(মসিদা হৌখিবা পুং ২৪ দা থোকখিবা কোবিদ-১৯গা মরী লৈনবা চেফোংশিং,ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক চেকশিং য়াওরি )

• লৈবাক অসিগী ওইনা মীওই ১১,৭০৬ নাবা ফখিবগা লোইননা কোবিদ-১৯দগী ফগৎলকপগী চাং ২৭.৫২% য়ৌরে।
• ঙরাংদগী অনৌবা কোবিদ কেস ২৫৫৩ রিপোর্ত তৌরকখ্রে; অপুনবা কনফার্ম কেস অসি ৪২,৫৩৩।
• লৈবাক অসিদা কোবিদ-১৯ কেস খ্বাইদগী ৱাংনা রিপোর্ত তৌরিবা দিস্ত্রিক্তশিংদা কেন্দ্রগী কাংবু ২০ থাখ্রে
• মপাল লমদা পন্দুনা লৈরিবা উপাই লৈত্রবা ভারত মচাশিং ফেজ ওইনা হলহনলক্কদৌরি।
• সিবিল সর্বিস (প্রিলিম) একজাম ২০২০ য়ৈথোকখ্রে।
• কে.ভি.আই.সি.না শাশিন্নবা পি.পি.এ. কিতশিং খাদি ইন্দিয়াগী মিংদা শারিবশিংদা চেকশিন্নবা খঙহনখ্রে।

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী ওইবা অনৌবা পাউ

হৌজিক ফাওবদা, মীওই ১১,৭০৬ নাবা ফখ্রে। মসিনা ঐখোয়গী নাবা ফবগী চাং ২৬.৬৫ য়ৌবা ঙম্লে। হৌজিক লৈরিবা কনফার্ম তৌরবা কেস মশীং অসি ৪২,৫৩৩নি। ঙরাংদগী, ভারত্তা কোবিদ-১৯ কনফার্ম তৌরবা কেস ২৫৫৩ হেনগৎলকখ্রে। হোস্পিতালশিংগী ক্লিনেকেল মেনেজমেন্তকী ফিবম তাক্লিবা লোইশিনখ্রবা কেস পুম্নমক্কী ওইরক্লিবা রেসিও (নাবা ফবা অমসুং শিবগা)না অসিনা তাক্লে মদুদি লৈবাক অসিদা এপ্রিল ১৭, ২০২০গী মমাংদা (রেসিও ৮০:২০) ওইরম্বদগী ঙসি ৯০:১০ ওইদুনা ফগৎলক্লি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620962

কোবিদ-১৯ কেস খ্বাইদগী য়াম্না লৈবা দিস্ত্রিক্তশিংদা কেন্দ্রগী কাংবু থাখ্রে

হকশেল অমসুং য়াইফ-য়ুম্বাল মন্ত্রালয়দগী সেন্ত্রেল পব্লিক হেলথ তীম কুন (২০) শেমখ্রে অমসুং লৈবাক অসিদা কোবিদ-১৯ কেস খ্বাইদগী য়াম্না লৈবা দিস্ত্রিক্তশিংদা থাখ্রে।

অকুপ্পা ৱারোলগীদমক,  https://pib.gov.in/PressReleseDetail.aspx?PRID=1620761

ভারত সরকারনা মপাল লমদা লৈরিবা ভারত মচাশিং ভারত্তা হল্লকপা য়াহনগদৌরি।

ফিবম চাদ্রবা মপান্দা পন্দুনা লৈরিবা ভারত মচাশিং ফেজ নাইনা হলহনলক্কদৌরি। মখোয় এয়রক্রাফ অমসুং নেবেলগী জহাজশিংদা লাক্কদৌরি। মসিগী মতাংদা এস.ও.পি. অমা শেমখ্রে। ইন্দিয়াগী এম্বেসীশিং অমসুং হাই কম্মিসন্না মপান্দা লৈবা ফিবম চাদ্রবা ভারত মচাশিংগী লিস্ত অমা শেমখ্রে। হায়রিবা খুদোংচাবসি শেল পীদুনা ফংহনগনি। সেদ্যুল তৌদবা কম্মর্সিএল ফ্লাইতশিংবু নোংথক্তা পাইনবগীদমক শিজিন্নগনি। চত্থোক-চৎশিনগী থবক অসি মে ৭দগী হৌদুনা ফেজ নাইনা চৎহনগনি। ফ্লাই তোংদ্রিঙৈদা মেদিকেল তেস্ত হান্না তৌগনি। লাইওং লৈতবা মীওইতমক চৎপা য়াহনগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620953

ঈ দান তৌবনা পুন্সি কল্লি, ঈ দান তৌনবা মীয়াম্বু ৱাখল তাহনসি অমসুং তঙাইফদবা মীওইশিংদা মতম চানা ঈ ফংহন্দুনা অমসুং অফবা অমসুং অশোই-অঙাম য়াওদনা ফংহন্নবা হোৎনসিঃ দা. হর্শ বর্ধন

