ক’ভিড-১৯ৰ বাবে ঘোষণা কৰা লকডাউনি প্ৰভাৱৰ পৰা ৰক্ষা কৰাৰ বাবে কেন্দ্ৰীয় বিত্ত মন্ত্ৰী নিৰ্মলা সীতাৰমণে ২৬ মাৰ্চ, ২০২০ত ঘোষণা কৰা প্ৰধানমন্ত্ৰী গৰীৱ কল্যান পেকেজ(পিএমজিকেপি)ৰ অধীনক ৫ মে’, ২০২০লৈকে ৩৯ কোটি দৰিদ্ৰ লোকে ডিজিটেল লেনদেনৰ জৰিয়তে ৩৪,৮০০ কোটি টকাৰ বিত্তীয় সাহায্য লাভ কৰিছে৷

পিএমজিকেপিৰ অংশ হিচাপে চৰকাৰে মহিলা, দুখীয়া জ্যেষ্ঠ নাগৰিক আৰু কৃষকলৈ বিনামুলীয়া খাদ্য সামগ্ৰী আৰু নগদ ধন প্ৰদান কৰাৰ সন্দৰ্ভত ঘোষণা কৰে৷ কেন্দ্ৰীয় আৰু ৰাজ্য চৰকাৰসমূহে এই পেকেজৰ অতি খৰতকীয়াকৈ ৰূপায়ণ কৰাৰ ক্ষেত্ৰত নিৰন্তৰ নিৰীক্ষণ কৰিছে৷ বিত্ত মন্ত্ৰালয়, সংশ্লিষ্ট মন্ত্ৰালয়, কেবিনেট সচিবালয় আৰু প্ৰধানমন্ত্ৰী কাৰ্যালয়ে লকডাউনৰ সময়ত অভাৱগ্ৰস্ত লোকসকলে এই সা-সুবিধাসমূহ খৰতকীয়াকৈ লাভ কৰাৰ ক্ষেত্ৰত কোনো ত্ৰুটি কৰা নাই৷

চৰকাৰে আগবঢ়োৱা সুবিধা হিতাধিকাৰীসকলে উপযুক্তভাৱে পোৱাটো সুনিশ্চিত কৰা, মধ্যভোগীৰ দৌৰাত্ম নাইকিয়া কৰিবলৈ ফিনটেক আৰু ডিজিটেল প্ৰযুক্তিৰ সহায় লৈছে৷ আৰ্থিক সাহায্যসমূহ ডিবিটিৰ জৰিয়তে হিতাধিকাৰীৰ একাউণ্টত প্ৰদান কৰা হৈছে৷

বৰ্তমানলৈকে পিএমজিকেপিৰ অগ্ৰগতিৰ খতিয়ান তলত উল্লেখ কৰা ধৰণৰঃ

পিএম-কিষাণৰ প্ৰথম কিস্তি হিচাপে ১৬,৩৯৪ কোটি টকা ৮.১৯ কোটি কৃষকক প্ৰদান কৰা হৈছে৷

২০.০৫ কোটি(৯৮.৩৩%) গৰাকী জন ধন একাউণ্টধাৰী মহিলাক ১০,০২৫ কোটি টকা প্ৰদান কৰা হৈছে৷ ৫ মে’লৈকে দ্বিতীয় কিস্তিৰ বাবদ ২,৭৮৫ কোটি টকা প্ৰদান কৰা হৈছে৷

২.৮২ কোটি গৰাকী জ্যেষ্ঠ নাগৰিক, বিধবা আৰু দিব্যাংগ ব্যক্তিক ১,৪০৫ কোটি টকা প্ৰদান কৰি হৈছে৷

২.২০ কোটি ভৱন আৰু নিৰ্মাণ শ্ৰমিকে ৩,,৪৯২.৫৭ কোটি টকা আৰ্থিক সাহায্য লাভ কৰিছে৷

বৰ্তমানলৈকে দেশৰ ৩৬খন ৰাজ্য আৰু কেন্দ্ৰীয় শাসিত অঞ্চলত এপ্ৰিল মাহৰ বাবে ৬৭.৬৫ লাখ মেট্ৰিক টন সামগ্ৰী প্ৰদান কৰা হৈছে৷ এই ৰাজ্যসমূহত ৬০.৩৩ কোটি হিতাধিকাৰীক ৩০.১৬ লাখ মেট্ৰিক টন খাদ্য সামগ্ৰী বিতৰণ কৰা হৈছে৷ মে’ মাহত ২২ খন ৰাজ্য আৰু কেন্দ্ৰীয় শাসিত অঞ্চলৰ ১২.৩৯ কোটি হিতাধিকাৰীক ৬.১৯ লাখ মেট্ৰিক টন খাদ্য সামগ্ৰী বিতৰণ কৰা হয়৷ বিভিন্ন ৰাজ্য আৰু কেন্দ্ৰীয় শাসিত অঞ্চলত ২.৪২ মেট্ৰিকটন মাহজাতীয় সামগ্ৰীও বিতৰণ কৰা হৈছে৷ মুঠ ১৯.৪ কোটি হিতাধিকাৰীৰ ভিতৰত বৰ্তমানলৈকে ৫.২১ কোটি পৰিয়ালক মাহজাতীয় শস্য প্ৰদান কৰা হৈছে৷ ইফালে, প্ৰধানমন্ত্ৰী উজ্জ্বলা যোজনাৰ অধীনত ৫.০৯ কোটি চিলিণ্ডাৰ বৰ্তমানলৈকে বুকিং কৰা হৈছে আৰু ইয়াৰে ৪.৮২ কোটি চিলিণ্ডাৰ ইতিমধ্যে বিতৰণ কৰা হৈছে৷

কৰ্মচাৰীৰ ভৱিষ্যনিধি পুঁজি সংস্থা (ইপিএফঅ’)ৰ ৯.৬ লাখ সদস্যই অপৰিশোধীয় আগতীয়া ধন ২৯৮৫ কোটি টকা অলনাইনযোগে উঠাবলৈ সক্ষম হৈছে৷

৪৪.৯৭ লাখ কৰ্মচাৰীক ২৪% ইপিএফ বৰঙণি হিচাপে ৬৯৮ কোটি টকা হস্তান্তৰ কৰা হৈছে৷

০১-০৪-২০২০ৰ পৰা কাৰ্যকৰী হোৱাকৈ এই হাৰ বৃদ্ধিৰ জাননী জাৰি কৰা হৈছে৷ চলিত বিত্তীয় বৰ্ষত ৫.৯৭ কোটি ব্যক্তিৰ মানৱ দিন কাম সম্পন্ন কৰা হৈছে৷ তদুপৰি, পূৰ্বৰ বাকী থকা মজুৰি আৰু সামগ্ৰী প্ৰদানৰ বাবে ২১,০৩২ কোটি টকা মুকলি কৰা হৈছে৷

চৰকাৰী চিকিৎসালয় আৰু স্বাস্থ্য কেন্দ্ৰত কৰ্মৰত ২২.১২লাখ স্বাস্থ্য কৰ্মীক নিউ ইণ্ডিয়া এছুৰেন্সৰ জৰিয়তে সামৰি লোৱা হৈছে৷

প্ৰধানমন্ত্ৰী গৰীৱ কল্যান পেকেজ

প্ৰত্যক্ষ লাভ হস্তান্তৰৰ জৰিয়তে ০৫/০৫/২০২০ আৰ্থিক সাহায্য প্ৰধান পৰিমাণঃ

RM/KMN/DB