা খুদোংচাদবা লৈবনা ই-সাইন লৌনবা ইমেল মেকানিজম অমা হৌদোক্লে

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621380

কম্পেনীশিংদা ভিদিও কনফরেন্স নত্ত্রগা ও.এ.ভি.এম.গী খুত্থাংদা চহীগী জেনরেল মীফম পাংথোকপগী অয়াবা পীরে

সোসিএল দিস্তেন্সিং অমসুং মী চত্থোক-চৎশিন্দা অথিংবা লৈরিবসি ঙাকপগী তঙাইফদবা লৈরিবসি য়েংদুনা কম্পেনীশিংনা মখোয়গী চহীগী ফমগদবা জেনরেল মীফম (এ.জি.এম.) অদু ২০২০ ফাওবদা ভিদিও কনফরেন্সিং (ভি.সি.) নত্ত্রগা অতোপ্পা ওদিও ভিজুৱেল মীন্স (ও.এ.ভি.এম.)গী খুত্থাংদা পাংথোকপগী অয়াবা পীরি। মসিগী মতুং ইন্না, ঙসি জেনরেল সার্কুলার নম্বর ২০/২০২০ থোকখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621265

দা. হর্স বর্ধন্না দিল্লীদা মলেরিয়া,দেঙ্গু, অমসুং চিকনগুন্যা থিংনবা অমসুং লাকশিন্নবা অৱাংবা থাক্কী মীফম অমা পাংথোকখ্রে

মন্ত্রীনা কোবিদ-১৯গী ফিবমদা অহোংবা লাক্তুনা কাঙনা শন্দোকপা লাইনাদগী ঙাকথোক্নবা মীয়াম ৱাখল তাহন্নবা অনৌবা মখলগী খোংথাংশিং লৌখৎপা, মীয়াম পুম্নমক শরুক য়াহনবা, অমসুং স্তেকহোল্দর পুম্নমক্কা চৎমিন্নবগী তঙাইফদবা লৈরিবসি মরুওইনা ফোংদোকখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621267

লোকদাউনগী মনুংদা পার্সেল ত্রেন্দা তন ৫৪,২৯২গী পোৎচৈ পুখি; অপুনবা পার্সেল ত্রেন ২০০০ লানখ্রে

রেলৱেনা রাজ্য সরকার য়াওনা ই-কমর্সশিং অমসুং অতোপ্পা মীওইশিং অপুনবা ওইনা পুথোক-পুশিন তৌনবা চিথি পুবা ভেনশিং ফংহনখ্রে। রেলৱেনা তাইম তেবল্দ পার্সেল স্পেসল ত্রেনশিং অখন্নবা লম্বীদা তঙাইফদবা পোৎলমশিং পুথোক-পুশিন তৌবদা শিজিন্ননবা লেপখ্রে। হায়রিবা পার্সেল ত্রেনশিং অসিগী লম্বীশিং খঙদোক্নবা জোনেল রেলৱেশিংনা চাং নাইনা হোৎনরি। হৌজিক হৌজিক, মসিগী ত্রেনশিং অসি লম্বী ৮২দা চেল্লি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621440

সি.এস.আই.আর. আই.জি.বি. অমসুং তাতা সন্সনা য়াম্না থুবা অমসুং মরীক চুম্বা কোবিদ-১৯গী লাইওং পীবা ঙম্বা কিৎ অমা পুথোক্নবা মেমোরেন্দম ওব অন্দর্স্তেন্দিং অমা খুৎয়েক পীনখ্রে

হায়রিবসি তশেংনমক য়েলহৌঙৈগী ওইবা সাইন্তিফিক ইনবেন্সন্নি অমসুং কোবিদ-১৯গী ফেলুদা অমা হৌজিক-হৌজিক ওইরিবা ফিবম লাকশিন্নবা অমসুং পাকশন্না তেস্ত তৌনবা পুথোকখ্রে। মসিগী খ্বাদগী খুদোংচানিঙাই ওইবা মশকশিংদি হোংনা ফংবা, শিজিন্নবদা লাইবা, অমসুং মমল তাংবা ক্যু-পি.সি.আর. মছিনশিংদা তাংজদবা অসিনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621254