লৈবাক অসিগী ফিবমগী মতাংদা পল্লদুনা কেন্দ্রগী মন্ত্রীনা হায়খি, "কোবিদ-১৯গী খুদোংচাদ্রবা মতম অসিদা, তঙাইফদ্রবা অনাবশিংদা ঐখোয়না ঈ মতীক চানা ফংহনগদবনি। মহাক্না রেদ ক্রোস সোসাইতীগী ওফিসিএলশিংগা মীফম পাংথোক্তুনা ঈ দান তৌনবগীদমক খন্নখি অমসুং রেদ ক্রোস সোসাইতী শিন্মীশিং অমসুং মখোয়গী ঈ দান তৌনবগা মরী লৈনবা থবকশিংগীদমক পাস ৩০,০০০ হেন্না পীদুনা মতেং পাংখ্রে।"

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620883

ভারতনা কোরোনা লান্মীশিংদা ইকাইখুম্নবা উৎলি, ইন্দিয়ন নেভীনা কোরোনা লান্মীশিংবু লৈমাই, নোংথক অমসুং শমুদ্রদা ইকাইখুম্নবা উৎলি

লৈবাক অসিগী মফম খুদিংদা থাগৎপা ফোংদোকপগা লোইননা কোরোনা লান্মীশিংদা ইকাইখুম্নবা উৎপদা ইন্দিয়ন নেভীসু শরুক য়াখ্রে। কোবিদ-১৯গা চোকথবা লৈতনা, মখোয়গী কত্থোকপা অমসুং পুক্নিং চংনা হোৎনরিবা, মেদিকেল প্রোফেসনেল, হেলথকা মরী লৈননা থবক তৌরিবশিং, পুলিসমেন, সরকারগী কর্মচারি অমসুং পাউগী মীওইশিংবু ইকাই খুম্নবা অমসুং থাগৎপা ফোংদোক্লদুনা মে ৩, ২০২০দা ইন্দিয়ন আর্ম ফোর্সকী মহুত শিন্দুনা লৈমাই, নোংথক অমসুং ঈশিংদা থবক কয়া পাংথোকখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620788

ঙাকশেল মন্ত্রী শ্রী রাজনাথ সিংহনা ‘আর্ম্দ ফোর্সেস সেল্যুৎস কোরোনা ৱারিয়রস’কী উৎলিবা থৌওং অসিগীদমক্তা আর্ম্দ ফোর্সেসশিংবু থাগৎপা ফোংদোকখ্রে

ঙাকশেল মন্ত্রী শ্রী রাজনাথ সিংহনা ভাইরস অসি শন্দোরকপা থিংনবা লেপ্তনা লান্থেংনরিবা কোরোনাগী লান্মীশিংদা সেল্যুৎ তৌনবা কংফালদা, ঈশিংদা অমসুং নোংথক্তা লৈবাক শিনবা থুংনা লৈরিবা মফম কয়া অমদা থবক থৌরম কয়া অমা পাংথোক্নবগীদমক্তা ঙসি আর্ম্দ ফোর্সেসশিংনা হোৎনরিবশিং অদুবু থাগৎপা ফোংদোকখ্রে। আর্ম্দ ফোর্সেসশিংনা ঙসি মিলিতরীগী ওইবা তোপতোপ্পা মওংদা ভারতকী কোরোনাগী লান্মীশিংবু য়াম্না চাউনা ইকাইখুম্নবা উৎখ্রে। শ্রীনাগরদগী তিরুৱনাথপুরম অমসুং দিব্রুগরদগী কচ্ছ ফাওবা, আর্মীনা পুলিস মেমোরিয়েলশিংদা লৈ পরেং কৎপা, হেল্থ প্রোফেসনশিং অমসুং ইমর্জেন্সী সপ্লাই ওপরেতিবশিংদা ইকাই খুম্নবা উৎপা অমসুং ফেলিসিতেৎ তৌবনা চিংবা অসিগুম্বা থবক থৌরম কয়া অমা পাংথোকখি। কোরোনাগী মায়োক্তা লান্থেংনরিবা লৈবাক অসিগী মমাং থাদুনা চৎলিবা লান্মীশিংদা ইকাইখুম্নবা উৎপগী খুদোল ওইনা লৈবাক নীংবা ইশৈ খোংদুনা মিলিতরী বেন্দশিংগা লোইননা আর্মী তীমশিংনা লৈবাক শিনবা থুংনা লৈরিবা মফম মফমগী ওইবা আর্মী ফোর্মেসন্না অপীকপা অমসুং য়াম্লবা মশিংদা রাজ্যশিংদা লৈরিবা য়াম্লবা শহরশিংগী হোস্পিতালশিংদা চৎপগী থৌরম অসি পাংথোকখি।

অকুপ্পা ৱারোলগীদমক,  https://pib.gov.in/PressReleseDetail.aspx?PRID=1620700

"খাদী" হায়বা ব্রান্দ নেম শিজিন্নদুনা শাশিন্নবা পি.পি.ই. কিৎ য়োল্লে; কে.ভি.আই.সি.না আইনগী ওইবা থবক লৌখৎলগনি হায়খ্রে

