নেস্নেল এজুকেসন পোলিসী (এন.ই.পি.) য়াওনা এজুকেসন সেক্তরদা দরকার ওইরিবা থবকশিং অমসুং অহোংবশিংগী মতাংদা কুপ্না খন্ননবা মীফম অমা ঙসি প্রধান মন্ত্রী নরেন্দ্র মোদীনা পাংথোকখ্রে। এজুকেসন সেক্তরদা তেক্নোলোজী শীজিন্নবা অমসুং ওন-লাইন ক্লাসশিং, এজুকেসন পোর্তেল অমসুং অখন্নবা এজুকেসনগী চেন্নেলশিংদা ক্লাসশিংগী থৌরম শন্দোক্তুনা লাইরিক তাকপী-তম্বীবগী থবক হেনগৎহন্নবগী মতাংদা মরুওইনা খন্নখি।

অফবা মগুন লৈবা এজুকেসন ফংহন্দুনা, ইলিমেন্তরী এজুকেসনগী মগুন হেনগৎহন্দুনা, লোল কয়াদা মীৎয়েং চংবা অনৌবা নেস্নেল করিকুলম ফ্রেমৱার্ক অমগী খূৎথাংদা, ২১শুবা চহিচাগী লৌশিং কয়া, শান্নবা অমসুং কলা পুনশিনবা, অকোয়বগী ফিবমগী ৱাফমশিংগী মান্নবা এজুকেসন ফংহন্নবা মীফম অদুদা মরুওইনা খন্নখি। ওনলাইন মোদ, তি ভি চেন্নেলশিং, রেদিও, ব্রোর্দকাস্তশিং য়াওনা স্কুল অমসুং অৱাংবা থাকশিংদা তোঙান-তোঙানবা মখলগী লাইরিক তম্বীবগী মওংশিংদা তেক্নোলোজী শীজিন্নবা অমসুং শীজিন্নবা হেনগৎহন্নবগী মতাংদা খন্নখি। ভারতকী কলচর অমসুং চৎনবীদা হৌজিক ওইরিবা ফিবম অসি মমি তাহন্দুনা, ভারতকী লাইরিক-লাইশু তম্বগী থাক অসি মালেমগী খ্বাইদগী ফবা থাকশিংগা মান্ননা থম্নবা অৱাংবা থাক্কী মহৈ-মশিং তম্বগী হৌজিক লৈরিবা ফিবম অওনবা পুরক্নবা খন্নখি। পুম্নমক অসিগী মথক্ত, পীক্লিবা অঙাংশিং চেকশিনবা অমসুং লাইরিক তম্বীবা, লাইরিক ময়েক অমসুং মশীং খঙহনবা, হৌজিক চৎনরিবা লাইরিক তাকপী-তম্বীবগী মওংদা চুশিন্নহনবা, ঙন্না ভোকেসনেল এজুকেসন ফংহন্দুনা পাকচাউরবা ভারতকী কলচর অমসুং লোন ঙাক্নবা হোৎনবদা অখন্নবা মীৎয়েং থমখি। 

মী খুদিংমক্ত অৱাংবা থাক্কী মহৈ-মশিং ফংহন্দুনা লৌশিং লৈনবা খুন্নাই অমা ওইহন্দুনা ভারত অসি ‘মালেমগী লৌশিংগী সুপর পাৱর’ অমা শেমগৎনবা এজুকেসনগী অহোংবশিং পুরক্নবা মীফম অদুদা ৱারেপ লৌখি।

হায়রিবা পান্দমশিং অসি ফংবা ঙম্নবা অমসুং এজুকেসনগী লমদা মতিক চাবা লৈঙাক অমা লৈহনবা ঙম্নবা আর্তিফিসিয়েল ইন্তিলিজেন্স য়াওনা তেক্নোলোজি শীজিন্নবা পুক্নিং থৌগৎকদবনি।

****