পি.আই.বি. ফিল্দ ওফিসশিংদগী ফংবা পাউ

• চন্দীগরঃ কন্তেনমেন্ত জোন মনুংদা তেস্ত মশীং হেন্না তৌদুনা লায়না শন্দোকপা থিংনবগীদমক চন্দীগরগী লৈঙাক্লোইনা ৱারোল অমা থোকখ্রে। ইন্দিয়ন কাউন্সিল ওফ মেদিকেল রিসর্চনা পি.জি.আই.এম.ই.আর.দা অহেনবা তেস্তিং কিৎ পীনবা য়াখ্রে। তেস্তিং তৌফম খুদিংমক্তা তেস্ত তৌবগী মশীং হেনগৎহন্নবা হায়খ্রে। য়ু.তি. চন্দীগরগী মনুংদা লৈবা লৈত লাইরশিংদা থোংদোক্লবা চাক্কী পেকেৎ লাখ ১.৫৫ য়েন্থোকখ্রে। শহর অসিগী মীওই ২,৪২,০০০না আরোগ্য সেতু এপ দাউনলোদ তৌখ্রে। 
• পঞ্জাবঃ পঞ্জাব সরকারনা মখোইগী থৌমীশিংবু কোবিদ-১৯গী লায়চৎ মনুংশিদা তেক্ত কাইদনা লৈহন্নবা হায়দুনা বিভাগ খুদিংগী হকশেল য়েংশিন্নবা নোদেল ওফিসার অমমম হাপতুনা সরকারগী লোইশঙশিংনা ইনগদবা চৎন-কাংলোন কয়া পীখ্রে। সরকারগী এজেন্সিশিং অমসুং লন্নাইগী ললোন ইতিক তৌবা মীওইশিংনা পঞ্জাবতা লৈশিনবগী ২০শুবা নুমিত্তা গেহু মেত্রিক তোন ৩,৮৯,৪৭৮ লৈখ্রে। সরকারগী এজেন্সিশিংনা গেহুগী মেত্রিক তোন ৩,৮৭,৬৮৮ লৈখি অমসুং লন্নাইগী ললোন ইতিক তৌবশিং (অরহতিয়াস)না মেত্রিক তোন ১,৭৯০ লৈখি।
• হরিয়ানাঃ হরিয়ানা সরকারনা জিলাগী অনা লায়েংশং অমসুং মেদিকেল কোলেজ খুদিংদা লৈবা দাইলাইসিস তৌনবা মেছিন অনি অনিদি দাইলাইসিস তৌবগী তঙাইফদবা লৈবা কোবিদ-১৯গী অনাবশিংগী ওইনা থমগদবনি হায়খ্রে। কোবিদ-১৯ খক্তগী ওইবা অনা লায়েংশং ১১দা কোবিদকী অনাবগী ফমুং ১১০-১৫০ তোঙান্না থমখ্রবা মতুংদা অতোপ্পা অনাবশিংবু লায়েংবা হৌনবা হায়দুনা ও.পি.দি. অমসুং ৱার্দশিংসু হাংবা হৌখ্রে।
• হিমাচল প্রদেশঃ লৈবাক অসিগী তোঙান তোঙানবা রাজ্যশিংদগী লাকপা মীওইশিংগী ইমুং মনুংশিংদা সোসিএল দিস্তেন্সিং ফজনা পাংথোকহন্নবগীদমক্তা নিংথীনা সেনিতাইজ তৌহন্নবা অমসুং তাকপী তম্বীনবা হায়দুনা ‘নিগাহ’ কৌবা অনৌবা থৌরম অমা সরকারনা হৌদোকখ্রে।  