খাদী অমসুং ভিলেজ ইন্দস্ত্রীজ কমিসন (কে.ভি.আই.সি.)না আইনা কাইনা চল্লাইবা করবার তৌদুনা শাশিন্নবা পর্সনেল প্রোতেক্তিব ইক্বিপমেন্ত (পি.পি.ই.) কিৎশিং মসিগী রেজিস্তর তৌরবা ত্রেদমার্ক লোগো "খাদী ইন্দিয়া" শিজিন্নদুনা শারে অমসুং য়োল্লে হায়বা খঙলে। কে.ভি.আই.সি.না হৌজিক ফাওনদা পি.পি.ই. কিৎ শাদুনা কৈথেলদা য়োন্দ্রি হায়না শেংদোকখ্রে। কে.ভি.আই.সি.না হৌজিক ফাওবদা মসিগী পোত্থোক ওইনা দবল ত্বিস্তেদ হেন্দ স্পন, খুৎনা নাইবা খাদিগী ফি নত্তনা শাদে অমসুং কিৎশিং অসিদি লং নাইবা নত্তবা পোলিয়েস্তর অমসুং পোলিপ্রোপাইলিন্না শাবনি হায়রিবশিং অসিদি খাদীগী পোত্থোক নত্তে অমসুং কে.ভি.আই.সি.না অয়াবা পীবা পোত্থোকসু নত্তে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620928

ভারতকী কোবিদ-১৯ লান্থেংদা এমপাৱর্দ গ্রুপ ৬না সি.এস.ও./এন.জি.ও./ইন্দস্ত্রী/ইন্তর্নেসনেল ওর্গনাইজেসনশিং নেকখ্রে

লৈবাক অসিনা মালেমগী ওইবা লাইচৎ কোবিদ-১৯গী খুদোংচাদবশিং মাইয়োক্নরিবসিদা ভারত সরকারনা শেমখিবা অমসুং নীতি আয়োগকী সি.ই.ও.না ময়াই তাংবল লৌবা এমপাৱর্দ গ্রুপ ৬ (ই.জি.৬)না সিবিল সোসাইতী ওর্গনাইজেসনশিং, এন.জি.ও.শিং অমসুং দিবেলপমেন্ত পার্তনরশিং, ইন্দস্ত্রী পার্তনরশিং, অমসুং ইন্তর্নেসনেল ওর্গনাইজেসনশিং পুনশিন্দুনা ভারত সরকারগা অপুনবা পাঙ্গল অমা শেম্বদা মরুওইবা থৌদাং লৌরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620908

দি.আর.দি.ও.না য়ু.ভি. দিসইনফেক্সন তাৱর অমা পুথোকখ্রে।

দিফেন্স রিসর্স এন্দ দিবেলপমেন্ত ওর্গনাইজেসন (দি.আর.দি.ও.)না অলত্রা ভাইওলেত (য়ূ.ভি.) দিসইনফেক্সন তাৱর অমা খ্বাইদগী ইনফেক্সন থোকপা য়াবা মফমদা থুনা অমসুং হিদাক লাংথক য়াওদনা দিসইনফেক্সন তৌনবগীদমক পুথোকখ্রে। মসিগী য়ু.ভি. ব্লাস্তর হায়না থোনবা য়ূ.ভি.দা য়ুম্ফম ওইদুনা সেনিতাইজ তৌবা খুৎলাই অসি লেজর সাইন্স এন্দ তেক্নোলোজি সেন্তর (এল.এ.এস.তি.ই.সি.) হায়বা দিল্লীদা লৈবা দি.আর.দি.ও.গী মকোক থোংবা লেব অসিনা পুথোকপনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620919

শ্রী নরেন্দ্র সিংহ তোমারনা সরকারগী ই-মার্কেত প্লেস পোর্তেলশিংদা "সারাস কল্লেক্সন" হৌদোকখ্রে।

খুঙ্গং চাউখৎ থৌরাং অমসুং পঞ্চায়তী রাজ অমসুং লৌউ-শিংউ অমসুং লৌমীশিংগী য়াইফ থৌরাংগী মন্ত্রী শ্রী নরেন্দ্র সিংহ তোমারনা সরকারগী ই মার্কেতপ্লেস পোর্তেলদা ঙসি "সারাস কল্লেক্সন" হৌদোকখ্রে। জি.ই.এম. অমসুং দীন দয়াল অন্ত্যোপধ্যায় য়োজনা-নেস্নেল রুরেল লাইব্লিহুদ মিসন (দে-এন.আর.এল.এম.), খুঙ্গং চাউখৎ থৌরাং মন্ত্রালয়গী তোপ-তোপ্পা থৌরাং অমা ওইরিবা সারাস কল্লেক্সন অসিনা নোংমগী তঙাইফদবা খুঙ্গংগী শেল্ফ হেল্প গ্রুপনা শাজবা পোৎলমশিং উৎলি, অমসুং খুঙ্গংগী লমদা লৈবা এস.ঐচ.জি.শিংদা কেন্দ্র অমসুং রাজ্য সরকারগী লৈগদবশিংদা ফংহল্লি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620881

