नवी दिल्ली-मुंबई, 2 मे 2020

(Contains Press releases concerning Covid-19, issued in last 24 hours, inputs from PIB Field Offices  andFact checks undertaken by PIB)

• देशात सर्वंकष आढावा घेतल्यानंतर व लॉकडाऊनच्या उपाययोजनांचा देशातल्या कोविड-19 विषयीच्या परिस्थितीत लक्षणीय फायदा झाल्याचे पाहून केंद्रिय गृह मंत्रालयाने आपत्ती व्यवस्थापन कायदा 2005 अंतर्गत आदेश जारी करून 4 मे 2020 पासून दोन आठवड्याच्या काळासाठी लॉकडाऊन वाढवला आहे.

• पंतप्रधान नरेंद्र मोदी यांनी उर्जा क्षेत्रासंदर्भात सविस्तर बैठक घेतली आणि कोविड-19 च्या परिणामाांचा आढावा घेतला. या क्षेत्राची शाश्वतता, लवचिकता आणि कार्यक्षमता वाढवण्यासाठी विविध दीर्घकालीन सुधारणांवरही त्यांनी चर्चा केली.

• भारतीय नागरी हवाई वाहतूक क्षेत्राला अधिक कार्यक्षम बनविण्यात मदत करू शकणार्‍या धोरणांचा आढावा घेण्यासाठी पंतप्रधान नरेंद्र मोदी यांनी सर्वसमावेशक बैठक घेतली. भारतीय हवाई अवकाशाचा परिणामकारक वापर करण्यात यावा जेणेकरून उड्डाण कालावधी कमी होऊन त्याचा फायदा प्रवाशांना होईल तसेच सैन्य व्यवहार विभागाच्या निकट सहकार्याने विमान कंपन्यांच्या खर्चातही बचत व्हायला मदत होईल, अशाप्रकारचा निर्णय यावेळी घेण्यात आला.

• पंतप्रधान नरेंद्र मोदी यांनी राष्ट्रीय शिक्षण धोरण (एनईपी) यासह शैक्षणिक क्षेत्रात आवश्यक असलेल्या सुधारणा व समस्यांवर चर्चा करण्यासाठी एक बैठक घेतली. ऑनलाईन वर्ग, शैक्षणिक पोर्टल व समर्पित शैक्षणिक वाहिन्यांवरील वर्गनिहाय प्रसारण यासारख्या तंत्रज्ञानाचा वापर करून शिक्षण वृद्धिंगत करून या क्षेत्रात तंत्रज्ञानाचा वापर वाढवण्यावर विशेष भर देण्यात आला.

• कृषी क्षेत्रात आवश्यक असलेल्या सुधारणा व या क्षेत्राशी संबंधित समस्या तसेच इतर मुद्यांवर चर्चा करण्यासाठी पंतप्रधान नरेंद्र मोदी यांनी आज एक बैठक घेतली. या बैठकीत, कृषी विपणन, विपणनयोग्य अतिरिक्त मालाचे व्यवस्थापन, संस्थात्मक पतव्यवस्थेत शेतकऱ्यांना प्रवेश देणे व कायद्याच्या आधारे कृषी क्षेत्राला विविध बंधनांतून मुक्त करण्याचा प्रयत्न, या मुद्यांवर भर देण्यात आला.

आरोग्य मंत्रालयाची कोविड-19  घडामोडींवरील माहिती

कोविड-19या साथीच्या रोगाच्या प्रसाराला आळा घालणे, प्रतिबंध आणि व्यवस्थापन यासाठी केंद्र सरकार राज्ये आणि केंद्रशासित प्रदेशांच्या मदतीने सातत्याने एकत्रितपणे आणि सर्व स्तरावर उपाययोजना करत आहे. या सर्व उपाययोजना आणि व्यवस्थापनावर सर्वोच्च पातळीवर नियमित देखरेख ठेवली जात आहे.

PPE सूट्सचा (म्हणजेच पर्सनल प्रोटेक्टिव्ह इक्विपमेंट--शारिरिक संरक्षक परिधानाचा) योग्य वापर कसा करावा याबाबत केंद्रीय आरोग्य आणि कुटुंब कल्याण मंत्रालयाने काल अतिरिक्त मार्गदर्शक सूचना जारी केल्या आहेत. याआधी मंत्रालयाने, “पर्सनल प्रोटेक्टीव्ह इक्विपमेंटचा सुसंगत वापर” या नावाने जारी केलेल्या मार्गदर्शक सूचनांचाच हा पुढचा भाग आहे. या सर्व मार्गदर्शक सूचना बघण्यासाठी येथे क्लिक करा:

https://www.mohfw.gov.in/pdf/AdditionalguidelinesonrationaluseofPersonalProtectiveEquipmentsettingapproachforHealthfunctionariesworkinginnonCOVIDareas.pdf

आतापर्यंत देशभरात कोविड-19 चे 9950 रुग्ण बरे झाले आहेत. गेल्या 24 तासात 1061, रुग्ण उपचारानंतर बरे झाल्अयाचे आढळले आहे. रुग्ण बरे होण्याचा दर 26.65 टक्के इतका आहे. सध्या देशात कोरोनाच्या एकूण रुग्णांची संख्या, 37,336 इतकी आहे. कालपासून देशात कोविडच्या 2293 नव्या रुग्णांची नोंद झाली आहे.