আশাগী থৌমী কাংলুপ অমা, হকশেলগী থৌমীশিং অমসুং অঙ্গনৱাদিগী থৌমীশিংনা অতোপ্পা লমদগী লাকপা মীওইশিংগী ইমুং মনুংদা চত্তুনা মখোইবু লায়না চংবা য়াবা কয়াদগী কন্নবা হায়দুনা সোসিএল দিস্তেন্সিং ফজনা পাংথোকহন্নবগীদমক্তা নিংথীনা সেনিতাইজ তৌহন্নবা অমসুং তাকপী তম্বীনবা ইমুংশিং অদুদা চৎলগনি। কোবিদ-১৯ লায়চৎ শন্দোকপা থিংনবা ‘হিমাচল মোদেল’ অসি য়াম্না মায় পাকপা অমা ওইরে হায়না মুখ্য মন্ত্রীনা হায়খ্রে।
• কেরলাঃ অতোপ্পা লৈবাক্তগী লাকপা মীওইশিং ইন্সতিত্যুসন্দা ক্বারেন্তাইন তৌবগী মতম অসি নুমিৎ ৭নিদগী নুমিৎ ১৪নিদা রাজ্য সরকারনা ওন্থোকখ্রে। হয়েং বন্দে ভারত মীসনগী শরুক ওইবা অখন্নবা ফ্লাইৎকী অহানবা ফ্লাইৎ অনিনা য়ু.এ.ই.দা পন্দুনা লৈরিবা কেরলা মচাশিং পুরক্লগনি। অহানবা ফ্লাইৎ অদু শগোলশেলগী অহিংদা নেদুম্বাসি এয়রপোর্ত্তা থুংগনি। জহাজ তোংদুনা লাক্কদৌরিবা য়ু.এ.ই.দা পন্দুনা লৈরিবশিং অদুদি অয়াবা ফংদবদগী খরা থেংথরগনি। রাজ্য অসিগী য়ুগী দুকানশিংসু য়াম্না থুনা হাংলগনি। রাজ্য অসিদা ঙসিদগী মাইগ্রেন্ত শিন্মীশিং পুননবা ত্রেন অহুম চেনবা হৌরগনি।
• তমিল নাদুঃ ওফিসার ত্রেনিং একাদমিগী চাকখুমদা থবক তৌবা মীওই অমা কোবিদ-১৯ পোজিতিব ওইরে। কোয়াম্বেদুগী হোলশেল কৈথেল থিংখিবদগী চেন্নাইদা মনা মশীং ফংদবগী খুদোংচাদবা থোক্লবা য়াই। হৌজিক্কী ওইনা য়ুগী দুকান হাংখিরোই। লোকদাউনগী মতুংদা তমিল নাদুগী রিতেলর চাদা ২০-২৫দি কারবার তোকপা য়াই হায়না ত্রেদরগী কাংলুপ্না হায়রি। ঙরাংফাওবগী কেসঃ ৪০৫৮, এক্তিব কেসঃ ২৫৩৭, অশিবাঃ ৩৩।
• করনাতকাঃ বাগালকোৎ খুঙ্গংদা মীওই ১৩ কোবিদ-১৯ পোজিতিব ওইদুনা রাজ্যগী অপুনবা কেস ৬৯২ য়ৌরে। রাজ্যনা তেংবাংগীদমক লুপা কোতি ১,৬১০গী পেকেজ লাউথোকখ্রে। কোবিদ-১৯গী ইরাং অসিদা মতেং পাংনবা হায়দুনা সরকারনা য়ুগী তেক্স চাদা ১৭ হেনগৎখ্রে। করনাতকানা মাইগ্রেন্ত শিন্মীশিং চৎপা থিংখ্রে অমসুং মখোইদা থবক অমসুং নোংমগী থবক্কী শেল পীগনি হায়বগী থাজবসু পীখ্রে। সরকারনা মালেমগী অতৈ মফমশিংদগী লৌথোক্কদবা মীওই ১০,৮২৩গী এস.ও.পি. শেমখ্রে।