সরকারনা কোবিদ-১৯না ওইহল্লক্লিবা ফিবম অসিদগী ত্রাইবেল গেদররশিং অমসুং আর্তিসানশিংগী পুন্সি অমসুং সেক্যুরিতীশিংগীদমক খুদক্কী ওইবা থৌরাং কয়া লৌখৎলি

ত্রাইবেল আর্তিসানশিংনা থেংনরিবা খুদোংচাদবশিংবু উরদুনা সরকার অসিনা ত্রাইবেল গেদররশিং অমসুং আর্তিসানশিংগী পুন্সিদা মতেং ওইনবা খুদক্কী ওইবা থৌরাং কয়া লৌখৎলি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620856

মে ৩১, ২০২০দা পাংথোক্কনি লেপলম্বা সিবিল সর্বিস (প্রিলিমিনরি) একজামিনেসন য়ৈথোক্লে

অথিংবা থম্বশিং শাংথখিবনা মরম ওইদুনা, য়ু.পি.এস.সি.না হৌজিক্কী ওইনা পরিখ্যা পাংথোকপা অমসুং ইন্তর্বিয়ু পাংথোকপদা খুদোংচারোই হায়না ৱারেপ লৌরে। মে ৩১, ২০২০দা পাংথোক্কনি লেপলম্বা সিবিল সর্বিস (প্রিলিমিনরি) একজামিনেসন অদু মরম অসিনা য়ৈথোক্লে।

অকুপ্পা ৱারোলগীদমক,  https://pib.gov.in/PressReleseDetail.aspx?PRID=1620893

পি.এম. জনঔশদী কেন্দ্রশিংনা কোবিদ-১৯গী মতাংদা মরুওইবা থৌদাং কয়া লৌরিঃ মন্সুখ মান্দাবিয়া

কেমিকেল অমসুং ফর্তিলাইজরগী মন্ত্রী ওইরিবা শ্রী মন্সুখ মান্দবিয়ানা হায়রি মদুদি, জন ঔশদী কেন্দ্রশিংনা মীওই লাখ ৬০০না নুমিৎ খুদিংগী জন ঔশদী কেন্দ্রশিংদা লাক্তুনা হিদাক লাংথক অহোংবা মমলদা ফংহন্দুনা মরুওইবা থৌদাং লৌরি। মসিগী কেন্দ্রশিং অসিদা হাইদ্রোক্সিক্লোরোক্বিনিনসু য়োল্লি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620941

দা. হর্শ বর্ধন্না সাইন্স অমসুং তেক্নোলোজি বিভাগকা কোবিদ-১৯ থেংননবগী মতাংদা পাউ ফাওনখ্রে

কেন্দ্রগী সাইন্স অমসুং তেক্নোলোজি, হকশেল অমসুং য়াইফ-য়ুম্বাল অমসুং আর্থ সাইন্স মন্ত্রী দা. হর্শ বর্ধন্না ওতোনোমস ইন্সতিত্যুসনশিংগী মকোকশিং অমসুং সাইন্স অমসুং তেক্নোলোজিগী সবওর্দিনেত ওফিসশিংগা ৫০শুবা দি.এস.তি. হৌদোকখিবা নুমিত্তা মখোয়গী এস. অমসুং তি. ইনিসিএতিবশিং, মরুওইনা মখোয়না কোবিদ-১৯ শন্দোরক্লিবা অসিবু থিংনবা হোৎনরিবশিংগী মতাং ৱারী শানখ্রে। মন্ত্রীনা "কোবিদ কথা" হায়বা কোবিদ-১৯গী ওইবা মলতিমেদিয়াগী কাংলোন অমা থৌরম অদুদা হৌদোকখি। দি.এস.তি.না লৈবাক অসিদা সাইন্স অমসুং তেক্নোলোজিগী খুথাংদা মতেং পাংলিবসিনা চহী ৫০ মপুং ফারকপগা লোইননা লৈবাক অসিগী মফম কয়াদা চহী চুপ্পা পাংথোক্লিবা তোঙান-তোঙানবা থবক থৌরম ময়াম অসিবু শক্তাকপা ওইনা সনা ফুদোংবগী থৌরমশিং পাংথোক্লি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620755

এম.এস.পি.দা লশিং লৈশিনবগী থবক মহারাস্ত্রগী সেন্তর ৩৪দা মখা তানা চত্থরি; লোকদাউনগী মনুংদা বেল ৬৯০০গা মান্নবা কপ্পা ক্বিন্তল ৩৬,৫০০ লৈশিনখ্রে

মহারাস্ত্রদা পুথোকপা কপা ৭৭.৪০%মুক কৈথেলদা য়ৌখ্রে অমসুং মার্চ ২৫, ২০২০ ফাওবগী মনুংদা য়োনখ্রে; কত্তন কোর্পোরেসন ওব ইন্দিয়ানা লৈখি। লৌমীশিংদগী লুপা করোর ৪৯৯৫কী মমল ওইগদবা লশিং বেল লাখ ১৮.৬৬ কা মান্নবা কপা ক্বিন্তল লাখ ৯১.৯০। লৈশিনখ্রবা কপাশিংগী শেল লৌমীশিংদা শেংদোকখ্রে। পুন্না লৈশিনখ্রবা ভেল্যুদগী লুপা করোর ৪৯৮৭ দি লৌমীশিংদা ফংহনখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620835

