প্রধান মন্ত্রী নরেন্দ্র মোদীনা কোবিদ-১৯গী বেকদ্রোপতা ইকোনোমীদা ইনোৎ পীনবা মাইন অমসুং কোল সেক্তরশিংদা পোতেন্সিয়েল ইকোনোমিক রিফোর্মশিং খন্ন-নৈননবা মীফম অমা পাংথোকখ্রে। খন্ন-নৈনবা অদুদা দোমেস্তিক রিসোর্সশিংদগী মিনরেল রিসোর্সশিং লায়না অমসুং মরাং কায়না ফংহনবা, এক্সপ্লোরেসন হেঙ্গৎহনবা, ইনভেস্তমেন্ত অমসুং মোদর্ন তেক্নোলোজীগী পুক্নিং চিংশিনবা, ত্রান্সপরেন্ত অমসুং ইফিসিয়েন্ত প্রোসেসশিংগী থোংদা য়াম্না চাউনা এম্প্লোইমেন্ত জেনরেৎ তৌবা য়াওরি।

অহেনবা ব্লোকশিং ওক্সন তৌবা, ওক্সনদা শরুক য়াবা হেঙ্গৎহনবা, মিনরেল রিসোর্সশিংগী প্রদক্সন হেঙ্গৎপা, মাইনিংগী মমল অমসুং ত্রান্সপোর্তেসনগী মমল হন্থবা, ইজ ওফ দুইং বিজিনেস হেঙ্গৎপা অমদি ইনভাইরনমেন্ত সস্তেনেবল দিবেলপমেন্তকা লোয়ননা কার্বোন ফুৎপ্রিন্ত হন্থবা অসিসু খন্ন-নৈনখিবা অদুগী মরুওইবা শরুকশিংনি।

ওক্সন স্ত্রকচর, ইফিসেন্ত ইন্সতিত্যুস্নেল এরেঞ্জমেন্তশিং, এক্সপ্লোরেসন অমসুং মাইনিংদা প্রাইবেৎ সেক্তরনা শরুক য়াবা, পব্লিক সেক্তরবু হেন্না কম্পিতিতিব ওইনবদা রিফোর্মশিংগী মরী লৈনবা ইসশিংসু খন্ন-নৈনখি। দোমেস্তিক সপ্লাইশিংগীদমক সমুদ্রগী লম্বীশিং শিজিন্নবা য়াওনা মিনরেশিংগীদমক ইভাক্যুয়েসন ইনফ্রাস্ত্রকচর হেন্না পাকথোক-চাউথোকহনবা অমসুং ফগৎহনবসু খন্ন-নৈনখি।

পোতেন্সিয়েল রিফোর্মশিংগীদমক মাইনশিংদগী রেলৱে স্লাইদিং ফাওবা কোল ত্রান্সপোর্তকীদমক ইফিসিয়েন্ত অমসুং এনভাইরনমেন্তেল্লী কনেক্তিবিতী হেঙ্গৎহনবগা মরী লৈনবা হিরমশিং, রেল ৱেগোনশিংদা ওতোমেতিক লোদিং, কোল গ্যাসিফিকেসন অমসুং লিক্বুইদিফিকেসন, কোল বেদ মিথেন এক্সপ্লোরেসনদসু খন্ন-নৈনখি।

প্রধান মন্ত্রী নরেন্দ্র মোদীনা এম্প্লোইমেন্ত ওপোর্চুনিতীশিং হেঙ্গৎপা অমসুং গ্রোথতা ইনোৎ পীবদা মাইন সেক্তরগী থৌদাংসু য়েংশিনখি। প্রধান মন্ত্রীনা মিনরেলশিংগী প্রদক্সন অমসুং মদুবু লৈবাক মনুংদা প্রোসেস তৌবদা লৈবাক অসিগী সেল্ফ রিলায়েন্স ফগৎহনবদা অখন্নবা মিৎয়েং থমখি। মিনরেল সেক্তরনা মসিগী ওপরেসনশিং ইন্তর্নেস্নেল থাক্তা বেঞ্চমার্ক তৌগদবনি হায়না মহাক্না মখা তাখি অমদি এক্সন প্লান অমা শেম-শানবা মখোয়দা পাউতাক পীখি। ইফিসিয়েন্ত মাইনিংগীদমক মোদর্ন তেক্নোলোজীশিং শিজিন্নবদা মহাক্না অকনবা ৱাফম থমখি। চহি অসিদা লৈবাক অসিদা অচৌবা কোল স্তোক ইনভেন্তরী অমা লৈরিবা মতম অসিদা থর্মেল কোল ইম্পোর্ত সবস্তিত্যুসন তার্গেৎ তৌনবা মহাক্না পাউতাক পীখি।

****