ରସାୟନ ଓ ସାର ମନ୍ତ୍ରଣାଳୟ
3,25,000ରୁ ଅଧିକ ଲୋକ ବ୍ୟବହାର କରୁଛନ୍ତି ଜନୌଷଧି ସୁଗମ ମୋବାଇଲ ଆପ
• ଲକଡାଉନ ସମୟରେ ଜନୌଷଧି କେନ୍ଦ୍ର ଠାବ କରିବାରେ ସହାୟକ ହେଉଛି ଏହି ଆପ
Posted On:
30 APR 2020 11:52AM by PIB Bhubaneshwar
କରୋନା ମହାମାରୀ ପରିପ୍ରେକ୍ଷୀରେ ଦେଶବ୍ୟାପୀ ଜାରି କରାଯାଇଥିବା ଲକଡାଉନ ସମୟରେ ଜନୌଷଧି ସୁଗମ ମୋବାଇଲ ଆପ ଲୋକଙ୍କୁ ବିଶେଷ ସାହାଯ୍ୟ କରୁଛି । ନିଜ ଘର ପାଖରେ ପ୍ରଧାନମନ୍ତ୍ରୀ ଜନୌଷଧି କେନ୍ଦ୍ର କେଉଁଠି ଅଛି ତାହା ଠାବ କରିବାରେ ଏହି ଆପ ସହାୟକ ହେଉଛି । ଏସବୁ ଜନୌଷଧି କେନ୍ଦ୍ରରୁ ଲୋକଙ୍କୁ ସୁଲଭ ମୂଲ୍ୟରେ ଔଷଧ ଯୋଗାଇ ଦିଆଯାଉଛି ।
ଏବେ 3,25,000ରୁ ଅଧିକ ଲୋକ ଏହି ଜନୌଷଧି ସୁଗମ ମୋବାଇଲ ଆପ ବ୍ୟବହାର କରୁଛନ୍ତି ଓ ଏହା ସେମାନଙ୍କ ଆବଶ୍ୟକତା ପୂରଣ କରୁଛି । ଜୀବନକୁ ସହଜ ଓ ସୁଗମ କରିବାକୁ ସରକାର ନୂଆ ଟେକ୍ନୋଲଜିର ବ୍ୟବହାର ଏବଂ ପ୍ରସାର ଉପରେ ଗୁରୁତ୍ୱ ଦେଉଛନ୍ତି । ତଦନୁସାରେ ଏହି ନୂଆ ମୋବାଇଲ ଆପ ଜନୌଷଧି ଉପଭୋକ୍ତାଙ୍କ ପାଇଁ ବିକଶିତ କରାଯାଇଛି । ପ୍ରଧାନମନ୍ତ୍ରୀ ଭାରତୀୟ ଜନୌଷଧି ପରିଯୋଜନା (PMJAK)ରେ ବ୍ୟୁରୋ ଅଫ ଫାର୍ମା ପିଏସୟୁ ଏହାକୁ ତିଆରି କରିଛି । ଏହି ସଂସ୍ଥା ଭାରତ ସରକାରଙ୍କ ରସାୟନ ଓ ସାର ମନ୍ତ୍ରଣାଳୟ ଅଧୀନରେ କାମ କରୁଛି ।
ଏହି ମୋବାଇଲ ଆପରେ ଉପଭୋକ୍ତାଙ୍କ ପାଇଁ ବିଭିନ୍ନ ପ୍ରକାର ତଥ୍ୟ ପାଇବାର ବ୍ୟବସ୍ଥା କରିଛି । କେଉଁ ସ୍ଥାନରେ ଜନୌଷଧି କେନ୍ଦ୍ର ରହିଛି, ସେଠି ପହଞ୍ଚିବାକୁ କେଉଁ ରାସ୍ତାରେ ଯିବାକୁ ହେବ ତାହା ଜାଣିବା ପାଇଁ ଗୁଗୁଲ ମ୍ୟାପ ଦ୍ୱାରା ସୂଚିତ କରାଯାଉଛି । ଜନୌଷଧି କେନ୍ଦ୍ରରେ କେଉଁ କେଉଁ ଜେନେରିକ ଔଷଧ ମିଳୁଛି ତାହାର ତାଲିକା, ବ୍ରାଣ୍ଡେଡ ଔଷଧ ଓ ଜେନେରିକ ଔଷଧ ମଧ୍ୟରେ ତୁଳନାତ୍ମକ ତଥ୍ୟ ଏବଂ ମୂଲ୍ୟ ଆଦି ଏହି ମୋବାଇଲ ଆପରେ ଉପଲବ୍ଧ ।
ଉଭୟ ଆଣ୍ଡ୍ରଏଡ ଓ ଆଇ-ଫୋନ ପ୍ଲାଟଫର୍ମରେ ଜନୌଷଧି ସୁଗମ ମୋବାଇଲ ଆପ ଉପଲବ୍ଧ । ଏହାଛଡା ଗୁଗୁଲ ପ୍ଲେଷ୍ଟୋର ଓ ଆପଲ ଷ୍ଟୋରରୁ ମଧ୍ୟ ଏହାକୁ ବିନା ମୂଲ୍ୟରେ ଡାଉନଲୋଡ କରିହେବ ।
***************
(Release ID: 1619516)
Visitor Counter : 207
Read this release in:
Punjabi
,
Tamil
,
Kannada
,
English
,
Urdu
,
Hindi
,
Marathi
,
Bengali
,
Manipuri
,
Gujarati
,
Telugu
,
Malayalam