লৈবাক অসিদা লৈরিবা লোকেল এদমিনিস্ত্রেসনশিংনা কোবিদ-১৯না ওইহল্লক্লিবা ফিবমদগী মীয়াম্বু মতেং পাংনবা খোংথাংশিং মখা তানা পায়খৎলি

পন্দুনা লৈরিবা মীয়ামগী কন্ত্রোল রুম হাংবা, ক্বারেন্তিন্দা লৈরিবশিংগী লাকখিবা লম্বী অমসুং মখোয়গা পুল্লুবা মীওইশিং থিবা অমসুং লোরি দ্রাইবরশিংগা লোইননা ঙমখৈ লাল্লুবশিং থিবা, চম্মম্নবা কোকহনবা, বাইও মেদিকেলগী অরেম অখাকশিং লোইশিনবা, ত্রিত্মেন্ত তৌবা, অমসুং মাংহনবগী খোংথাংশিং তাকপা, অমসুং ফার্মদগী ফংবা পোত্থোকশিং লৈবা অমসুং য়োনবগী শিল-লাংবশিংনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620741

সরদার পতেল নেসনেল য়ুনিতীগী মনাগী নোমিনেসনগী চে থাজিনবগী অরোইবা মতম জুন ৩০, ২০২০ ফাওবা শাংদোক্লে

ভারত্তা অমত্তা ওইবা অমসুং অপুনবা অমা শাগৎনবা হোৎনবগীদমক সরদার পতেলগী মিংদা ভারত সরকারনা লৈবাক অসিগী মীচমদা পীবা খ্বাইদগী ৱাংবা মনা সরদার পতেল নেসনেল য়ুনিতী এৱার্দ শেমখি। মনা অসি কনাগুম্বা মীওইনা নত্ত্রগা ইন্সতিত্যুসননা নত্ত্রগা ওর্গনাইজেসন্না মপাঙ্গল কনবা অমসুং অপুনবা ভারত অমা ওইহন্নবা হোৎনবশিংবু শকখঙবীদুনা ইকাইখুম্ননবা পীগদবনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620810

তুরিজম মন্ত্রালয়না মসিগী ১৪শুবা ৱেবিনার দেখো অপনা দেশ ৱেবিনারগী মখাদা দার্জীলিংগী ইনাক খুল্লবা ইপা ইপুনা থম্বীরম্বশিংবু মশক তাক্নবা 'বঙ্গাল বাই দ হিমালয়' পাংথোকখ্রে

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620843

মোদর্ন আর্তকী জাতিগী ফেলরিনা "এন.জি.এম.এ. কে সংগ্রহ সে।" হায়বা ভর্চুৱল প্রোগ্রাম অমা তাংনা উবা, অমসুং মসিগী রিপোজিতরিশিংগী আর্তকী ওইবা থবকশিং লোকদাউন মনুংদা উৎনবা পাংথোকখ্রে

