হৌজিক লৈরিবা ফিবম অসিদা চাউখৎপা অমসুং নুংঙাইবা হেনগৎহন্নবা শেন-থুম অমসুং লৈঙাক্কী লমদা অহোংবশিং পুরক্নবগী মতাংদা লাল্লোংশিং খন্ননবা মীফম অমা প্রধান মন্ত্রীনা পাংথোকখ্রে।

শেল-থুম মন্ত্রীগা লোয়ননা পাংথোকখিবা মীফম অদুদা, এম.এস.এম.ই.শিং অমসুং লৌমীশিং শৌগৎনবা, লিকুইদিতী ফগৎহনবা অমসুং শেন্থং ফংহনবা হেনগৎহন্নবা লাল্লোংশিং প্রধান মন্ত্রীনা খন্নখি। কোবিদ-১৯ লাকপদগী শেন-থুমগী ফিবম মরা চেৎনা থম্নবা লম্বীশিং অমসুং চৈথেংশিংদগী ললোন-ইতিক্কী থবকশিং খোঙজেল য়াংনা হান্নগী ফিবমদা হল্লকপা ঙম্নবা পায়খৎকদবা থবকশিংগী মতাংদসু প্রধান মন্ত্রীনা খন্নখি।

কোবিদ-১৯না পীরিবা অৱাবশিং কোকহন্নবা ললোন-ইতিক্কী থবকশিংদা মতেং পাংদুনা থবক ফংবগী খুদোংচাবশিং শেমগৎতুনা শিন্মীশিং অমসুং মীচম মীয়ামগী য়াইফনবা থবক পায়খৎনবগী তঙাইফদবশিং অদু প্রধান মন্ত্রীনা মীফম অদুদা পুথোকখি।

মমাংগী অচৌবা অহোংবশিং হেন্না মপাঙ্গল কনখৎহনবা অমসুং কোরপোরেৎকী থবকশিং, শেন্থং ফংহনবা অমসুং ইনফ্রাস্ত্রকচর সেক্তরদা অনৌবা অহোংবশিং পুরক্নবগী তঙাইফদবা অদু প্রধান মন্ত্রীনা থমখি।

কোবিদ-১৯না মাংহনখিবা মতম মেনখৎনবা অনৌবা ইনফ্রাস্ত্রকচর প্রোজেক্তশিং থবক হৌনবা অমসুং ইনফ্রাস্ত্রকচর সেক্তরগী থবকশিং য়াংখৎহন্নবা অথুবা থবকশিং পায়খৎনবা প্রধান মন্ত্রীনা তকশিনখি। মতম থিন্থবা তৌদনবা অমসুং থবকশিং ফংহনবা ঙম্নবা নেস্নেল ইনফ্রাস্ত্রকচর পাইপলাইনগী মখাদা পায়খৎলিবা প্রোজেক্তশিং অৱাংবা থাক্তা য়াম্না তোইনা অমুক হন্না য়েংশিনবা মহাক্না পামখি।

তোঙান-তোঙানবা মন্ত্রালয়শিংনা পায়খৎলিবা অহোংবা পুরক্নবা থবকশিং মখা চৎথনবা মীফম অদুদা খন্নখি অমসুং শেন থাদবা অমসুং কেপিতেল শেম্বদা লাকপা অপনবশিং লৌথোক্নবা অকক্নবা মতমদা থবক পায়খৎনবা খন্নখি।

মীফম অদুদা য়ুমলৈ-কৈরৈ মন্ত্রী, শেল-থুম মন্ত্রী, ভারত সরকারগী সেনিয়র ওফিসিয়েলশিংগা লোয়ননা শেল-থুম মন্ত্রালয়গী সেক্রেতরীশিংনা শরুক য়াখি।

****