• আন্ধ্র প্রদেশঃ রাজ্যনা ঙামী ১,০৯,২৩১দা থা অহুম্মুক থবক শুবা ফংখিদবগী খেতি পুরোন ওইনা শেলগী তেংবাং লুপা ১০,০০০ পীরগনি। মুম্বাইদা পন্দুনা লৈবা অনন্তপুরগী মাইগ্রেন্ত শিন্মী চাউরাক্না ১,১০০ ঙসি গুন্তকাল য়ৌরকখ্রে। হৌখিবা পুং ২৪দা সেম্পল ৭৭৮২ তেস্ত তৌরবা মতুংদা কোবিদ পোজিতিব কেস ৬০ লাক্লে, ১৪০ দিসচার্জ তৌখ্রে অমসুং ২ শিখ্রে। অপুনবা কেস মশীং ১৭৭৭ য়ৌখ্রে, এক্তিব কেসঃ ১০১২, অশিবাঃ ৩৬।
• তেলঙ্গানাঃ হাইদ্রবাদকী মপান্দা লৈবা স্তেসনশিংদগী মাইগ্রেন্ত পুদুনা চৎনবা অখন্নবা ত্রেন খরগী মশীংসু হেনগৎখ্রে। রাজ্য অসিদা নুমিৎ ৪২নিগী মতুংদা য়ুগী দুকান হাংলগনি। গল্ফ অমসুং অতোপ্পা লৈবাকশিংদা পন্দুনা লৈবা তেলঙ্গানাগী শিন্মী ১,৭৫০  অহানবা তাংকক্কী ওইনা মে ৭ তগী নুমিৎ ৭নি চংনা য়ুমদা পুথোরক্নবা শেম শাবা লোইখ্রে। ঙসিফাওবগী কোবিদকী অপুনবা কেসঃ ১০৯৬, এক্তিব কেসঃ ৪৩৯, রিকোবর্দঃ ৬২৮, অশিবাঃ ২৯।
• অরুনাচল প্রদেশঃ ইতানগরগী লৈঙাক্লোইশিংনা য়ুম শাবগী পোৎ-চৈশিং অমসুং হার্দৱেয়রগী পোৎ-চৈশিং পুথোক পুশিন তৌবা গারি চৎপা য়াহনখ্রে। মপান্দগী লাকপা গারিশিংনা অয়ুক পুং ৬-৮ অমসুং নুংথিল পুং ১২-২ ফাওবগী মনুংদা চৎথোক চৎশিন তৌবা য়াগনি।
• অসমঃ কোবিদ-১৯গী অনাবা অনি হঞ্জিন হঞ্জিন্না অহুম্লক তেস্ত তৌবদা নেগেতিব ওইবদগী দিসচার্জ তৌখ্রে। পোজিতিব ওইবা অপুনা কেস মশীং ৪৪ ওইরে হায়না হকশেল মন্ত্রী হিমন্তা বিস্বা সরমানা ত্বিৎ তৌখ্রে।
• মনিপুরঃ লৈবাক অসিগী তোঙান তোঙানবা মফমশিংদগী অৱাং নোংপোক্কী মফমদা লাকপা মীওইশিংগী অচংবা ত্রেনগী শেনফম পুথোক্কনি হায়না রাজ্যগী কেবিনেৎনা হায়খ্রে অমসুং রাজ্যগী কোনুং অসিদা পন্দুনা লৈরুরবা মীওইশিংনা লাক্কদৌরিবা অসি য়েংলগা চেকশিন থৌরাং ওইনা ইম্ফালগী অচৌবা কেথেলশিং থিংজিনখ্রে।
• মিজোরমঃ মীদিয়া অমত্তদা কোবিদ-১৯না নাবা মীওইগী মশক মমীং তাকপা অসি চৈরাক পীবা য়াবা অরানবা অমনি। মসিগী ৱাংমদা চৎপা মীওইশিং লুপা ৫০০০গী ফাইন তাগনি নত্ত্রগা থা ৩গী ফাদোক তাগনি।
• নাগালেন্দঃ নাগালেন্দগী লোংলেন জিলাগী লৈঙাক্লোই অমসুং সিবিল সোসাইতি লুপশিংনা মখোইগী লমদা কোবিদ-১৯দগী শিবা মীওইশিং ফুম্বা য়াহনখ্রে।