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620925

পি.আই.বি. ফিল্দ ওফিসশিংদগী ফংবা পাউ

• কেরলা: রাজ্যনা অমুক্কা শাংদোক্লিবা লোকদাউন অসিগী অনৌবা চৎন কাংলোন শেমখ্রে। সি.এম.না লৈবাক অসিগী অতোপ্পা মফমদগী কেরলা মচাশিং পন্দুনা লৈরিবা অসি পুরক্নবা অখন্নবা ত্রেন অমা পীবিনবা পি.এম.দা হায়খ্রে। ই.-পাস সিস্তেমগী খুত্থাংদা মালায়ালি ৩০,০০০ অতোপ্পা রাজ্যদগী হল্লকপা য়ানবগী অয়াবা পীখ্রে। বিহারনা অয়াবা পীরক্তবদগী পত্নাদা মেইগ্রেন্ত শিন্মীশিং পুদুনা চৎকদবা অখন্নবা ত্রেন ৫ চৎলরোই। নোংচুপ বেঙ্গোলনা কেরলাদগী লাক্কদবা ত্রেন অনিগী অয়াবা পীখ্রে। ঙরাং ফাওবগী কনফার্ম তৌরবা কেসঃ ৪৯৯, এক্তিব কেসঃ ৯৫।
• তমিল নাদুঃ রাজ্যনা পেত্রোল অমসুং দীজলগী মমল লুপা ৩.২৫ অমসুং লুপা ২.৫০ মথংশিৎনা  হেনগৎখ্রে। চেন্নাইগী অনা লায়েংশংশিংনা কেস ৱাংখৎলকপদগী স্তেবল ওইরবা কোবিদ-১৯গী অনাবশিং ক্বরেন্তাইন সেন্তরদা হোংদোকখ্রে। কোয়াম্বেদু ক্লস্তরগী কদ্দালোরদা কোবিদ-১৯ কেস ১১৪, বিল্লুপুরমদগী কেস ৩৯ লাক্লে। ঙরাং ফাওবগী অপুনবা কেসঃ ৩০২৩, এক্তিব কেসঃ ১৬১১, শিবাঃ ৩০, দিসচার্জ তৌখ্রবাঃ ১৩৭৯। চেন্নাইদা খ্বাইদগী ৱাংবা ওইনা কেস ১৪৫৮ লৈ।
• করনাতকাঃ রাজ্যনা মাইগ্রেন্ত শিন্মীশিংগী ওইনা লেম্না বসতা চৎপগী অয়াবা নুমিৎ ২ অমুক শাংদোকখ্রে। ঙসি অনৌবা কেস ২৮ কনফার্ম ওইঃ দেভাঙ্গিরিদা ২১, কাল্বুর্গি অমসুং মান্দ্যাদা অনি অনি অমসুং চিক্কাবল্লুর, হাবেরি অমসুং বিজয়াপুরাদা কেস অমমম। ঙসি কাল্বুর্গিদা মীওই অমা (৫৬/এম.) শিখি। হৌজিক ফাওবগী অপুনবা কেস-৬৪২, অশিবা-২৬, দিসচার্জ তৌরবা- ৩০৪।
• আন্ধ্র প্রদেশঃ রাজ্যনা অথু অনাগী ওইনা এম্বুলেন্স ১০৮ এদভান্স লাইফ সপ্পোর্ত (এ.এল.এস.) এম্বুলেন্স ওইনা ওন্থোকখ্রে। খুঙ্গংশিংদা সেনিতেসনগী মতেং পাংলিবা থৌমীশিংদা অখন্নবা কিৎ পীনবা হায়দুনা রাজ্যনা লুপা কোতি ৩.৮৪ কাইথখ্রে। হৌখিবা পুং ২৪দা অনৌবা কেস ৬৭ লাকখি, ৩৬ দিসচার্জ তৌখি অমসুং মীওই অমত্তা শিখিদে। অপুনবা কেস মশীং ১৬৫০ য়ৌরে। এক্তিব কেসঃ ১০৬২, নাবা ফরবাঃ ৫২৪, অশিবাঃ ৩৩। পোজিতিব ওইবা কেসতা মকোক থোঙলিবা জিলাশিং- কুরনুল (৪৯১), গুন্তুর (৩৩৮) অমসুং কৃষ্ণ (২৭৮)।  
• তেলঙ্গানাঃ কোবিদ-১৯ লোকদাউন্দগী থোক্লক্নবগী শরুক অমা ওইনা সেক্তর খরদা অথিংবা খরা কোমথোক্নবগী মতাংদা স্তেত কেবিনেৎনা হয়েং খন্নগনি।  পন্দুনা লৈবা মাইগ্রেন্ত শিন্মীশিংনা হাইদ্রবাদতা ময়ুমদা হলহনবীয়ু হায়দুনা লম্বীদা থোক্লকখ্রে। তোলিচৌকিদা মাইগ্রেন্ত শিন্মীশিংনা য়ানিংদবা ফোংদোকপগা মরী লৈনবা অরানবা পাউ শন্দোক্তুনা কাংলুপ-মশেলগী মনুংদা য়েংথিনবা থোকহন্নবা হোৎনরম্বা মীওই অনি ফাখ্রে। হৌজিক ফাওবগী ওইবা কোবিদ কেসঃ ১০৮২, এক্তিব কেসঃ ৫০৮, নাবা ফরবাঃ ৫৪৫, শিবাঃ ২৯।
