কোবিদ-১৯গী তানফমসিনা মরম ওইদুনা লৈবাক শিনবা থুংনা অথিংবা লৈরিঙৈ মরকসিদা জনঔসধী মোবাইল এপনা মীয়ামদা মখোয়গী খ্বায়দগী নকপা প্রধান মন্ত্রী জনঔসধী কেন্দ্র (পি.এম.জে.এ.কে.) থিবদা অমদি জেনেরিক হিদাকশিং মমলগা লোয়ননা ফংই ফংদে খঙহনবদা চাউনা মতেং ওইরি‍।

মীওই ৩২৫০০০ হেনবনা জনঔসধী মোবাইল এপ শিজিন্নদুনা মদুনা পীরিবা মখল কয়াগী কান্নবশিং লৌরি‍। কঞ্জ্যুমরশিংগী পুন্সি মহিংদা হেন্না খুদোং চাহনবদা দিজিতেল তেক্নোলোজী শিজিন্ননবা অমদি জনঔসধী কেন্দ্রশিং থিবা, জনঔসধী কেন্দ্রশিং অদুগী মফম গুগল মেপকী খুত্থাঙদা মায়কৈ তাকপা, জেনেরিক হিদাকশিং থিবা, জেনেরিক অমদি ব্রান্দেদ হিদাকশিংগী মমল অমদি শেন ওইজবনচিংবা হীরমশিংদা চাংদম্নবা অসিগুম্লবা মখল কয়াগী শিজিন্নবদা নুংঙাইরবা খুদোংচাবশিং য়াওরবা দিজিতেল ফম্বাক অমা মীয়ামদা মখোয়গী খুদোম্বীদা ফংহনবা হায়বা ৱাখল্লোনদা ভারত লৈঙাক্কী কেমিকেল অমসুং ফর্তিলাইজর মন্ত্রালয়গী দিপার্তমেন্ত ওফ ফার্মাস্যুতিকেলগী মখাদা লৈবা ব্যুরো ওফ ফার্মা পি.এস.য়ু. ওফ ইন্দিয়ানা প্রধান মন্ত্রী ভারতীয় জনঔসধী পরিয়োজনাগী মোবাইল এপ অসি শেমবনি‍।

জনঔসধী সুগম মোবাইল এপ অসি এন্দ্রোইদ অমসুং আই-ফোন ফম্বাক অনিমক্তা ফংই‍। মসি গুগল প্লে স্তোর অমসুং এপল স্তোরদগী মমল য়াওদনা লৌথবা য়াগনি‍।

কোবিদ-১৯ লান্থেংনবদা ভারত লৈঙাক্না লৈবাকসিগী মীপুম খুদিংমক্তা মতিক লৈবা জেনেরিক হিদাক ৯০০ অমসুং সর্জিকেল খুৎলায় অমদি অতৈ মচাক ১৫৪গী মথক্তা অতাবা মমলদা ফংহল্লি‍বা পি.এম.বি.জে.পি.গুম্বা শিংথানীংঙাই ওইরবা স্কিমশিংগী খুত্থাঙদা হকশেলগী থৌওং থৌশিল অসিদা অচৌবা অহোংবা অমা পুরক্লি‍।

হৌজিক হৌজিকমক পি.এম.জে.এ.কে. ৬৩০০ হেনবনা লৈবাকসিগী দিস্ত্রিক্ত ৭২৬ কোনশিন্দুনা মথৌ তৌরি‍। অথিংবা লৈরিঙৈ তাল্লকসিদা পি.এম.বি.জে.পি.না মীয়ামবু কোরোনাভাইরসতগী ঙাকথোক্নবা মখোয়গী সোসিয়েল মীদিয়াদা কান্নবা মচাকশিং য়াওবা পোস্তশিং থাগত্তুনা মীয়ামদা লৌশিং পীরি‍।

*****