• মহারাস্ত্রাঃ রাজ্যসিদা অনৌবা কেস ৯৮৪ লাক্তুনা অপুনবা কেস ১৫,৫২৫ য়ৌখ্রে, নৌনা মীওই ৩৪ শিদুনা অপুনবা মশীং ৬১৭ য়ৌখ্রে। নৌনা লাক্লিবা কেস অসিদগী ৬৩৫দি মুম্বাইদগীনি অমসুং লৈবাকপোকপা নুমিত্তা মীওই ২৬সু শিখি। মুম্বাইগী অপুনবা মশীং অসি ৯,৭৫৮ য়ৌরে। থা অমগী মমাংদা লৈরম্বা মোর্তেলিতী রেৎ ৭.২%দগী ঙসিদি ৪.০%দা হন্থরে। লৈবাক অসিগী মোর্তেলিতী রেৎ অসি ৩.২%গী ময়াদা লৈ। মহারস্ত্র সরকারনা আর্মি, ইন্দিয়ন নেভি, ইন্দিয়ন রেলৱেজ, হিথাংফম অমসুং রাজ্যসিদা লৈবা কেন্দ্রগী লুপশিংদা কোবিদ-১৯গী অনাবশিংগী ইন্তেন্সিব কেয়র য়ুনিৎ বেদ পীননবা হায়খ্রে। মসিগা মান্নবা অমদা, মুম্বাই ম্যুনিসিপাল কম্মিস্নরনা শহর অসিগী ৱার্দ ওফিসার খুদিংদা লন্নাইগী অনা লায়েংশংশিং নত্ত্রগা ক্লিনিকশিংদা কোবিদ-১৯গী অনাবশিংগী ওইনা অহেনবা ফমুং/ৱার্দ/ফেসিলিতিশিং থম্নবা হায়খ্রে।
• গুজরাতঃ কোরোনা ভাইরসকী অনৌবা কেস ৪৪১ লাক্তুনা অপুনবা কেস অসি গুজরাতকী ওইনা ৬,২৪৫ য়ৌখ্রে। ঙসি ফাওবগী ওইনা অপুনবা অনাবশিংগী মরক্তগী ১,৩৮১না নাবা ফখ্রে অমসুং ৩৬৮না লৈখিদ্রে।
• রাজস্থানঃ ঙসি মীওই ৩৫ নৌনা পোজিতিব ওইরবা মতুংদা রাজস্থান্দা কোবিদ-১৯না নারবা অপুনবা মীওই ৩১৯৩ শুখ্রে। জয়পুরদা কেস ২২ লাকপদগী অপুনবা অনাবা মশীং ১০৬৯ য়ৌখ্রে।
• মধ্য প্রদেশঃ মধ্য প্রদেশ্তা কোবিদ-১৯গী কেস অনৌবা ১০৭ লাকপদগী অপুনবা কেস ৩,০৪৯ য়ৌদুনা ৩,০০০গী থাক হেনখ্রে। নাবা ফরবা মতুংদা মীওই ১০০০মুক্তি দিসচার্জ তৌখ্রে। ইন্দোর, ভোপাল অমসুং উজেন্দা লায়না শন্দোরক্কনি হায়বগী অকিবা লৈবদগী অকনবা চেকশিন থৌরাং লৌখৎখ্রে।
• ছতিসগরঃ পঞ্জাবকী মতুংদা ছতিসগরনা গ্রীন জোন মনুংদা মী য়াম্না কুংনা পুনবা থিংনবা য়ুমদা য়ু থিনবগী থবক হৌবা অনিশুবা রাজ্য ওইখ্রে। মোবাইল এপ অমগী খুত্থাংদা আধার কার্দ নম্বর য়াওনা অকুপ্পা মরোলশিং পীদুনা ওনলাইন্দা ওর্দর তৌবা য়াই।

পি.আই.বি.গী ফেক্তচেক

****