রোদ ত্রান্সপোর্ত অমসুং হাই্ৱেগী কেন্দ্র মন্ত্রী এম.স.এম. ই. শ্রী নীতিন গদকরীনা নাগপুরদগী ভিদিও কনফরেন্স তৌদুনা এম.এস.এম.ই.গী রাজ্য মন্ত্রী শ্রী প্রতাপ চন্দ্র সারঙ্গীগা লোয়ননা এম.এস.এম.ই.গী সেক্রতরী দা.অরুন কুমার পান্দা অমদি এম.এস.এম.ই.গী দি.সি. শ্রী রাম মোহন মীশ্রা অমসুং অতৈ সেনিয়র ওফিসরশিং য়াওনা ঙসি স্কীমশিংগী বেঙ্ক, আইদিয়াশিং, ইন্নোভেসনগী  অমদি রিসর্চ পোর্তেল (http://ideas.msme.gov.in/) লোঞ্চ তৌখ্রে। পোর্তেল অসিনা কেন্দ্র, রাজ্য অমদি য়ুনিয়ন তেরিতোরীশিংগী সরকারশিংগী স্কীমশিং উবা ফংহল্লি। মসিদা সেক্তর অদুগী আইদিয়াশিং, ইন্নোভেসনশিং অমদি রিসর্চশিং অপলোদ তৌবগী থৌরাং লৈ। পোর্তেল অসিদা আইদিয়াশিং ক্রাউদ সোর্সিংখক্তা নত্তনা ক্রাউদ সোর্সিংনা আইদিয়াশিং অদু ইভালুএসন অমদি রেতিং তৌবা য়াবগী ফিচরশিং য়াওই। মসিনা খুদোংথিনীংঙাই ওইবা মওংদা শেন পুথোকপা , মীরৈবাক্কা খুৎশম্নবনচিংবা মায়োক্নবা ঙম্মি।

পোর্তেলগী মতাংদা হায়রদুনা শ্রী নীতিন গদকরীনা মসিগী পোর্তেল অসিনা নীংথিজবা মওংদা এম.এস.এম.ই.শিংদা তাংদাংবা অমদি ময়ামগী ওইবা মওংগী শেন্মিৎলোন্দা চাউনা অহোংবা ঙমগনি হায়খি। মসি য়াম্না অফবা খোংথাং অমনি হায়না গদকরীনা মখা তাখি। ই-পাউশিং অমদি  কাংলুপ নাইনা খাইদোক্লগা নৈনবা অমদি মায় পাক্লবা থবকশিংদগী অতৈ মীশিংনা পারাশিং তম্বা/লৌবা য়ানবা  ফোংবা য়াবা ফংলকপা এচিভমেন্তশিংগী ৱাফমসু থমখি। শ্রী গদকরীনা পোর্তেল অসি মতিং লৈরবা প্রোফেস্নেলশিংনা মচং ওইবা মওংদা অপদেত তৌহনগদবনি হায়না পাউতাক পীখি। মহাক্না গ্যান্দগী লন্দা ওন্থোকপগী মথৌ তাই হায়না অকনবা চিংশিন্দুনা হায়খি। শ্রী গদকরীনা মমল হন্থহনবা য়াবা অমদি ক্বালিতী ফগৎহনবা য়াবা রিসর্চ, তেক্নোলোজী, ইন্নোভেসনগী থবক হেন্না তৌবগী মথৌ তাই হায়খি।