• চন্দীগরঃ য়ু.তি. চন্দিগরগী মনুংদা লৈবা কন্তেনমেন্ত এরিয়াশিংগী অকোইবশিং পুম্বগী চংফম অমসুং থোকফমশিং কুপ্না য়েংশিন্দুনা থিংজিল্লগনি। উহৈ-ৱাহৈ অমসুং হেঞ্জাং নাপী পীবা অমসুং মেদিকেল ইমর্জেন্সিগী মীওই খক্তং চৎথোক চৎশিন তৌবা য়াগনি। মীওই অমসুং গারী অমত্তা অয়াবা য়াওদনা চংবা থোকপা য়ারোই। কন্তেন্মেন্ত এরিয়াশিংদগী চৎখিবা অমসুং থোকখিবা মীওই পুম্বগী অকুপ্পা মরোল খুদিংমক খঙদোক্লগনি। চৎন কাংলোনগী মতুং ইন্না কন্তেন্মেন্ত এরিয়াগী মনুংদা লৈবা মীওই খুদিংমক স্ক্রিনিং তৌগনি অমসুং চিংনবা মীওই খুদিংমক্না তেস্ত তৌগনি। কন্তেন্মেন্ত এরিয়াগী মনুংদা দুকান, লোইশং, ললোন ইতিক্কী ফেক্তরি অমসুং দিস্পেন্সরি অমত্তা হাংবা য়ারোই।   
• পঞ্জাবঃ পঞ্জাব সরকারনা আর.তি.-পি.সি.আর. তেস্ত মশীং ২০,০০০ হেন্না তৌদুনা কোবিদকা লান্থেংনবগী মতাংদা মশক থোকপা থবক অমা পাংথোকপা ঙমখ্রে। সেম্পল খোম্নবা মোবাইল কাইওক্স, পুল তেস্তিংনচিংবা অনৌবা তেস্ত তৌনবা থৌওং কয়া রাজ্য অসিনা শিজিন্নরি। রাজ্য অসিদা তেস্ত তৌবগী চাং হেনগৎনবা পুল তেস্তিং অসি হৌদোকখিবনি। এপ্রিল ৩০, ২০২০ ফাওবদা পুল তৌরবা সেম্পল ৫৭৮৮ তেস্ত তৌখ্রে। পঞ্জাবনা রাজ্য অসিদা লৈরিবা মেইগ্রেন্তশিং রেজিস্তর তৌবগী অহানবা থৌওং পাইখৎখি। থবক অসিগীদমক্তা অখন্নবা ওনলাইনগী পোর্তেল অমা শেমখি। রাজ্য অসিনা মশাগী ময়ুমগী রাজ্যদা হন্নিংবা মাইগ্রেন্ত লাখ ৬.৪৪ মায় পাক্না রেজিস্তর তৌখি।
• হরিয়ানাঃ হরিয়ানা সরকারনা অথুবা মতমদা রাজ্য অসিদা পন্দুনা লৈরিবা অতোপ্পা রাজ্যগী লৌউ-শিংউগী অমসুং মাইগ্রেন্ত শিন্মীশিং ময়ুমদা তেক্ত কাইদনা অমসুং খল নায়না শোইদনা হলহনখিনবা থবক পাইখৎলি। রাজ্য অসিগা ঙমখৈ পুনবা উত্তর প্রদেশ, রাজস্থান, পঞ্জাব, উত্তরাখন্দ অমসুং হিমাচলদগী লাকপা লৌউ-শিংউগী শিন্মীশিং অসিনা বসতা অমসুং বিহার, ঝারখন্দ অমসুং মধ্য প্রদেশতগী লাকপা মীওইশিং অসিনা রাজ্য অসিগী তোঙান তোঙানবা স্তেসনশিংদগী অখন্নবা শ্রামিক ত্রেন্দা ময়ুম হলহনগনি হায়খ্রে। লেমহৌরিবা রাজ্যশিংদগী ওইবা মশীং য়ামদবা শিন্মীশিং অসিনা নই দিল্লীদগী থাবা অখন্নবা ত্রেন অমগী খুত্থাংদা ময়ুম হলহনগনি।
• হিমাচল প্রদেশঃ রাজ্য সরকার অমসুং মীয়াম্না মতেং পাংবদগী হিমাচল প্রদেশ অসি কোবিদ লৈতবা রাজ্য অমা য়াম্না থুনা ওইগদৌরে হায়না মুখ্য মন্ত্রীনা হায়খ্রে। রাজ্য অসিদা লাক্লিবা মীওই খুদিংমক্না অকনবা চেকশিন থৌরাং লৌবা অসি য়াম্না মরু ওইবা অমা ওইরে হায়না মহাক্না হায়খি। রাজ্য অসিদা লাকপা মীওই খুদিংনা আরোগ্য সেতু এপ অসি শুংশোই শোইদনা দাউনলোদ তৌগদবনি হায়খ্রে। পঞ্চায়তি রাজ ইন্সতিত্যুসনগী খল্লবা মীহুৎশিং অমসুং অর্বান লোকেল বোদিশিংনা মখোইগী খুঙ্গংদা চংলকপা মীওইশিং ক্বরেন্তাইন তৌদনা চৎখিদনবা হোৎনবা অসি মখোইগী মথৌনি হায়না মহাক্না হায়খ্রে।
• অরুনাচল প্রদেশঃ রাজ্য সরকারনা মীয়াম তিনবা মফম অমসুং থবক শুফমগী ওইবা শুগাইনা য়াওরবা কাংলোন অমা ফোংখ্রে। মুখ্য মন্ত্রীনা মীয়ামদা কোবিদ-১৯ ভেক্সিন পুথোক্ত্রিফাওবদি চেকশিন থৌরাংশিংবু ঙাক্না চৎপীনবা পুক্নিং চিংশিল্লক্লি।
• অসমঃ হকশেলগী মন্ত্রী হিমন্ত বিস্বা শর্মনা বোঙ্গাইগাও দিস্ত্রিক্তা লৈবা কন্তেনমেন্ত জোনশিং, ক্বারেন্তিন সেন্তরদা চত্তুনা জিল্লা অসিদা লৈরিবা কোবিদ-১৯গী ফিবম য়েংশিনখ্রে।