कोविड19 संदर्भात कुठलीही अधिकृत आणि ताजी आकडेवारी/माहिती हवी असल्यास, तसेच काही मार्गदर्शक तत्वे अथवा सूचना बघायच्या असल्यास, कृपया खालील संकेतस्थळाला भेट द्यावी : https://www.mohfw.gov.in/.

तांत्रिक गोष्टींच्या माहितीसाठी संपर्क साधायचा असल्यास, या ईमेल आय डी वर साधावा: technicalquery.covid19[at]gov[dot]in आणि इतर शंका/समस्यांसाठी ईमेल आयडी- ncov2019[at]gov[dot]in .

कोविड19 संदर्भात इतर माहितीसाठी दूरध्वनी क्रमांक (हेल्पलाईन): +91-11-23978046 or 1075 (Toll-free). सर्व राज्ये आणि केंद्रशासित प्रदेशांच्या हेल्पलाईन्सची यादी सोबत जोडली आहे. https://www.mohfw.gov.in/pdf/coronvavirushelplinenumber.pdf.

इतर अपडेट्स :

• गृह मंत्रालयाने जारी केलेल्या मार्गदर्शक सूचनांनुसार लॉकडाउनमुळे विविध ठिकाणी अडकलेल्या स्थलांतरित मजूर, यात्रेकरू, पर्यटक, विद्यार्थी व अन्य व्यक्तींना त्यांच्या इच्छित स्थळी हलवण्यासाठी 'कामगार दिनापासून' श्रमिक विशेष गाड्या सुरु करण्याचा निर्णय घेण्यात आला आहे.

• कोविड– 19 विषाणू संसर्गाचे देशभरातील वाढते प्रमाण लक्षात घेऊन सर्व प्रवासी गाड्यांच्या वाहतुकीवर लावलेले निर्बंध 17 मे पर्यंत वाढवायचा निर्णय रेल्वे मंत्रालयाने घेतला आहे; मात्र, विविध राज्य सरकारांनी केलेल्या मागणीनुसार त्या त्या राज्यातील स्थलांतरित मजूर, यात्रेकरू, पर्यटक, विद्यार्थी आणि विविध ठिकाणी अडकून पडलेले इतर लोक यांना त्यांच्या इच्छीत स्थळी पोहोचविण्यासाठी विशेष श्रमिक गाड्या चालविण्यात येणार आहेत.

• देशातील कोविड -19 ची परिस्थिती नियंत्रणात ठेवण्यासाठी केलेल्या लॉकडाऊन उपायांचा सविस्तर आढावा घेतल्यानंतर 4 मे 2020 पासून लॉकडाऊनला आणखी दोन आठवड्यांसाठी मुदतवाढ देण्याचा आदेश केंद्रीय गृह मंत्रालयाने काल दिला; त्यानुसार ऑरेंज झोनमधील व्यक्ती व वाहनांच्या हालचालींबाबतचा गोंधळ दूर करण्यासाठी स्पष्टीकरण इथे पहा:- https://pib.gov.in/PressReleasePage.aspx?PRID=1620415 (मराठी)

• ISO-9001 मानांकित गरुडा एरोस्पेस कंपनीने सार्वजनिक जागा, रुग्णालये व उंच इमारतींच्या स्वच्छता कामात मदत करण्यासाठी स्वयंचलित जंतुनाशक मानवरहित हवाई वाहन (युएव्ही) विकसित केले आहे. ‘कोरोना-किलर’ नाव असणाऱ्या या ड्रोनचा वापर 450 फुटांपर्यंतच्या इमारतींवर जंतुनाशक फवारणी करण्यासाठी केला जाऊ शकतो.

• केंद्रीय प्रशासनिक न्यायाधिकरण अर्थात कॅटने अपल्या प्रधान पीठाचे तसेच देशभरातल्या त्याच्या इतर शाखांचे कार्यान्वयन, लॉकडाऊन अर्थात टाळेबंदीच्या पार्श्वभूमीवर पुढील आदेश येईपर्यंत थांबवले आहे.

• लाइफलाइन उडान या योजनेअंतर्गत आत्तापर्यंत एकूण 422 उड्डाणे केली आहेत. यापैकी अलियान्स व एअर इंडियाने 244 उड्डाणे करत आत्तापर्यंत 790.22 टन मालाची विमान वाहतुक केली आहे.

महाराष्ट्र अपडेट्स

• महाराष्ट्रामध्ये दिवसभरात आजवरच्या 1,003 नविन रूग्णांची भर पडली असून एकट्या मुंबईमध्ये 741 कोरोना बाधित रूग्णांची नोंद झाली आहे. याशिवाय राज्यात आजवरचे सर्वाधिक 26 रूग्ण मृत्यूमुखी पडले आहेत; यासह राज्यातील एकूण मृतांची संख्या आता 485 झाली आहे. राज्यातील एकूण रूग्णांची संख्या 11,506. मुंबईमधील एकूण रूग्णांची संख्या 7,625.

• महत्वाचे म्हणजे महाराष्ट्र सरकारने अशी घोषणा केली आहे की सद्य परिस्थितीमध्ये केवळ गरीबांसाठी असलेली महात्मा ज्योतिबा फुले जन आरोग्य योजना (MJPJAY) आता सर्व रहिवासी दखला व रेशन कार्ड धारकांना लागू असेल. यामध्ये रुपये 1.5 लाखापर्यंतचे 1000 उपचार, राज्यातील 900 निर्धारित रुग्णालयांमध्ये घेता येतील.

DJM/RT/SP/MC/PK

***

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com