ভারত সরকারনা লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা য়েংশিল্লি।

কেন্দ্রগী হকশেল অমসুং য়াইফ-য়ুম্বাল মন্ত্রী দা. হর্শ বর্ধন্না সভাপতি ওইদুনা গ্রুপ ওফ মিনিস্তর্সকী ১৪শুবা মীফম পাংথোকখ্রে। মীফম অদুদা মখোয়না কোবিদ-১৯গী কন্তেইনমেন্ত অমসুং মেনেজমেন্ত অমসুং কেন্দ্র অমসুং রাজ্য সরকারশিংনা লৌখৎলিবা খোঙথাংশিংদা খন্ন-নৈনখি। গ্রুপ ওফ মিনিস্তর্সনা দরকারগী মতুং ইন্না পি.পি.ই.শিং, মাস্কশিং, ভেন্তিলেতরশিং, দ্রগশিং অমসুং অতোপ্পা মরুওইবা ইক্বুইপমেন্তশিং ফংলিবরা হায়বদু য়েংশিনখি। গ্রুপ ওফ মিনিস্তর্সদা আরোগ্য সেতু এপ্লিকেসনগী পর্ফোমেন্স, ইম্পেক্ত অমসুং ইফেক্তিবনেসসু প্রজেন্ত তৌখি।

হকশেল অমসুং য়াইফ-য়ুম্বাল মন্ত্রালয়না হেল্থ কেয়র ৱার্করশিং অমসুং নন-কোবিদ হোস্পিতালশিং অমসুং কোবিদ ব্লোকশিং লৈবা হোস্পিতালশিংদা নন-কোবিদ ত্রিৎমেন্ত এরিয়াশিংদা লৈরিবা অতোপ্পশিংগীদমক পি.পি.ই. শিজিন্নবগী মখা তাবা গাইদলাইন অমা ইসু তৌখি। মসি ২০২০গী মার্চ ২৪দা পি.পি.ই. শিজিন্নবগী হান্ননা ইসু তৌখ্রবা গাইদলাইন অদুগী মখা চত্থরকপনি।

ও.পি.দি. দোক্তরশিংগী চেম্বর, প্রি-এনেস্থেতিক চেক অপ ক্লিনিক, আই.পি.দি.-ৱার্দ/আই.সি.য়ু, লেবর রুম, ওপরেসন থিয়েতর অসিনচিংবা পোস্পিতালগী তোঙান-তোঙানবা এরিয়াশিংগীদমক তোঙানবা থাক্কী পি.পি.ই.শিং প্রেস্ক্রাইব তৌখ্রে। অকুপ্পা গাইদলাইন মখাগী অসিদগী ফংবীগনি https://www.mohfw.gov.in/pdf/AdditionalguidelinesonrationaluseofPersonalProtectiveEquipmentsettingapproachforHealthfunctionariesworkinginnonCOVIDareas.pdf

হকশেল অমসুং য়াইফ-য়ুম্বাল মন্ত্রালয়না ২০২০গী এপ্রিল ১৪দা নন-ইসেন্সিয়েল হেল্থ সর্বিসশিংগী দেলিবরীগীদমক গাইদলাইনশিং হান্ননা ইসু তৌখ্রে। গাইদলাইনশিং অসিগী মতুং ইন্না, তোঙান-তোঙানবা জোনশিংদা পীরিবা কোমথোকপগী মতুং ইন্না রাজ্যশিং/য়ুনিয়ন তেরিতোরীশিংনা ইম্যুনাইজেসন, মেতরনেল-চাইল্দ হেল্থ সর্বিস, দাইলাইসিস, কেন্সর, দাইবেতিক, তি.বি.গুম্বা অরুবা অনাবশিংগীদমক সর্বিস অমসুং ব্লদ দোনেসন সর্বিসশিং গবর্নমেন্ত অমসুং প্রাইবেৎ নল-কোবিদ ফেসিলিতীশিংদা শোইদনা পীগদবনি।

হৌজিক ফাওবদা মীওই ১২,৭২৬ নাবা ফখ্রে। অপুনবা ফগৎলকপগী চাং অসি চাদা ২৭.৪১নি। হৌজিক কনফার্ম ওইরবা অপুনবা কেস মশিং অসি ৪৬,৪৩৩নি। ভারত্তা ঙরাংদগী কোবিদ-১৯ কনফার্ম ওইরবা কেস মশিং ৩৯০০ হেঙ্গৎলে। ঙরাংদগী লৈখিদবা ১৯৫ রিপোর্ত তৌরকপগা লোয়ননা লৈখিদবা মীগী মশিং পুন্না ১৫৬৮ রিপোর্ত তৌরক্লি।

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ওথেন্তিক অমসুং অপদেৎ ওইবা ইনফোর্মেসন পুম্নমক্কীদমক চানবীদুনা চাং নাইনা ভিজিৎ তৌবীয়ু https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতোরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .

****