এম.এস.এম.ই.গী রাজ্য মন্ত্রী শ্রী প্রতাপ চন্দ্র সারঙ্গীনা মসিগী পোর্তোল অসিনা ই-পাও লৌথোক-লৌশিন তৌনদুনা চএম.এস.এম.ই.বু চাউনা মতেং পাংলগনি। মসিনা খুঙ্গংগী লৈরিবা মীশিংদা গ্যাননা রিসর্চতা মতেং ওইহনগনি অমদি হৈথোই-শিংথোইবনা মখোয়গী গ্যান অদু শন্দোকপদা তাঞ্জা অমা ফংলগনি হায়না মহাক্না হায়খি। মতৌ অসিগুম্না, মসিনা লৌউবশিংনা থৌরাং তৌবদা, পোত্থোক পুথোকপদা, তুংদুনা থমজিনবদা অমদি মখোয়না পুথোকপা পোত্থোকশিং অদু কৈথেলদা য়োনবদা মতেং ওইগনি।

কনাগুম্বগীদা আইদিয়া, ইন্নোভেসন নত্ত্রগা রিসর্চ তৌবা য়ুজরশিংনা মহাক্না মসিগী প্লেতফোর্ম অসিদা শেয়র তৌরকপা য়াই অদুগা মদুবু মরী লৈনবা ওফিসরনা য়েংশিল্লগা ময়াম্না উবা ফংননবা ফোংগনি। রেজিস্তর তৌরবা য়ুজরশিংনা মসিগী আইদিয়াশিং(ক্রাওদ সোর্সিং) অসিগী চাং ওনবা য়াই অমদি খুদোংথীনিীংঙাই ওইবা মওংদা  শেন থাদরিবা মীবু আইদিয়া, ইন্নোভেসন অমদি রিসর্চ তৌবা য়ুজরগা শমজিন্নবা য়াই।  

আইদিয়া, ইন্নোভেসন অমদি রিসর্চকী ওনলাইন ফোর্ম অসি মিনিত ৪-৫দা ইরায়-লাইনা মেনশিনবা য়াই। মী অদুনা এরিয়া(ক্রেদিত/ফাইনান্স, হ্যুমেন কেপিতেল দিভেলপমেন্ত, তেক্নোলোজী, ইনফ্রাস্ত্রকচর, মার্কেতিং, পোলিসীনচিংবশিং) অসি মশানা খঞ্জবা য়াই। 

মীওই অদুনা মাগী সেক্তর(রুরেল তেক্নোলোজী ইন্নোভেসন, ৱেস্ত তু ৱেল্থ, এগ্রো-প্রোসেসিং, মেনুফেকচরিং, সর্ভিসেস, খাদী, কোইরনচিংবা) তাকপা য়াই।

য়ুজরশিংদা হেন্না নুংঙাইনবা পোর্তেল অসিদা আইদিয়া(কন্সেপ্ত, প্রোতোতাইপ নত্রগা কম্মর্সিএলাইজ)গী তাঙ্কক অদু তাক্নবগী খুদোংচাবা লৈ। আইদিয়াসিগা মরী লৈনবা চেশিং অমসুং ফোতোশিং অমদি ভিদিও অমসুং সোসিএল মেদিয়াগী লিঙ্কশিং অপলোদ তৌবা য়াই।

মসিগী পোর্তেল অসিনা কম্মর্সিএলাইজেসনগীদমক শেম্লবা আইদিয়াশিং, ইন্নোভেসন অমদি রিসর্চকী ৱান-স্তোপ কম্পেন্দিয়মগী মওংদা ইন্তর্প্রেন্যুরশিং ওইরক্কদৌরিবশিংদা কান্নহনগনি। ৱারেপ লৌবদা মতেং ওইনবা আইদিয়াগী রেতিং ওনবা অদু ময়াম্না উবা ফংগনি। খুদোংথীনিংঙাই ওইবা মওংদা শেন পুথোকখিবাশিংনা আইদিয়া অমদি ইন্নোভেসন লৈবা মী অমসুং এম.এস.এম.ই.গা পাও ফাওনবা য়াগনি। মতৌ অসিগুম্না বেঙ্কসিং, তুংদা সরকারগী লেবোরেতরীশিং, ইনক্যুবেতরশিং, মীরৈবাক্কা খুৎশম্ননবগী হাপচিন্নবা ওপ্সনশিং য়াওরি।

****