ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ

ଭାରତରେ ଅଭିବୃଦ୍ଧି ତ୍ୱରାନ୍ୱିତ କରିବା ଉଦ୍ଦେଶ୍ୟରେ ଆର୍ଥିକ କ୍ଷେତ୍ର, ଢ଼ାଞ୍ଚାଗତ ଓ ଜନମଙ୍ଗଳ ପଦକ୍ଷେପ ସମ୍ପର୍କରେ ଆଲୋଚନା ପାଇଁ ପ୍ରଧାନମନ୍ତ୍ରୀଙ୍କ ବୈଠକ

प्रविष्टि तिथि: 02 MAY 2020 10:57PM by PIB Bhubaneshwar

ବର୍ତ୍ତମାନର ପରିସ୍ଥିତିରେ ଆର୍ଥିକ କ୍ଷେତ୍ର ପାଇଁ ଆବଶ୍ୟକ ହସ୍ତକ୍ଷେପ ତଥା ଅଭିବୃଦ୍ଧି ଏବଂ ଜନମଙ୍ଗଳ କାର୍ଯ୍ୟକ୍ରମକୁ ତ୍ୱରାନ୍ୱିତ କରିବା ଉଦ୍ଦେଶ୍ୟରେ ଢ଼ାଞ୍ଚାଗତ ସଂସ୍କାର ନେଇ ରଣନୈତିକ ଆଲୋଚନା ପାଇଁ ପ୍ରଧାନମନ୍ତ୍ରୀ ଏକ ବୈଠକ ଡକାଇଥିଲେ ।

ଅର୍ଥମନ୍ତ୍ରୀ ଓ ଅଧିକାରୀଙ୍କ ସହ ଅନୁଷ୍ଠିତ ହୋଇଥିବା ଏହି ବୈଠକରେ ପ୍ରଧାନମନ୍ତ୍ରୀ ଏମ୍ଏସ୍ଏମ୍ଇ ଓ ଚାଷୀମାନଙ୍କୁ ସହାୟତା, ନଗଦ ବୃଦ୍ଧି ଓ ଋଣ ପ୍ରଦାନ ସୁଦୃଢ଼ କରିବା ଉଦ୍ଦେଶ୍ୟରେ ରଣନୀତି ଓ ହସ୍ତକ୍ଷେପ ସମ୍ପର୍କରେ ଆଲୋଚନା କରିଥିଲେ । କୋଭିଡ-19 ପରିପ୍ରେକ୍ଷୀରେ ଆର୍ଥିକ ସ୍ଥିରତା ସୁନିଶ୍ଚିତ କରିବା ଏବଂ ଏହାର ପ୍ରଭାବରୁ ବ୍ୟବସାୟଗୁଡ଼ିକରେ ତତ୍କାଳ ସୁଧାର ଆଣିବା ଲକ୍ଷ୍ୟରେ ବାଟ ବାହାର କରିବା ପାଇଁ ମଧ୍ୟ ପ୍ରଧାନମନ୍ତ୍ରୀ ଆଲୋଚନା କରିଥିଲେ ।

ଶ୍ରମିକ ଓ ସାଧାରଣ ଜନତାଙ୍କ ଜନମଙ୍ଗଳ ସମସ୍ୟାର ସମାଧାନ ଉଦ୍ଦେଶ୍ୟରେ କୋଭିଡ-19 ଯୋଗୁ ସୃଷ୍ଟି ହୋଇଥିବା କଷ୍ଟକର ସ୍ଥିତିରୁ ବ୍ୟବସାୟଗୁଡ଼ିକୁ ସହାୟତା କରି ବହୁମାତ୍ରାରେ ନିଯୁକ୍ତି ସୁଯୋଗ ସୃଷ୍ଟି ପ୍ରସଙ୍ଗରେ ପ୍ରଧାନମନ୍ତ୍ରୀ ଆଲୋକପାତ କରିଥିଲେ ।

ଅତୀତରେ ନିଆଯାଇଥିବା ଢ଼ାଞ୍ଚାଗତ ସଂସ୍କାରକୁ ମଜବୁତ କରିବା ସହ କର୍ପୋରେଟ୍ ପ୍ରଶାସନ, ଋଣ ବଜାର ଓ ଭିତ୍ତିଭୂମି କ୍ଷେତ୍ରରେ ନୂଆ ଢ଼ାଞ୍ଚାଗତ ସଂସ୍କାର ପାଇଁ ମଧ୍ୟ ବୈଠକରେ ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ ।

କୋଭିଡ-19 କାରଣରୁ ନଷ୍ଟ ହୋଇଥିବା ସମୟକୁ ଭରଣା କରିବା ଲକ୍ଷ୍ୟରେ ନୂଆ ଭିତ୍ତିଭୂମି ପ୍ରକଳ୍ପ କାର୍ଯ୍ୟ ଆରମ୍ଭ ଏବଂ ଅନ୍ୟ ଭିତ୍ତିଭୂମି ପ୍ରକଳ୍ପଗୁଡ଼ିକର କାମକୁ ତ୍ୱରାନ୍ୱିତ କରିବା ଉପରେ ମଧ୍ୟ ପ୍ରଧାନମନ୍ତ୍ରୀ ଜୋର ଦେଇଥିଲେ । ନ୍ୟାସନାଲ ଇନଫ୍ରାଷ୍ଟ୍ରକଚର ପାଇପଲାଇନ୍ ଅଧୀନରେ ଚାଲିଥିବା ପ୍ରକଳ୍ପଗୁଡ଼ିକ ନେଇ ଉଚ୍ଚସ୍ତରରେ ବାରମ୍ବାର ସମୀକ୍ଷା କରାଯିବା ଉଚିତ ବୋଲି ସେ ଚାହାନ୍ତି, ଫଳରେ ପ୍ରକଳ୍ପରେ ବିଳମ୍ବକୁ ଏଡ଼ାଯାଇପାରିବ ଏବଂ ନିଯୁକ୍ତି ସୃଷ୍ଟି ହୋଇପାରିବ ।

ବିଭିନ୍ନ ମନ୍ତ୍ରଣାଳୟ ଦ୍ୱାରା ନିଆଯାଇଥିବା ସଂସ୍କାର ପଦକ୍ଷେପଗୁଡ଼ିକୁ ବିନାପ୍ରତିବନ୍ଧକରେ ଚାଲୁ କରିବା ସହ ପୁଞ୍ଜିନିବେଶ ଆଗମନ ଓ ମୂଳପୁଞ୍ଜି ସୃଷ୍ଟିରେ ରହିଥିବା ବାଧାକୁ ଦୂର କରିବାକୁ ସମୟବଦ୍ଧ ପଦକ୍ଷେପ ନେବା ସମ୍ପର୍କରେ ବୈଠକରେ ଆଲୋଚନା ହୋଇଥିଲା ।

ବୈଠକରେ ସ୍ୱରାଷ୍ଟ୍ର ମନ୍ତ୍ରୀ, ଅର୍ଥମନ୍ତ୍ରୀ, ଅର୍ଥ ମନ୍ତ୍ରଣାଳୟର ସଚିବମାନଙ୍କ ସମେତ ଭାରତ ସରକାରଙ୍କ ବରିଷ୍ଠ ଅଧିକାରୀ ଉପସ୍ଥିତ ଥିଲେ ।

 

**************


(रिलीज़ आईडी: 1620605) आगंतुक पटल : 245
इस विज्ञप्ति को इन भाषाओं में पढ़ें: English , Urdu , हिन्दी , Marathi , Bengali , Manipuri , Assamese , Punjabi , Gujarati , Tamil , Telugu , Kannada , Malayalam