• মেঘালয়ঃ মুখ্য মন্ত্রীনা সিলোংগী সিবিল হোস্পিতালগী দোক্তরশিংগা য়েংশিন মীফম অমা ফমদুনা পন্দুনা লৈরিবা মীওইশিং মে ৫দগী য়ূমদা হল্লক্কদবা অসি য়েংদুনা তৌবা য়াবা থবকশিং থুজিন্নবা খন্নখ্রে।
•  মনিপুরঃ মুখ্য মন্ত্রীনা হায়খ্রে মদুদি গ্রীন জোন অমা ওইবগী খুদোংচাবা অসি লৌদুনা লুৱাংশাংবম চীংদা সরকারনা উহৈ পানবা পাম্বী থাবা হৌখ্রে।
• মিজোরমঃ সরকারনা মী তিনবা মফমশিংদা মাস্ক অমসুং সোসিএল দিস্তেন্সিং ঙাক্নবা ওর্দিনান্স অমা ফোংখ্রে। মসি ইন্দবশিং চৈরাক ফংগদৌরি।
• নাগালেন্দঃ প্রিন্সিপাল সেক্রেতরিনা মপান্দা পন্দুনা লৈরিবা মীওই ১৬,৫২৬তা লুপা করোর ৬.৪৭গী শেলগী তেংবাং ফংহনখ্রে হায়খ্রে।
• সিক্কিমঃ গবর্নরনা কোবিদ-১৯ লেন্থেংনবসিদা মাং থাদুনা থবক তৌরিবা ঈ পাউগী মীওইশিংনা শিজিন্ননবা ফেস মাস্ক অমসুং সেনিতাইজরশিং প্রেস ক্লব ওব সিক্কিমগী ফেজরেল সেক্রেতরিদা খুৎশিন্নখ্রে।
• ত্রিপুরাঃ রাজ্য সরকারনা অতোপ্পা লমগী শিন্মী ৩৩,০০০ মখোয় মখোয়গী রাজ্যশিংদা থাগদৌরি।
  • মহারাস্ত্রঃ মহারাস্ত্রদা কোবিদ-১৯গী পোজিতিব ওইবা অনৌবা কেস ৬৭৮ রেকোর্দ তৌরি, রাজ্য অসিদা অপুনবা মীওই ১২,৯৭৪ নাবগা লোইননা মীওই ৫৪৮ লৈখিদ্রে। মুম্বাইদা ইনফেক্সন ওইবগী চাং হেনগৎলক্লি, অনৌবা কেস ৪৪১ অমসুং মী ২১ লৈখিদ্রে। মুম্বাই খক্তদা কেস মশীং ৮,৮০০ য়ৌরে। পোজিতিব কেস ১০,২২৩ লৈবগা লোইননা, মুম্বাই মেত্রোপোলিতান রিজন অসিদা অপুনবা পোজিতিব কেসশিংগী ৮০% লৈরি।   
• গুজরাতঃ রাজ্য অসিদা লৈরিবা কোবিদ-১৯ পোজিতিব ওইরবা অনাবগী মশীং অসি হৌজিকফাওবদা ৫৪২৮ য়ৌখ্রে অমসুং ২৯০না লৈখিদ্রে, মসিনা লৈবাক অসিদা মহারাস্ত্রগী হেক মথংদা অনীশুবা খ্বাইদগী ৱাংবা রাজ্য ওইরি। অদুমওইনমক মীওই ১০৪২দি লাইচৎ অসিদগী নাবা ফখ্রে।
• রাজস্থানঃ জয়পুরদা কোবিদ ১৯ কেস অসি ঙসি ১২ অমগা হাপচিল্লকপনা ১০০০ লানখ্রে, অমসুং ১০০৫ য়ৌখ্রে। মরকসিদা রাজস্থান্দা হৌজিক অপুনবা কোবিদ-১৯ পজিতিব কেস অসি ৩০০৯ য়ৌবগা লোইননা ৩০০০ লানখ্রে। অপুনবা ওইনা রাজ্য অসিদা জয়পুর খক্তদা মীওই ৪৫ লৈখিদবগা লোইননা অপুনবা মীওই ৭৫ লৈখিদ্রে।  
• মধ্য প্রদেশঃ উজৈন্না অনৌবা কোবিদ-১৯ হোৎস্পোত ওইরকপগা লোইননা, মুখ্য মন্ত্রীনা অখন্নবা দোক্তরগী কাংবু অমা থাদুনা ফিবম অসি লাকশিন্নবা য়াথং পীখ্রে। উজৈন্দা মীওই ১৫০ তমক্কী অনবা লৈ অদুবু লৈখিদবদি মীওই ৩০ শুখ্রে, মসিনা খ্বাইদগী হিংবগী চাং নেম্বা মফম অমা ওইরে। ইন্দোরনা কেস ১,৫৬৮ লাকপগা লোইননা খ্বাইদগী ফিবম শোকপা সহর ওইরি।
• গোৱাঃ পঞ্চায়তকী থাক্তা লৌখৎপা দেতা অমগী মতুং ইন্না, স্তেত একজিক্যুতিব কমিতিনা হায়রি মদুদি, মার্চ ২৪দগী হৌখিবা লোকদাউন্না মরম ওইদুনা রাজ্য অসিদা পন্দুনা লৈরিবা অতোপ্পা লমগী শিন্মীশিংগী মনুংদগী চাদা ৯০না মাগী মাগী হৌরকফম রাজ্য হন্নিংই। য়ুম্থংনবা কর্নাতকাদগী লাকপা অতোপ্পা লমগী শিন্মীনা মকোক থংদুনা য়ু.পি. অমসুং বিহারদগী লাকপশিংনা মতুং ইল্লি।

পি.আই.বি.গী ফেকচেক

****