দিবেলপমেন্ত ওফ নোর্থ ইস্তর্ন রিজন (দোনর), এম.ও.এস. পি.এম.ও., পর্সোনেল, পব্লিক গ্রিবেন্সেস অমসুং পেন্সন, এতোমিক ইনর্জী অমসুং স্পেসকী কেন্দ্র মন্ত্রী (মনীংতম্বা) দাক্তর জিতেন্দ্র সিংহনা ৱা অসি ভারতকী কোবিদকী মতুংগী শেনমিৎলোন্দা য়াম্না মরু ওই অমসুং মসিগী মতেংনা ভারতনা শেনমিৎলোনগী শক্তি লৈবা লৈবাক অমা ওইরকপা য়াবগী খুদোংচাবা লৈ হায়না হায়খ্রে।

দিবেলপমেন্ত ওফ নোর্থ ইস্তর্ন রিজন (দোনর) মন্ত্রালয়, লৌউ শিংউবগী কেন্দ্রগী মন্ত্রী অমসুং সেক্তর কয়া অমগী স্তেকহোলদর্শিংনা শরুক য়াখিবা ভিদিও কনফরেন্সকী খুত্থাংদা পাংথোকখিবা বেম্বু কনক্লেব অমদা দাক্তর জিতেন্দ্র সিংহনা অৱাং নোংপোক লমদমদা ভারতকী ওইনা ৱাগী রিজর্ব ৬০% লৈ অমসুং হৌখিবা চহী তরুক্তগী লমদম অসিগী চাউখৎনবগীদমক্তা প্রধান মন্ত্রী শ্রী নরেন্দ্র মোদীনা সরকারনা কন্না হোৎনরিবা অসিগী মথক্তা ভারতনা নীংতম্বা ফংলকপদগী ৱাগী সেক্তর অসি য়েংশিল্লক্তনা লাকপদু হৌজিক্তি সেক্তর অসিদা মিৎয়েং চংদুনা হেন্না চাউখৎনবা হোৎনরিবা অসি য়াম্না কান্নবনি হায়না হায়খি।  মসিগী মতাংদা মোদী সরকারনা ২০১৭তা চহী ১০০ শুরবা ইন্দিয়ন ফোরেস্ত এক্ত অসিদা অহোঙবা পুরকখিবা অদুবু পল্লদুনা ৱাগী খুত্থাংদা পুন্সি মহিং ফগৎহনবা য়ানবা হায়দুনা এক্ত অসিদা য়ুমদা হৌবা ৱা পাম্বী য়াওহনখিদবা অদুগী মতাংদসু হায়খি।

য়ুমলৈ-কৈরৈ মন্ত্রালয়না এপ্রিল ১৬তা থোকখিবা ৱারোল অমদা লোকদাউন মনুংদা কোমথোকপা তোঙান তোঙানবা সেক্তরগী থবকশিংগী মনুংদা ৱা থাবা অমসুং মসিগা মরী লৈনবা থবক কয়া পাংথোকপা য়াহনখিবা অসি মোদী সরকারনা ৱাগী সেক্তর খুমাং চাউশিনববু কয়া য়াম্না লুনা লৌবগে হায়বদু তাক্লবনি হায়না দাক্তর জিতেন্দ্র সিংহনা হায়খি।

ভারতকী চহীগী ওইনা তঙাইফদনা চংবা “অগরবত্তী” অসি চাউরাক্না ২,৩০,০০০নি অমসুং মসিগী কৈথেলগী ওইবা শেনফম অসি লুপা কোতি ৫০০০নি অমসুং মসিগা তাইওন্ননা ভারতনা য়াম্লবা ৱাশিং অসি চাইনা অমসুং ভিয়েৎনামগুম্বা লৈবাক্তগী ইম্পোর্ত তৌদুনা লাক্লি হায়না দাক্তর জিতেন্দ্র সিংহনা হায়খি। কোবিদকী মতম অসিগী মতুংদদি অৱাং নোংপোক্কী লমদমশিংনা হৌজিক ওইরক্লিবা অনৌবা অহোংবা কয়া অসিগী মতেংনা ভারতপু ৱাত্ত-পাদবা অমসুং মালেমগী লৈবাকশিংগা চাংদম্নবা ঙমহল্লগনি হায়না মহাক্না হায়খি।

 দাক্তর জিতেন্দ্র সিংহনা হায়খিবগী মতুং ইন্না অৱাং নোংপোক্কী চাউখৎ-থৌরাং মন্ত্রালয়না ইকুই কুইদনা ৱাগী পোত্থোকশিং শাবা অমসুং য়োন্নবা অখন্নবা মতমগী মনুংদা পাংথোক্কদা থবক থৌরম পরেং অমা শিল্লগনি অমসুং সেক্তর অসিদা পব্লিক প্রাইবেৎ পার্ত্নর্শিপ (পি.পি.পি.)গী খুদোংচাবা লৈহনবা য়ানবসু হোৎনরগনি। ৱা অসিদগী বাইও-দীজল অমসুং গ্রীন ফুএল, ৱুদন লম্বর অমসুং প্লাইৱুদনচিংবা য়াওনা তোঙান তোঙানবা পোত্থোকশিং শেমদোক শাদোকপা য়াই অমসুং মসিনা লৈবাক অসিগী শেনমিৎলোন্দা অনৌবা শক্তম অমা পীরগনি অমসুং তোঙান তোঙানবা সেক্তরশিংদসু ইম্প্লোইমেন্তকী খুদোংচাবা ময়াম অমা পীরগনি হায়না মহাক্না হায়খি।

দোনর মন্ত্রালয়গী স্পিসিএল সেক্রেতরী ইন্দিবর পান্দে, লৌউ-শিংউ মন্ত্রালয়গী এদিস্নেল সেক্রেতরী অলকা ভার্গব, দোনরগী জোইন্ত সেক্রেতরী রামবীর সিংহ, শৈলেন্দ্র চৌধরী, এম.দি. সি.বি.তি.সি. অমসুং নোর্থ ইস্ত হেন্দিক্রাফত অমসুং হেন্দলুম দিবেলপমেন্ত কোর্পোরেসন (এন.ই.ঐচ.ঐচ.দি.সি.) অমসুং হান্নগী মন্ত্রী ওইরম্বা অমসুং হৌজিক্না নেস্নেল বেম্বু মিসনগী মেম্বর অন্না সাহেব এম.কে. পাতিল য়াওনা কনক্লেব অদুদা ৱা ঙাংখি। কনক্লেব অদু সনজয় গঞ্জু, দাইরেক্তর জেনেরেল, ইন্দিয়ন ফেদেরেসন ওফ গ্রীন ইনর্জী (আই.এফ.জি.ই.)না ৱাতেম্বীখি।

****